bilengâl

monolengâl

cognons

Cocolèt

Al è a Caprive. Diminutîf di Còccolo (viodi).

Cocolìn

Forme diminutive di Cocco (viodi) o Coccolo (viodi). A Vignesie (Boerio) cocolìn al vûl dî “ninin" e “si dîs par afiet a un frutin". Un Jacobus Cuculinus al è documentât tal Cjanâl Pedarç (Val Pesarine) tal 1426. Tal 1471 il nob. Ser Mainardo detto Cuculin f. del nob. Simone di Cormons (Biasutti). Cognon presint a Rude e a Çarvignan.

fonts

1500 Cocolino presints a Puriessin (Corgnali); 1727 Simon Coculin, convicino di Russiz di Sopra di Capriva (ACAU 716/3); 1809 Nicolò Cocolino colono in Cervignano e Pietro Coculin brazzante in Terzo (ASU Della Torre/B 30); 1982 al mûr l’arcivescul di Gurize Pietro Cocolin. Al jere nassût tal 1920 a Sacîl (Rude) (Nazzi, 1992).

Cocus

Si cjate a Monfalcon.

fonts

1594 Josefo q. Piero Cocus fitt. nobb. Colloredo di Maso osentato Locho et focho in Talmasons (ASU Colloredo-Mels I parte 13.112); 1600 Rev. Antonio de Coquinarijs, piovano di Monfalcon (ACAU 737).

Codaglio

Forsit al ven di codài che, in cualchi puest de Cjargne al vûl dî “frutut une vore picinin” (NP), ma al podarès volê dî ancje “l’ultin nassût”. Al è presint a Dartigne come Codài. Tal Schedari Corgnali: 1412 q. Nicolay Coday a Buie; 1591 Petrum q. Sebastiani Coday a Dartigne, 1591 Consortibus de Codays de Valle a Dartigne. Tal Schedari Biasutti: 1602 ser Ioseppo Codai marangon in capo Mercatovecchio a Udine; 1667 Ser Tomaso Codaglio q. Alvise di Udine Mercatovecchio, due anni prima era a Venzone a far sedie e casse; 1644 Anna di Domenico q. Sebastiano Codai di Artegna; 1727 don Giovanni Codaglio di Bernardino da Artegna. Daûr de stesse font ‘i Codai a jerin erêts o dissendents dai Stolf (1457 Elisabetta Stolf, 1505 Antonio Stolf)’.

fonts

1595 Joannes Dom.co Codai di Cormons (ACAU 725/1); 1650 Zuanne Codai degano d’Artegna (ASU Barnaba 19.16); 1776 Gio. Pietro q. Franc. Codaglio Borgo Sotto Castello d’Artegna, assegnatario di porzione di Palludo del Comun (ASU Perusini 728.4); 1824 Anna Codaglio di Franc. nata in Artegna nel 1803, possidente, sposa Valentino Pozzi di Orazio, artiere di Amaro (A.P. Damâr).

Codarìn, Codarini

Il codarìn al è "une maiute di fier cuntun lincin par picjâ te cinture il codâr ". Chest ultin chi al è un cuar o un len çondar par metii dentri la côt. Lis dôs versions a son difondudis a Cjasteons di Strade dulà che a son documentadis dai prins agns dal Cinccent (Costantini, 1972). Si cjatin ancje a Cjarlins e a Udin.

fonts

1439, ai 22 di Març Driucius q. Codarini de Purgessimo – teste (ANU 712); 1460 Matteus Codarin a Cividât (Corgnali); 1553, ai 31 di Zenâr Daniele f. di Domenico Codarini de Castions Strada in causa matrim. con Angela di Stefano (Filze); 1559, ai 11 di Dicembar Domenico Codarini f. di Biagio de Castions Strada – teste in Pozzuolo (ANU 3620); 1591, ai 4 di Fevrâr don Domenico Codarino de Castions di Strada – il quartesario esige pagamento quartese dei suoi terreni (Mandatorum); 1611 Giacomo Codarin, zurado de Casteons di Strade (ACAQ 893); 1685, ai 31 di Avost Filippo Codarino di Monte Maggiore dà duc. 5 a Confr. Rosario Nimis per 1 messa annua (ACR 300 fila Rosario); 1701 Processo Ceccati di Rivolto contro Zuane Stocco et Marco Codarino della Fraterna di S. Biasio di Casteons (ASU Someda 15); 1779 Gio. Codarino, priore Fraterna SS.mo Sacram. di Bagnaria (ASU CRS 22); 1817 Maria Codarino nata a S. Andrat nel 1790, figlia di Bartolomio di Morteano, villica, sposa Antonio Ferro di Paolo da Morteano (A.P. Mortean).

Codeglia

Come Codellia (viodi). Al è presint a Gurize.

fonts

1628, ai 7 di Mai don Mercandello Codelia – licenza cura anime in Idria (Extraordinariorum); 1630, ai 7 di Setembar don Lorenzo Codeglia capp. di Circhina (Extraordinariorum); 1633 Jacobo Codeglia della Vicinia di Circhina (ACAU 729/4); 1731, ai 5 di Setembar don Tomaso Codeglia di Valent. e Gertrude da Descla Canale Roncina – il padre gli fa patrim. eccl. duc 720 e il parente Nicolò Iuvancig duc. 272 (AB).

Codellia

Al ven dal sloven kodélja “rocje par filâ". Duncje, in origjin al varà volût dî di un "om magri tant che une rocje" (viodi Merkù, 1982). Al è presint a Gurize (culì, ae fin dal Cinccent al è un Codel Paulo).

Codeluppi

Al ven di un sorenon setentrionâl che al vûl dî “cjâf di lôf" (*Co-de-lòvo e simii, contrazion di *Cao-de-lòvo), salacor in maniere scherçose (Rapelli, 1995). Al è presint a Udin e a Cividât.

Coden

Si cjate a Purcie, Daçan, Davian, Gonârs, Gaiarine.

fonts

1547 Marco q. Bortolamio Coden (o Coder) suo lascito testamentario alla Scola del SS.mo Rosario di Gaiarine (ASU CRS 225/1); 1558 Jacomo Cuden (o Cudan) de Pradulon fitt. Sigg. Prodolone (ASU Colloredo-Mels III parte 100); 1580 i Coden presints a Cjanive di Sacîl (Luchini, 1997); 1592 Maso di Angelo Codeno (o Codas) di Malnis (ASU CRS 498/2); 1683 Ser Zuan Maria q. Marco Coden (o Codel) di Roveredo (ASU CRS 410/1).

Codermaz

Si cjate a Gurize, ancje te forme italianizade Codermazzi. Viodi Codromaz.

fonts

1473 Codermaç a Cerò (Corgnali); 1513 Stefano Chodermazo a Dolegne (Corgnali); 1760 Pietro Codermaz della Vicinia di Cosanna Austriaca (ACAU 731/1).

Codia

Si cjate a Monfalcon.

Codogno

Al ven di Codogno, che al è il non di cualchi centri abitât de Italie setentrionâl. Nol è tant probabil che al vegni dal non dal arbul che al fâs chestis pomis profumadis, il codognâr. Al è un cognon de zone di Padue; al è a Spilimberc, Udin e Pordenon. Tal 1640 Zuan Codogno di Vendoi fittuale nobb. Colloredo (ASU Perusini 741).

Codognotto

Forsit al vûl dî di une persone "che e je di Codognè ", un centri abitât te provincie di Trevîs. Al è a San Michêl, Lignan, Tisane, Pordenon e Gurize.

fonts

1732 Pietro Codognotto, fratello della Scuola San Sebastiano di Ghirano (ASU CRS 243); 1746 Gerolamo Codognoto q. Bastian habit. al Ponte del Maron Sotto Villanova (ASU CRS 243 Ghirano); 1792 Dom.co Codegnoto della Fraterna S. Valent. di S. Vito (ASU CRS 454/4); 1822 Valentino Codognotto di Paolo nato nel 1783 in Latisana, villico, vedovo, sposa Anna Gobbato di Pietro nata in S. Giorgio nel 1791, vedova, villica (A.P. Tisane); 1849 al nas a Pasian Ferdinando Codognot (Begotti, 1986).

Codotto

Cognon dal Gorc di Tisane. Forsit al ven di un sorenon fat su coda; cun cheste peraule si podeve volê dî, par esempli, l'ultin nassût in famee.

fonts

1582 Baptista Cudotus, homo Comun Villa S. Vidotj (ASU CRS 191/1); 1652 Agnolo Codotto in Vicinia di Camino di Codroipo (ASU Someda 26.2); 1714 Dom.co Codotto (ancje Cudotto) cameraro della Fraterna di S. Antonio A. di San Vidotto (ASU CRS 449); 1718 Valentin q. Angelo Cudotto (o Codotto) debitore della Confr. di S. Valentino di Camino di Codroipo (ASU CRS 39); 1821 Gio. Batta Codotto di Angelo di Gorgo, nato nel 1786, villico, sposa Gioseffa Negretto d.° Rosso di Franc. da Pineda (A.P. Tisane).

Codrich

Come Kodrič (viodi). Presint a Monfalcon.

fonts

1593 Jacobus Codriz di Rifemberk in Gorizia (ACAU 717/7); 1614, ai 12 di Dicembar don Michele Codricio de Raiffniz – scandalosis concubin. (Filze); 1750, ai 9 di Dicembar don Silvestro Faidutti di Gio. Batta e Adriana da Cividale – dal castello di Raiffenberg Pietro Codrig gli fa patrim. eccl. (AB).

Codromaz

Cognon tipic de val dal Judri dulà che al à dât il non ae omonime localitât di Codromaz / Kòdarmáci tal comun di Prepot. La forme origjinarie e jere Còdermaz / Kòdermac (1490 – 1500 Brida Codermaçouiça; 1507 Marina filia Hellari Kodermatz; 1516 Marina uxor Gregori Chodermatz; 1547 Lencka vxor Petri Kodermatz; 1617 Marina Codermazica; 1620 Stephano Codermaz). O pensi che ae fonde di chest cognon - che nol è facil di sclarî par vie dal sufìs che nol è tipic -maz - al sedi il sostantîf sloven kóder “bocul, cjavei riçots”: duncje, al vignarès dal sorenon dât a une persone che e veve i cjavei riçots o mots. Une prove si le cjate tai tancj cognons neolatins Rizzi, Rizzo, Rizzato, Rizzotti, e vie indenant, tal cognon Códra / Kódra che al jere tipic di Vernàs dulà che al è discomparît ae fin dal Sietcent; ancje chest al ven dal sostantîf sloven kóder (Zuanella, Dom, 19, 2000), cu la formante slovene masculine -a.

fonts

1665, ai 21 di Avost don Gregorio Codromaz (o Codermaz e Codromazzo) di Andrea da Pegliano e Ponteacco – il padre e lo zio gli fanno patrim. eccl. (Patrimoni); 1700 Codromaz a Gjian (Corgnali); 1747, ai 9 di Avost don Giacomo Codromaz (o Codromazzi) di anni 23 q. Antonio e di Menega figlia ed erede univ. di Gius. q. Dom. Pascolino da Gagliano – si fa patrim. eccl. – studente in teologia – diligente in chiesa – costumi non bene (Patrimoni), tal 1753 patente confessore in Gagliano (Registrum Confessariorum), tal 1756 era capo della cantoria locale formata da 12 elementi fissi (Cart. Gjian); 1817 Andrea Ieroncigh di Michaele nato sotto la Parrochia di Canal, ved. di Ursula Covazeuzigh, contadino domic. in Bordon, sposa Domenica Codermaz di Biasio da Codermaz (A.P. Prepot); 1889, ai 9 di Avost Giovanni Codromaz da Codromac chierico tonsurato ammesso per dioc. Gorizia (AB); 1971 Graziano Codromaz cl. 1953 di Codromaz di Prepot, poliziot e pugjil, al è te scuadre des FF.OO. (Fiamme Oro "Flamis Aur") di Rome.

Codugnello

Al è probabil che al vegni di Codugnella, un centri abitât tal comun di Colorêt di Montalaban. Tal 1636 Dom.go Cudugnella in Vicinia di S. Maria la Longa (ASU Perusini 704.3).

Codutti

Forsit al ven di un sorenon: codùt, diminutîf di “code" (par dî, par esempli, l'ultin nassût intune famee). Al è avonde difondût a Murùs (culì Codutti al è toponim te tabele IGM), Martignà, Pasian di Prât, Udin; al è presint a Tavagnà e a Pagnà.

fonts

1553 Giovanni di Plasentino detto Codut q. Colao Cumini di Torreano (di Martignà) – (ACR 245/1); 1575 Joanne Codutto de Torriano, testemoni intun document de Glesie di Sante Margarite (Murùs) (ASU CRS 245); 1601 Plasentin Cudutto (o Codut) di Torreano di Martignà (ACAQ 892); 1612, 14 di Avost Valentino Codut da Brazzacco accusato espressioni eretiche (ACAU – Inq. pr. 744); 1615 + a Roma Leonardo q. Giovanni Codutti da Togliano (Filze); 1642 Batta Coduto della Vicinia di Alnici (ASU CRS 853/1); 1675 Michele Codutti notaio da Alnicco (ASU): chest, a Dalnì, al è il prin di trê nodârs di non Codutti, l’ultin al à fermât di lavorâ tal 1817; 1678 Michele Codutti notaio e perito pubb. da Alnicco – suo catastico terre chiesa S. Margherita (ACR 246/2); 1693 m.° Leonardo e m.° Antonio f.lli figli di m.° Andrea fabbro Codutto da Zugliano (ACR 546/1); 1696, ai 18 di Avost don Gio. Giacomo di Ant. q. Giacomo Codutto da Alnico n. 1674 il padre gli fa patrim. eccl. Studiava dai Gesuiti a Gorizia (Patrimonium); 1721 Carlo Codutti notaio da Zugliano (ASU); 1791 Gioseffo Codutto, cameraro Fraterna del SS.mo Rosario di Caporiacco (ASU CRS 40); 1816 Angela Codutta di Gio. Batta Codutto nata in Brazzaco nel 1792 domic. in Plaino, contadina, sposa Giacomo Mauro di Dom. da Plaino (A.P. Pagnà); 1817 Paola Coduto di Giovanni da Torreano, sposa Francesco Foschiatto di Pietro nativo di Reana e abit. nei Casali di Telazzaja di S. Margherita (A.P. Sarsêt).

Codàro

Il codâr al è l'imprest par puartâ la côt, par solit fat di un cuar o di un len çondar. Al pues volê dî ancje “stupidut". No si esclût che al vueli dî “un che al fâs côts": tal 1555 si à un Girolamo dell’Asino q. Leonardo codaro de Lauzana (Biasutti). Lis formis Codèr a podaressin vignî dal centri abitât di Coder tal comun di Sedean. Tal Schedari Corgnali: 1347 Jacobi dicti Choderi a Tarcint; 1550 Colau Codar (o Coder) de Predeman; 1571 Franciscus Coder a Atimis; 1595 Piero Coder di Vergnaco. Tal 1615 don Valentino Codaro da Ontagnano (Biasutti). Si cjate a Buri: 1815 Giuseppe Codaro di Mattia nato in Sottomonte di Buttrio nel 1796, villico, sposa Maria Durì di Buttrio (A.P. Buri). Toponims: lu Mulin di Codâr sot Culino Piçulo (culì al è il non di une famee) tal comun di For Davôtri; Val di Codâr tal comun di Bordan.

Coglòt

Il sufìs -òt al somee furlan, ma la lidrîs Kugl e ven dal todesc (e à a ce fâ cun Kugel “bale"), che al podeve volê dî "om grues, gras" (v. Merkù, 1982). No je di scartâ dal dut la ipotesi che al sedi un etnic di Còllio, che une volte si scrivevilu Coglio: tal Schedari Biasutti tal 1651 o cjatìn un don Andrea Cogliot – licenza cura anime coop. S. Pietro fuori Gorizia. Se cheste ipotesi e fos vere, alore la pronunzie e sarès Cogliòt. Al è presint a Gurize.

Cogo

Sedi par venit che par furlan al vûl dî propit "cogo", duncje al ven dal non di un mistîr. Al è un cognon difondût massime tal Venit; te nestre regjon si cjatilu a Daçan, Sacîl e a Pordenon. Tal Schedari Corgnali: 1293 Nicolao Cogo a Cividât; 1302 Leonardus Cogus de Tricano; 1498 Laurentius Chogo a Cividât; 1573 Zuan Piero detto Cogo a Mortesins.

Cogolo

Al ven dal non di un di chescj centri abitâts: Cogolo (provincie di Trent), Cogollo (provincie di Verone e di Ravene), Cogollo del Cengio (provincie di Vicence). Al è mancul probabil che al vegni dal furlan cògul “clap" o dal diminutîf di cogo (Biasutti 1956 al ripuarte un Marian cogul a Maran tor il secul XII). Al è presint a Udin. Tal comun di Nert e Cjas al è il toponim il Cogol (IGM).

fonts

1739 Sig. Gio. Batta Cogoli del Sig. Gio. Batta – negozio di stoffe e mercerie in Udine (ACR 555/1); 1770, ai 20 di Setembar Sig. Santo Cogolo q. Gio. Batta da Udine prende a livello duc. 200 da Monast. S. Agostino di Udine (ACR 540/2); 1990 al mûr l’industriâl de piel Gianni Cogolo, nassût a Udin tal 1932 (Nazzi, 1992).

Cogói

Il cognon Cogój/Kogój al è difondût te part ocidentâl de Republiche di Slovenie, ma al è presint ancje in Friûl te forme Cogoi; si è studât o ben al è discomparît di tancj agns tes Vals di San Lenart dulà che tal Sietcent e tal Votcent al jere presint in plui puescj: a Lusa, dongje Cosne (1633 Canciano Cogoi de Lusa), a Gnidovizza, Stregne e Osgnet. Considerade la sô difusion te part bande soreli a mont de Slovenie e tal Friûl, cualchi autôr, come Pavle Merkù, a pensin che al sedi un cognon di origjin furlane che si è fat de peraule cogòl, o ancje cogòi, “bertovello, cogolaria... sorte di rêt di cjanaipe fate a coni doprade par cjapâ vanins, barps e bisats” (NP). Duncje, se o cjapìn par buine cheste ipotesi, il cognon al vignarès par metonimie e in origjin al voleve dî di une persone che e pescjave tes aghis dolcis dai flums. La finâl -goj e podarès fâ pensâ ae desinence slave -goj che e à dât une vore di cognons di origjin slovene tal nestri teritori cu la desinence finâl –goj (par esempli Saligoi, Bodigoi, Perigoi, Blasigoi, Cernigoi, e vie indenant). Cheste ipotesi no nus somee che e sedi di scartâ a priori (Zuanella, 1997). Al è tai comuns di Udin, Triest, Gurize, Muçane, Listize, Manzan, Puçui, Pradaman. Il toponim Mulino Cogoi al è a Mortean e a Sante Marie la Lungje (IGM).

fonts

1686, ai 23 di Dicembar don Stefano Cogoi di Giovanni da Lucinico nato nel 1662 – il padre gli fa patrim. eccl. – studiava dai Gesuiti di Gorizia – fatto capp. di Podgora (Filze); 1696, ai 26 di Zenâr don Antonio Cogoi di Luca e Lucia da Gorizia nato nel 1672 – Tomaso e Luca Cogoi da Dragoniz presso Salcano suoi consanguinei gli fanno patrim. eccl. – nominato capp. B.V. Lauretana in Tarvisio (Patrimoni); 1710 Andrea q. Ermacora Cogoi, fittuale della Scuola del SS.mo Rosario di San Leonardo (ASU CRS 445); 1773 Antonio Cogoi da Manzano fattore dei Panni (ACR 693/2); 1777, ai 24 di Avrîl Sig. Angelo Stampetta figlio del dott. Ottavio abit. in Magredis – disp. pubblicaz. per sposare Pasqua di m.° Daniele Cogoi di Qualso trasferitosi in Siaco (Filze); 1848 Gio. Batta Cogoi di Gorizia cofirmatario di Supplica presentata in Trieste al Governo perché venga ribassato il dazio sulla birra (ASU Perusini 603.21).

