Hai cercato la parola
bilingue monolingue cognomi
Hai cercato la parola
casco
Torna indietro

bilingue

casco ,
  • 1

    s.m. casc Copia

    [AD] (protezion pal cjâf doprade di militârs, sportîfs, lavoradôrs e v.i.)
    in cantiere bisogna portare scarpe di sicurezza e casco = in cantîr si à di vê sù scarpis di sigurece e casc
    un casco da equitazione = un casc di ecuitazion
  • 2

    s.m. casc Copia

    [AD] (suiecjavei che al cjape dut il cjâf intune cube, doprât dai piruchîrs)
    mentre era sotto il casco leggeva una rivista = intant che e jere sot dal casc e leieve une riviste
  • 3

    s.m. cjâf Copia

    [AD] (cjavelade lungje e fisse)
    un bel casco di capelli = un biel cjâf di cjavei
  • 4

    s.m. casc Copia

    [AD] (cjape di bananis)
    un casco di banane = un casc di bananis
  • 5

    s.m. casc Copia

    [TS] (argagn che al cuvierç il cjâf cun auricolârs e microfon)
  • 6

    s.m. casc Copia

    [TS] (non comun di moluscs de famee dai Cassididis difondûts tal Mediterani)

locuzioni

    casco blu
  • casc bluCopia
    [CO] (spec. tal pl., lis trupis de ONU)
    una zona presidiata dai caschi blu = une zone presidiade dai cascs blu
    • casco coloniale
  • casc coloniâl, cjapiel coloniâlCopia
    [CO] (cjapiel di tele e sûr, doprât tai paîs tropicâi)
    • casco integrale
  • casc integrâlCopia
    [CO] (casc motociclistic che al pare dut il cjâf, ancje la muse)
    il casco integrale è più sicuro = il casc integrâl al è chel plui sigûr
    • casco spaziale
  • casc spaziâlCopia
    [CO] (casc di astronaute)

