Hai cercato la parola
bilingue monolingue
Hai cercato la parola
caos
Torna indietro

bilingue

caos
  • 1

    s.m.inv. caos Copia

    [TS] (daûr di ciertis cosmogoniis, materie no struturade prin de formazion dal mont)
  • 2

    s.m.inv. montafin, davoi, barafuse, sdavassum, caos, balfuerie, disordin, badaluc Copia

    [AU] (grande confusion)
    qua è tutto un caos! = ca vie al è dut un caos!
  • 3

    s.m.inv. caos Copia

    [TS] (caratar di sistemis complès, sensibii a variazions ancje minimis des cundizions origjinariis, li che no si pues previodi in mût deterministic i stâts seguitîfs dal sisteme)
    le teorie del caos = lis teoriis dal caos

monolingue

disordin s.m.
(dis-or-din)
Mancjance di ordin, di criteri, di disposizion logjiche, sedi di elements materiâi che imateriâi
sinonimi
babilonie, caos, confusie, confusion, messedot, mismàs, sdavàs, sdavassum, sgjarnum
esempi
"cuadris di ogni misure di sants e madonis che a fodravin in disordin lis parêts"
da "Pre Josef" di Pieri Somede dai Marcs
"al è un disordin concetuâl che al ten dongje gjornaliscj e parlamentârs"
da "Furlan in Rai. L’ordin dal dì e il disordin di ducj i dîs" di Marc Stolf
"il cjastiel di Pramper bandonât dai siei parons, al ere pluitost dirocât, cui mûrs, il cuviert, i paviments, dut in disordin"
da "La teme - Une gnot intun cjastiel" di Giovanni Gortani
disordin s.m.
(dis-or-din)
Spec. tal pl., avigniment che al savolte la situazion normâl o la situazion che e je, soredut fasint dams
esempi
"se alore il Taiament no si sglonfà e nol fasè disordins par chês campagnis, a si po zurâ che al fo propri un vêr miracul di Diu"
da "La ospitalitât" di Luigi Gortani
disordin s.m.
(dis-or-din)
Funzionament iregolâr di alc, in particolâr di un orghin
esempi
"un miedi i veve dit che al podeve sei, ancje, un disordin di gnerfs"
da "La tiere di Lansing" di Maria Forte
disordin s.m.
(dis-or-din)
Spec. tal pl., fat che al va cuintri dal ordin public o cuintri des autoritâts
sinonimi
riviel, rivolte
esempi
"ti incolpi di jessi responsabil dai disordins dal tredis di Mai che a compuartarin il delit di somosse"
da "Int di masnade" di Alviero Negro
"al prin di Mai dal 1867 e sucêt une gruesse insubordenazion di bande di dusinte contadins armâts cun bastons, falçs e imprescj dai cjamps. A capitin disordins devant dal Municipi"
da "Il Risorziment a Martignà" di Elio Varutti
disordin s.m.
(dis-or-din)
Ancje tal pl., mancjance di moderazion tal vivi
sinonimi
intemperance, matetât, matade, strambade, ecès
esempi
"no stoi a bati sul fat che la confusion, il strapaç, la sregulatece, l'esagjerazion, il disordin a son la piês forme di vivi il timp de polse"
da "Un timp par ricreâsi" di Antoni Beline
"al è un ciart messedum / che al intache la borse e la salût, / ne al fâs ben a nissun. / Disordins tel mangjâ / disordins tel durmî"
da "Il Strolic mezan pronostic par l'an 1856" di Pieri Çorut
disordin s.m.
(dis-or-din)
Tal sing., cun art.indef., cuantitât une vore grande
sinonimi
davio, disio, sdrum, sdrume
esempi
"al manda a passi, di Istât, un disordin di vacji"
da "Li streci rossi" di Novella Cantarutti
"a jerin cines che a costavin un disordin"
da "Pre Pitin" di Antoni Beline
proverbi
"di un disordin cualchi volte al nas un ordin"
"disordin in zoventût, stentâ in veglece"
"dulà che nol è ordin al è disordin"
"l'ordin al è pan, il disordin al è fam"
"un disordin al fâs un ordin"
"un disordin al mene un ordin"
Torna in Cima
Torna in Cima