Coianis

Probabil che al sedi come Coiàniz (viodi). Al è a San Vît di Feagne (Sunviele).

Coidessa

Cognon di Cjavaç documentât dal 1476 cun Dominico filio quondam Antonii Coydesse de Cavatio (Dell’Oste, 1999). Al è dificil di sclarî, come ancje chel altri cognon di Cjavaç Goi, che forsit a àn colegaments.

fonts

1439 Giac. Coides compra da D.na Christina q. Steffano di Stulvizza un campo sotto Altrons, del quale fa donatione esso Coides a Fraterna B.V. dei Battuti di Tarcento (ASU CRS 511/1); 1504, ai 30 di Dicembar don Domenico Coidessa da Cavazzo Carnico – benefic. in Incaroio (nodâr Flumiano de Tolmezzo), tal 1505, ai 3 di Novembar teste in Caneva (ANU not. Crist. Angeli); 1517 q. Stephano Coydesa a Cjavaç (Corgnali); 1517 q. Piero Coidessa a Cesclans (Corgnali); 1685 M.° Lenardo Coidessa di Cavazzo, teste (ASU CRS 47); 1719 Maddalena d’Antonio Cojdessa di Cavazzo, consorella della Fraterna della Centura di Tolmezzo (ASU CRS 522).

Cois, Coiz

Cognon di origjin slovene: al ven de forme curte dal non di persone Konrad “Corrado", cuntun sufìs diminutîf (Merkù, 1982). La forme Cois si cjatile a Atimis, Faedis, Tarcint, Udin; Coiz a Udin. Tal Schedari Corgnali: 1318 Johannes Coys de Alnico; 1439 Lenart Coys de Raspan a Cividât; 1468 Baptista Coys a Glemone; 1592 q. Francisco Coys de Qualso. Tal 1563 Antonio d.° Tunel q. Paolo Cois abita a Montegnacco, gli eredi di Giacomo Cois di Raspano abitano a Qualso, gli eredi di Nicolò Cois di Raspano abitano a Adegliacco (Biasutti). Tal1786 Valentino Cois della Vicinia di Racchiuso (ACAU 151 paîs). A Vençon Coi al è il stracognon de famee dai Di Bernardo dal Borc Russìts e al à dât i toponims Cjasute di Coi e Stâli di Coi.

Coiutti, Coiutto, Cojutti

Forsit al è un dai tancj derivâts di Nicolò, midiant di formis similis a Colaùt (viodi Colautti). Sul imprin dal Cuatricent o vin cjatade la forme Cuglut (olim Warnerii dicti Cugluti a Dentramp di Davâr). Tal Cinccent si lu scriveve ancje Cugliut (in chê ete, tal furlan al jere inmò il sun gl che dopo si è evolût in j). Al è sigûr che il prin dai Coiutti al jere di Santaroc (Forgjarie), un ciert Nicolò detto Cojut che, tal 1513, al à donât ae glesie di Sant Lurinç un legato di una mezzina di frumento sopra un maso in Vacile per le anime dei figli Antonio e Odorico, muarts salacor pe epidemie di peste dal 1511. Dut câs, no si pues escudi dal dut une derivazions di Còja, frazion di Tarcin (daûr di Faidutti, Morsanutto, Fanutti,...). La forme Coiutti si cjate a Tavagnà, Udin, Faedis, Martignà, Murùs; Coiutto a Forgjarie e a Pinçan; Cojutti a Udin (culì ancje il toponim Mulino Coiutti IGM).

fonts

1500 cirche Giacomo Pizolo (o Coiut) – (Biasutti al dîs: parcè che al jere piçul) da Godia padre di Bernardino Coiutti che testa nel 1565 (Filze 1600); 1530 Antonio Cojut a Rivalpo (Corgnali); 1539 Faedis in Domo Nob. Henrici de Zucho in Curia. Presentibus Ser Angelo et Cuijuto de Godia (ASU Zucco 58); 1546, ai 28 di Fevrâr Comucio figlio di Cugliutto (o Cuiutto) di Godia (ANU 4985); 1568, ai 5 di Lui don Giuseppe Coiutto q. Dom. da Godia ivi officiante (Extraordinariorum), nel 1570, ai 20 di Lui parroco di Povoletto in lite con Salt per quartese (Civilium); 1602, ai 6 di Lui Pietro q. Gio. Coiuto di Faedis vende migliorie per 20 duc. al nob. Girol. Partistagno q. Perseo (ACR 631/1); 1629 Giacoma di Giacomo Coiutti da Godia – causa di separazione dal marito Giac. q. Gio. Cossio di Godia che la picchia (Filze); 1680 Gios. q. Giac. Cujutto di Godia, monaro, cede beni in Attimis (ASU CRS 15); 1692 Ser Leonardo Coiutto da Godia era “Sindico della Contadinanza della Patria del Friuli” (dai Patrimonis); 1789 don Birnardinus Cojutti di Godia al è predi (ACAU); 1720 Giuseppe Cuiutto di Godia riceve Botte Vino per Spazzo dai nobb. Colloredo (ASU Perusini 752 n.13); 1815 Giuseppe Calegaris q. Pietro nato nel 1782 a Feletto, calzolaio, sposa Caterina Cojutto detta Pangon di Domenico di Godia nata nel 1794, contadina (A.P. Udin Padier).

Coiz

Come Cois (viodi). Si cjate a Udin (ai Riçs tal Votcent). Tal 1848 ordinato sacerdote don Antonio Coiz nato a Faedis nel 1824 e destinato ad assistere la milizia stanziata nei dintorni di Palma. Sul imprin al jere criticât pes sôs amiciziis mazziniane e socialiste. Dopo al è segnalât par jessi fortemente animato per la Santa Causa. Tal 1859 si è arolât tal esercit piemontês. Pes sôs ideis e impresis al sarà tignût in cont di vêr Patriote dal Risorgjiment. Al è muart a Bergamo tal 1888 (Schedari Biasutti).

Coiàniz, Cojàniz

Al ven di Coja (par furlan Cùje, par sloven Kujíja), un centri abitât dulà che une volte si fevelave par sloven, logât intune zone de riviere di Tarcint une vore biele. Il sufìs al varès di corispuindi al sloven -anac. Merkù 1982 al ripuarte dal libri “Libro Copia degl’Istromenti” de glesie di Sant Zorç di Lusevare: Pietro q. Michele Coijaniz di Coija, Pietro q. Costantino Coijaniz di Coija. Tal 1590 une Maria Coianiz di Pradielis. Dut câs, lis primis atestazions a somein jessi chês che al ripuarte Corgnali: 1482 Cojaniç famulus Ciprianj de Tricesimo; 1482 Johannes Coyaniç de Predemano. Al è un cognon tipic di Tarcint; al è presint a San Zorç di Noiâr.

fonts

1560 Pietro q. Michele Coijaniz di Coija vende alla Nob. Sig.ra Susana rel. q. Nob. Franc. Moisè Una Pezza di Terra arrativa detta Beorchian (ASU CRS 511/1); 1593 Valentin Coaniz si comunica in Chiesa S.ti Joanni in Vertoiba Jnferiori (ACAU 724/1); 1636, ai 14 di Fevrâr don Michele Coianiz (ancje Cojaniz, Coaniz, Coianis) da Coia – Tarcento il padre Dom. q. Pietro gli fa patrim. eccl., era il 1° di 4 f.lli maschi. Atto notarile con lirica introduzione (AB), tal 1649, ai 18 di Mai licenza cura anime coop. Nimis (Patriarcalis), tal 1658, ai 3 di Zenâr viene rimosso da economo di Montenars per trascuranza doveri pastorali (Processi AAU), tal 1656, ai 23 di Dicembar licenza cura anime solo 10 giorni in Lusevera e ville slave (Extraordinariorum), tal 1657, ai 5 di Març essendo stata tolta la confess. a don Osvaldo Taboga vicario di Buia (per i suoi strani rigori) assume don Coianiz quale suo sostituto a duc. 8 al mese antecipati (Filze), tal 1662, ai 10 di Jugn divieto far da avvocato al foro di Tarcento (Mandatorum), tal 1670, ai 30 di Lui “Per oviare a molti... che il Rev. Pre Michele comette nella pieve di Tarcento a pregiudizio del Piovano stesso (Giac. Michelesio) et della Pieve” gli è proibito confessare, far funzioni e celebrare senza licenza pievano (Filze); 1663 don Joannis Coianiz de Tarcinto al è predi (ACAU); 1686 Ser Domenego Coianiz q. Luca di Coja, in docum. della Fraterna del Rosario di Tarcento (ASU CRS 516); 1699 Dom.co q. Pietro Cojaniz detto Osso [o Cosso?] di Tarcento, teste (ASU CRS 518/1); 1734 Gio. Batta q. Dom.co Coyaniz detto Cosso, cameraro Fraterna B.V. dei Battuti di Tarcento (ASU CRS 514/4).

Cojazzi

Si cjate a Pordenon e a Lavorêt.

fonts

1618 Jacobus Coiazzus de villa Ursaci Aquil. Dioc. (Corgnali); 1700 in Roveredo in Casa habitata da Dom.go et f.llo Coiazzi, hosti (ASU CRS 410/1); 1871 Domenico Coiazzi sindic di San Quarin (Goi, 2004); 1921 Antonio Cojazzi, predi salesian, mestri, al fonde e al dirêç a Turin la “Rivista dei giovani”. Al jere nassût a Lavorêt tal 1880 (Angelillo, 2002).

Col

Si cjate a Spilimberc e a San Zorç da la Richinvelde. Dal venit col “cuel”. Tal 1932 i fradis Giacomo e Giobatta quondam Angelo Col, vignûts di Fossalta Maggiore (TV), si stabilissin a Domanins (Luchini, 1982).

Colaetta

La prime part e je fate di Cola, forme aferetiche di Nicola. La seconde part e podarès vignî di un altri non, che nol è facil di identificâ, o forsit al podarès jessi dome un sempliç sufìs diminutîf. Presint a Udin.

fonts

1570 Antonio q. Gio. Colavetta d.° del degan da Paderno (ACR 635/1); 1635, ai 24 di Zenâr Gio. Batta Fumolo q. Battista di Filettis (Biasutti: salacor Felet) hora habitante Paderno sposa Maria q. Paulo Culavetta di Paderno (Matrim. Padier); 1645, ai 21 di Zenâr Ser Leonardo Colavetto q. Dom.co da Paderno – il monast. S. Chiara riloca loro un sedime (ACR 609/3); 1656 Biasio Culavetta detto Barbetto da Paderno (ACR 609/3); 1658 Menega di Gio. Batta Culavetta q. Matio q. Zuan Battista da Remanzacco sposa Nicolò di Leon. Ferro (Filze); 1690, ai 28 di Zenâr don Angelo Colaetta di Valentino e Menega da Paderno nato nell’anno 1664 – il Comune lo aveva eletto cappellano (Filze); 1777 Leonardo di Francesco Colaetta q. Gio. Angelo q. Leonardo q. Valent. da Paderno sposa Domenica q. Vincenzo Missio (AB); 1816 Giacomo Fasano di Gasparo nato in Paderno nel 1789, contadino, sposa Caterina Colaetta di Giuseppe nata nel 1791 a Paderno (A.P. Udin Padier).

Colaone

Incressitîf di Colao, forme aferetiche di Nicolao, variante di Nicola. O pûr al è fat di Cola, forme aferetiche di Nicola e di Leone. Cognon carateristic di Conoglan di Cjassà (culì Casa Colaone te tabele IGM); al è presint a Dartigne, Udin (culì al è il toponim Casa Collaone IGM), Tresesin, Pucinie (atestât tal 1813). Tal Schedari Corgnali: 1420 Zuan Culaone degano de Conoglano; 1588 Piero Colavon de Coneglano; 1937 Colaone 16 fameis a Conoglan. Culavón al è il sorenon di une famee Brunetti di Cjavaç.

fonts

1530, ai 21 di Novembar Nicolò q. Dom. Culaoni di Conoglano teste in Tricesimo (ANU 4984); 1536, ai 14 di Zenâr m.° Chantian q. Dom. Michon di Culaoni de Conoglano (ANU 4984); 1591, ai 26 di Setembar Miotti Apollonia di Giac. da Conoglano – Pietro di Vezzo Colaone di Conoglano le fa causa per rottura promessa matrim. (AAU Filze); 1653 Eredi del q. Zuanne Colaone di Conoglan fittuali nobb. Colloredo (ASU Perusini 694.3); 1690 Zuan q. Dom.co Culaon, -ne di Conoglan, fittuali dell’Abbazia di Moggio (ASU CRS 286/2); 1695 Ant. q. Nicolò Culaone di Fraelacho ora comorante in Attimis (ASU CRS 15); 1737 Marco Culaone Uomo di Comun di Pagnaco (ASU Perusini 568.13); 1752 Batta q. Lonardo Culaone, cameraro Fraterna di S. Nicolò di Cassacco (ASU CRS 41); 1752, 22 di Avost don Giuseppe Colaone (o Culaone) di Val.° da Rizzolo si fa patrim. eccl. (AB), tal 1768 capp. di Mussons, tal 1780 capp. di Portogruaro (Filze 1784), tal 1783, ai 13 di Mai parroco di Giussago dioc. Concordia (Patrimonium); 1759 m.° Dom. e m.° Giorgio f.lli q. Gio. Batta Colaone da Tricesimo (ACR 526/2); 1771 Gioseffo Culaone, degano di Conoglano (ASU CRS 41); 1780 Nicolò Cullaone di Conoglano fittuale nobb. Caiselli (ASU Perusini 274); 1793 Antonio Colaone di Giovanni notaio in Cassacco (ASU); 1818 Gio. Batta Cisint di Pietro nato in Muzzana nel 1780, agricoltore, vedovo, sposa Maria Culaone di Antonio vedova di Pocenia (A.P. Pucinie).

Colaotto

Incressitîf di Colao, forme aferetiche di Nicolao, variante di Nicola. Presint a Udin.

Colarusso

Cognon de Campanie e dal Molise presint a Gurize. Al sta par (Ni)cola Rosso.

Colasanzio

Al è fat di doi nons di persone: Cola, forme aferetiche di Nicola, e Sanzio. Al è presint a Udin.

Colausig

Al è presint a Gardiscje. Cognon miscliçât di furlan e di sloven: di Culàu “Nicola" te forme diminutive cjarinative Culaùs/ Colaùs, cu la zonte dal sufìs cognominâl sloven -ič (scrit ig).

Colauzzi

Al ven di Culàu, forme aferetiche di Niculàu, che al corispuint al talian “Nicolò", cu la zonte dal sufìs diminutîf cjarinatîf -ùz. Al è presint a Davian. A Vilegnove di Fossalte di Puart, e a Jussà di Puart, e je la forme Colauzzo.

fonts

1601 muore Franc. Colauzzo di Ser Sebast. q. Ant. del Pons da Aviano (ACR 20); 1602 Bastian Colauz di Roncole, fittuale Chiesa SS. Maria e Giuliana di Aviano (ASU CRS 16); 1807 don Gio. Batta Colauzzi già Fra Pio di Castel d’Aviano – minore oss. del convento di Padova – suddiacono – (ACAU Regularium); 1864 abate dott. Domenico Colauzzi da Castel d’Aviano nato nel 1820 – prof. di Teol. morale alla Regia Università di Padova – nel 1880 era prof. di Teol. morale al Seminario di Portogruaro (AB).

Colavitti

Come Colavitto (viodi). Cognon avonde difondût a Cordovât e a Tei: 1494 Dominicus Culaviti te Vicinie di Tei (ASU Perusini 694.1);

Colavitto

Al è une vore probabil che al sedi un dai tancj derivâts dal non Nicolò. Colovìt e Colavìt a puedin jessi i diminutîfs di Colò o di Culàu, che al è plui "furlan" e che al è la forme aferetiche di Niculàu “Nicolò". Viodi ancje Colavizza. Al podarès jessi ancje un non fat di Cola, forme aferetiche di Nicola, e di Vito (la dople t e pues vignî di une corezion ecessive o ben ipercoretisim). Al è presint a San Michêl.

fonts

1736 Ser Lunardo q. Zuanne Colavit di Gemona, teste in Pinzano (ASU CRS 350/1); 1819 Giacomo Gallizio di Ant. nato nel 1792 in Cesarolo, vedovo, villico, sposa Santa Collavito di Osualdo, vedova da S. Giorgio (A.P. Tisane).

Colavizza, Collavizza

Al è un dai tancj derivâts di Nicolò, midiant dal furlan Culàu, cul sufìs -ìz (pronunzie -ìç) di probabil valôr diminutîf. Di Culàu a Colavìz si sta pôc e l'inseriment de -v- al è normâl (Culavón al è un sorenon di Cjavaç e Colovìt al è un sorenon di Bordan). Tal câs di Colavizza si à vût ancje un passaç tal feminin, duncje al podarès corispuindi al talian “Nicolina". No je di escludi la ipotesi che si sedi fat midiant dal sufìs tipic sloven -ič. Al è un cognon tipic di Trasaghis, ma si lu cjate ancje a Osôf (rivât di Trasaghis: 1622 Ioannes Colavizza de Trasaghis incola Barci; Lucia uxor Antonij Colavizza de Trasaghis incola Barci; 1627 Lucina filia di Giacomo Culavizza et di Zuanina habitanti nel Barco), a Cjavaç (rivât di Trasaghis ai prins dal Sietcent), a Glemone (forsit di Trasaghis; 6 fameis tal 1929) e a San Vît dal Tiliment. La prime atestazion a Trasaghis e je dal 1562: Antonius Culavize et Leonardus Michaelis, pro comunibus et villarum de Trasaghis et Braulins... Tes copiis des cjartis di nodâr che par zentilece mi à fat vê Decio Tomat si puedin viodi un pocjis des variazions di grafie che chest cognon al à vût tal timp: 1565 Petrus Culavizza q. Appollonii de Trasaghis; 1581 Antonio di legitimo matrimonio nato de Zuane Culaice; 1591 Giuliana Culaice; 1618 Joannes Culhavizza; Simeonis Culhavizza.

fonts

1556 Zuan di Culavice a Trasaghis (Corgnali); 1627 Giovanni di Iurio Colaviz q. Mattia q. Gio. da Podgora sposa Anna di Ant. Del Chin (Filze); 1666 Gio. Batta Colavizza detto Baresino abitante in Osoppo (ACR 303/1); 1713 Sig. Giacomo Colavizza da Osoppo cestaro in Venezia, S.M. Formosa (ACR 302/1); 1740 Valentino Colavizza d.° il Tedesco di Trasagas debitore di vino a Candido Billiano di Somblago (ASU Billiani 1.12); 1741 Eredi q. Zuanne q. Giamaria Cullavizza d.° Sghinghigne, fittuali in Gemona (ASU CRS 231/4); 1760 Lucia la Frara moglie del q. Gio. Batta Culavizza d.° Franin di Trasagas (ASU Billiani 1.12); 1766 m.° Daniele q. Appollonio Colavizza di Cavazzo, debitore della Fraglia B.V. Consolazione di Tolmezzo (ASU CRS 522); 1769, ai 13 di Fevrâr don Odorico q. Antonio Collavizza da Cavazzo – il f.llo Daniele gli fa patrim. eccl. (AB); 1772 Anna di Gio. Colavizza di Gemona sposa Antonio di Biasio Forgiarini (Filze); 1773 Elisabetta di Leon. Colavizza da Gemona sposa Tomaso di Biasio Londero (Filze); 1793, ai 17 di Setembar don Vincenzo Colavizza da Gemona si fa patrim. eccl. con impegno di messa quotidiana a soldi 20 del Sig. Lorenzo Ciconi di S. Daniele (Patrimoni); 1824 Odorico Colavizza q. Daniele notaio in Marsura (AB): di sigûr Marsuris di Paulêt, dulà che a son presints dal Votcent.

