Tu âs cirût la peraule
bilengâl monolengâl cognons
Tu âs cirût la peraule
chiaro
torne indaûr

bilengâl

chiaro adi., av., s.m.
  • 1

    av. clâr Copie

    [FO] (in mût distint)
    vedere chiaro = viodi clâr

    s.m. clâr Copie

    [FO] (lûs, lûs dal soreli)
    andare a dormire quando è ancora chiaro = lâ a durmî che al è ancjemò clâr
    andiamo al chiaro per leggere meglio = anìn tal clâr par lei miôr
  • 1a

    adi. clâr Copie

    (plen di lûs)
    un tinello molto chiaro = un tinel une vore clâr

    adi. clâr Copie

    [FO] (lusorôs, slusint)
    luce chiara = lûs clare
  • 1b

    adi. clâr Copie

    [FO] (di timp, cîl, aiar, seren)
    cielo chiaro = cîl clâr
    una bella mattinata chiara = une biele matine clare
  • 1c

    adi. clâr Copie

    [FO] (di aghe o altri licuit, limpi)
    miele chiaro = mîl clare
    olio chiaro = vueli clâr
    un bel bicchiere di acqua chiara e fresca = une biele tace di aghe clare e frescje
  • 2

    av. clâr, a clâr Copie

    [FO] (che si capìs ben)
    scrivere chiaro i risultati di un'esperienza = scrivi a clâr i risultâts di une esperience

    s.m. clâr Copie

    [FO] (colôr lizêr, pôc vîf)
    vestirsi di chiaro = vistîsi di clâr
  • 2a

    adi. clâr Copie

    [FO] (di colôr, lizêr, pôc vîf)
    giallo chiaro = zâl clâr
    grigio chiaro = grîs clâr

    adi. clâr Copie

    (che al à colôr lizêr, pôc vîf)
    una giacca chiara = une gjachete clare
  • 2b

    adi. clâr Copie

    [FO] (di colôr pôc intens, spec. in confront di tonalitâts plui scuris)
    barba chiara = barbe clare
    birra chiara = bire clare
    occhi chiari = voi clârs
  • 3

    av. clâr, a clâr, a palês Copie

    [FO] (cun scletece)
    parlami chiaro e dimmi cosa pensi = fevelimi a clâr e disimi ce che tu pensis

    s.m. clâr Copie

    [CO] (spec. tal pl., lis parts plui claris di un dissen, cuadri e v.i.)
    in questa stampa i chiari prevalgono sugli scuri = in cheste stampe i clârs a prevalin sui scûrs

    adi. lusorôs Copie

    [FO] (famôs)
    un chiaro protagonista della nostra storia = un protagonist lusorôs de nestre storie
  • 4a

    adi. clâr Copie

    [FO] (che al è facil di capî, palês)
    la soluzione del problema è chiara a tutti = la soluzion dal probleme e je clare par ducj
    parole chiare = peraulis claris
  • 4b

    adi. clâr Copie

    [FO] (di cdn., che al fevele in mût facil di capî)
    il professore è stato molto chiaro = il professôr al è stât une vore clâr
  • 4c

    adi. clâr, sigûr Copie

    (tes rispuestis, tant che afermazion)
    "Hai riposato abbastanza?" "Chiaro!" = "Âstu polsât avonde?" "Sigûr!"

    adi. clâr Copie

    (in ûs impers.)
    è chiaro che il compito sarà difficile = al è clâr che il compit al sarà dificil
    sia chiaro che non voglio problemi = che al sedi clâr che no vuei problemis

    adi. clâr Copie

    [FO] (che al pant scletece, onestât)
    uno sguardo chiaro e sicuro = une cjalade clare e sigure
  • 5

    adi. clâr Copie

    [FO] (che si viôt, che si sint ben)
    avere una voce chiara = vê une vôs clare
  • 6a

    adi. clâr Copie

    [FO] (net, just)
    ho le idee ben chiare su come andrà a finire = o ai lis ideis bielis claris su cemût che e larà a finîle
  • 6b

    adi. clâr Copie

    [FO] (ciert, sigûr)
    dammi una risposta chiara = dami une rispueste clare
  • 7

    adi. clâr Copie

    [FO] (determinât)
    avere la chiara intenzione di guadagnare = vê la clare intenzion di vuadagnâ
  • 8

    adi. libar, clâr Copie

    [TS] mar. (massime di cuarde o di cjadene, che no àn intops)
  • 9

    adi. clâr Copie

    [TS] tipogr. (caratar cui elements verticâi une vore fins)

