Hai cercato la parola
bilingue monolingue
Hai cercato la parola
cervello
Torna indietro

bilingue

cervello
  • 1a

    s.m. cerviel Copia

    [FO] (orghin contignût tal crani, encefal)
    una lesione al cervello = une lesion tal cerviel

    s.m. cerviel Copia

    [TS] (orghin plui grant e impuartant dal encefal, costituît di doi emisferis, centri des ativitâts psichichis, motoriis, sensoriâls)
  • 1b

    s.m. cerviel Copia

    [FO] (ancje tal pl., encefal di bestiis maçadis, ancje tant che mangjative)
    un piatto di cervella di vitello = un plat di cerviel di vidiel

    s.m. cerviel Copia

    (ancje di int)
    spararsi nelle cervella = traisi tai cerviei oppure pal cjâf
  • 2a

    s.m. cjâf, cerviel Copia

    [FO] (inteligjence)
    avere un bel cervello = vê un biel cerviel
    fare le cose senza un minimo di cervello = fâ lis robis cence un fregul di cerviel

    s.m. cjâf Copia

    (mût di pensâ)
    ognuno pensa col suo cervello = ognidun al pense cul so cjâf

    s.m. cjâf Copia

    (par dî di stâ atents)
    beh, avete lasciato il cervello a casa? = alore, vêso lassât il cjâf a cjase?
  • 2b

    s.m. cjâf Copia

    [FO] (persone tant che individui che al pense)
    un bel cervello = un biel cjâf
    un cervello scemo = un cjâf çondar
  • 2c

    s.m. cerviel Copia

    [FO] (pensadôr che al vuide une organizazion o sim.)
    il cervello del sindacato = il cerviel dal sindicât
    il cervello della compagnia = il cerviel de compagnie

    s.m. cerviel Copia

    (persone di grande inteligjence)
    i cervelli della cultura = i cerviei de culture
  • 3

    s.m. cerviel Copia

    [TS] (il pont plui alt di un volt o di un arc)