Colaùt, Colautti, Colautto

Di Culàu, forme aferetiche di Niculàu, che e corispuint al talian “Nicolò”, cu la zonte dal sufìs diminutîf -ùt. Viodi ancje Collauto. Tal Schedari Corgnali: 1402 Cholautto q. Henrici qui fuit de Lovarya Utini habitante; 1432 Colautti a Tarcint; 1493 Andrea Colauti de Villa Gruarii; 1503 Colautti a Dael; 1534 Francisco Culauti a Nogarijs; 1555 Battista Colautt de San Vido de Crauglio; 1938 Colautto 37 fameis tal teritori di Cjastelgnûf. Tal 1491 a Darcjan Disore Mathia de Colaut; tal 1598 a Cividât Francescuto Colauto. La forme Colaùt e je tipiche di Romans dal Lusinç. Colautti al è frecuent a Udin e a Monfalcon (e a Triest!); al è avonde difondût a Vildiflum, Spilimberc, Pordenon, Roncjis di Monfalcon, Gurize (culì e je ancje la “traduzion” di ete fassiste di Clancig), San Zorç di Noiâr, Cuar di Rosacis, Tresesin, Basandiele di Cjampfuarmit (rivât di Samardencje tal 1854), Cjastelgnûf, Çopule e dopo sparniçât ca e là in tancj altris paîs. Il Lunâri di Orsaria dal 2001 al ripuarte la variante locâl che no je Colaùt, ma ben Colaùç, cun tant di feminin Colaùça. Colautto al è tant mancul frecuent e tant mancul slargjât sul teritori: si cjate a Udin, Tisane, Roncjis di Tisane, Tisanote, Perteade, Bibion, Ligugnane di Puart, Puart. A Tisane e je ancje la forme Colauto. Tal 1585 Francesco fiol del q. Antonio Collautto de Castelnovo, armentaro del Comun de Toppo et si chiama per sopranome il Porchiarut, et è stato morto da le bastonate che gli furono date da Pierantonio de Zuan Favro de Midun ditto de sopranome il Favot...

fonts

1443 Marco q. Colautto di Tarcento cede Campo a Fraterna (ASU CRS 511/1); 1446 Marcho Colaut de Marsuris fittuale Sigg. Popaite (ASU Popaite 1.1); 1492 Blasius q. Antonij Colavuti habitantes in Villa Felettis (ASU CRS 221/1); 1498 Lorenzo figlio di Nicolò q. Simone Colaut da Reana (ACR 623/1); 1505 Gregorio figlio di Simone calligaro q. m.° Dom. Colautti di Villanova di S. Daniele (AB); 1506, ai 26 di Avrîl Colauto Giovanni q. Nicolò di Clendis d’ Ampezzo Carnia s’ impegna condurrre 200 tavole d’abete alli nobb. Armano e Colussio f.lli de Bullach abit. Belgrado (ANU 246/1); 1507 Odorico q. Pietro Nicolauti di Adorgnano teste (Osp. 245,7); 1507 Dominicus Michulautti (Osp. 101,48); 1527 Pietro et Angelo q. Culauto da Savorgnano al Tagl. (ANU 247); 1528, ai 15 di Fevrâr Gregorio Colautti q. Pietro di Anduins per 5 duc. vende campo in Casiacco confinante con Colautti Nic. di Ant. (ANU 3905); 1530, ai 28 di Otubar Peregrino q. Pietro Colautti da Adorgnano cede beni al f.llo Odorico per lire 40 (ANU 4984); 1535 divisione tra Ant. e Dom. f.lli q. Gio. Colautti da Cassacco – beni in Bolper di Conoglano (ANU 4984); 1542, ai 10 di Zenâr Nicolò di Ant. Culautti d.° Mior di Anduins (ANU 3916); 1545 Magister Odoricus q. Petri Colaut, -tti de Adorgnano (ASU CRS 1/1); 1554, ai 13 di Avost Giacomo Colautti di Clauzetto – la sua figlia Antonia moglie di Pietro Rosso di Zucoula abit. Venezia in lite con don Leon. Fabrizio piev. Asio (ANU 3918); 1557, ai 30 di Mai Sabbida di Battista q. Iacomo Iop da Illegio sposa Odorico Colautti pure da Illegio (nodâr Cristof. Angeli); 1560 presint a San Zuan (Cjasarse) Colao Colautti (Luchini, 1995); 1566 Zuane Ant. di Colauto di Ara fittuale nobb. Zucco (ASU Zucco 37); 1576, ai 22 di Març Luca Lucardi di Biagio da Montenars in lite con certa Pasqua Colauti di ivi per pretesa matrimoniale (Civilium); 1577 Maria di Antonio Colautto q. Antonio detto Lautto q. Giovanni da Montenars sposa Domenico Paiano (Filze); 1595, ai 7 di Març Sebastiano Colautti q. Bartolomeo de Ara abit. in Buia (ANU 3931); 1582 Locazione dei nobb. Colloredo à Vicenzo Cullautto d’Arra di Un Mollino detto Mollino di Sotto posto sul Cormor in pertin. di Colloredo, over Arra (ASU Perusini 752.3); 1593 Eredi q. Paschul Culaut de Fratta, fittuale in Meriano (ACAU 716/2); 1600 Antonio e Giobatta fradis Colautto di Bernardo q. Ioseffo di Domanins, dits ancje Cusano, dal paîs di divignince (Luchini, 1982); 1604 Zuan Culauta di Talmassons, debitore della Confraternita di S. Valentino (ASU CRS 510); 1611 Bastian de Colautto da Ronchiettis di Sante Marie la Lungje (ACAQ 893); 1624 Marcus Culavutus Juratus Vicinia Flumignano (ASU Florio 251); 1654 Ser Giacomo Colauti q. Franc. di Teglio, teste (ASU CRS 519); 1629, ai 27 di Avrîl don Giac. Colautto da Bicinicco – licenza cura d’anime per 20 giorni a Mariano (Extraordinariorum); 1640, il prin di Otubar Angelo Colautto oste in Udine Pelliccerie – teste (Osp. Processi); 1642 Valentina di Gio. Ant. Colautti q. Nicolò q. Odorico da Bicinicco sposa Gio. Batta Donato (Extraordinariorum); 1645 m.° Dom.co e Gio. Batta f.lli q. Zuan Colautto di Ronchis Latis. (ACR 408/1); 1653 Nicolò figlio di Giacomo Colautto molendinaro nel Molino di Ara nel Cormor denuncia all’Inquisizione per magia terapeutica Tomaso Taruf e la moglie di Ara in Cormor (ACAU – Inq. pr. 224); 1657 Zuane Colautto di Antonio di Ara ora abit. in Mortisins di Villa Vicentina (AC 635/2); 1658, ai 17 di Setembar don Gio. Batta Colautti da Orsaria – il padre Giuseppe gli fa patrim. eccl. (Extraordinariorum); 1665 Giacomo Colaut d.° Stellin di Monfalcon (ASU CRS 107/3); 1676 M.° Gio. Maria Collauto di Remanzaco (ASU CRS 404/1); 1684 Giuseppe Colautti notaio da Buia (ASU); 1687 Valentino q. Leon. Colautto di Pozzuolo ora abit. Terenzano (ANU 3621); 1690 Nicolò Culautto, fittuale in Segnà dell’Abbazia di Moggio (ASU CRS 286/2); 1692, ai 10 di Setembar don Alberto Colautto di Natale di Orsaria – il padre e il f.llo Vincenzo gli fanno patrim. eccl. – studiava sotto don Rocco De Sabbata (Patrimoni); 1695 Matio Colauto in Vicinia di Ronchi di Monfalcone (ACAU 738); 1701 don Vincentius Culautus de Ara al è predi (ACAU); 1726 al Sig. Curato Gioseffo Colautti per la processione alla Beat.ma di Monte, pagano... (ASU CRS 401/2); 1728 Gioseffo Colautto detto Boiò, cameraro Fraterna SS.mo Rosario di Morteano (ASU CRS 292/1); 1733 Ser Beneto q. Jseppo Colauto della Villa di Cusano, teste in Fraterna dei S.ti Floriano e Sebastiano di Cordenons (ASU CRS 197); 1734 Nicolò Colauto della Scola del SS.mo Sacr. di Monfalcon (ASU CRS 290); 1734 Donna Orsola Colautta di Cividale ha preso à spazzo dai nobb. de Puppi Botte Vino di S. Guarzo (ASU Coll.-Mels III parte 32); 1739 Rev. Michele Colauttj capellano Curato nato in Orsaria da molti Anni dimorava qui in Strassoldo (ACAU 736/1); 1739 Gio. Batta Colautti notaio di Arra (ASU); 1740 Eredi q. Giuseppe Colautti, fittuali Scola del SS.mo Rosario di Monfalcone (ASU CRS 443); 1740 Valentino Colautti notaio da Tricesimo (ASU); 1742, ai 12 di Març don Francesco Colautti di Ronchi Monfalcone capp. di Staranzano – attestato buona condotta (Filze); 1745 Pascolo Colauto della Vicinia di S. Lorenzo di Palma (ASU CRS 445); 1748, ai 32 di Avost don Giovanni Cisotti q. Leon. da Leonacco – si fa patrim. eccl. con donaz. del Sig. Gio. q. Valent. Colautti di Tricesimo (Patrimoni); 1749 Sig. Giovanni Collavutti fittuale in Tricesimo, loco detto Chiasaj dei nobb. Conti (ASU Perusini 694.3); 1754, ai 29 di Novembar don Giuseppe Colautti trasferito a Buttrio da S. Stefano di Cadore – confessore (Regjistri Confessôrs); 1759, ai 11 di Avost Domenico Colautto di Montenars abit. in Vienna si oppone al patrim. eccl. di don Bernardo Ermacora (Filze); 1762 Giacomo Colaut podestà attuale di Marzinis (ASU Perusini 725.2); 1770 Antonio Colautti, cameraro della Scuola del SS.mo Sacramento del Duomo di Monfalcone (ASU Susanna 45); 1793 Alberto di Natale q. Alberto q. Dom. q. Gius. Colautti di Orsaria sp. Orsola Ieronutti figlia di Maria q. Giac. di Orsaria (Filze); 1797 Catarina di Antonio Colautti q. Lorenzo q. Pietro q. Vittore di Monfalcone sposa Gio. Batta Zuliani di Paolo figlio di Sebastiana Colautti (AB); 1809 Paolo Colauto brazante in Percoto e Dom. Colautto brazante in Flumignano (ASU Della Torre/B 30); 1815 Valentino Collautto di Antonio nato nel 1794 in Risano, agricoltore, sposa Cattarina Novelli nata a Risano nel 1796 e figlia di Bernardino Novello da Attimis (A.P. Risan); 1816 Giuseppe Colautto di Giovanni nato nel 1784 a Paderno, contadino, sposa Anna Sabbata Rizzi di Mattia nata nel 1795 in Tavagnacco, abit. in Chiavriis, contadina (A.P. Udin Padier); 1816 Giovanni Cantarutti nato nel 1789 in Morteano, calzolaio in Morteano e figlio di Agostino, falegname in Morteano stesso, sposa Giuliana Colautti nata nel 1797 a Morteano, villica (A.P. Mortean); 1854 al rive a Basandiele Pietro Colautti, contadin, nassût a Samardencje tal 1850 (Fantini e Romanello, 2002); 1894, 8 di Novembar G. Battista Colautti di Orcenigo di Sopra di anni 70 (Postumia, pagj. 30).

Colella

Diminutivo di Cola, forme aferetiche di Nicola. Cognon de Italie meridionâl presint a Udin. Tal 1418 Colela quondam Francisci de Nucera Saracinorum a Udin (Masutti 2000, 219).

Coletti, Coletto

Al è un dai tancj diminutîfs di Nicola o Nicolò. Colét si forme cul colâ de prime part dal non origjinari e cu la zonte dal sufìs diminutîf -ét. Tal Schedari Corgnali: 1397 Candido Colletti, teste a Glemone; 1418 Francischo filio Danielis Coletti de Glemona; 1459 Ser Simone q. Ser Simonis Colletti de Glemona a Udin; 1506 Colet 6 presincis a Feagne. Tal 1405 a Glemone Marcutio Colleti. La forme Coletti e je tipiche di Forgjarie (1469 Lenart di Colet) e si cjate ancje a Tumieç; Coletto al è a Feagne. A Forgjarie al è il toponim Cja’ Colét; a Pasian di Pordenon e a Midune Casa Coletti (IGM).

fonts

1441 Simone q. Simone q. Candotto di Coletto (o Colletto) nobili Gemona abit. Udine, tal 1442, ai 6 di Novembar sua madre donna Mariussa esige lire 400 da eredità q. Leon. q. Pietro Turba da S. Daniele (ANU 3874); 1521 Daniele q. Leon. Coletti di Forgaria abit. in Fagagna (ANU 2058); 1543, ai 5 di Jugn Ser Girolamo Coletti, -o, già Priore Osp. Udine, assunto da Comune S. Daniele quale stimatore di opere murarie (ANU 3908); 1557 Leonardi Coletti in Vicinia Montegnachi (ASU Perusini 728.3); 1569, ai 24 di Jugn nob. Eustacchio Colletti, -o eletto priore Osp. Udine (Osp. 294); 1585, ai 28 di Avrîl Leon. q. Andrea Coletto da Fagagna cameraro nuovo della Confr. S. Giorgio (sapeva scrivere) – (ACR 215); 1592, ai 23 di Novembar muore Len. Coletti da Forgaria abit. in S. Daniele – la sua ved. Giacoma f. di m.° Franc. Mingarda di S. Daniele tutrice dei figli (ACR 545/1); 1599 Girolamo Coletti (o Colletti) di Udine nato nel 1577 (detti anche Passerini derivati dai nobb. di Flagogna) sposa Chiara del nob. Giorgio Codroipo (AB); 1604, ai 26 di Mai Filippo Coletti q. Andrea da Fagagna abit. Caporiacco stimatore eletto dal nob. Girol. di Caporiacco di case e terre non sapeva scrivere (ANU 3839); 1637 Tomaso Coletti de Coletto cancelliere arcidiaconale del Cadore (AB); 1639, ai 7 di Setembar don Nicolò Coletti da Tai di Cadore – cura anime e curato di Lorenzaga (sic) - (Extraordinariorum); 1648, ai 8 di Mai Francesco Coletti di Udine accusato di espressioni erronee circa la morale sessuale (ACAU – Inq. pr. 14); 1656 Zuanne e Iacomo f.lli q. Ser Daniele Coletti da Caporiacco ora abit. in Silvella – affituali dei coo. Micoli (AB); 1658 Zuanne Coletti da Farla in loco detto Sotto Colet (Osp. Processi); 1673 Tomaso q. Sig. Floriano da S. Vito Cadore – notaio (AB); 1678, ai 20 di Mai Coletti nob. Francesco q. Girol. e suo figlio dott. Girol. vendono sedime con casa e campi in Manzinello ai nobb. Rovere (ACR 585/2); 1689 Zuanne q. Giac. Coletto, debitore della Confr. del SS.mo Rosario di Forgaria (ASU CRS 224/2); 1695, ai 4 di Març Sig. Nicolò Coletti da Forgaria abit. in Venezia (ANU 2185A); 1728, Jugn, a Udin Sigg. Coletti e Sig. Eustachio Coletti invidâts aes gnocis di Maria fie dal Co. Daniele Sforza e dal Co. Coriolano de Valentinis q. Co. Antonio (BCU Fondo Princ. MS 3599 fasc. II); 1799 Rev. Sig. Isidoro Coletti del Cadore fitt. in Udine (ASU Della Torre/B 29.1).

Colitti

Forme aferetiche di Nicolìt, diminutîf dal non di persone Nicola. Tipic di Montegnà, tal comun di Cjassà. Si cjate ancje a Udin.

fonts

1393 super champo sito in tabella Faganee iuxta Iohannem Chulitussii de Faganea (Corgnali); 1428, ai 13 di Lui Leonardo Provenzano q. Franc. da Invillino aveva sposato Leyta nipote di Caterina ved. q. Giac. Culitti di Riu di Lignidis abit. Invillino (ANU 3873); 1552, ai 20 di Zenâr Peregrino Colitti q. Nicolò da Montegnacco permuta prato in Chiampeglis di Montegnacco con altro in Urzialis presso pascolo Collalto (ANU 4986); 1557 Petrus Colitti in Vicinia Montegnachi (ASU Perusini 728.3); 1564 Giusto q. Peregrino Culitti da Montegnacco teste in Tricesimo (ANU 4986); 1723, ai 6 di Avrîl Nicolò Quliti partidor della vicinia di borgo Prachiuso a Udine (Masutti 1991); 1751 Ser Domenico Colitti q. Leon. di Udine – commerciante in aglio e cipolle (ACR 547/4); 1760 Nicolò q. Dom.co Colitti, cameraro Fraterna di S. Nicolò di Cassacco (ASU CRS 41); 1785 Giuseppe q. Gio. Culitti, priore della Fraterna del SS.mo Sacramento di Santa Maria la Longa (ASU CRS 449).

Colja

Cognon sloven che al è a Gurize, Doberdò e Monfalcon. Cualchi volte al è scrit Zollia (la pronunzie e sarès Zòlja).

Colla

Forsit e je une forme ipercorete di Cola, che al ven dal non Nicola par aferesi. Pal CI 497 al pues vê contribuît il toponim Colla che in Italie al è une vore frecuent, che al ven dal apelatîf colla “cuel, pas, siele tra monts". Cognon venit (ma difondût ancje in altri regjons setentrionâls); al è presint a Gurize e a Udin. Tal Schedari Corgnali: 1543 m.° Colla a Pordenon; 1554 Ser Colla de Nardin de Borgo de S.ta Lucia a Udin; 1573 Antonio di Colla a Mortesins.

fonts

1459, ai 9 di Dicembar Ser Colla napoletano del nob. Nicolò da Tolentino – “stipendiario allogiato in Villa Ragonee” (ANU 3878); 1642 Compra di due pezzi di Prado dei nobb. Colloredo dalli Eredi del q. m.° Dom.go Colla di Udene (ASU Perusini 713.3); 1661 M.° Lunardo Colla sarto in Codroipo (ASU Bertoli 19.1); 1668 Pietro Someda detto bella barba vende a Dom.co Colla di Udine una Casetta posta in borgo Poscolle nell’androna Raddi (ASU Someda 7); 1699 Francesco Colla di Udine “Cherurgo aprobato” (Civilium); 1853 Giuseppe Colla tintore in Udine (AB).

Colladèl, Colladello

Come Collodèl (viodi). Presint a Pordenon e a Purcie (e a Susegana in provincie di Trevîs).

fonts

Tal 1717 Dom.co Colladel, debitore della Chiesa di San Liberale di Villotta di Chions (ASU CRS 843).

Collareda

Cognon de zone di Vicence presint a Codroip. Al ven di un toponim che si è fat sul latin corulus / colurus “noglâr".

Collauto

Si pronunzie Colaùto o Colaùtto. Di fat, al ven di Culàu, non di persone che al corispuint al talian Nicolò, cu la zonte dal sufìs diminutîf classic -ùt. Duncje, si trate di Colaùt, che si podarès tradusi par talian cun “Nicolino” e al corispuint al plui difondût Colautti. Te grafie Collauto e je une -l- di masse, ma chest al è une ipercorezion avonde frecuente: baste pensâ a Segalla, Brollo, Collavini, Collavizza, Gallizia, e vie indenant. Al è presint a San Michêl, Sisarûl, Puart, San Filip (San Michêl), Torse (Pucinie).

Collaviti

Al è un dai tancj derivâts di (Ni)colò, che culì al è te forme diminutive Colovìt o Colavìt che e je ancjemò vive in cualchi paîs par dî di personis o di fameis. Al pues stâi ancje che al vegni di doi nons tacâts, o sedi (Ni) cola e Vito. Duncje, chest cognon al è come Colavitto (viodi). Al è presint a San Zorç da la Richinvelde a a Fossalte. Tal 1819 Giacomo Gallizio di Antonio nato nel 1792 in Cesarolo, vedovo, villico, sposa Santa Collavito di Osualdo, vedova da S. Giorgio (A.P. Tisane).