locuzions

    cantare chiaro
  • fevelâ a clâr, fevelâ clârCopie
    [CO] (jessi inecuivocabil)
    i documenti cantano chiaro = i documents a fevelin a clâr
    • chiaro di luna
  • clâr de lune, lusôr de luneCopie
    [CO] (lûs de lune, soredut cuant che e je plene)
    passeggiare al chiaro di luna = spassizâ sot dal clâr di lune
    • chiaro e netto
  • [CO] (cjale chiaro e tondo)
    • chiaro e tondo
  • net e sclet, clâr e net, franc e net, bescletCopie
    [CO] (cun decision e clarece, in mût diret, cence voluçs)
    parla sempre chiaro e tondo = al fevele simpri clâr e net
    • far chiaro
  • cricâ dì, vignî clâr, sclarîCopie
    [CO] (vignî clâr, cuant che al criche il dì)
    appena fa chiaro = sul cricâ dì quando fa chiaro = cuant che al criche il dì
  • sclarîCopie
    [CO] (cjatâ il dret di une cuistion)
    far chiaro sulle cause di un evento = sclarî lis causis di un fat
    • in chiaro
  • in clârCopie
    [CO] (no in codiç)
    un segnale in chiaro = un segnâl in clâr
  • in clârCopie
    [CO] (tant che loc.av., cence doprâ un codiç)
    un segnale mandato in chiaro = un segnâl mandât in clâr
  • in clârCopie
    [CO], [TS] telev. (di program televisîf, no codificât, che al pues jessi viodût cence decodificadôrs)
    stasera manderanno la partita di calcio in chiaro = usgnot a mandaran la partide di balon in clâr
    • mettere in chiaro
  • meti in clâr, sclarîCopie
    [CO] (dî a clâr)
    mettiamo in chiaro i compiti di ognuno = viodìn di sclarî i assums di ognidun
    • parlare chiaro
  • fevelâ clârCopie
    [CO] (jessi comprensibil)
    mangia le parole, non gli riesce di parlare chiaro = al mangje lis peraulis, nol rive a fevelâ clâr
  • fevelâ sclet, fevelâ clâr, fevelâ fûr dai dincjCopie
    (dî alc in maniere sclete e sigure)
    è uno abituato a parlare chiaro = al è un usât a fevelâ sclet
    • vederci chiaro
  • viodi clârCopie
    [CO] (capî ben dal dut)
    non ci vedo chiaro in questo affare = no viôt clâr in chest afâr