locuzioni

    adoperare il cervello
  • doprâ il cerviel, doprâ il cjâfCopia
    [CO] (rifleti, pensâ)
    adopera il cervello, non farti abbindolare! = dopre il cjâf, no stâ fâti cjoli vie!
    • avere il cervello a pigione
  • vê dât vie il cjâf, vê il cjâf sbûs, jessi curt di luminarieCopia
    [CO] (no jessi sveât, no pensâ)
    per aver fatto quel che ha fatto doveva aver dato il cervello a pigione = par fâ ce che al à fat al scugnive jessi curt di luminarie
    • avere il cervello in fondo ai piedi
    avere il cervello in vacanza
  • lâ vie cui agnuluts, jessi cul cjâf a nolis, vê il cjâf a cjase, jessi cul cjâf a violis, vê il cjâf tal mont de luneCopia
    [CO] (no doprâ il sintiment, no pensâ)
    devo avere il cervello in vacanza per essermi dimenticato di telefonarti = o soi cul cjâf a nolis che mi soi dismenteât di clamâti
    • avere il cervello nelle scarpe
  • vê il cerviel parsore dal cjapiel, vê il cjâf a cjaseCopia
    [CO] (jessi une vore pôc atent, no vê judizi)
    • avere il cervello sopra il cappello
    avere la segatura nel cervello
  • vê il patùs tal cjâfCopia
    [CO] (jessi stupit dal dut)
    se non ha capito come stanno le cose ha la segatura nel cervello = se nol à capît cemût che a son lis robis al à il patùs tal cjâf
    • avere stoppa nel cervello
  • vê il cjâf di stran, vê semule tal cjâfCopia
    [CO] (jessi stupit dal dut)
    se non hai capito come stanno le cose hai stoppa nel cervello = se no tu âs capît cemût che a son lis robis tu âs semule tal cjâf
    • bersi il cervello
  • insemenîsiCopia
    [CO] (compuartâsi di stupit)
    ormai pensa solo alla carriera e non si è accorto neppure di essersi bevuto il cervello = aromai al pense dome ae cariere e no si è visât nancje di jessisi insemenît
    • cervello di formica
  • [CO] (vedi cervello di gallina)
    • cervello di gallina
  • cjâf di mus, cjâf di palamai, ôc, cjâf di temulCopia
    [CO] (puar stupit)
    avere un cervello di gallina = jessi ôc da quel cervello di gallina non ci si poteva aspettare un gran che = di chel cjâf di palamai no si podeve spietâsi cuissà ce
    • cervello elettronico
  • cerviel eletronicCopia
    [CO] (calcoladôr, ordenadôr eletronic)
    • cervello fino
  • cjâf fin, çucjeCopia
    [CO] (inteligjence fine e vivarose)
    avere il cervello fino = vê il cjâf fin oppure vê çucje
    • col proprio cervello
  • cul so cjâfCopia
    [CO] (pensant di bessôl)
    c'è arrivato da solo, col suo cervello = i è rivât di bessôl, cul so cjâf
    • dare di volta il cervello
  • [CO] (vedi dare di matto)
    • di cervello
  • di sintimentCopia
    [CO] (inteligjent)
    una ragazza di cervello = une fantate di sintiment
    • lambiccarsi il cervello
  • lambicâsi il cerviel, lambicâsi i cervieiCopia
    [CO] (bacilâ, deventâ mats par risolvi un probleme)
    nel procedimento c'era un errore che mi ha fatto lambiccare il cervello par un'ora = tal procediment al jere un fal che mi à fat lambicâ il cerviel par une ore
    • lavaggio del cervello
  • lavade dal cervielCopia
    [CO] (azion di condizionament psicologjic fuart che al smicje a anulâ la volontât di un par cambiâ ideis e convinzions o par gjavâi fûr informazions o segrets)
    con tutte quelle domande gli stavano facendo il lavaggio del cervello = cun dutis chês domandis a jerin che i fasevin la lavade dal cerviel
    • lavorare di cervello
  • lavorâ cul cjâfCopia
    [CO] (doprâ la inteligjence)
    cerca di lavorare di cervello = viôt di lavorâ cul cjâf
    • mandare il cervello in vacanza
  • lâ vie cui agnuluts, jessi cul cjâf a nolis, vê il cjâf a cjase, jessi cul cjâf a violis, vê il cjâf tal mont de luneCopia
    [CO] (no doprâ il sintiment, no pensâ)
    oggi fai molti errori, hai mandato il cervello in vacanza? = vuê tu fasis un grum di erôrs, sêstu cul cjâf tal mont de lune?
    • mettere cervello
  • [CO] (vedi mettere giudizio)
    • mettere il cervello a partito
    non avere il cervello a posto
  • jessi fûr, vê il cjâf fûr di scuare, jessi fûr cul cjâf, jessi fûr cu la cassele, jessi fûr di sintiment, jessi fûr di scuare, jessi fûr di plomp, jessi fûr cul cjast, no vê dutis lis lunis, no vê il cjâf a puestCopia
    [CO] (jessi un pôc stramp o mat)
    • non passare neppure per l'anticamera del cervello
  • no passâ pal cjâf nancje par insium, no passâ nancje tai siet sintiments, no passâ nancje in siumCopia
    [CO] (di idee, jessi dal dut fûr dai pinsîrs di cdn.)
    non gli è passato neppure per l'anticamera del cervello di avvisarmi della riunione = no i è passât pal cjâf nancje par insium di visâmi de riunion
    • portare il cervello all'ammasso
  • lâ daûr dal tropCopia
    [CO] (aderî in mût acritic a di un sisteme ideologjic, moviment, partît o sim.)
    sono domande che non si fa più, ormai ha portato il cervello all'ammasso = a son domandis che no si fâs plui, aromai al va daûr dal trop oppure al à puartât il cjâf a fâ grum
    • senza cervello
  • cence sintiment, cence cjâf, cence cervielCopia
    [CO] (stupit)
    un uomo senza cervello = un om cence cjâf
    • spappolarsi il cervello
  • lâ il cerviel in boldon, lâ il cerviel in flichisCopia
    [CO] (pierdi la capacitât di resonâ, la prontece di riflès e sim.)
    inutile, è troppo stanco e gli si è spappolato il cervello = nuie, al è masse strac e il cerviel i è lât in boldon oppure in flichis
    • spremersi il cervello
  • striçâ il cerviel, strucâ il cerviel, striçâsi il cerviel, striçâsi i cerviei, strucâsi il cerviel, strucâsi i cervieiCopia
    [CO] (bacilâ, deventâ mats par risolvi un probleme)
    spremersi il cervello per fare tornare i conti = striçâ il cerviel par fâ cuadrâ i conts
    • stillarsi il cervello
  • [CO] (vedi spremersi il cervello)
    • usare il cervello
  • [CO] (vedi usare la testa)
    • uscire di cervello
  • lâ fûr cu la cassele, lâ ator cu la cassele, lâ ator cul cjâf, lâ fûr cul cjâf, lâ vie di cjâf, voltâsi di cjâf, lâ fûr cul cjastCopia
    [CO] (deventâ mat)
    questo lavoro mi farà uscire di cervello = chest lavôr mi fasarà lâ fûr cul cjâf