Collavizza

Viodi Colavizza. Stant che al è un cognon di Trasaghis, culì o din une version par furlan, te variante di chel paisut de Pedemontane, daûr de grafie uficiâl de lenghe furlane. Al ven dal non di persona Culàu, che a era una forma scurtada di Niculàu e che al corispuint al talian Nicolò. Da pît a si è metût -ìz (al feminîl -ìzza) che al à il significât di rindi pui biela la peraula dulà che a si taca (in qualchi cjarta antiga a si cjata scrit Culaice). Di Culaizza a si sta pôc a passâ a Culavizza cuntuna -v- che a pea i doi tocs (tal stes mût a Cjavaç al è vignût fûr il soranon Culavón e a Bordan Colovìt). Las vocâi senza acent a si trasformin vulintîr e cussì al è deventât Colavizza (visaitsi che il dopli z a si lei c como ta peraula cena). Insoma se i volessin tradusi Collavizza par talian al vignarès fûr “Nicolina” o alc dal gjenar. Ma parcè Collavizza cun doi eles e no cuntun? Parcè che una volta a di chei che a scrivevin a ur plaseva radoplâ la ele (cussì a son vignûts fûr cognons como Collini, Collino, Collavini, Collauto che a vegnin simpri di Culàu). Intuna sentenza dal 1562 pa definizion dai confins fra la plêf di Osôf e i comuns di Dalés e Oncedas a erin presints Antonius Culavize et Leonardus Michaelis, pro comunibus et villarum de Trasaghis et Braulins... Tas cjartas dai nadârs a si taca a cjatâ chest cognon tal 1565 cun Petrus Culavizza q. Appollonii de Trasaghis e po tal 1581 cun Antonio di legitimo matrimonio nato de Zuane Culaice. Tal 1591 a si cjata una Giuliana Culaice. Intuna stima dal 1618 a si po lei su del Forno iuxta campum Simeonis Culahvizza ab occasu, iuxta Joannem Culahvizza... Par antîc las nassitas a si regjistravin a Vasinas e tal Libri dai batisims di Vasinas il prin Collavizza a si lu cjata tal 1581. Par cjatâ il prin Collavizza regjistrât a Trasagas a bisugna rivâ ai 19 di Avrîl dal 1709 (Libri dai muarts) conche rese l’anima al suo Signore Lucia moglie di Giacomo Culavizza d’anni 60. Tal 1733 cun Domeniga figlia di Pietro Collavizza a si cjata, vadì pa prima volta, scrit chest cognon cun doi eles. I Colavìzzas incjimò dal Sîscent a son emigrâts a Osôf. Tai libris da plêf di Osôf a si cjata dal 1622 un Joannes Colavizza de Trasaghis incola Barci e una Lucia uxor Antonij Colavizza de Trasaghis incola Barci; tal 1627 Lucina filia di Giacomo Culavizza et di Zuanina habitanti nel Barco. Ta prima metât dal Sîscent i Colavìzzas a son lâts a Cjavaç cun Apollonio Colavizza. Di sigûr ancja i Colavizza di Glamona (cuntuna ele!) a vegnin di Trasagas (1585 Jacobus filius Leonardus Colavice de Trasagis); di là da la Aga a ur àn dât i soranons di famea di Gubève e Sglìnghigne.

Collavìn, Collavini, Collavino

Colavìn al è un dai tancj derivâts dal non Nicola (par furlan Niculàu e, par aferesi, Culàu). Al è probabil che chest cognon al sedi propit un diminutîf di Culàu midiant di Culauìn. Cussì ancje Biasutti 1976: “al è evident che al sedi un cognon patrinimic, diminutîf di Culàu cu la u mudade in v, come che al risulte de pronunzie popolâr Culavìn”. Viodi ancje Colavizza. La grafie plui corete e sarès Colavìn, Colavini, Colavino. Tal Schedari Corgnali: 1433 Ser Colavino notario Sesto; 1482 Colavin a Madrîs di Feagne; 1486 Culavinus de Sancto Joh. Casarsie; 1654 Colavin, -no a Vençon. La forme Collavìn e je tipiche di San Zorç di Noiâr. Collavini si cjate a Bertiûl (1687 don Gio Maria Collavino q. Zuane), Rivignan, Prissinins (1633 don Antonio Collavino), Udin, Forgjarie (culì al ven di un Nicolò detto Colavino che al jere stât podestât dal paîs tal 1512 e che si riferìs a un Culàu di Maddalena nomenât tal protocol Savorgnan dal 1415 (Biasutti 1976). Collavino a San Denêl, Ruvigne, Spilimberc, Tumieç, Udin.

fonts

1481 Hermacora q. Dom. Culavini de Brattiulo, teste in Vuircho (ASU CRS 844 bis); 1497, ai 15 di Avost Angelo Culavini di Flambro di sotto contro Tomasino di Sivigliano che aveva tagliato un olmo su suo rivale (ANU 245); 1506 Lonardo Colavin di Rivignan fittuale Maso Sentado Loco è foco di ragione dei nobb. Colloredo (ASU Perusini 568.2); 1526, ai 14 di Dicembar testam. di Nicolò di Maddalena de Forgaria (testamentum Culavini): Mezza orna vino a chiesa S. Lorenzo, mezza orna di vino a S. Leon. di Flagogna, 2 secchie a S. Agnese, 3 secchie a Susanna moglie di Giacomo Driuza, 1 secchia a Antonia moglie di Dom. Pivisit; suoi figli Lorenzo, Domenico, Blasutto e Leonardo (ANU 3905); 1546, ai 3 di Mai Leonarda detta la Zora q. Leon. Colavini di Forgaria moglie di m.° Giacomo di Cecco Pussa (ANU 3905); 1549 Leonardo di Culavin di Vendoi fittuale nobb. Colloredo (ASU Perusini 741); 1611 Lonardo Colavino di Rivignan fittuale nobb. Colloredo (ASU Perusini 548.2); 1616 Li Consorti Colavini, fittuali Fraterna S. Antonio di Rivignano (ASU CRS 406/1); 1633, ai 12 di Mai don Antonio Collavino da Precenicco il padre Giac. gli fa patrim. eccl. (Patrimonium); 1643 Donna di Zuanne Collavino, in Chiesa Ronchis (ASU CRS 409); 1677 Sebastiano Collavino di Bertiul, teste in Villacaccia (ASU CRS 842/1); 1687, ai 8 di Jugnm.° Sebastiano q. Valent. di Violusso Guatto d.° Colavin da Bertiolo (ACR 30); 1687, ai 4 di Març don Gio. Maria Collavino (o Collavini) q. Zuane da Bertiolo nato nell’anno 1663 il f.llo Gio. Batta gli fa patrim. eccl. Studiava sotto don Leon. Mauro capp. di Lonca (Patrimonium); 1694,ai 20 di OtubarDomenico Collavino da Villanova – per furto bandito dalla Giurisd. patriarcale (Extraordinariorum); 1701 Zuanne Collavino q. Nicolò di Muris, teste in Ragogna (ASU CRS 399/2); 1725 m.° Antonio Collavino q. Gio. Batta, cameraro Fraterna B.V. dei Battuti di Tarcento (ASU CRS 514/4); 1729, ai 14 di Mai Pietro Colavino da S. Daniele gli resta assegnato ivi il dazio di un soldo per staio sulle biave avendo offerto £ 1760 (AAU Filze); 1735 m.° Nicolò Colavino, cameraro della Fraterna SS. Trinità di Bertiolo (ASU CRS 30); 1742 Gio. Batta q. Sebast. Culavino da Tarcento (ACR 515/3); 1750 divisione tra i f.lli Ser Gio. Batta (abit. a Udine), Ser Valentino (abit. nel castello del co. Carlo Colloredo) e Giuseppe figli del q. Gio. Domenico Colavino da Trivignano (ACR 669/1); 1754 Francesco Colavini di Bagnarola (ASU CRS 23); 1754 Zuanne di Antonio Colavino q. Bortolo da Ragogna S. Giacomo sposa Menega di Gio. Batta Colavino q. Zuanne pure da Ragogna S. Giacomo (Filze); 1817 Ant. Colavino di Giac. di Rivignano nato nel 1783, possidente, industriante, sposa Giovanna Comuzzo di Ant. di Rivignano (A.P. Rivignan).

Colle

Al è evident che al ven di un non di lûc che al è ancje une vore difondût. Par esempli la famee Colle di Flavuigne (comun di Forgjarie) si clamave cussì parcè che e jere a stâ sul cuel de glesie (Biasutti, 1976). I De Colle di Trasaghis a jerin a stâ tal borc clamât Cuel intune cleve soreglade che il taramot dal 1976 al à sdrumât. Al è presint a Udin, Pagnà, Tavagnà, Sauris, San Michêl, Monfalcon, Pordenon. A Midune al è il toponim Casa Colle, a Daçan Mulino Colle (IGM).

fonts

1443, ai 18 di Zenâr dott. Giuseppe de Colle di Udine (dottore diritto) – (ANU 3877); 1445, ai 27 di Fevrâr Ser Nicolò di Colle notaio – aveva terre in località Marzaia sotto Prampero (nodâr Ettore di S. Felice); 1534, ai 30 di Otubar Nicolò del Colle q. Pietro da Preone deve £ 10 s. 10 a Ser Giac. Carga di S. Daniele per biade (ANU 3907); 1536 Toffolo d.° Mis q. Andrea q. Leon. de Colle da Adegliacco (ANU 4984); 1550, ai 10 di Otubar Domenico de Colle f. di Giac. di Trava per 27 duc. ricompra da Gregorio q. Dom. Fosca di Tricesimo terre in Carnia: Favons, Zurdides, Festis, Zopeth (ANU 4986); 1601 Vicenzo Da Colle pubblico perticatore et calculatore di Portogruaro (ACR 481); 1683 Ser Giorgio di Colle muratore di Venzone era sposato con donna Giacoma Picco (Osp. 300); 1711 Ser Dom.co Colle, giurato del Commun di Plaino (ASU CRS 350/1); 1767 Osvaldo de Colle di Sauris di Sotto sposa Maria di Zuane Luchini di Lateis di Sauris (Filze); 1813 negozio Colles di Pordenone (Candiani 1902); 1815 Giovanni Colle di Giovanni nato nel 1791 a Tavagnacco, agricoltore, sposa Domenica Piccina figlia di Gio. Batta Piccino da Tavagnacco (A.P. Reane); 1819 Angelo Colle di Giuseppe nato in Latisana nel 1797, artista, sposa Giuseppina Fardin di Giuseppe nata in Latisana nel 1797, artista (A.P. Tisane).

Colle Fontana

Cognon di Sapade: 1794 Andrea q. Tomaso Colle Fontana, cameraro della Fraterna della B.V. di Sapada di Cargna (ASU CRS 464). Colle e je la traduzion dal sapadin Pill (viodi Pìller); Fontana e je la traduzion dal sapadin Prunn (viodi Fontana). A Sapade al è ancje Colle Roner: 1795 Mattia Colle volgo Roner di Sappada (ASU CRS 464).

Colle Tiz

Cognon di Sapade. Colle al è la traduzion dal sapadin Pill (viodi Pìller). Tiz al è il non di une famee e al è la forme curte dal non di persone Tizian “Tiziano" (Milocco I., informazion personâl).

Colle Winchler, Colle Winckler, Colle Wincler

Cognon di Sapade. Colle al è la traduzion di Pill che, tal dialet todesc di Sapade al vûl dî "cuel" (viodi Pìller). Lis grafiis Winchler, Winckler, Wincler a cirin di trasponi tal todesc leterari il non de famee Bìnclar che si origjine tal todesc medi alt Winkel (che al corispuint al todesc moderni Winkel) che al vûl dî "cjanton". In pratiche, al corispuint al cognon talian Cantoni. A Sapade al è ancje il toponim Binkl, che e je une zone di boscs dongje Digola, te strade par lâ te palût Temerle (Milocco, 1992-93).

Colledani

Par Gianni Colledani al ven di Cuél Dagn, o sedi il non di une culine ben visibile di Pradis Dadalt, sot de mont Rossa, tal comun di Clausêt. De Stefani 2003 al fâs altris ipotesis, ma nol è dal dut convincent. Al è un cognon tipic di Clausêt; si cjate ancje a Spilimberc, Vît, San Denêl.

fonts

1465, ai 12 di Zenâr Daniele Colledan f. di Giac. da Clauzeto teste in Colle Pinzano (ANU 3879); 1536, ai 26 di Zenâr Nicolò Colledan q. Leon. da Clauzetto – Bern.no Savorgnano gli affitta maso già tenuto dal q. Martino Colledan (ANU 3902); 1543, ai 30 di Novembar Natale f. q. Franc. di Cristof. Chiavalutti di Clauzetto si accorda con Mattia q. Nic. Colledan (ANU 3916); 1552 Mathio Colendan a Vito d’Asio (R. Moschion, inf. pers.); 1566, ai 30 di Avost Mattia Colledan (o Coledan) da Clauzeto q. Dom. in lite con suoi consobrini (ANU 3920); 1570 Batista q. Paolo Collendan a Clausêt (R. Moschion, informazion personâl); 1572, ai 16 di Zenâr Andrea Colledan q. Pietro da Clauzetto debitore di Ser Sebast. q. Ser Gio. Bergamasco di Spilimbergo (ANU 3921); 1617 Daniel Colidano di Clauzetto, teste (ASU CRS 189/1); 1779 Domenico Colledani pubblico perito in Udine (AB); 1783 Domenico Colledani notaio da Lauzacco (ASU); 1817 Daniele Della Vedova di Osvaldo nato nel 1785 a Maserijs Provincia del Friuli, militare, domic. in Ceneda, sposa Antonia Colledani nata in Clausedo Provincia del Friuli nel 1777, vedova, figlia di Gio. Maria Colledani macellajo di Clausedo (A.P. Sacîl); 1846, ai 28 di Zenâr Luigi Colledan di Antonio nato a Brische nel 1823, sposa Chiara Tolotto di Natale nata a Lorenzaga nel 1827 (A.P. Lorençaghe).

Collenz

Al ven dal sloven koléno “zenoli", cul sufìs -ec par dî di cualitâts fisichis (Merkù, 1982). Cognon di Gurize.

Collenzini

Cognon di Gurize, che al corispuint a Colenz e Collenz (viodi), italianizâts te ete fassiste.

Collesàn

Si cjate a Spilimberc e a Udin. Salacor al ven di une localitât clamade Colle.

fonts

1612 M.° Zampietro Collezan (o Collesan) fittuale di Casa in Borgo d’Aquileia a Udene dei nobb. Sbrojavaca (ASU Bertoli 19.1); 1718 Mathia Saurano e Battista Colesano da Spilimbergo, testi in documento della Chiesa di Santa Croce di Baseglia (ASU CRS 27); 1751 Maso delli Collesini di S. Leonardo di Campagna (ASU CRS 498/2).

Collevati

Al è probabil che al sedi une variante di Collovati (viodi). Presint a Mortean.

Collina

Al pues vignî di collina, ma ancje di (Ni) colina, non di femine intune variante ipercorete. In chest câs al corispuindarès al feminin di Collini (viodi) e Collino. Tal 1438, a Glemone, Iustina la Nichulina chi conçà çertis chuvirturis delg gleç de l’ospedal e chusì linçulg nus e conçà delg vieris. Al è presint a Spilimberc.

Collinassi

Al vûl dî di cualchidun "che al ven di Collina ", o ben Culine, il biel centri abitât in comun di For Davôtri; nus pâr mancul probabil che al vegni di un microtoponim, o dal non di persone (Ni)colìn cu la zonte dal sufìs -às. I Culinassi, za tal Tresinte, a jerin presints a Povolâr (comun di Comelians) dulà che a son ore presint, e ancje in altris frazions di chel comun (Maranzanis, Mieli); cussì Gortani 1898: "Dei primi Culinassi conosciamo Odorico, venuto da Collina a Povolaro per lavorarvi un maso di Nicolò di Maranzanis...". Tal Archivi Roia si pues lei: 1714 Jacobus Colinassius studia grammatica a Invillino. Vuê al è un cognon presint ancje a Udin.

fonts

1517, ai 29 di Jugn Matteo Culinassij q. Gio. da Maranzanis assume livello per 5 duc. con m.° Ant. calzolaio q. m.° Giac. Capellari di Casanova (nodâr Nic. Ianis); 1535, ai 17 di Fevrâr Mattia Culinas q. Agostino da Maranzanis Comeglians tessitore – ritirati suoi strumenti da tessitore depositati in casa di m.° Nic. q. m.° Dom. delle Vedove di S. Daniele (ANU 3907); 1597 Sabbata di Gabriel Collinassi q. Gio. Leonardo q. Mattio da Maranzanis sposa Mattio q. Nicolò Gof (Filze); 1607 Testam. Ser Daniel q. Joannis Culinassij de Comelgiano (ASU Barnaba 6.12); 1639 Zuan Battista Colinassio Interveniente Per il Comun di Liariis (ASU Perusini 728.6); 1685 Ioannes di Matheus Collinassi q. Iacomo q. Fedele da Ovaro sposa Caterina di Daniele Collinassi pure da Ovaro (AB); 1664 Antonio Cullina di Comelgiano (Comelians) teste (ASU Perusini 86); 1693 Gio. Batta Colinassio (o Collinassio) q. Giacomo notaio da Liariis (ASU): chest chi, a Liariis, al è il prin di trê nodârs di non Colinassio, che l'ultin di lôr al à fermât di lavorâ tal 1805; 1711 Benedetto q. Nicolò Colinas d’Ovaro di Gorto, confratello della Fraterna della Centura di Tolmezzo (ASU CRS 522); 1761 Gabriele Collinasso, cameraro della Fraterna di San Gregorio di Mieli (ASU CRS 284 bis).

Collini, Collino

Al sarès Culìn, un dai tancj derivâts di Nicolò, midiant dal diminutîf Niculìn cu la pierdite de prime part. Tal 1421 a Vildiflum Beachino quondam Benvenuti nepote ser Cullini. La forme Collini e je tipiche di Glemone (1425 iuxta Leonardum Chulini; 1448 donna Uliana Culini; 1565 Thomaso Biasio figliolo de Valentino Collino; 1571 Berthul colin; 1616 Jacoba Caterina filia Francisci Collini dicti Franzel; 10 fameis tal 1929); si cjate ancje a Gurize (culì al podarès jessi la italianizazion de ete fassiste di Culòt e Collenz), Osôf (rivât di Glemone), Tarvis, Udin, Cicunis (Feagne). Collino al è tipic di San Roc di Forgjarie (1479 Nicolò di Pietro Colin) e di culì al è emigrât a Curnin tal 1722 cun Nicolò q. Giovanni; al è ancje a Glemone, Udin, Roncjis di Monfalcon. Tal 1480 m.° Matteo Culino marangono de Aresia (Biasutti). A La Mote al è il toponim Casa Collini (IGM).

fonts

1520 Floriano Culino di Pradielis e Pietro Culino q. Dom. di Villanova (ANU 2058); 1540, ai 4 di Dicembar divisione tra Biagio e Antonio f.li q. Franc. Culino de Rive Arcano (ANU 3997); 1549 Biagio Colino q. Franc. di Rive Arc. Curatore pupilli q. Gio. de Palla di R. A. (ANU 3917); 1554, ai 20 di Otubar Giacomo Culino q. Biagio da Rive Arcano abit. S. Daniele – il dott. Gio. Batta Pittiano di S. Daniele gli affitta terre elencate in Tramerdar di S. Daniele (ANU 3918); 1560, ai 18 di Novembar Giacomo Culino q. Biagio da Rive Arc. abit. S. Daniele (ANU 3910); 1564, ai 12 di Dicembar Ser Domenico f. di Ser Matteo Culino di Montenars per 5 duc. compra da Sebast. q. Ant. de Iof de Montenars un casteneto in lo broili de Quel Chiral (ANU 4986); 1571, ai 29 di Jugn Lorenzo f. di Giac. Culini di Rive Arcano abit. S. Daniele – ferito mortalm. al capo parte sinistra da Odorico di Ant. Clarini – in febbraio fa pace con lui e soci Giac. Sivilotti e Giac. Cossio (ANU 3909); 1610, ai 27 di Fevrâr Leonardo Tambosso q. Biagio da Forgaria abit. S. Daniele testa da sano: erede Nic. q. Leon. Cullini q. m.° Giac. di Forgaria spiciario in Venezia (ANU 3937); 1680 Dom.co q. Valent. Culino, debitore Confr. del SS.mo Rosario di Forgaria (ASU CRS 224/2); 1680 Domenica di Francesco Collino q. Vicenzo q. Dom.co q. Mattia da Montenars sposa Giuseppe di Domenico Collino (Filze); 1685 muore Marino di Valentino Collino q. Antonio q. Zuame da Canebola marito di Domenica Collino (AB); 1719 m.° Gio. Batta Collino di Bannia (ASU CRS 24); 1735 muore Mattia Marchiol figlio di Maria Collino q. Valent. q. Dom. q. Marino Culino da Pradielis (Filze 1735); 1739 Zuanne Colino della Scola del SS.mo Sacr. di Monfalcon (ASU CRS 290); 1754 Caterina di Lorenzo Collino q. Gio. Batta q. Girol. q. Ant. da S. Rocco Forgaria sposa Dom.co di Lorenzo Collino (Filze); 1758 Nicolò Collino, cameraro della Fraterna del SS.mo Rosario di Cornino (ASU CRS 209); 1817 Niccolò Colino di Franc. Colin, nato in Cornino nel 1777, possidente, sposa Domenica Laurin di Antonio, tagliapietra da Torreano (A.P. Pristint); 1996 Giovanni Collino nato a Pontebba nel 1956 è senatore della Repubblica.