monolingue

cjâf s.m.
Part dal cuarp dal om e des bestiis insom dal cuel, che e ten dentri il cerviel
sinonimi
burele, capadocie, cavoce, coce, crani, crepe, cruchigne, cucugje, melonarie, melone
esempi
"lâ ator cence nuie sul cjâf"
"lis maris e la none, mai stadis vistudis cussì ben cun blusis di sede ricamadis a rosis, il cjapielin sul cjâf"
da "Come tai romançs" di Alan Brusini
"parsore dai nestris cjâfs lis granadis a passavin ciulant rabiosis, lant a sclopâ abàs jù pai crets"
da "Cemût che o soi restât caporâl" di Pieri Menis
"il vieli Bastian al scjassà il cjâf cun fuarce, come par sgurlâsi di intor dute la pene e la disfortune di chê gnot disgraciade"
da "Trê feminis" di Gianni Gregoricchio
"Menie e spietave che e tornàs Catine e co le viodè a passâ e spalancà i veris e, metint il cjâf fûr dal barcon, le clamà"
da "Une conference di padre Gemelli" di Pieri Somede dai Marcs
"il sgrasaiâr mi bruse, il cjâf mi bat come se cualchidun lu pestàs cul martiel"
da "Viaç a Vignesie" di Arturo Feruglio
"une piore, po une altre, po altris inmò, alçant il cjâf riçot di lane, si meterin a clamâ i agneluts"
da "Clâr e scûr" di Pieri Somede dai Marcs
"la civuite, ogni tant, e tirave fûr il cjâf sbarlufît dal bûs di un arbul che i faseve di cjase"
da "Un bosc cence colôrs" di Franca Mainardis
cjâf s.m.
Persone tant che individui vîf, che duncje al pues pierdi la vite (fig.)
esempi
"no si podeve mai vivi cence vê parsore il cjâf cualchi pericul sacramentât"
da "Ombris tal infinît" di Carlo Sgorlon
"il Signôr mi à tignût la man sul cjâf"
da "Resurezion a Pontinie" di Pieri Somede dai Marcs
cjâf s.m.
Complès des capacitâts di comprension, pinsîr, memorie e v.i. (fig.)
sinonimi
burele, capadocie, capidorie, capizion, cassele, cavoce, coce, criteri, cruchigne, cucugje, çurie, gnuche, inteligjence, inzen, judizi, melonarie, melone, ments, reson, sâl, savietât, sen, sepe, sintiment, cerviel
esempi
"int che e resone ancjemò cul so cjâf, che e judiche cun libertât secont une antighe, sperimentade sapience"
da "La civiltât dal fum" di Riedo Pup
"cirî di rifleti, cirî di capî, di comprendi cul cjâf dal om ce significât che al po vê par nô che Crist al sedi resurît dai muarts"
da "Crist resurît al colme dute la sperance dal om" di Francesc Placerean
" tal cjâf i bulivin lis grandis ideis che a varessin mudade di plante fûr la muse de citât"
da "Il salon dal barbîr" di Josef Marchet
"e faseve saldo conts, tal so cjâf par doprâ ben ducj chei bêçs"
da "Cjase di Dalban" di Maria Forte
"i furlans di là [de Contee di Gurize], se a vevin un fregul di cjâf e di spirt, a cjatavin la strade vierte par Viene e no ur mancjavin ni lis pussibilitâts di butâsi fûr, ni lis sodisfazions"
da "Cuintristorie dal Friûl fin sot la Italie" di Josef Marchet
"une frute di cjâf e di cûr, plene di sintiment, brave di tantis robis"
da "Lis predicjis dal muini" di Josef Marchet
cjâf s.m.
Persone tant che individui che al pense
esempi
"al è un bon cjâf, al mertarès di lâ indevant a studiâ"
"diseve un oratôr di Cerneglons / tancj i cjâfs, tantis lis opinions"
da "Unviar" di Pieri Çorut
cjâf s.m.
Persone individui
esempi
"ogni cjâf, un vôt"
cjâf s.m.
Persone intune posizion di autoritât
sinonimi
capocje, comandant, vuide, capo, sorestant, diretôr
esempi
"o vevin tant che ospit Alexej Kozhemyakov, che al è il cjâf de segretarie dal Consei di Europe che al à competence su la atuazion de Cjarte europeane pes lenghis regjonâls e minorizadis"
da "Interviste a Lorenzo Zanon" di Walter Tomada
cjâf s.m.
Estremitât, part dulà che alc al tache, o ancje dulà che al finìs
sinonimi
teste
esempi
"fâ un grop tal cjâf de cuarde"
"b) al è miôr che une silabe e vedi un cjâf, ven a stâi une consonante prin de vocâl, c) al è miôr se une silabe no à une code, ven a stâi une consonante dopo de vocâl"
da "La division in silabis dai sufìs -sion e -zion tal Grant Dizionari Bilengâl Talian - Furlan" di Paolo Roseano
"da un cjâf al altri dal arc alpin"
da "E se no nus dassin la autonomie" di Josef Marchet
cjâf s.m.