monolingue

cjâf s.m.
Part dal cuarp dal om e des bestiis insom dal cuel, che e ten dentri il cerviel
sinonimi
burele, capadocie, cavoce, coce, crani, crepe, cruchigne, cucugje, melonarie, melone
esempi
"lâ ator cence nuie sul cjâf"
"lis maris e la none, mai stadis vistudis cussì ben cun blusis di sede ricamadis a rosis, il cjapielin sul cjâf"
da "Come tai romançs" di Alan Brusini
"parsore dai nestris cjâfs lis granadis a passavin ciulant rabiosis, lant a sclopâ abàs jù pai crets"
da "Cemût che o soi restât caporâl" di Pieri Menis
"il vieli Bastian al scjassà il cjâf cun fuarce, come par sgurlâsi di intor dute la pene e la disfortune di chê gnot disgraciade"
da "Trê feminis" di Gianni Gregoricchio
"Menie e spietave che e tornàs Catine e co le viodè a passâ e spalancà i veris e, metint il cjâf fûr dal barcon, le clamà"
da "Une conference di padre Gemelli" di Pieri Somede dai Marcs
"il sgrasaiâr mi bruse, il cjâf mi bat come se cualchidun lu pestàs cul martiel"
da "Viaç a Vignesie" di Arturo Feruglio
"une piore, po une altre, po altris inmò, alçant il cjâf riçot di lane, si meterin a clamâ i agneluts"
da "Clâr e scûr" di Pieri Somede dai Marcs
"la civuite, ogni tant, e tirave fûr il cjâf sbarlufît dal bûs di un arbul che i faseve di cjase"
da "Un bosc cence colôrs" di Franca Mainardis
cjâf s.m.
Persone tant che individui vîf, che duncje al pues pierdi la vite (fig.)
esempi
"no si podeve mai vivi cence vê parsore il cjâf cualchi pericul sacramentât"
da "Ombris tal infinît" di Carlo Sgorlon
"il Signôr mi à tignût la man sul cjâf"
da "Resurezion a Pontinie" di Pieri Somede dai Marcs
cjâf s.m.
Complès des capacitâts di comprension, pinsîr, memorie e v.i. (fig.)
sinonimi
burele, capadocie, capidorie, capizion, cassele, cavoce, coce, criteri, cruchigne, cucugje, çurie, gnuche, inteligjence, inzen, judizi, melonarie, melone, ments, reson, sâl, savietât, sen, sepe, sintiment, cerviel
esempi
"int che e resone ancjemò cul so cjâf, che e judiche cun libertât secont une antighe, sperimentade sapience"
da "La civiltât dal fum" di Riedo Pup
"cirî di rifleti, cirî di capî, di comprendi cul cjâf dal om ce significât che al po vê par nô che Crist al sedi resurît dai muarts"
da "Crist resurît al colme dute la sperance dal om" di Francesc Placerean
" tal cjâf i bulivin lis grandis ideis che a varessin mudade di plante fûr la muse de citât"
da "Il salon dal barbîr" di Josef Marchet
"e faseve saldo conts, tal so cjâf par doprâ ben ducj chei bêçs"
da "Cjase di Dalban" di Maria Forte
"i furlans di là [de Contee di Gurize], se a vevin un fregul di cjâf e di spirt, a cjatavin la strade vierte par Viene e no ur mancjavin ni lis pussibilitâts di butâsi fûr, ni lis sodisfazions"
da "Cuintristorie dal Friûl fin sot la Italie" di Josef Marchet
"une frute di cjâf e di cûr, plene di sintiment, brave di tantis robis"
da "Lis predicjis dal muini" di Josef Marchet
cjâf s.m.
Persone tant che individui che al pense
esempi
"al è un bon cjâf, al mertarès di lâ indevant a studiâ"
"diseve un oratôr di Cerneglons / tancj i cjâfs, tantis lis opinions"
da "Unviar" di Pieri Çorut
cjâf s.m.
Persone individui
esempi
"ogni cjâf, un vôt"
cjâf s.m.
Persone intune posizion di autoritât
sinonimi
capocje, comandant, vuide, capo, sorestant, diretôr
esempi
"o vevin tant che ospit Alexej Kozhemyakov, che al è il cjâf de segretarie dal Consei di Europe che al à competence su la atuazion de Cjarte europeane pes lenghis regjonâls e minorizadis"
da "Interviste a Lorenzo Zanon" di Walter Tomada
cjâf s.m.
Estremitât, part dulà che alc al tache, o ancje dulà che al finìs
sinonimi
teste
esempi