Collodi

Al ven di Colòdo, forme aferetiche di Nicolòdo, variante di Nicòla. Tal câs di Gurize, al podarès jessi ancje la italianizazion dal sloven Collorig. Il cognon Collodo si cjate a Vignesie, Mogliano Veneto, Padue, San Donà di Piave. Tal 1957 al mûr il poete liric Giuseppe Collodi, nassût a Cormons tal 1878. Prime de “redenzion”, il so cognon al jere “Collorig” (Nazzi, 1992).

Collodèl

Diminutîf dialetâl venit di une forme aferetiche di Nicolodo, variante di Nicola. Al è difondût a San Pietro di Feletto e a Conean (provincie di Tevîs); te nestre regjon al è a Pasian di Pordenon e a Udin.

fonts

Tal 1702 Dom.co Colodello, gastaldo della Confr. di S. Valentino di Villotta di Chions (ASU CRS 843).

Collodét, Collodetto

Diminutîf di une forme aferetiche di Nicolodo, variante di Nicola. Cognon de provincie di Trevîs; al è presint a Sacîl, Cjanive e ca e là te zone di Pordenon. Tal Sietcent a jerin i Collodetto presints a Frate (Cjanive) (Luchini, 1997).

Colloredo

Al ven di un dai trê paîs che si clamin Colloredo / Colorêt (dal latin coryletum “boscut di noglârs”): Colorêt di Montalban, Colorêt di Prât, Colorêt di Sufumberc (al pues jessi ancje un microtoponim). Si cjate a Buri, Cordovât, Sedean, Udin. Tal 1598 a Cividât Leonardo Coloredo official. Il Schedari Biasutti al à tant materiâl su chest cognon. O ripuartìn dome cualchi atestazion: 1349 d.no Bernardo de Colloredo q. d.ni Guielmi de Venzono, posssedeva parte del castello di Brazaco di Sotto; 1351 fra Mattiusso di Colloredo; 1415 nob. Nicolò Colloredo, sua moglie Blasiola possedeva beni affittati a Siaio, Zenodis, Treppo, Paluzza, Pedreto di Piano, Casteons, Naunina, e vie indenant; 1438 Ser Antonio de Colloredo q. Ser Fidriucio notaio in S. Daniele; 1469 nob. Colusia Colloredo ved. q. notaio Giovanni di Valvasone; 1470 Lodovico Colloredo gastaldo di Cargna; 1489 nob. Girolamo Colloredo q. Giovanni di Colloredo di Monte Albano capitano di Gemona; 1549 nob. Guglielmo Colloredo abitante in Ribis in lite per il quartese con don Giovanni Napolitano (o Partenopeo) parroco di Reana.

fonts

1624 Domenigo q. Biasio 30 Mule paga Livello in Coderno ai Coo. Colloredo (ASU Fondo Colloredo-Mels 17.146); 1692 al mûr a Guriz di Codroip il poete Ermes di Colorêt, nassût tal 1622 a Colorêt di Montalban (Nazzi, 1992); 1709 al mûr a Rome il Beât Leandri di Colorêt. Fi dal cont Fabi II di Nicolò di Colorêt Mels, marchês di Sante Sofie, de linie di Vicardo e de contesse Claudia Silvia di Orazio di Colorêt Mels, baron di Waldsee, de linie di Bernart, al jere nassût a Colorêt di Montalban tal 1639 (Sants e Martars); 1815 Nob. Sig. Tommaso co. Elti nato in Gemona nel 1787, figlio del co. Giobatta possidente di Gemona, sposa la Nob. Sig.ra co. Silvia Colloredo, possidente, figlia del Sig. co. Giulio di Udine (A.P. Musclêt); 1925 al rive a Basandiele Oliviero Guido Colloredo fi di Eugenio, nassût a San Zuan dal Nadison tal 1897 (Fantini e Romanello, 2002).

Collorig

Al è un cognon tipic di Prepot (1520 Matia Kolar de Prapot; 1547 Primos Colorig de Crauoret; 1550 Gregor filius Kolarijtz de Prapott). Di culì al è emigrât tai paîs dongje e dopo ancje te planure furlane. Tal Schedari Corgnali: 1639 Zuan Colorigh de Prepot; 1700 Collarigh a Gjian; 1792 Collerigh (o Collorigh) a Cividât; 1877 Collerig a Gurize. Al è un cognon tipic sloven derivât, zontant il patronimic -ič (scrit -ig), dal non di mistîr kolar (la prime atestazion e je Kolar!) che al indiche un fabricant di ruedis (come il cognon furlan Rodàro) e/o altris parts di len dal cjar. Il cognon Kolar al è presint, dongje de forme patronimiche plui rare Kolarič, in dut il teritori de Republiche di Slovenie e cheste difusion e dimostre cetant difondût che al jere il mistîr dal kolar cuant che i traspuarts di marcjanzie si fasevin dome midiant di cjars tirâts di bûs o di cjavai (Zuanella, Dom, 13, 2000). A Ugovize e Tarvis si cjate la grafie todescje Kolleritsch.

fonts

1600, ai 6 di Mai Francesco e Gregorio Collarigh da Craoredo (o Clauret) Prepotto accusati di maleficio (ACAU – Inq. pr. 427); 1716 Sebastiano Colarig, cameraro della Fraterna di S. Valentino di Mernicco (ASU CRS 284 bis); 1733 Sebastian Colarig stimatore della Villa di Mernico (ACAU 719/9); 1760 Cristiano Collarigh della Vicinia della Villa di Cursò (ACAU 731/1); 1764 Steffano e Dom.co Collorigh di Craoretto fitt. nobb. de Puppi (ASU Coll.-Mels III parte 33); 1804 m.° Gio. Batta Colorigh (o Collorigh) cameraro Fraterna del SS.mo Rosario di Prepotto (ASU CRS 398); 1808 Gio. Batta Colorig della Comunità di Dolegna (ACAU 739/2).

Collovati, Collovatti

Al è un dai tancj derivâts dal non di persone Nicolò che al veve lis variantis Colào (furlan Culàu) e Colavo; culì al è cul sufìs dispreseatîf -àt. Tal Liber anniversariorum dal Cjapitul di Concuardie si à une Menia detta Culavata (Stival, 1989). Tal Schedari Corgnali: 1540 Valentino Colavratti a Teôr; 1586 Vincentius Colavattus (ancje Colovatto) a Percût. La forme Collovati e je tipiche di Teôr; si le cjate ancje a Monfalcon e a Pordenon. Collovatti al è a Monfalcon.

fonts

1505, ai 20 di Març Nicolaus Vasel Colovato da Teor (ANU 246); 1536 Valentin et Culavut, debitori della Fraterna di S. Antonio Abbate di Theor (ASU CRS 520); 1568 Ser Antonio Culavat, cameraro della Fraterna di S. Antonio Abbate di Theor (ASU CRS 520); 1666 Antonio Colovato (o Culavazo) di Theor, fitt. Coo. Colloredo (ASU Colloredo-Mels 24.261); 1693 Giovanni q. Antonio Colovatti da Teor (ACR 570/5); 1781 Regina di Battista Colovatti q. Giacomo q. Stefano Colovato da Teor sposa Serafino di Aloisio Zanello (Filze).

Collovigh

Di Colào / Colàvo “Nicolò" cu la zonte dal sufìs patronimic sloven -ič. Nol è di escludi un fal di trascrizion par Collorig (viodi). Tal 1725 Mattio Colovich (ancje Mattio Collavigh o Collarigh) cameraro Fraterna SS.mo Rosario di Ipplis (ASU CRS 248).

Collovini

Come Collavìn e Collavini (viodi). Al è il cognon plui difondût a Pramaiôr (Marcato, 1995); si lu cjate ancje a Pordenon.

Colmàn, Colmano

Dutis dôs lis formis a son tipichis dai Fors Savorgnans dulà che tal 1308, Giovanni Colman al vendeve par 28 solts venits a Giacomo e Donato di Cente di Vîc doi tocs di prât (De Santa, 1899). Une ipotesi che o podaressin fâ e je che chest cognon al vegni dal non Carlomanno. Chest al è documentât a For Disore tal 1306, quant che Carlomanno di Vîc al vent par 28 solts a Revardo un toc di tiere (De Santa, 1899). A For Disore il toponim in Colormàn. Dut câs, no si à di trascurâ il todesc Kohlenmann “cjarbonâr, vendidôr di cjarbon” e visìnsi che par Merkù 1995, il cognon Kollmann al è difondût in dut il teritori sloven e al derivarès dal non sloven dal sant Columbanus (par talian Colombano), che dopo al è deventât un non di persone. Di fat za Olivieri 1923 al pensave che chest cognon al derivàs dal non dal sant Colman, zontant che al è un non frecuent te Ingletiere. La forme Colmàn si le cjate a For Disore (1760 Sebastiano Colman di Antonio era andato a Treviso a imparare l’arte del marangon), a Claut e Davâr; Colmano a For Disot (1464 Odorico Colman; 1693 don Odorico Colmano di Giovanni), ma ancje a Luvinà e Feletan intal comun di Tresesin. Tal Schedari Corgnali: 1198 Colomanus de Castel Lavazzo; 1292 Colomanus de S. Stephano; 1412 Leonardum Golmani a Buie; 1471 Culmano q. Danielis a Vivâr; 1491 Culmanno filio Nicolai Blasy de Plebe Aviani. Tal 1783 Rev. Lorenzo Colman di Romans Stato Austriaco Capellano del Co. Antonio Antonini (ACAU 732/1).

Colocci

Al è probabil che al vegni di Colò, forme aferetiche di Nicolò, cu la zonte di un sufìs incressitîf. Al è presint a Grau (plui frecuent tes Marchis).

Colognese, Colognesi

Di Cologna Veneta, centri abitât te provincie di Verone ancje se no si pues escludi, almancul in cualchi câs, che al vegni di Colugna "Culugne", centri abitât de perifarie di Udin: 1680 Gio. Batta Gos d.° Collugnese di Udine, fittuale nobb. Zucco (ASU Zucco 27). Dut câs, a son formis di cognons massime venitis, presintis da râr te nestre regjon.

fonts

1724, ai 2 di Setembar don Gio. Batta Colognese del Sig. Giac. da Ariis di Monfalcone – il padre e zio Lorenzo gli fanno patrim. eccl. (Patrimoni), tal 1736 Capellano dell’ Ill.ma Casa Nicoletti di Arijs (ACAU 738); 1734 Lorenzo Colognese, cameraro S. Giuseppe di Monfalcon (ASU CRS 290); 1752 Eredi q. Gio. Batta Colognese, fittuali Chiesa S. Antonio A. di Monfalcone (ASU CRS 443); 1766 Lorenzo Colognese da Ariis o Dariis di Monfalcone – pubblico perito in Monfalcone (AB); 1768 Ser Gio. Batta Colognese, cameraro della Scuola del SS.mo Sacramento del Duomo di Monfalcone (ASU Susanna 45); 1771 Rev. Antonio Colognese parocho di S. Canciano dell’Isonzo (ACAU 744/1); 1776 Angela di Battista Colognese q. Bortolo q. Gio. Batta da Ronchi Monfalcone (chest ultim al jere l'om di Bortola di Bortolo Miniusso) sposa Mattio di Gio. Batta Zimolo (Filze).

Colomba

Chest cognon al è tipic di Bordan dulà che al è documentât dal 1507 e al ven dal non di femine compagn: tal 1311 Colomba filia a Udin (Corgnali). Tal 1940, a Bordan, su 806 abitants, a jerin 48 fameis Colomba. Viôt Stefanutti 1988. Al è ancje a Cjavaç, Reane, Tavagnà, Udin. A Glemone tal 1554 Zuan Bastian e Zuan Battista Durigo fioli de Luis d’Colomba e tal 1653 Lucia Joannina filia Gregori Columba de Villa Tarnep (Tomat, 2001).

fonts

1409, ai 7 di Novembar Campum situm in tabella Utini porte de poscolle in via de Colomba... (Della Porta 1991, 485 Colombe); 1479, ai 20 di Lui Candido f.° di Dom. Colomba di Interneppo (ANU 3881); 1544, ai 18 di Lui si dividono Antonio e Giorgio f.lli q. Daniele di Colombe di Susans (ANU 3928); 1670 Vignuda di Floreano q. Zuan q. Bastian Colomba di Bordano sp. Stefano di Nicolò Picco da Interneppo (Filze); 1783 Osvaldo Colomba q. Floreano notaio di Udine (ASU); 1803 Georgius Columba di Antonio de Segnaco al è predi (ACAU); 1816 Margarita Colomba di Floreano di anni 38 da Cavazzo, villica, sposa Gio. Batta Macutani di Giac. d’anni 55 da Cavazzo (A.P. Cjavaç).

Colombaro

Al ven dal sorenon dât a une persone che e arlevave colomps, o che e viveve dongje di une colombere o di un lûc frecuentât di colomps. Colombaro al è ancje il non di doi centri abitâts (in provincie di Bressie e di Modene). Al è presint a Remanzâs e a Udin.

fonts

1546, ai 31 di Novembar m.° Giovanni Colombara vetraio in Udine – esige duc. 6 per finestre da chiesa S.M. degli Angeli di Reana - £ 83 da S. Martino di Percoto - £ 78 da S. Giuseppe di Blessano - £ 15 da Tricesimo – ecc. (Acta Curia); 1682 Pietro Pitotto d.° Colombaro di Ziracco, teste (ASU CRS 845/1); 1713 Leonardo di Lorenzo Colombaro q. Valent. q. Gio. Batta da Ziracco sposa Giovanna di Mattia Colombaro pure da Ziracco (Filze); 1719 Zuanne q. Batta Collombaro in locho di Zuane Tam, fittuale in Zirà dei nobb. Zucco (ASU Zucco 27); 1817 Grazia Colombaro di Valent. nata nel 1796 in Cerneglons, sposa Giuseppe Nadalino di Dom.co da Cerneglons (A.P. Orsarie).

Colombatti

Di Colombo, sorenon o non di une persone cu la zonte di un sufìs dispreseatîf. Villa Colombatti al è toponim te tabele IGM di Pagnà.

fonts

1509, ai 16 di Març nob. Francesco Colombatti q. Ropretto di Udine (perg. BAU), tal 1528, ai 24 di Jugn abit. in Udine contrata Dominorum (Biasutti = vie Savorgnane) – (Osp. 292); 1523, ai 20 di Avrîl nob. Ser Antenore Carbo da Spilimbergo abit. in Sesto in lite con Michele d.° Colombat di Marignana (ACR 482); 1528 domos suas qua habet in androna dicta Belveder tendente versus domos nobilium de Savorgnano que domus confinant cum ser Francisco Columbato (Della Porta 1991, 9 Savorgnana); 1543 Morando Colombatto di Piran fittuale nobb. Colloredo (ASU Perusini 761.8); 1640 nob. Gio. Batta Colombatto q. Perso citt. di Udine ottiene permesso fabbricare un altare in S. Maria (a vevin une capelute in cjase) di Faedis (AAU Filze); 1667 Repretto Colombatti notaio di Udine (ASU); 1682, ai 20 di Dicembar Fatto in Udine in Grazzano in casa delli infras.ti Nobb. Colombatti... (ANA 7778 nodâr Luca Pontone di Udin); 1752, ai 28 di Fevrâr nob. Carlo Colombatto era commissario della Commissaria Uccellis di Udine (Civilium); 1816 Nob. Signor Sebastiano Formentini figlio del fu Nob. Signor Gio. Batta possidente di Redipuglia, di anni 26, nato e domic. in Redipuglia nel Territorio di Monte Falcone, sposa la Nob. Signorina Elena Colombati d’anni 24 possidente di Castions, Figlia del Nob. Signor Franc. e della Co. Signora Catterina Locatelli (A.P. Cjasteons di Strade).

Colombera

Al ven dal venit, o dal furlan colombèra “colombere, ricovar pai colomps". Duncje, al à di jessi stât un sorenon par cui che al veve a ce fâ cul arlevament dai colomps, o che al viveve dongje di une colombere avonde grande. Colombèra al è ancje un toponim frecuent te zone de Alte Livence, par esempli a La Nâf e Davian (Fadelli, informazion personâl). Al è presint a Cjanive e a Sacîl: 1824 Gio. Batta Buoro di Angelo, tessitore da Bibano domic. in Sacile, sposa Paola Colombera di Sebast. industrante da S. Odorico (A.P. Sacîl).

Colomberotto

Al è probabil che al sedi un incressitîf di Colombèra (viodi). Al è presint a Sacîl.

fonts

1600 i Colomberotto presints a Fiaschet (Cjanive) (Luchini, 1997); 1818 Maria Colomberotto di Giuseppe villica di Cavolano, sposa Santo di Giovanni Bottecchia da Cavolano domic. a Sacile (A.P. Sacîl); 1826 Antonio Colomberot di Osvaldo, villico di Sacile, sposa Domenica Fullin di Michele, villica di Sacile (A.P. Sacîl).