monolengâl

clâr adi.
Di colôr, che si svicine al blanc, che al è pôc cjariât
sinonims
palit, smamît, smavît, smuart, spavit
esemplis
"di chê altre bande si alçave la musse zale des panolis, un zâl clâr, lusint, biel, come l'aur"
gjavât fûr di "La gjaline robade" di Pieri Menis
clâr adi.
Che al à, che al fâs o che al riflet lûs
sinonims
iluminât, inlusorât, lusint, lusorôs, slusint, luminôs
esemplis
"un barcon de lôr cjase al jere ancjemò clâr"
gjavât fûr di "La tiere di Lansing" di Maria Forte
clâr adi.
Di timp, cîl, aiar, che al è iluminât dal soreli, o in câs ancje de lune e des stelis, par vie che no son nûi
sinonims
limpi, net, seren
esemplis
"chel soreglut che al jeve di Cuie e po al passe adasin li parsore intun cîl net e clâr tant che un voli di uciel, par butâsi, tal ultin, daûr dal Cjaval tun sflandôr di no crodi"
gjavât fûr di "La "Fieste dai Roncs"" di Meni Ucel
"la gnot e jere clare tant che il dì e la lune taronde e gnove e rivocave i siei rais di lûs suntun mâr ingrispât che al slusignave tant che polvar di diamant"
gjavât fûr di "Eivissa mon amour" di Fabian Ros
"il soreli, che al jevave daûr di lôr, al faseve simpri plui clâr il dì"
gjavât fûr di "La fuiace de Madone" di Catarine Percude
clâr adi.
Che al à, che al da une sensazion di serenitât (fig.)
sinonims
seren, gjubiâl, pacjific
esemplis
"no pandeve dal sigûr i siei agns cun chê muse clare, legre cui ganassins colôr di rose"
gjavât fûr di "Anzule" di Pieri Menis
"al à simpri tirât e tasût e cjapadis tant che un mus, fin cuant che pe sô strade al è colât, cu la anime monde e il voli clâr"
gjavât fûr di "Il mus di Lise" di Ivano Urli
clâr adi.
Di aghe o altri licuit, che al lasse passâ la lûs, che al lasse viodi a traviers
sinonims
limpi, net
esemplis
"cheste aghe e je istès tant clare che si viôt il fonts de plere, si ben che al sarà vot, dîs metris insot"
gjavât fûr di "Un riul tra Venit e Friûl" di Dino Virgili
clâr adi.
Di licuit, che al à pocje densitât, pocje sostance, magari par vie che al è stât slungjât cu la aghe
sinonims
slungjât, lami
esemplis
"di cene e jere juste une mignestre clare clare"
clâr adi.
Che si rive a percepî ben
sinonims
net
esemplis
"par ordin che si rimpinave sù pal troi, si sintive la sô vôs alte e clare"
gjavât fûr di "La cartuline" di Alan Brusini
clâr adi.
Che ducj a capissin, che si è ducj dacuardi, che al è fûr di dubi
sinonims
ciert, net, palês, sigûr, evident
esemplis
"e jere clare dute la colpe di Catin"
gjavât fûr di "L'aventari pal barcon" di Maria Forte
"al è clâr che sot dal Fassisim, che al è il non plus ultra dal nazionalisim intolerant e centralizant, no pues vignî ametude nissune libertât di lenghe"
gjavât fûr di "La libertât di lenghe tant che dirit fondamentâl. Atualitât e complessitât dai contignûts de “Cjarte di Chivasso”" di Marc Stolf
"lis Costituzions de Patrie, che a son il monument dal dirit furlan, a son i segns plui clârs de maturitât politiche e civîl de societât furlane dal timp"
gjavât fûr di "Storie dal popul furlan" di Gian Carlo Menis
clâr adi.
Di un messaç, contignût e v.i., che al è facil di capî
sinonims
evident, facil, ladin, palês, plan
esemplis
"la mê idee e jere chê di fâ un libri sempliç di lei e plui clâr pussibil"
gjavât fûr di "O ai scrit pal gno popul" di Erika Adami
"la nestre vôs si alce clare e fuarte a berlâ cuintri ogni forme di prevaricazion"
gjavât fûr di "Cuintristorie dal Nûfcent 2000-2010" di Angelo Floramo
clâr adi.
Di cui o di ce che al mande un messaç, un contignût e v.i., che al comuniche in maniere di fâsi capî
esemplis
"i spiete ae Regjon di sei clare su la forme e il detai de tutele"
gjavât fûr di "Memoriis di politiche linguistiche" di Adrian Cescje
clâr adi.
Che al è pandût a viert, in maniere precise, sclete, cence platâsi o cence platâ nuie
sinonims
franc, ladin, leâl, onest, sclet, viert
esemplis
"magari cussì no une part dal cuarp docent e mostre a nivel colocuiâl une clare ostilitât, une part indiference o sorevalutazion, e dome une minorance une clare adesion ai sfuarçs che o fasìn par rivalutâ la lenghe furlane"
gjavât fûr di "Docents cuintri de lenghe" di Erika Adami
clâr adi.
Che al rive a resonâ in maniere svelte e corete
esemplis
"al è masse rabiât, nol rive a vê il cjâf clâr cumò"
clâr s.m.
Colôr che si svicine plui al blanc che al neri
esemplis
"si vistive simpri di clâr, dispès di blanc, cun ricams tai pols e tal cuel"
gjavât fûr di "A scuele" di Pieri Menis
clâr s.m.
Lûs, in particolâr la lûs dal soreli, vie pal dì
sinonims
dì, lûs, lusôr, soreli, claritât
esemplis
"e spesseave fin che il clâr i lassave distrigâ voris"
gjavât fûr di "La aghe dal Ariul" di Maria Forte
"la aghe e tarlupave di un clâr mulisit di lune"
gjavât fûr di "La strade come un destin" di Dino Virgili
"il soreli al lusive sui veris dai barcons, jemplant il stanzon di clâr"
gjavât fûr di "Marum" di Pieri Menis
clâr s.m.
Spec. tal pl., lis parts plui claris di un dissen, cuadri e v.i.
esemplis
"su chê superficie, russade tra nûi di polvar, si poiaran biel planc armoniis di ponts in moviment, simpri diviers, stratificazions licuidis che si fasin lûs, clâr e scûr, che a cjalin ae nature"
gjavât fûr di "Armoniis di ponts in moviments" di Erika Adami
clâr s.m.
Puest libar di ostacui
sinonims
lûs
esemplis
"[i uciei] a tentavin di saltâ fûr pai clârs dai çamars, come clapadis a sbighet, e a restavin imberdeâts te rêt"
gjavât fûr di "Cjase di Dalban" di Maria Forte
clâr av.
In maniere che ducj a puedin viodi, sintî, capî e v.i.
sinonims
a clâr, clâr e net, net e sclet, clâr e tont
esemplis
"“Il partigjan nol à di spiorâsi a cirî pes cjasis ce mangjâ”, e cjante clâr la sentence"
gjavât fûr di "Storie di Min" di Ivano Urli
clâr av.
In maniere precise, vierte, sclete, cence platâ nuie
sinonims
a clâr, clâr e net, net e sclet, clâr e tont
esemplis
"entrivie, ducj doi o sintivin a cressi chel peam, chel sintiment e, disìnlu clâr, siôr Gjino, ancje chel desideri, l'un par l' altri, che po nus strissinà te passion"
gjavât fûr di "Cretevierte" di Roberto Ongaro
"e restà sepulide la idee di un Friûl indipendent, che nol varès displasût ai aleâts: lôr no vevin mai dit clâr dulà che al varès vût di jessi il confin da la Italie des nestris bandis"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
detulis
"a Madone des cjandelis, se al è nûl o sin fûr, se al è clâr a mieç Invier"
"ai doi di Fevrâr tante nêf che al è clâr"
"clâr a matutin, scûr tal stali; scûr a matutin, clâr tal stali"
"cuant che e je scure la buse di Pinçan, e ven la ploie, co e je clare al ven bon timp"
"cui che si scuse cence jessi interogât al fâs clâr il so pecjât"
"montagnis claris, ploie vicine"
"ni femine ni tele al clâr di cjandele"
"scure la marine: mangje, bêf e sta in cusine; clare la montagne: bêf e va in campagne"
"se a Sant Bartolomiu al jeve il soreli clâr, o vin zulugne prin dai Sants"
torne sù