"fâ un grop tal cjâf de cuarde"
"b) al è miôr che une silabe e vedi un cjâf, ven a stâi une consonante prin de vocâl, c) al è miôr se une silabe no à une code, ven a stâi une consonante dopo de vocâl"
da "La division in silabis dai sufìs -sion e -zion tal Grant Dizionari Bilengâl Talian - Furlan" di Paolo Roseano
"da un cjâf al altri dal arc alpin"
da "E se no nus dassin la autonomie" di Josef Marchet
cjâf s.m.
Part alte e taronde de cjampane
cjâf s.m.
Part gruesse da pît di ciertis plantis
sinonimi
cjavace
esempi
"lis patatis bulidis, cuinçadis cjaldis cul vueli, sâl e asêt, a cjapin sù un savôr speciâl cu lis fueis frescjis o cui cjâfs di chest ai salvadi"
da "Jerbis salvadiis inte cusine furlane" di Giorgio Pascoli
cjâf s.m.
Ramaç de plante de vît
esempi
"al judave a çoncjâ lis menadis bastardis, a compagnâ sul fîl di fier i cjâfs che no vevin avonde cuars par brincâsi"
da "Cjase di Dalban" di Maria Forte
"o jeri daûr, vuê di buinore, a cuinçâ il vignâl, e i cjâfs des vîts, par ordin che ju çoncjavi cu lis fuarpiis, mi vaìvin in man: daûr di chês lagrimis a vegnin i butui, daûr dai butui a vegnin lis cecjis e su lis cecjis, cul non di Diu, a vignaran i raps"
da "Lis predicjis dal muini" di Josef Marchet
cjâf s.m.
Ognidun dai elements principâi di un filât o di une strece
sinonimi
cjaveç
esempi
"fâ sù la strece cun trê cjâfs di scartòs"
cjâf s.m.
Singul animâl
sinonimi
code, capo
esempi
"di une bande, il stalon par corante e passe cjâfs e la arie cun tassis e tassis di stram e patùs; di chê altre, i cjôts dai purcits"
da "La gjaline robade" di Pieri Menis
proverbi
"a chel che no i dûl il cjâf, i va ben di dâ coraç"
"a cui che al fâs a so mût, no i dûl il cjâf"
"a lavâi il cjâf al mus, si piert lissie e savon"
"an bisest, lis feminis ni cjâf ni sest"
"cuant che nol servìs il cjâf, a servissin lis gjambis"
"cuant che si metisi a fâ cjapiei, e nas la int cence cjâf"
"cui che al à il cjâf di veri che si vuardi des clapadis"
"cui che al à la cjase sul cjâf al po lâ pardut"
"cui che al consee no i dûl il cjâf"
"cui che al è maridât al è une moscje cence cjâf"
"cui che al fale di cjâf al paie di borse"
"cui che al fale di cjâf al paie di gjambis"
"cui che al met il cjâf sul çoc i ven taiât"
"cui che nol à cjâf al à gjambe"
"cui che nol sa sbassâsi a timp e lûc le finìs cul cjâf sbûs"
"dulà che no si dopre il cjâf ur tocje a lis gjambis"
"il diaul là che nol met il cjâf al met la code, e cui che no lu cjace lu sacode"
"il franc ur sta tal cjâf a ducj"
"il pes al scomence a puçâ tal cjâf"
"il testart cumò o dibot al va a cjase cul cjâf rot"
"la aghe e ruvine i puints e il vin il cjâf"
"la femine e à il cjâf di gjat"
"la tegne no i ven mai a di un sôl cjâf"
"la tegne no nas mai di un sôl cjâf"
"lis feminis a àn putrops cjavei e pôc cjâf"
"miôr un cjâf vueit che no mâl jemplât"
"no stâ lassâti rompi lis coculis sul cjâf"
"nol covente leâ il cjâf prin che al sedi rot"
"ogni cjâf la sô idee, ogni cjase il so costum, ogni bocje il so pistum"
"ogni cjâf la sô opinion"
"ogni cjâf une idee, ogni idee un interès"
"ogni pietin pal so cjâf"
"pal dolôr di cjâf no lasse di vignî la fiere"
"par pierdi il cjâf, bisugne vêlu"
"se la done a vûl comparî, la crodie dal cjâf e devi dulî"
"se si met a fâ cjapiei, la int a nas cence cjâf"
"sul cjâf a ven la tegne"
"taiât che mi àn il cjâf, o ai in cûl che mal tornin a tacâ sù"
"tancj cjâfs, tantis opinions"
"un cjâf cence lenghe al è nome di fâ brût"
"un cjâf cence lenghe al servìs par maçuele"
"un cjâf cence lenghe nol vâl nuie"
"un ûf e un pît tal cjâf al è compagn"
"une idee e nas tal cjâf ma e cres tal cûr"
Torna in Cima
Torna in Cima