Colombi, Colombo

Di Colombo, non di persone. O pûr di un sorenon: Henricus dictus Palombus filius Venerii de Valle (OT 95). La forme Colombi si le cjate a Sacîl e a Roncjis di Monfalcon; Colombo a Udin, For Disore e Pordenon.

fonts

1479, ai 25 di Mai Daniele filio Palombi teste in monast. Rosacense (ANU 3891); 1532 Vincenzo Colombo di Casale Monferrato, costrutôr di orghins atîf e innomenât, considerât, a reson, il Stradivari di chescj struments antîcs, al costruìs l’orghin de glesie parochiâl di Voleson (Angelillo, 2002); 1547, ai 10 di Novembar m.° Daniele Colombo (o Palumbo) calzolaio di Dolegnano aveva ferito Gioanutto di m.° Nic. del Polano da Udine stringaro in Cividale (Civilium Rosazzo); 1602, ai 8 di Novembar Bernardo Colombo oste di Sacile accusato di uso di cibi proibiti (ACAU – Inq. pr. 519); 1638 Paolo Colombo notaio da Cividale (ASU); 1656, 17 di Mai Nicolò Colombo di Udine accusato di bestemmie ereticali (ACAU – Inq. pr. 352); 1677 Mistro Vincenzo Colonbo di Dolegnano, fittuale nobb. Zucco (ASU Zucco 5); 1700, ai 24 di Jugn Ser Bernardo Colombo eletto Cameraro Osp. Udine (Osp. 301); 1715 Sig. Agostin Coregge q. Zuanne Bergamasco, ora al servizio del Sig. Colombo in Palma (ASU Perusini 547.1); 1715 Sigg. Bonaventura e Tomaso F.lli Colombi (o Colombo) figliuoli del q. Sig. Dom. mercante nella Fortezza di Palma, acquistano Terreni in Ronchis di Palma (ASU Perusini 547.1); 1769, ai 25 di Zenâr Antonio Colombo da Dolegnano – Teresa Brattus da Gorizia fa opposiz. a suo eventuale matr. – era stato alquanti anni a Gorizia tessitore di drappi di seta (Filze); 1788, ai 26 di Avrîl dott. Alessandro Colombo di Udine nominato Promotore Fiscale del Foro metropolitico di Udine in Venezia (Filze); 1789 Carlo Colombo di Udine suonatore violino in Duomo (AB); 1796 Colombo di Pordenone (Candiani, 1902); 1801 e mûr la Beade Giacoma Giorgia Colombis di Cherso de famee ilustre de Colombis. E jere nassude a Cherso tal 1735 (Sants e Martars); 1816, ai 24 di Otubar Giuseppe Colombo di Bernardo nato nel 1787 in Azatte Provincia di Como nel 1787, Guardia Sedentaria di Finanza, vedovo di Marianna Praloran, sposa Margarita Grandelis di Antonio nata in Campolongo di Comelico nel 1783, vedova di Clemente Zandegiacomo, villica (A.P. Auronç); 1816 Giulio Delfino nato nel 1788 a Venezia, impiegato nella Cancelleria del Censo in Tarcento, domic. in Udine, figlio del Sig. Pompejo di Venezia commissario di Polizia in Udine, sposa Francesca Colombo ditto Janis nata nel 1787 a Udine, lavoratrice di bianco e figlia di Carlo, filarmonico (A.P. Udin-Domo); 1867 Giuseppe Colombo, musicist, al devente diretôr de bande civiche di Sacîl e organist dal Domo. Al jere nassût a Sacîl tal 1825 (Angelillo, 2002).

Colombino

Di un diminutîf dal non di persone Colombo, o di un sorenon derivât di colombo "colomp". Si lu cjate a Ruvigne.

Colombrita

Cognon di Catanie e de sô provincie. Al è leât cul toponim sicilian Colombrita, o pûr al è un etnic feminin di Colombra te provincie di Cosence (CI 501). Presint a Udin.

Colombàn

Dal non di persone Colomban(o). Si lu cjate a Monfalcon (e Triest).

fonts

1559 Li heredi di Ms. Morando Columbano creditore in Piran dei nobb. Colloredo (ASU Perusini 558.3); 1579 m.a Antonia moglie de m.° Nicolò de Bonetti de Buje, fiola et herede del q. m.° Morando Colomban suo padre de Piran (ASU Perusini 548.3); 1776, ai 30 di Avrîl Giuseppe Colombani di Giac. da Cormons – disertore da truppe austriache – domic. a Brazzano sposa Caterina di Ant. Tomba da Cormons (Filze).

Colonello, Colonnello

Al è cuasi sigûr che nol ven dal non dal grât militâr. Colonèl al vûl dî “colonute" o ancje “pilastrin sul cei de strade, o di une bande e di chê altre di une jentrade, fat par segnâ li che al pues passâ il veicul". Come peraule doprade dai muredôrs “une travute curte verticâl". Infin “ram di famee, dissendence di une famee che si è stacade de cjoce". Dutis dôs lis formis a son tal Friûl ocidentâl (Spilimberc, San Zorç da la Richinvelde, Pordenon) e a Udin. Colonello ancje a san Zorç di Noiâr.

fonts

1613, ai 18 di Lui Francesco Colonello di anni 55 figlio di Giacomo da Cargnacco (Extraordinariorum); 1642 M.° Piero Colonello de Bergamo habit. in Palma (ASU CRS 445); 1667 nasce a Fraforeano Vincencio figlio di m.° Biasio Collonello (ASU CRS 224); 1674 Valantin Colonel, fitt. Coo. della Torre di Cargnaco (ASU Della Torre 19.1); 1743, ai 3 di Novembar Francesco Colonello q. Giacomo da Ronchis di Latisana – teste (ACR 408/2); 1798, ai 28 di Avost Osvaldo e Domenico f.lli del m.° Giuseppe q. Osvaldo Colonello da S. Vito al Tagl. viene affittata loro la località Bastia della Congreg. Anime Purgat. (ACR 450 fasc.); 1815, ai 29 di Avost Vitale Collonello di Leonardo nato nel 1796 in Muzzana, villico, sposa Madelena Birri di Dom.co nata in Muzzana nel 1794 (A.P. Muçane); 1819 presint a Cjasarse, rivât di San Vît, Giuseppe Colonello q. Dom.co, maridât cun Maria Cesarino (Luchini, 1995); 1892 al rive a Domanins Osvaldo Colonello, origjinari di S. Zorç da la Richinvelde (Luchini, 1982); 1898 al nas a Spilimberc Giovanni Angelo Colonnello, gjornalist, romanzîr, comediograf, poete e storiograf (Nazzi, 1992); 2001 a Aldo Colonnello, nassût a Spilimberc tal 1940, insegnant e operadôr culturâl, i ven conferît il “Premio Epifania” (Nazzi, 2002).

Colonna

Al è probabil che al vegni di un microtoponim e in origjin al à di vê indicât une persone o une famee che a vivevin dongje di une colone. Nol è di escludi che al derivi di (Ni)colona, incressitîf feminin di Nicola (une volte no cjalavin trop se a vevin di meti lis doplis). Presint a Tisane e a Pordenon.

fonts

1514 Li Consorti Boselli “Collona” fittuali in Sumaga (ASU CRS 498/2); 1533 Polo Colona de Mugia, fittuale per Casa e Cavidinj franchj ai Coo. Della Torre (ASU Della Torre 38.3); 1593 Il Consiglio di Pordenone delibera l’acquisto di un nuovo organo per la chiesa di S. Marco, che corrisponda all’importanza del tempio, trattando la cosa a Venezia con Vincenzo Colona (Candiani, 1902); 1628 Gio. Batta Colonea notaio di Udine (ASU); 1653, ai 10 di Avrîl Andrea Colonna (scr. Collona) di Udine accusato di lettura di libri proibiti (ACAU – Inq. pr. 244); 1656, ai 15 di Avost Domenica Colonna abit. a Villa Storta Concordia – denunziata quale sospetta strega (ACAU – Inq. pr. 314); 1679 Gio. Leonardo Colonna citt. e notaio Cividale (AB); 1709 nob. Alvise Colonna di Daniele q. Alvise notaio da Latisana (ASU); 1723 nob. dott. Gio. Antonio Colonna q. Gio. Andrea nobili di Gorizia (ACR 150/3); 1714 Gl’Heredi Collona, fittuali Chiesa di Sant’Andrea in Villa di Sant’Andrato Sotto Brazzano (ACAU 731/4); 1718 Sig. Lunardo Collona da Vicinale fittuale Sigg. Popaite (ASU Popaite 8.2); 1741, ai 24 di Zenâr vende beni in Brazzano, Giassico, Villanova a monast. Valle Cividale (ACR 145/5); 1756 Wolfango Collonna q. Giacomo notaio da Teor (ASU): chest, a Teôr, al è il prin di trê nodârs di non Collonna, l’ultin al à fermât di lavorâ tal 1839; 1780, ai 20 di Març nob. Antonio Collona (o Colona) di Udine affranca con £ 146 vecchio livello del 1491 verso Osp. Udine (Osp. 305).

Coloricchio

Italianizazion di Collorig (viodi).

fonts

1651 Michele, Cristiano, Lena, Ursa e Marina f.lli Colorichio di Prepotto di dividono (ACR 154/15); 1659 Leonardo Coloricchio era fattore dei coo. Martinone in Trivignano (AB); 1749, ai 17 di NovembarSebastiano Colorich da Monfalcone – accusato di invocazione del demonio (ACAU – Inq. pr. 889); 1751 Antonio Colloricchio, cameraro Fraterna SS.mo Rosario Ipplis (ASU CRS 248); 1774 Giac. Collorichio, cameraro Fraterna S. Nicolò d’Oleis (ASU CRS 301/2); 1775 muore Teodora Banello – lascia 6 pupilli e il marito Sebastiano Coloricchio di Dolegnano carico di debiti (Archivi di Rosacis); 1791, ai 7 di Avost Vincenzo Coloricchio q. Giuseppe anni 38 tagliapietra di Udine (Filze); 1816 Anna Colloricchio di Giac. nata nel 1792 in Oleis, possidente, sposa Giacomo Potoco di Orsaria (A.P. Cuar di Rosacis); 1925 al rive a Basandiele Erminio Coloricchio fi di Ermenegildo, metalurgjic, nassût a Udin tal 1903 (Fantini e Romanello, 2002).

Colorio

Cognon tipic di Vignesie cun presincis in Trentin (CI 501); si lu cjate a Pordenon. Al ven di une forme aferetiche dal non gratulatori Belcolore, o pûr dal non antîc Calòre che al podeve jessi la forme curte di Calogero, ma a Vignesie caloro al voleve dî “munic grêc" (ibidem 353).

Cortello

Al pues jessi “coltello" (il -l- si mude cun facilitât in -r-), ma o pensìn ancje al non di un centri abitât: Cortello o ben Curtiel tal comun di Pavie di Udin. Si cjate a Tisane, Udin, San Zorç di Noiâr, Lignan.

fonts

1576 Ser Gio. Batta Salvalaio era gestore degli affari del nob. Vincenzo Cortello citt. di Udine (AB); 1665 nasce a Fraforeano Angelo figliolo di Giac. Cortello (ASU CRS 224/1); 1821 Giacomo Cortello di Ant. nato in Latisana nel 1802, villico domic. in Pineda, sposa Maria Paron di Marco da Pineda (A.P. Tisane).

Cortese

Di corte, forme di insediament rurâl tipic de alte Ete di Mieç. Par Caracausi 1993 al ven di un non di persone, di un sorenon medievâl che al voleve dî di cualchidun che al viveve o al lavorave intune cort (o sei intun insediament rurâl), o ancje ‘zentîl, liberâl, di maniere educade’. Cognon difondût te Italie meridionâl, ma presint ancje te nestre regjon (Monfalcon, Gurize, Tisane, Udin).

fonts

1301 Joannes Cortes a Glemone (Corgnali); 1318 Henricus Cortes de Vilalta (Corgnali); 1568, ai 26 di Avrîl Camillo Cortese da Genova abit. Udine prof. di maturità – precettore – autorizzato a continuare insegnamento (Extraordinariorum); 1588 e nas a Cjanive Pasqua Cortese fie di Bartolomeo oriunt di Cordignano (Luchini, 1997); 1664, ai 15 di Fevrâr Sig. Girolamo Cortese q. Franc. da Venezia abit. Udine – orefice – aveva bottega in contrada di barbaria in Udine (Filze); 1709 Giuseppe Cortese q. Giacomo notaio di Orzi Nuovi (AB); 1711, ai 24 di Jugn Ser Franc. Cortese eletto Cameraro Osp. Udine (Osp. 302).

Cortina

Par cortina "cortine" si vûl dî di un lûc fortificât cuntune cente di muris e cuntun fossâl, logât se pussibil intun puest alt, par protezi une glesie e lis cjasutis dulintor, dulà che tal câs di scorsadis dai nemîs, la int e coreve a riparâsi cu la sô robe (Venuti, 1979). Tal 1479 Giacomo portinaio della cortina di Rivolto q. Domenico da Plasenzis (Biasutti). Duncje, in origjin, chest cognon al à di vê volût dî di cualchidun che al viveve dentri de cortine, o li dongje. Cognon di Travês.

fonts

1526 Lucas de Curtina de Tramontio (AB); 1518 Andrea Cortina, paga Livello alla Confr. di San Rocco di Tramonti di Sotto (ASU CRS 525).

Cortiùla

Al è un cognon tipic de Cjargne: si cjatilu a Soclêf, te frazion di Priûs, a Tumieç e cualchi volte oltri i confins de Cjargne, par esempli a Valerian (frazion di Pinçan), Cjamparòs (frazion di Tarvis), Codroip e Vildivar. I Cortiula a vegnin ducj di Priûs dulà che, daûr de nestre ricercje, a son documentâts dai 16 di Lui dal 1572: un teren al ven segnât in tabella de priusio in loco dicto in giaulis, juxta Antonium curtiuula. Dopo, ai 30 di Març dal 1633 si fevele di Zuanne Cortiuola e ai 8 di Otubar dal 1645 intun at notarîl firmât a Dimpeç al è un Zuane de Cortiula di Priûs. Par dut il Sîscent il cognon al è scrit o Cortiuola o te variante cu la partesele de Cortiula. Tal Sietcent invezit la grafie uficiâl e somee jessi Cortiulla come tal non di un quondam Zuan Cortiulla nomenât intun document dai 3 di Avrîl dal 1735. La fonde di chest cognon e je il furlan cort “curtîl” che al à formât toponims par dut il Friûl: propit a Priûs, ai 13 di Otubar dal 1647, un document al ripuarte un loco detto cortiuola (di sigûr al è un diminutîf par dî di un insediament rurâl piçul). In sumis, i Cortiula a àn cjapât il lôr non dal lûc dulà che a jerin a stâ, o sedi intun piçul insediament di campagne. Lu dimostre ancje la partesele de che cualchi volte e je devant dal cognon tes primis regjistrazions (De Stefani, 2000).

fonts

1693 Zuanne q. Ant. Cortiula, cameraro Fraterna di S. Valentino di Priuso di Cargnia (ASU CRS 399/1); 1696 M.° Franc. q. Zuanne Cortiulla, fittuale Fraterna di S. Valentino di Priuso (ASU CRS 399/2); 1713 Zuanne Cortiula nodaro a Priuso (Corgnali); 1717 Francesco q. Zuanne Cortiuola di Prius d’Ampezzo, confratello della Fraterna della Centura di Tolmezzo (ASU CRS 522); 1729 Antonio q. Zuanne Cortiula, debitore della Fraterna del SS.mo Rosario di Ampezzo (ASU CRS 2); 1740 Antonio Cortiola (o Cortiulla) di Priuso, debitore dell’Oratorio di S. Filippo Neri di Tolmezzo (ASU CRS 522); 1763 Bonaventura di Francesco Cortiula q. Zuanne q. Antonio q. Zuanne da Priuso sposa Maria Del Fabro (Filze); 1945 al mûr pre Pieri Cortiula di Vile di Cjargne “Gnûf Martar dal Friûl”. Nassût tal 1907, ordenât predi tal 1930, plevan di Davâr dal 1933. Intant che al puartave confuart ai muribonts e al judave i ferîts dant il Vueli Sant ai partesans e ai civîi devastâts de violence dai cosacs, al fo colpît di chei cul calç des sclopis, strissinât tal mieç dal paîs di Davâr e finît a colps di revolvar (Sants e Martars).

Cortolezzis

Al è un cognon di Trep di Cjargne che par Puntel 1998 al ven di un toponim: “... intune pergamene che e je conservade a Paluce, e che e rimonte al Avrîl dal 1321, un ciert Nicolò di Siai al paie l'afit par un cjamp dongje di Siai, intun lûc clamât Cortolezas, che ancje vuê al è il non doprât pe zone che e je tra l'albierc Cristofoli e lis primis cjasis de frazion di Siai. In chel moment storic, Cortolezas al jere dome il non di une localitât; cul lâ dal timp al à tacât a identificâ lis fameis che a jerin a stâ in chê zone, o che a vevin proprietâts di chês bandis, e cussì al è deventât un cognon”.

fonts

1587 li Chortolezzi pagano Livello a Chiesa Medea (ACAU 716/1); 1654 Ser Antonio Cortelezzis di Treppo (Corgnali); 1655 Ser Zuane Cortolezzis di Siaio (Corgnali); 1700, ai 23 di Avost don Nicolò Cortolece da Siao Treppo C. – il padre Mattio gli fa patrim. eccl. (AB); 1716, ai 3 di Març Sig. Giovanni Cortelezzis (o Cortolecis) e f.llo q. D.no Blasio di Udine avevano comperato all’incanto per duc. 1400 casa Osp. Udine in borgo del Fieno (ACR 302); 1761, ai 28 di Fevrâr Sigg. Biagio, Osvaldo e Gio. Batta f.lli q. Gio. Cortoleccis di Udine comprano lo stabile già Gaspardis in S. Odorico per duc. 15254 (ACR 805); 1765 Maddalena di Mattio q. Mattio q. Antonio Cortelozzis da Treppo Carnico sposa Osvaldo Plazzotta da Ligosullo (AB); 1780 Sig. Osgualdo Cortolecis di Orzano fittuale nobb. Caiselli (ASU Perusini 274); 1783, ai 19 di Lui Sig. Matteo Cortelezis (o Cortelazis) q. Matteo a. 46 da Siao Treppo Carnico teste – per i suoi negozi andava spesso a Salisburgo e in Germania (Filze); 1816 Maria Cortelezis, figlia di Gio. Batta mercante, nata a Treppo nel 1792, sposa Alessio Rauter di Zenodis (A.P. Paluce); 1862 Francesco Cortelazis notaio di Udine (ASU).

Corubolo

Al ven di curùbul, un dai tancj nons par dî dal çuncul de blave (salacor al veve un altri significât prime de difusion di cheste plante graminacie tal Sîscent; ma il DESF no si fâs chest probleme e pal rest al è confûs e evasîf). Forsit la vere origjin e je di cirî in curùmbul che al vûl dî “taront” (par esempli, tal gno paîs curùmbula e je la brugnule che e ven fûr dopo di vê cjapât un ton) e, duncje, intun sorenon di une persone “di taie fuarte”, par doprâ un eufemisim moderni. Si cjate a Cjarpenêt (Puçui), Udin, Gurize, Glemone, Mortean, Pavie, Cuar di Rosacis. Il Regjistri de Confraternite di Madone di Mont al ripuarte un Denel Curubul tal 1613 (Zuanella, Dom, 18, 2000).

fonts

1500 Corùbul a Cjararie di Cividât (Corgnali); 1608 Giovanni di Giacomo Corubolo da Cividale (AB); 1661 Ser Mattia Corubolo q. Bortolo della Villa di S. Lorenzo di Palmada, teste (ASU CRS 445); 1665 Matthia Corubul della Vicinia di S. Lorenzo di Palmada (ASU CRS 7/1 bis); 1693 Pietro di Zuan Vicenzo q. Gio. q. Giac. Corubolo di Cividale sposa Caterina di Dom.co Miani (Filze Rosazzo); 1699 Dom.co q. Bortholomio Corubolo di S. Lorenzo di Soleschiano, fittuale nobb. Zucco (ASU Zucco 27); 1721 m.° Daniele Corubola (sic) murero Cividale (ACR 644); 1749, ai 18 di Setembar don Antonio Corubolo di Ant. da Corno di Rosazzo il padre gli fa patrim. eccl. e donazione di Andrea q. Agostino Mullone da Guspergo (Patrimoni); 1766 parroco di Manzano (AB); 1775, ai 23 di Fevrâr va a Roma per Giubileo (AAU Filze); 1809 Batta Corubolo possiede 2 bovi in Trevignano (ASU Della Torre/B 30); 1815 Domenica Corubolo di Giacomo nata in Medeuzza nel 1795, agricola, sposa Antonio Bergamasco di Gio. da Medeuzza (A.P. Trivignan).

Corva

Chest cognon de Cjargne al è ben presint tal comun di Davâr (1516 Battista q. Leonardo de Corva de Muina); al ven dal non di un piçul centri abitât che al è in chel comun. Un centri abitât cul stes non al è pôc plui sot di Pordenon.