Part alte e taronde de cjampane
cjâf s.m.
Part gruesse da pît di ciertis plantis
sinonimi
cjavace
esempi
"lis patatis bulidis, cuinçadis cjaldis cul vueli, sâl e asêt, a cjapin sù un savôr speciâl cu lis fueis frescjis o cui cjâfs di chest ai salvadi"
da "Jerbis salvadiis inte cusine furlane" di Giorgio Pascoli
cjâf s.m.
Ramaç de plante de vît
esempi
"al judave a çoncjâ lis menadis bastardis, a compagnâ sul fîl di fier i cjâfs che no vevin avonde cuars par brincâsi"
da "Cjase di Dalban" di Maria Forte
"o jeri daûr, vuê di buinore, a cuinçâ il vignâl, e i cjâfs des vîts, par ordin che ju çoncjavi cu lis fuarpiis, mi vaìvin in man: daûr di chês lagrimis a vegnin i butui, daûr dai butui a vegnin lis cecjis e su lis cecjis, cul non di Diu, a vignaran i raps"
da "Lis predicjis dal muini" di Josef Marchet
cjâf s.m.
Ognidun dai elements principâi di un filât o di une strece
sinonimi
cjaveç
esempi
"fâ sù la strece cun trê cjâfs di scartòs"
cjâf s.m.
Singul animâl
sinonimi
code, capo
esempi
"di une bande, il stalon par corante e passe cjâfs e la arie cun tassis e tassis di stram e patùs; di chê altre, i cjôts dai purcits"
da "La gjaline robade" di Pieri Menis
proverbi
"a chel che no i dûl il cjâf, i va ben di dâ coraç"
"a cui che al fâs a so mût, no i dûl il cjâf"
"a lavâi il cjâf al mus, si piert lissie e savon"
"an bisest, lis feminis ni cjâf ni sest"
"cuant che nol servìs il cjâf, a servissin lis gjambis"
"cuant che si metisi a fâ cjapiei, e nas la int cence cjâf"
"cui che al à il cjâf di veri che si vuardi des clapadis"
"cui che al à la cjase sul cjâf al po lâ pardut"
"cui che al consee no i dûl il cjâf"
"cui che al è maridât al è une moscje cence cjâf"
"cui che al fale di cjâf al paie di borse"
"cui che al fale di cjâf al paie di gjambis"
"cui che al met il cjâf sul çoc i ven taiât"
"cui che nol à cjâf al à gjambe"
"cui che nol sa sbassâsi a timp e lûc le finìs cul cjâf sbûs"
"dulà che no si dopre il cjâf ur tocje a lis gjambis"
"il diaul là che nol met il cjâf al met la code, e cui che no lu cjace lu sacode"
"il franc ur sta tal cjâf a ducj"
"il pes al scomence a puçâ tal cjâf"
"il testart cumò o dibot al va a cjase cul cjâf rot"
"la aghe e ruvine i puints e il vin il cjâf"
"la femine e à il cjâf di gjat"
"la tegne no i ven mai a di un sôl cjâf"
"la tegne no nas mai di un sôl cjâf"
"lis feminis a àn putrops cjavei e pôc cjâf"
"miôr un cjâf vueit che no mâl jemplât"
"no stâ lassâti rompi lis coculis sul cjâf"
"nol covente leâ il cjâf prin che al sedi rot"
"ogni cjâf la sô idee, ogni cjase il so costum, ogni bocje il so pistum"
"ogni cjâf la sô opinion"
"ogni cjâf une idee, ogni idee un interès"
"ogni pietin pal so cjâf"
"pal dolôr di cjâf no lasse di vignî la fiere"
"par pierdi il cjâf, bisugne vêlu"
"se la done a vûl comparî, la crodie dal cjâf e devi dulî"
"se si met a fâ cjapiei, la int a nas cence cjâf"
"sul cjâf a ven la tegne"
"taiât che mi àn il cjâf, o ai in cûl che mal tornin a tacâ sù"
"tancj cjâfs, tantis opinions"
"un cjâf cence lenghe al è nome di fâ brût"
"un cjâf cence lenghe al servìs par maçuele"
"un cjâf cence lenghe nol vâl nuie"
"un ûf e un pît tal cjâf al è compagn"
"une idee e nas tal cjâf ma e cres tal cûr"
Torna in Cima

cognomi

Casco
Cognome caratteristico di Martignacco.
fonti
1382 Giovanni detto Casco, debitore della Chiesa di Santa Maria di Martignaco (ASU CRS 280); 1633 Nicolai Cascus in Vicinia Martignaco (ASU Perusini 693.1); 1705 Andrea et F.lli q. Zuane Casco di Martignacco, fittuali della Chiesa di Santa Maria (ASU CRS 280); 1744 Pezzo Terra arr. chiamato il Campo della Langoria del Trozo posto nelle pert. di Villalta, Confina con Terra di Giacomo Casco di Martignaco (ASU CRS 409 bis/9); 1816 Valentino Casco di Giovanni nato in Martignaco nel 1793, agricoltore, sposa Teodora Maria Majara figlia di Antonio Majaro, nata in Martignaco nel 1796, contadina (A.P. Martignacco); 1824 giunge a Campoformido Franc. Casco figlio di Valent., possidente, nato a Carpeneto nel 1796 (Fantini e Romanello, 2002).
Torna in Cima