Tu âs cirût la peraule
bilengâl monolengâl cognons
Tu âs cirût la peraule
cannella
torne indaûr

bilengâl

cannella s.f.
  • 1

    s.f. spine, spinel Copie

    [TS] idraul. (piçul tubi metalic che a voltis al à ancje un rubinet, che al è part finâl di une conduture)

monolengâl

spine s.f.
(spi-ne)
Struture legnose dure e spiçade di ciertis plantis, cun funzion di difese cuintri dai animâi che a podaressin mangjâle
esemplis
"o capìs che la Rose vei la spine / par difindi, se po, il so flôr tant biel, / cuant che a crevâjal cualchidun si ustine"
gjavât fûr di "La Rose e la Urtie" di Emilio Nardini
"dispedant na cassia, una spina a ghi si è implantada tal deit poleâr lassant la puntuta implantada"
gjavât fûr di "Barba Bortul" di Aldo Tomè
spine s.f.
(spi-ne)
Plante cun tantis spinis
sinonims
spin
esemplis
"[la strie] e veve fat nassi chel bosc di spinis e po chel grant lât di aghe"
gjavât fûr di "Blancje come la nêf" di Andreina Nicoloso Ciceri
spine s.f.
(spi-ne)
Sensazion di dolôr fisic (fig.)
sinonims
ponte
esemplis
"mi jere vignût un malstâ pardut, une colarie, spinis tal stomi, cûr mat che al lave a butadis"
gjavât fûr di "Gotis" di Giuliana Pellegrini
spine s.f.
(spi-ne)
Preocupazion, fat o element problematic che al fâs stâ malcuiets (fig.)
esemplis
"lis minorancis di altre nazionalitât a son simpri stadis une grande spine pal Stât talian"
gjavât fûr di "Minorancis" di Josef Marchet
spine s.f.
(spi-ne)
Struture a ponte dal cuarp di cierts animâi
esemplis
"il riç che al arche dutes las spines conche davant da sô buse si presente il sborf"
gjavât fûr di "Idoneo" di Pietro Cella
spine s.f.
(spi-ne)
Vues de schene dal pes
esemplis
"lis saradelis, gjavade la spine, si metin in padiele"
gjavât fûr di "Ort e cusine" di Emilia Baldassarre
spine s.f.
(spi-ne)
Canele cuntune bande spiçade che si impire te bote e chê altre regolade di un mecanisim che se si vierç al lasse vignî fûr il vin
esemplis
"e meteve sot la semple e e zirave la spine par travasâ un pôc di most"
gjavât fûr di "Prime di sere" di Carlo Sgorlon
spine s.f.
(spi-ne)
[TS] (tecn.) Element mecanic a ponte
esemplis
"lis ruedis a corevin a sbighet parcè che a si jerin sgobadis lis spinis dal cjarpint"
gjavât fûr di "Il cjaruç dai Bas" di Dino Virgili
spine s.f.
(spi-ne)
[AF] (eletr.) Part di un dispositîf eletric che si impire intune prese par formâ un colegament
esemplis
"al va li dal regjistradôr e al distache la spine"
gjavât fûr di "Idee teatrâl" di Laurin Zuan Nardin
detulis
"cui che al ten cont pe spine al piert pal cjalcon"
"cui che al ten cont pe spine al spant pal cjalcon"
"fra lis spinis e sta la rose"
"nissune rose cence spine"
"no bisugne tignî pe spine e pierdi pal cjalcon"
"nol vâl tignî sierade la spine se il vin si spant pal cjalcon"
"ogni garoful la sô spine"
"prin dal matrimoni a son rosis e flôrs, po spinis e dolôrs"
"tra lis spinis e nas la rose"
torne sù

cognons

Cannella
Sul imprin al varà volût dî di une persone che e doprave une vore la canele (cannella), o che al jere tal cumierç di cheste droghe. Si lu cjate a Udin; a Pordenon te forme Canèlla. A Maniae (Glemone) Canèle al è il non di une famee dai Patat (e di une ostarie famose).
fonts
1653, ai 16 di Setembar don Giacomo Canella da Ragogna nato nel 1632 – il Sig. Agostino Zuzzi gli fa patrim. eccl. (Patrimoni), tal 1655, ai 22 di Avost accusato di disturbo notturno alla casa di Zuane Zuanutto con altri, armati, lui con la chittara (sic). Lo Zuanutto aveva una figlia da marito (AAU Procès); 1688, ai 28 di Zenâr Sig. Pietro Canella q. Francesco di Angarano (Vicenza) abit. Udine Grazzano professione di far veli che insegnava a ragazze – era stato 3 anni a lavorar di veli e filatoio a Gradisca (Filze).
torne sù