Corvaglia

Cognon de provincie di Lecce che al à par fonde corvo cu la zonte dal sufìs coletîf -aglia, e forsit al ven di un toponim (CI 524). Si lu cjate a Gurize (e a Triest).

Corvino

Al ven di un sorenon o dal non di persone de Ete di Mieç Corvo, che al derive di corvo "corvat". Si cjate a Feagne (viodi Zucchiatti 2008, 84-85) e a Tisane.

fonts

1363 Nicolao dicto Corvino a Feagne (Corgnali); 1393 Daniel Curvine a Udin (Corgnali); 1441 Giovanni de Corvinis q. Ser Valentino notaio Fagagna (AB); 1465, il Prin di Mai m.° Dom. Driuze cerdone f. di m.° Franc. Corvin da Fagagna per 8 m. vende a Ant. q. Leon. Masaruti di S. Daniele prato in Stadeis di Fagagna (ANU 3879); 1475 Gervasio de Corvinis da Fagagna (ANU 2058); 1504 Giovanni Corvino q. Giovanni notaio da Fagagna (ASU): chest, a Feagne, al è il prin di sîs nodârs di non Corvino, l’ultin al à fermât di lavorâ tal 1760; 1527 Leonardo q. Iervasi de Corvinis da Fagagna (ANU 2058); 1595, ai 13 di Zenâr Ser Valentino Fabrizio abit. a S. Daniele q. Pietro Fabrizio da Fagagna, marito di Maria q. Ser Bartolomeo Battaglino, testa: erede universale suo figlio Fabrizio unico figlio – erede sostituto per la braida in Colle Cepelot di Fagagna il nipote Persio f. di Ser Mattia Corvino suo cognato (ANU 3941); 1622 Processo del Rev. Gio. Corvino e F.lli contro i nobb. di Caporiacco per occasione di una pezza di Terra in pert. di Fagagna in Loco d.° la Langoria (ASU Torriani/A 29); 1639 Heredi q. Bartholomio Corvino, fittuali in Fagagna di Maso di raggione della Fraterna del Gonfalone di Venzone (ASU CRS 839); 1692 L’Ecc.te Francesco et Sig. Antonio F.lli Corvini di Fagagna, cedono beni alla Fraterna di S. Antonio e Nicolò (ASU CRS 210/3); 1727 muore il nob. Mario Corvino di Fagagna – suo erede il nob. Bernardino di Caporiacco (ACR 215); 1749 Alessandro Corvino notaio Fagagna cittad. nobile di Concordia (AB).

Corvo

Dal non di persone de ete medievâl Corvo, fat su la peraule corvo, o ben "corvat". Cognon avonde difondût te Italie meridionâl. Al è presint a Udin. Chest uciel che par furlan si dîs corvàt al à lassât olmis onomastichis: 1503 a Domeni Chorvat per aver ramondato lo conduto de Misser pre Zuan nostro Capelan a Udin (Corgnali).

Corà

Dal non di persone Corrado cu la ultime part che e cole. Cognon dal Venit presint a Codroip.

fonts

1492 messer Cora de Montereal (Corgnali); 1693 Ser Titiano q. Franc. Cora habit. in Campagnola in Rovoredo (ASU CRS 410); 1816 Giovanni Pittone nato a Udine nel 1787, sartore, di Gio. Batta d’Imponzo nella Cargna, pure sartore, sposa Teresa Cristina Corà nata nel 1791 a Udine, cucitrice e figlia di Giacomo di Sacile, cocchiere (A.P. Udin Sant Cristoful).

Corài

Al è a Pordenon. salacor al è il plurâl di Coràl (viodi).

fonts

1435 Simon dela Choray a Udin (Corgnali); 1829 al mûr Felice Fortunato Corai di Pordenon, artesan cuardâr. Al è stât il il prin impresari de famee Corai, cuardârs artesans di Pordenon, che a son restâts i unics in Friûl e tra i pôcs in Italie a produsi e a vendi cuardis fatis di fibris vegjetâls come une volte (Angelillo, 2002); 1866 Campagna del 1866: Lorenzo Corai, volontario di Pordenone accorso in difesa della Patria, Milite (Candiani, 1902).

Coràl

Forsit al ven di coràl par talian“corallo", o dal vecjo non di persone Corallo (CI 514). Al è a Pordenon, Darzin, Daçan (e te provincie di Trevîs).

Coràn

Forsit al è une variante dal venezian curàme “corean" (Boerio). Al è a Pordenon, Pasian di Pordenon (culì il toponim Casa Coran IGM), Daçan, Cordenons, Purcie.

Corèt, Coretti

Si lu cjate a Gurize dulà che al podarès vê a ce fâ cul cognon sloven Kuret "'save". Coretti al è ancje un cognon lucan e de Campanie. Une volte al jere presint ancje a Preon e a Maian. Par De Stefani 2003, 138-39 in chescj ultins câs al sarès la variante di Corât “Corrado" che di cualchi bande al devente Corèt.

fonts

1593 Gregor Corettichg Decanus Ville S.ti Passi (ACAU 719/5); 1738 Giacomo Coret, -tto fittuale in Maiano (ASU Barnaba 3.11); 1757 Franc. e Osvaldo Coretto di Majano coloni Colossis (ASU Barnaba 21.15); 1975 Paolo Coretti di Udin, nassût tal 1950, al è architet.

Corén

Il cognon Corén / Korén al è tipic dal paîs di Ponteà (comun di San Pieri dai Sclavons) e di culì salacor si è difondût tai paîs dulintor, ancje a Vernassin. Te forme Korén al è une vore ben presint in dute la Slovenie, ancje te val dal Lusinç (massime a Drežnica sot il Cren). Al ven dal sostantîf sloven korén “lidrîs" e al è probabil che sul principi al fos il sorenon dât a un om fuart e robust (Zuanella, Dom, 20, 1991). Tal Sîscent al è presint a Ponteà, Cicigolis e a San Pieri dai Sclavons. A Paulêt al è il toponim Villa Coren (IGM).

fonts

1403 Choren fulchus sol. a Prapoth; 1637 Lunardo Corem a Vernassin (Corgnali); 1562 Juri Coren fitt. in DaBar dei Sigg. de Puppi (ASU Coll.-Mels III part 25); 1563 Heredi Nadisoniz cioè Adam Chorencig fitt. in Idrischa Sigg. de Puppi (ASU Coll.-Mels III part 25); 1599, ai 22 di Avrîl don Nicolò Choren – eletto dall’arciduca parr. di Rochiz (o Bochiz) – presentato per conferma patriarcale (Filze); 1686, ai 12 di Avrîl don Gregorio Coren di Ser Andrea da S. Pietro Schiavi il padre e f.lli Stefano e Gregorio q. Biasio gli fanno patrim. eccl., studiava dai Gesuiti a Gorizia (Patrimonium); 1696 Nicolò Còren di Ponteacco (ASU CRS 448); 1697, ai 22 di Avost don Simone Coren di Nicolò da Ponteacco – il padre gli fa patrim. eccl. (Patrimoni); 1737 Luca Coren figliuolo di Ermacora della Villa di Savogna, cede beni alla Fraterna del SS.mo Rosario di S. Pietro Schiavoni (ASU CRS 448); 1764 Giuseppe di Zuanne q. Marino Manzin da Pulfero sposa Giovanna Coren ved. q. Zuanne Carbonaro (Filze); 1789 nasce a Creda Bortolo Coren figlio di Biasio (ACAU 730/2).

Cos

Dal sloven kos “mierli” che une volte al jere ancje un non di persone (nol è di escludi che in cualchi câs il riferiment al fos il furlan cos “cosse”). Si cjatilu a Faedis, Paulêt (1818 Gio. Maria Cos fu G. B. da Ronchis di Faedis domiciliato a Povoletto), Udin, Tisane. Tal Schedari Corgnali: 1320 Cos de Alnico; 1480 Dominici Chos de Galariano; 1494 Heredibus Nicolai Cos (o Chos) de Pasigliano Prati; 1558 la causa del Cos a Udin; 1591 Tin di Cos a Risan; 1606 Tomaso Cos a Manià; 1931 Cos 11 fameis a Faedis.

fonts

1530, ai 17 di Novembar Domen. q. Lor. del Cos da Lestizza (ANU 247); 1724, ai 21 di Avost don Andrea Cos di Ant. da Gniva di Resia il padre gli fa patrim. eccl. (Patrimonium); 1743, 11 di Avost don Giacomo Coos q. Gasparo da Lucinico – il f.llo Biagio e lo zio Mattia gli fanno patrim. eccl. e i cugini Michele e Matteo f.lli Claucig dei colli di S. Floreano (Patrimoni); 1815 Pietro Cos di Antonio nato in Udine Chiavriis nel 1791, agricoltore, sposa Lucia Bruneleschi di Franc. nata a Udine nel 1796 domic. nel borgo di Poscolle, possidente (A.P. Udin Sant Nicolau); 1818, ai 16 di Novembar Gio. Maria Cos fu G. B. da Ronchis di Faedis domic. a Povoletto – fu 18 mesi soldato – parte lavoro Germania (AB).

Cosatti

Come Cosatto (viodi). Si lu cjate a Pasian di Prât e a Udin.

fonts

1369 Marinum Cossatti de Bagnarola (Corgnali); 1412 Gio. q. Martino d.° Cosatto da Bertiolo (ACR 844 bis); 1510, ai 8 di Lui m.° Simone Chosati (ancje Gosadi) da S. Daniele deve duc. 40 a Ser Gio. de Manzoni de Gemona (ANU 3896); 1545, ai 14 di Jugn alcuni Cossani di Pasian di Prato protestano perché il Comune ha proibito loro di tener pecore (AB); 1588 Zuan Cosatt di Gradisca di Sedean cede beni (ASU Perusini 94); 1602 Valentino dei Cosatti de Paseano de Prado, possiede beni in Ronchis di Palmada del Capitolo d’Aquileia (ASU CRS 7); 1647 Ser Vincenzo e Valentino fratelli Cosatti (o Cosatto) da Pasian di Prato (Archivio Rosazzo); 1710, ai 23 di Lui Valentino q. Franc. co Cosatto di Paseano di Prato sposa Margarita figlia di Gio. Batta q. Angelo del Gobbo di Bressa (A.P. Bresse); 1815 Leonardo Cosatti di Giacomo nato nel 1779 in Pasiano di Prato, molinaro domic. a Udine nei Casali di S. Osvaldo, sposa Angela Cosso di Gian Batta nata alla Gervasutta sotto la Parrocchia di S. Giorgio nel 1782 (A.P. Udin Sant Nicolau); 1816 Domenico Cosatti di Franc. nato a Pasiano di Prado nel 1793, agricoltore, sposa Beltranda Degano da Pasiano di Prado (A.P. Pasian di Prât); 1821 Gio. Batta Cosatto di Giorgio nato in Fraforiano nel 1801, villico di Ronchis, sposa Maria Sandrin di Bernardino da Ronchis (A.P. Tisane).

Cosattini

Diminutîf di cosàt che, come cosàn, al varès di volê dî di cualchidun "che al ven de val Cosa" o "dal borc di Cosa", tal comun di San Zorç da la Richinvelde. No escludìn cossàt “bracent, zornadist, contadin puar". Tipic di Pasian di Prât, dulà che al è difondût e al è documentât dal Sîscent, il cognon Cosatto; al è presint a Udin.

fonts

1640, ai 28 di Mai pre Antonio Cosattini da Alnico – il f.llo Gio. Batta e gli altri f.lli gli fanno patrim. eccl. (Filze AAU); 1646, ai 19 di Setembar don Giuseppe Cosattini da Udine il f.llo Gio. Batta e gli altri f.lli gli fanno patrim. eccl. con beni in Alnico (Filze); 1673 Gio. Domenico Cosatino pittore di Udine (AB); 1710 Giuseppe q. dott. G. Antonio Cosattini da Udine (ACR 810/2); 1713 Giuseppe Cosattini notaio di Udine (ASU): chest chi al è stât il prin di cuatri nodârs di Udin cul non Cosattini, che l'ultin al à fermât di lavorâ tal 1873; 1741 Ambrosio Cosatin della Vicinia di Monfalcon (ACAU 737); 1773 Giac. Cosattino, cameraro Fraterna del SS.mo di Ravosa (ASU CRS 401/2); 1812 Ser Cosattini gestiva la Ricevitoria Comunal di Udine (AB); 1816 Giovanni Zilotti nato nel 1791 a Udine, impiegato, figlio di Angelo Zilotti di Verona Negoziante di pelli, sposa Maria Cosattini nata a Udine nel 1772 di Gio. Batta che fu Dottor in Legge e vedova di Valentino Tomada, possidente, domiciliata in Mercanovo (A.P. Udin Sant Jacum).

Cosatto

Cosàt, cussì come Cosàn (viodi) al vûl dî di un “che al ven de val Cosa” o “dal borc di Cosa”, intal comun di San Zorç da la Richinvelde. No escludìn cossàt che, come cossàn, al vûl dî “bracent, zornadist, contadin puar”. Cognon tipic di Passons, intal comun di Pasian di Prât; si cjatilu ancje a Udin e a Teôr. Tal catapan di San Lurinç di Sedean (SL) o cjatìn Iacomo Cosatto de Gradisca. Tal Schedari Biasutti: 1412 Giovanni q. Martino d.° Cosatto da Bertiolo; 1647 Ser Vincenzo e Valentino fratelli Cosatti da Pasian di Prato. Tal Schedari Biasutti a son documentadis a San Denêl formis che a podaressin vê plui origjins: Gosatti al podarès vignî di gôse , par talian “gozzo”, cul sufìs spreseatîf –àt, o pûr di Gos / Goz forme aferetiche, par esempli di Arigòs, dal non Arrigo cul sufìs –òs o il plui râr –òz; cheste ultime spiegazion e podarès valê ancje par Gossatti / Gozzatti; Cossatti al pues vignî di cos “cosse”, ma al è plui facil che al vegni di (Mar)còs, o di un altri non di persone: cetantis spiegazions pal stes cognon!

fonts

1426 Cussatus a Pantianins (Corgnali); 1440, ai 31 di Lui Antonio q. Pietro Gosatti da S. Daniele (ANU 3874); 1447, ai 12 di Zenâr Giacomo Gosatto da S. Daniele per 4 m. vende suoi diritti su una canipa a Antonio di Martino Salvini (ANU 3874); 1501, ai 10 di Dicembar m.° Giovanni cerdone q. Simone Gosatti da S. Daniele (ANU 3894); 1510 m.° Simone Chosati (ancje Gosadi) da S. Daniele deve ducati 40 a Ser Giorgio de Manzoni da Gemona; 1507 Leonardo Gosatti da S. Daniele – secondo giorno Pasqua, testa lasciando erede il f.llo Antonio a cui le figlie. La moglie Mattiussa allora di 27 a. sposò poi Giovanni Mazuchini di Rodeano (ANU 3896); 1544 divisione tra Battista, m.° Daniele, Bern.no e Andrea q. m.° Gio. Gossatti o Gozzatti da S. Daniele (ANU 3908); 1553, ai 30 di Jugn divisione tra Michele, Toso e Dom.co q. Antonio Gosatti (ancje Gossatti, Cossatto e Cosatto) da S. Daniele (ANU 3918); 1561 Bernardino q. Antonio Cossatti (o Gossatti) da S. Daniele; 1584 Andrea q. Simone Cossatto da Billerio, bandito in perpetuo per l’uccisione di Leonardo da Conegliano in S. Daniele e furti al mulino del Cimano; 1589 il stes al ven preso dagli uomini di Blessano e mandato alla galera perpetua; 1598, ai 18 di Jugn Giacomo, Simone, Giovanni, Michele, Battista nipote di Giac. e Maria ved. q. Gio. detto Coz tutti consorti Gossatti di S. Daniele ANU 3937); 1666 nasce a Fraforeano Valent. figlio di m.° Domenigo Cosatto (ASU CRS 224/1); 1672 Pietro Someda concede in affitto una braida fuori posta Poscolle a Gio. Battista Cosatto di Pasian di Prato (ASU Someda 7); 1687 Franc. Cosatto, fitt. in Pasian di Prato Abbazia di Moggio (ASU CRS 286/2); 1697 Zuane Cosato, cameraro Fraterna di S. Valentino di Pasian di Prato (ASU CRS 349/3); 1734 Valentino Cosato fitt. in Passons (ASU Della Torre/B 29.1); 1753 Gio. Batta Cosato della Vicinia di Risano (ASU CRS 405/2); 1780 Zuanne Cosat di Porta di Cussignaco a Udine, Gio. Batta Cosatto di Pasian di Prato e Sebast. Cosatto di Percoto, fittuali nobb. Caiselli (ASU Perusini 274); 1809 Sebastiano Cosato possiede 4 bovi in Percoto (ASU Della Porta/B 30); 1816 Antonio Castellano di Giuseppe nato a Basaldella e domic. fuori della Porta di Grazzano, molinaro, sposa Orsola Cosatto di Giovanni nata a Udine nel 1783, agricoltoria (A.P. Udin Sant Zorç).

Coseani, Coseano

Dal centri abitât omonim de alte planure centrâl. Coseani si cjate a Premariâs (Orsarie); Coseano a Martignà, Pasian di Prât, Tresesin, Udin. Tal 1750 don Gio Batta Coseani ha la patente di confessore in S. Martino di Cividale; 1762 don Giacomo Coseano da Orsaria cappellano di Leproso era stato assunto per staia 9 di frumento e 9 di granturco (Biasutti).

fonts

1702 Zuane Coseano di Martignaco, fittuale Girolamo Savorgnan della Bandiera (ASU Di Toppo 113); 1816 Lucia Coseano di Dom.co nata nel 1767 in Orsaria, sposa Michele Brun detto Momèi da Orsaria (A.P. Orsarie).

Cosentini, Cosentino

Cognon de Italie meridionâl presint ancje te nestre regjon. Al vûl dî "nassût a Cosenza".

Cosetti

Al è probabil che al sedi une variante grafiche di Cossetti (viodi). Al è presint a Tumieç.

fonts

1329 Chosetto filio Trufulini de Luvinzis (Corgnali); 1401 Nicolai Coseti a Vençon (Corgnali); 1560, ai 16 di Zenâr Gius. e Franc. f.lli f. di Ant. q. Ser Simone Cosetti da Adorgnano – si dividono (ANU 4986); 1709 Pascha Moglie di Gio. Batta q. Matthia Cosetto, consorella della Fraterna della Centura di Tolmezzo (ASU CRS 522); 1740 M.° Osualdo q. Pietro Cusetto di Quinius in Raveio (ASU CRS 400/2); 1770 Gio. Antonio Cosetto di Quinis, cameraro Chiesa Enemonzo (ASU CRS 209); 1782, ai 11 di Setembar don Giovanni Cosetti del Sig. G. Ant. da Enemonzo il padre gli fa patrim. eccl. (Patrimonium); 1892 Gio. Batta Cossetti era organista di Tolmezzo e iscritto alla Loc. Ven. di S. Gregorio (AB).

Cosivi

Al è presint a Codroip.

Coslovich

Al è difondût a Triest, râr tal Friûl orientâl. Al è l'adatament dal cognon sloven Kozlovič patronimic di un sorenon che al ven di kozel “cjavron" (CI 525).

