Cognon di Glemone: te biele citadine e je une strade intitulade a Pietro Celetto, muart in vuere te Resistence, medaie di aur al valôr militâr. i>Celetto al jere in origjin Culetto (viodi) e al è stât cambiât de famee di chest Pietro (Busa, 1977). No si pues escludi che in Friûl a sedin stâts altris i>Celetto, cognon che salacor al podarès vignî di celét "il celet de mîl, o sedi il tocut di cere a forme di celutis fatis des âfs par metii dentri la mîl" (NP) o pûr, plui facil, di formis aferetichis di nons di persone cul sufìs diminutîf (un Wecelletto di Prata al è documentât tal 1201).