Tu âs cirût la peraule
bilengâl monolengâl
Tu âs cirût la peraule
buon'anima
torne indaûr

bilengâl

buon'anima
  • 1

    loc.adi. biât, puar, biel, recuie, cjâr, buine anime Copie

    [CO] (che al è muart)
    Lucia buon'anima = Luzie recuie oppure puare Luzie
    mio nonno buon'anima = gno von recuie oppure buine anime
    tua zia buon'anima = biade tô agne

monolengâl

puar adi., s.m.
(pu-ar)
Che, cui che al à pôcs mieçs par vivi o no 'nd à dal dut
sinonims
bisugnôs, misar, miserevul
esemplis
"la int e pensave che la fam, pai puars, e fos une cundizion umane normâl e stabile. Che se no - se i puars a vessin mangjât vonde - ce puars saressino stâts!"
gjavât fûr di "I furlans e la fam" di Riedo Pup
"o vês cjapâts i miôr par voaltris e o vês lassât il scart pai puars sotans"
gjavât fûr di "Int di masnade" di Alviero Negro
"a san che o soi vedue e puare come il pedoli"
gjavât fûr di "La fuiace de Madone" di Catarine Percude
Viôt ancje: puôr, povar, pover, pûr, puer, pôr, puor
puar adi.
(pu-ar)
Di une comunitât, di un stât e sim., cun pocje disponibilitat di risorsis
sinonims
misar, sotsvilupât, indaûr
esemplis
" sostignî i programs dal Unicef pai fruts dai Paîs plui puars dal mont"
gjavât fûr di "A Tavagnà si jude il furlan" di Erika Adami
puar adi.
(pu-ar)
Che al à pocje cuantitât di alc
sinonims
mancjant, misar, penuriôs
esemplis
"un teren rubefat, decalcificât, plen di idrâts feroaluminics e puar di sostance organiche"
gjavât fûr di "Pantianins - Torint Cuar" di Aministrazion Publiche
puar adi.
(pu-ar)
Di pôc valôr, di pocje fuarce, di pôc efiet e v.i. (fig.)
sinonims
flap, lami, mauc, sclagn, sterp
esemplis
"e sarès stade une leç avonde puare e gjeneriche, pôc impegnative sedi te normative che te part finanziarie"
gjavât fûr di "Memoriis di politiche linguistiche" di Adrian Cescje
puar adi., s.m.
(pu-ar)
Denant di un complement di limitazion, di cdn. che nol à cualitâts o virtûts che al varès di vê
esemplis
"i sorestants furlans [...] a an memorie curte e sgrifis lungjis, a son masse siôrs di bêçs, masse puars di pinsîr"
gjavât fûr di "Rotgaut e la politiche furlane langobarde" di Sandri Carrozzo
puar adi., s.m.
(pu-ar)
Che, cui che al è intune cundizion di disgracie e gramece che e fâs dûl
sinonims
biadaç, biât, disgraciât, gram, meschin, misar
esemplis
"prin di dut al nestri puar popul furlan taramotât si à di lassâ la robe che al à, e no fâ fente di dâi, dopo di vêi cjolt lis risorsis che al à"
gjavât fûr di "Il Friûl taramotât al à bisugne di ducj, ma al à di aministrâsi di bessôl" di Francesc Placerean
"Madre Valeriana e tignive par man un puar frut disabil"
gjavât fûr di "Il palaç" di Checo Tam
"ma parcè po, Mariute, i dâstu in chê forme a chê puare creature?"
gjavât fûr di "Gjalinis" di Meni Ucel
puar adi.
(pu-ar)
Che nol è plui in salût, che al è malmêtût o che nol funzione ben
esemplis
"tirantsi sù pal pareman des scjalis o sentât sul jet al tirave la puare gjambe fin che i cricavin i gnerfs"
gjavât fûr di "Sul agâr" di Pieri Menis
"al è ridot a sterps chel puar cjamp"
gjavât fûr di "Cjase di Dalban" di Maria Forte
puar adi.
(pu-ar)
Che al à pocje inteligjence o pocje furbetât, ancje par rinfuarçâ altris adietîfs cul stes significât
sinonims
biât
esemplis
"jo o soi un puar om cence letaris e cence scuele"
gjavât fûr di "Lis predicjis dal muini" di Josef Marchet
"cence chel puar svampît di 'Sefut, no jere fieste finide. Lu coionavin, lu menavin a ghirli, i fasevin dispiets, ma lui al restave alì cun lôr"
gjavât fûr di "Chel svampît di 'Sefut" di Maria Forte
puar adi.
(pu-ar)
Che al è muart
sinonims
biel, biât
esemplis
"a jerin vignûts difûr par lâ tal cimitieri, dopomisdì, a cjatâ i puars defonts, ven a stâi il puar nono e puare mê mari"
gjavât fûr di "Il telegram" di Meni Ucel
"se [...] al fos stât vîf puar Pieri Çorut, ce biele poesie che al varès podût scrivi"
gjavât fûr di "Florean dal Palaç, I, 1" di Guido Antonioli
detulis
"a fâ caritât, no si devente puars"
"al è miôr dî puar me che no puars nô"
"al è miôr jessi puars e benvolûts che no princips e malvolûts"
"al è miôr sei puar splantât che no princip mâl cjalât"
"cuant che a son di maridâ nissun fantat al è puar, nissune fantate triste"
"cuant che la siale e pent il spi, lu pent de bande dai puars"
"dulà che no je femine il puar al patìs"
"i fasûi a son la cjar dai puars"
"il puar al à simpri tuart"
"il puar al è nassût di une buiace"
"il puar al è simpri puar"
"il puar al mûr passût, il siôr di fam, il predi di frêt"
"il puar content al è avonde ric"
"il puar content al è siôr avonde"
"il puar om nol à mai ben: se i mûr la vacje i vanze il fen, se la vacje e campe il fen i mancje"
"il siôr al à i bêçs, il puar i comedons"
"il siôr al mûr di fam e il puar massepassût"
"il vin al è il lat dai puars viei"
"la fortune dal puar a son i comedons"
"la ore di gustâ pai siôrs e je cuant che a àn fam, pai puars cuant che a nd' àn"
"la tampieste no puarte mai cjaristie ma puar chel che i tocje"
"la tiere no vûl ni puars ni avârs"
"la vacje dal puar e crepe e chê dal siôr ind fâs dôs"
"lassimi puare, ti fasarai ric"
"miôr dî puar mai me che no puars mai nô"
"ni cuant che si maridisi ni cuant che si fâs batiâ no si è mai puars"
"ni la pelagre al siôr ni la gote al pôr"
"nissun fantat no si maride puar, nissune fantate triste"
"nissun nol è deventât mai puar par fâ caritât"
"no si è mai tant puars di no podê prometi"
"ogni puar om, al sa lâ pal timp bon"
"puar chel che si lasse vignî un pedoli"
"puar chel om che si lasse gjavâ i bregons"
"puar chel uciel che nol cognòs il gran"
"puar cui che al servìs, ma puar ancje chel che al scuen fâsi servî"
"puar il puar"
"puar il puar e puar cui che nol à nissun"
"puare chê femine che i fâs ogni gnot il jet a so marît"
"puare chê surîs che e à nome une buse"
"Sant Jacum e Filip, il puar al coione il ric"
"se e à di crepâ, e crepe la vacje dal puar om"
"se si fos induvinadôrs, no si sarès nissun puar in chest mont"
torne sù
torne sù