cognons

Chiarotto
Incressitîf dal non di persone Chiàro, plui difondût te forme feminîl Chiàra. Nol è di escludi che al vedi contribuît Chiariotto di Valmassa, un personaç dai poemis cavalarescs talians. Tipic di San Vît dal Tiliment; present a Siest, Pordenon, Fossalte, Cjons, Purcie, Cordovât, Cjasarse, Codroip, Çarvignan, Daçan.
fonts
1613 Lucia di Gregorio q. Zuane Adami di Vinaio (famiglia una volta ricca ora povera) sposa Piero Chiarotto di Legnidis (Filze); 1670 Ser Daniel Claroto della Villa di Savorgnano (ASU CRS 206/1); 1750 al nas a Vildiflum Francesco Chiarotto (Savorgnan, 2002); 1757 Valentin Clario della Vicinia di Chions (ASU CRS 48); 1759 Antonio Clarotto in Vicinia Villotta di Sbrojavaca (ASU Bertoli 31.2); 1847 al nas a Savorgnan (San Vît dal Tiliment) Giobatta Chiarotto di Franc. q. Giac. q. Franc. di Vildiflum (Savorgnan, 2002); 1894, ai 12 di Novembar Giuseppe Chiarot detto Cassini da Azzano Decimo “bel vecchio arzillo e sagace, nato nel 1807” (Postumia, pag. 37); 1908 la famee di Antonio Chiarotto di Savorgnan si compon di 51 personis (Savorgnan, 2002); 1910 Giulio e Giacomo fradis Chiarot di Domanins, rivâts di Daçan (Luchini, 1982); 1980 Sergio Chiarotto, nassût a Siest tal 1942, al è vicepresident de provincie di Pordenon (Nazzi, 1992).
Chiarottìn, Chiarottini
Come Chiaròt (viodi), cu la zonte dal sufìs diminutîf -ìn. La forme Chiarottìn e je a Pordenon, Cjanive, Vildiflum; Chiarottini a Udin (culì forsit une variante dal plui comun Chiaruttini).
fonts
1754, ai 28 di Avrîl don Sebastiano q. Antonio Chiarottini (o Chiaruttini) abitante in Udine – eletto capp. Congr. Anime S. Giacomo con 368 pro e 109 contro (ACR 549/1); 1756 Sig. Natale Chiarottino mercante di Codroipo faceva venir cera da Venezia (ACR 193).
Chiaròt
Incressitîf dal non di persone Chiàro, vuê plui difondût te forme feminîl Chiàra; o pûr dal furlan cjâr par talian “caro". Nol è di escludi che al vedi contribuît Chiariotto di Valmassa, personaç dai poemis cavalarescs talians. Carateristic di Daçan; al è a Vildiflum, Montreâl, Pordenon, Purcie, Gruâr (Boldare), Cint, Pramaiôr. Il toponim Casa Chiarot al è a Daçan e a Pasian di Pordenon (IGM). Viodi ancje Chiarotto.
torne sù