Cosmacíni

Cosmacíni / Kosmačin al è un cognon tipic di Surzint (comun di San Pieri dai Sclavons) e di Tarcete (comun di Pulfar). In chescj doi puescj al è documentât fin dai prins dal Sîscent (par esempli: 1612 Steffano Cosmacino de Terceta; 1621 Filius Joannis Cosmazin de Sarsinta). Al ven, cu la zonte di -in, dal sostantîf sloven kosmáč e, in principi al voleve dî di un om che al veve i cjavei o la barbe luncs e fis, o di une persone une vore pelose (Zuanella, Dom, 9, 1994).

fonts

1660 Stefano Cosmacino te zone di Cividât (Corgnali); 1691 Zuanne Cosmacino della Villa di Sorzento, teste in docum. della Fraterna del SS.mo Rosario di S. Pietro Schiavoni (ASU CRS 448); 1723 Filippo Cosmacino, cameraro della Fraterna S. Rocco d’Antro (ASU CRS 7); 1711 Michele e Giorgio f.lli q. Tomaso Cosmacino da Tarcetta – livello duc. 20 da Confr. Rosario S. Pietro (ACR 448/1); 1729 don Valentino Cosmacino q. Ermacora da Sorzento – si oppongono al suo patrim. eccl. don Bartolomio Mittone e don Gio. Batta Zamparo da Cividale (AAU Filze); 1745, 20 di Març don Valentino Cosmacini da S. Pietro Slavi – all’esame per confessore: reiectus tanquam insufficiens (Registrum Confessarium); 1815 Rev. Filippo Cosmacini Parroco di Bergona (ACAU 730/2).

Cosmar

Viodi Cosmàro. Al è presint a Remanzâs.

Cosmi

Come Cosmo (viodi). Presint a Udin, Rivignan, Teôr.

fonts

1508 pre Lorenzo Cosmi, Arcipredi di Manià, al fâs fâ sù la capele de Madone te parêt a drete de navade dal Domo di Manià (Angelillo, 2002); 1582 Joanne q. Petri Cosme de Raspano, teste in Adorgnano (ASU CRS 1/1); 1678 Mattia Cosmich di Goritia, staffiero del Co. Florio a Udine (ASU Florio 115); 1694, ai 6 di Setembar don G. Evangelista Cosmi q. Carlo da Belgrado nato 1672 il cognato Sig. Marco Parusso q. Val. da Rivignano gli fa patrim: eccl. Studiava sotto don Gio. Gorassi capp. di S. Marizza (Patrimonium); 1706 Francesco Cosmi notaio da Rivignano (ASU); 1718 Sig. Otaccio Cosmi di Virco, debitore Confr. di S. Valentino di Camino di Codroipo (ASU CRS 39); 1750 Adriana q. Sig. Ottavio Cosmi da Udine sposa Pietro Castellani (Osp. 304, 181); 1765, ai 16 di Lui promossa causa divorzio tra Maddalena di Giacomo Cosmi da Ialmicco e Giuseppe di Leon. Fani vulgo Fael per servizie e bastonate di lui (che il parroco chiama “sciagurato”) e dei familiari (matrigna e altri) – (Filze); 1767, ai 27 di Avrîl don Gio. Batta Cosmi q. Sig. Ottavio da Virco Austriaco – teste in Udine (ACR 547/4); 1815, ai 22 di Novembar Orsola Sporeno nata nel 1784 in Tarcento, cameriera in Casa Cosmi di Rivignano e figlia di Adriano Sporeno chirurgo in Tarcento, sposa Santo Bertussi di Alessio possidente di Rivignano (A.P. Rivignan).

Cosmo

Al ven dal stes non di persone, variante di Cosma (masculin!) e cumò plui comun te forme Còsimo. Cognon tipic di Culture tal comun di Polcenic (1703 Ser Pietro Cosmo q. Greguol de Coltura assume un livello di ducati 5 dalla Confraternita del Rosario).

Cosmàro

Cognon presint a Udin, ma al è probabil che al nassi tes Vals dal Nadison. In efiets al jere presint a Azide (comun di San Pieri dai Sclavons) sul principi dal 1500 cun Margetta uxor Luches Chosmar, a Cusize (comun di San Lenart) tal 1640 cun Marina filia Petri Cosmar e tal 1702 cun filius Stephani Cosmar. Par Zuanella (Dom, 18, 1995) Cosmàro si pues meti dongje dai cognos slovens Košmerl, Košmrl e Košmrlj, che a vegnin dal zoonim (non di bestie) košmrlj, variante de peraule slovene čmrlj “avon, calavron”. Si cjate ancje a Gurize dulà che si è passâts di Cosmar a Cosmaro in ete fassiste.

fonts

1794 Cosmaro presint a Cividât (Corgnali); 1811 Antonio Cosmar et F.lli q. Valentin di Laibacco fittuali nobb. Colloredo (ASU Coll.-Mels III part 99).

Cosoli

Al è la "traduzion" di ete fassiste di cognons slovens come Coslevaz, Coslovich, Coslovig (derivâts dal non di persone Kozel). Presint a Monfalcon.

Cosolini

Si cjate a Udin (e a Triest dulà che al podarès jessi la italianizazion di Coslovich).

Coss

Cognon di Resie che al à a ce fâ cence dubis cul sloven kos “mierli” che une volte al jere ancje un non di persone (Merkù, 1981). Tal 1523 Ser Sydero del Coss de Zeglaco (Corgnali). Tal 1600 Girolamo Cuus di San Zorç di Resie. Tal 1605 Domenico Cooz q. Pietro da Stolvizza di Resia promette di dare 20 libbre di formaggio più lire 7 al Sig. Pacifico di S. Daniele; tal 1724 don Andrea Cos di Antonio da Gniva di Resia (Biasutti). Tal 1938 Coss 13 fameis tal Canâl di Resie, che di chestis 10 a jerin a Gnive. Viodi ancje Cos e Coos. Presint ancje a Udin e a Roncjs di Monfalcon.

Cossa

Forsit al ven di còsse “ceste di venc”. Une volte cun cósse (cul –o sierât) si voleve dî chê che cumò si clame cuésse des gjambis (cussì come cun zót/çót si voleve dî çuet) e ancje cheste e podarès jessi une spiegazion. Dut câs no escludìn une divignince slovene (par esempli, di kos “mierli" che une volte al jere ancje un non di persone). A Muimans tal 1455 un campo del reverendo Capitolo tegnudo per Cossa e tal 1470 un Durli Cossa (Ziani, 1999). Cognon tipic di Tarcint (come Cossio, che al podarès vê alc a ce fâ); al è presint a Udin.

fonts

1527 Antonio Cos a Tarcint (Corgnali); 1549, ai 5 di Dicembar m.° Ant. q. m.° Pietro Cossa da S. Daniele abit. Udine – falegname – aveva avuto processo con m.° Simone Narduzzi da S. Daniele (ACTA Curia); 1557, ai 19 di Novembar Antonio Cossa da S. Daniele – escomiato da mans. Chiesa S. Michele (ANU 3933); 1569 Domenigo de Cossa de Tarcento (Corgnali); 1697 Colao figlio del q. Ambrosio Cossa di Tarcento, fittuale (ASU CRS 514/3); 1720 m.° Giacomo figliolo di m.° Beltrame Cosso di Tarcento, teste in Raspano (ASU CRS 400/1); 1819, ai 3 di Zenâr don Giacomo Cossa da Tarcento – il padre Gio. Batta fu Giacomo gli fa patrim. eccl. £ 2618 (AB), tal 1823 aveva 27 anni – di illibatiss. costumi e rispettosiss. alle autorità eccl. e politiche – non ancora coop. ma studia e predica bene con molta chiarezza e unzione (AB).

Cossarini

Diminutîf di Cossàr (viodi). Si lu cjate a San Vît dal Tiliment e a Dignan. Tal 1684 don Giuseppe Cossarino di Ser Bortolamio da Pantianins; tal 1815 Giovanni Cossarino di Giambattista nato in Beano nel 1789, contadino, sposa Domenica Antonutti di Antonio, contadina di Blessano (A.P. Vissandon).

Cossarutto

Diminutîf di cossâr “cui che al fâs i cos", o sedi lis cossis. Al è presint a Montavierte di Taipane (1754 Cossarutto ex Monte Aperto) e a Tarcint. Viodi ancje Dapit 2001.

fonts

1564 Cusserutto a Montavierte (Corgnali); 1816 Lucia Cossarutto di Gio. Domenico nata in Mont’aperta nel 1795, sposa Paolo Sbroiazzo di Valent. di ivi (A.P. Nimis).

Cossero

Si lu cjate a Udin. Forsit al è la variante di Cossàr (viodi). Tal Schedari Corgnali: 1564 magn. Laurentius q. Bat.ni Cosseri, -o de Nimis; 1568 Zuan Antonio Cosser de Quals.

Cossetti

Di cossèt o cuessèt, diminutîf di “cuesse”; o pûr, diminutîf di cos “cosse” e, in Cjargne, “ceste”. Par ultin, nol è di escludi che al sedi un diminutîf di Cos, forme aferetiche di nons come Jacòs, di Jacum “Giacomo” o Marcòs di Marc “Marco” (Tomasina fiolla di marchos vichiarut a Osôf tal 1601) cu la zonte dal sufìs -òs che, almancul in cualchi zone, al è stât produtîf fin tai prins agns dal secul passât. Come non o sorenon di persone al è documentât tal 1450 a Mieli, tal atuâl comun di Comelians: iuxta Fidelem quondam Cossetti de Mieli. Tal Schedari Corgnali: 1320 Chozetto (o Chozeti) stationario Civitatense; 1322 Chuseto figlio di Trufulino di Luincis; 1326 Donato Cossetti de Andrazza; 1338 Coseto q. d.ni Stefani de çeglaco; 1339 Fantina filius q. Jacobi Cuseti de Bagnarola; 1354 Nicolino dicto Cossetto a Vençon; 1408 Zuliani dicto Chosseto a Glemone; 1512 Colao Cussett a Cesclans; 1620 Bap.ta Cossettum de Treppo Parvo. In OT 142 Franciscus quondam Chusset, che forsit si pues leâ a Cossettini (viodi) di Vergnà. Cognon di Cjabie (comun di Darte); presint ancje a Listize, Udin, Purcie. A Cjons al è il toponim Casa Cossetti (IGM).

fonts

1494, ai 4 di Lui Clemente Cossetto q. Rainerio Cosset di Arta – debito in Udine per biave e vino impegna 2 manzi (nodâr Giac. Clapiz); 1554 Ser Antonio Cossetto da Adorgnano – Capitano Sostituto di Tricesimo (ANU 4987); 1562 Giuseppe Cosetto di Adorgnano cameraro S. Floreano (ACR 1); 1568, ai 11 di Jugn m.° Leonardo Cossetto Spadaro di Udine borgo Aquileia – con beni in Percoto fa pignorare uno di Trivignano (Extraordinariorum); 1585 Gio. Batta q. Gius. di Simeone Cossetti da Adorgnano cameraro frater. S. Floreano (ACR 1); 1709 Pietro q. Matthia Cossetti, -o, confratello della Fraterna della Centura di Tolmezzo (ASU CRS 522); 1772, ai 28 di Otubar Sig. Giuseppe Cossetti q. Sig. Fabiano da Imponzo – teste in S. Vito al Tagl. (ACR 450/1); 1795 Mattia Cossetti da Udine – negozio tele (ACR 276); 1809 negozio alimentaro (ACR 568); 1816 Pietro Calligaris nato nel 1767 a Udine, possidente, figlio di Francesco da Cassacco, agente di Casa e di Anna Cossetti da Tolmezzo mercadantessa di Farine al minuto, sposa Marianna Picco di Bernardino possidente locandiere in Percotto e di Gioseffa Zuppancich, possidente del Colle sotto Gorizia (A.P. Risan); 1848 Campagna del Veneto 1848-49: Antonio Cossetti, volontario della città di Pordenone accorso in difesa della Patria, Milite (Candiani, 1902); 1859 Campagne di Lombardia, Romagne e Italia merid. 1859-60: Antonio Cossetti, volontario di Pordenone accorso in difesa della Patria, Milite (Candiani, 1902); 1892 Gio. Batta Cossetti era organista di Tolmezzo e iscritto alla Loc. Ven. di S. Gregorio (AB); 1955 al mûr a Cjons Giovanni Battista Cossetti, organist, compositôr di musiche sacre. Al jere nassût a Tumieç tal 1863 (Angelillo, 2002).

Cossettini

Come Cossetti (viodi), cu la zonte di un altri sufìs diminutîf. Cognon presint massime a Vergnà di Reane e a Udin; presint ancje a Tavagnà, Tarcint, Mels di Colorêt, Seorgnan, Tresesin, Davian, Tarvis. Tal Schedari Corgnali: 1416 Johanne condam d.nici Cusitini a Buie; 1566 Agnola Cussitina, -i, -o de Quals; 1573 q. Bertos Cositin di Vergnà; 1577 m.° Domenico Cossitino (o Cusitino) calligaro di Vergnaco; 1590 Joanne Maria Cussio (o Cuso) de Cortale. Rosa 2000, 29 al ripuarte un Valentin Cossettin villa Vergnà come testemoni intun at dal nodâr Curzio Cellina nel 1596. In OT 105 Cusiti de Vergnaco.

fonts

1330, ai 17 di Zenâr Vidusso detto Chussiti q. Giovanni cripulle da Vergnaco (Osp. 193, 131); 1357, ai 9 di Lui Morasio molinaro q. Michele di Valle nomina procur. Cusito q. Ziriponta di Vergnaco per ferita a lui fatta da Burberio servo di Rodolfo di Quals (ANU 4983); 1370 confins di un mieç cjamp a Adorgnan “a secunda Cussiti de Vergnaco” (Catapan Tresesin 392); 1396, ai 2 di Zenâr davanti al Capitano di Tricesimo Giac. detto Cusitin q. Cusit de Vergnaco in vertenza con Guerra di Vergnaco (ANU 4983); 1439, ai 18 di Avost Giacomo q. Cussitin di Vergnaco (AB); 1451, ai 8 di Novembar Giovanni Cussiti di Vergnacco in lite con Ser Macor Zampelli di Venzone (ANU 3877); 1497, ai 21 di Otubar Giacomo Cusitino da Vergnaco fa proclamare scomunica a chi gli aveva rubato un lenzuolo 2 reti grigie e buona quantità di manipoli (Registro); 1589, ai 23 di Otubar Domenico Cossettini detto Pasello da Vergnacco scomunicato per aver ferito il pievano di Tricesimo Marcantonio Gagliardis (Mandatorum); 1656 Gio. Batta q. Bernardino Cossetino di Vergnaco, cede beni (ASU CRS 402/1); 1682 Steffano Sudero, e Gio. Batta Cussitino ambi di Vergnacco, fittuali nobb. Zucco (ASU Zucco 27); 1694, ai 4 di Setembar don Paolo Cobesso di Carlo e Alovisia da Fraelacco nato nel 1673 – gli fanno patrim. eccl. i cugini Pietro q. Dom. e Giorgio q. Nic. Cossettini detti Bertolli di Vergnacco (Patrimoni); 1704 Ser Pietro Cossettin Bulf, debitore della Confr. del SS.mo Nome di Gesù di Vergnacco (ASU CRS 840); 1727 Processo della Pieve di Tricesino contro Giobatta Cossettino di Vergnacco (ASU Someda 19); 1817 Domenico Cosettino di Gio. Batta Cosettin agricoltore da Vergnacco, sposa Cecilia Zenarola di Leone da Ravosa domic. in Vale (A.P. Vergnà); 1957 al mûr a Santa Fe Antonio Cossettini, nassût a Davian tal 1864. Emigrât in Argjentine, al metè a pro la esperience di insegnant fate in Italie par fondâ scuelis bilengâls (Angelillo, 2002).

Cossi

In cualchi câs e je une “italianizazion” di cognons slovens come Coos e Kos che a vegnin di kos “mierli” che une volte al jere ancje un non di persone; in altris câs al sarà la forme aferetiche di Jacòs, dal furlan Jàcum “Giacomo” cu la zonte dal sufìs -òs (ma al podarès vignî ancje di Marcòs, Micòs e altris). Viodi ancje Cossio. Al è presint a Monfalcon, Gurize (1740 fra Gio Batta Cossi; 1746 don Filippo Cossig q. Giuseppe), Udin (e Triest).

fonts

1740, ai 15 di Jugn fra Gio. Batta Cossi da Gorizia (Filze); 1746, ai 30 di Avost don Filippo Cossig q. Gius. da Gorizia – Gio. Codrig q. Andrea da Reiffemberg gli fa patrim eccl. (Patrimonium).

Cossio

O pensìn al furlan cos “cosse" e al sloven kos “mierli" che une volte al jere ancje un non di persone. A Mene di Cjavaç, tal Cinccent, al jere scrit Coos e Cos e culì la famee Cossio si le clamave Cos. Par Petris 1999 e podarès jessi la forme aferetiche di nons come Marcòs (di "Marco"), Micòs, e simii (nô o zontaressin Jacòs di Jàcum “Giacomo"). Cognon tipic di Tarcint (come Cossa, che al podarès vê cualchi leam): 1355 Odorico d.° Coso di Tarcento; 1449 Giacomo Taverniere d.° Chos de Tarcento; 1546 mastro Antonio Cos; al è ben rapresentât ancje a Udin e a Orgnan di Basilian. Al è presint a Cjampfuarmit: 1537 Sebastiano q. Giac. Cossio di Campoformio (Fantini e Romanello, 2002); 1544, ai 2 di Avost Seb.no Cossiy de Campoformy al è stât testemoni par un contrat dai nobii Sbruglio, che al jere lôr fituâl (ASU Sbruglio buste 3); 1568 don Giacomo Cossio; 1587 Angelo filio Franc.° Cossii; 1588 Minica relicta. q. Marchi Odorici del Cos de Villa Campi formidi. Al è rapresentât a Listize e a Puçui. Di pôc timp si è distudât a Mene di Cjavaç. Tal Schedari Corgnali: 1306 filius çossi de Orgnano; 1369 Cossius q. Menisi de Buugnicho a Siest; 1388 Johanne dicto Chossio q. Nicolay de Pasiglano de prato; 1471 Ser Dominici q. Ser Valentini del Chos de Spil.go; 1488 Odorici del Cos de Tavagnaco; 1491 nob. Ser Daniel del Cos de Spil.; 1506 campum Cossij de Puzzolio; 1530 pratum illorum del Cos de Tarcento; 1540 Dominorum del Coss a Rosa; 1560 Dominorum del Cosso a Codroip.

fonts

1241 Armanno abate di Sesto, col consenso del suo monastero e del patriarca di Aquileia, vende la villa di Fiume detta “Villa famulorum” e le sue pertinenze, a Gupertino e Domenico Cossio per 2600 lire, in denari veronesi (Candiani, 1902);1355, ai 25 di Zenâr Odorico d.° Coso de Tarcento (ANU 4983). Biasutti: lei Cosso. 1449, ai 21 di Jugn Giacomo taverniere d.° Chos de Tarcento (ANU 3876); 1489, ai 16 di Març Ser Daniele del Cos q. Ser Dom. di Spilimbergo gastaldo di Codroipo (ANU 243); 1500 Ser Valentino Cossio nob. di Zegliacco abit. Spilimbergo – Ser Pietro Cisternino gli dà 300 duc. ma alla verifica mancano 7 (Osp. 230); 1503, ai 28 di Zenâr nob. Isidoro Cossio di Zegliacco abit. Spilimbergo di anni 21 (Osp. 230); 1504, ai 23 di Fevrâr Sig. Daniele Cossio da Zegliacco gastaldo di Codroipo per l’Imperatore re dei Romani (Filze 1598); 1514 Daniele Cossio giurisdicente di Codroipo (Archivi Arcipretâl di Codroip); 1515 Antonio q. Ser Ambrogio d.° Cos de Tarcento (ANU 2058); 1570 Giuseeppe q. Girol. Cossio da Pozzuolo (ANU 3620); 1579, ai 10 di Mai nob. Tomaso Cossio genero del nob. Ant. Manin – ottiene affranco per somma duc. 400 livellati 1564 a lui da Osp. Udine (Osp. 295); 1603 Zuanne q. Batta Chos de Campoformio sposa Maria q. Thomas Degano e fig.a Ceccho di Pascolo (ACAU 726/1); 1626 Sebastian Cotio, fittuale in Zompicchia del Monastero di S.ta Maria di Aquileia (ASU CRS 60/5); 1624 Zuan Cossio fitt. in Carpenedo dei nobb. della Torre (ASU Torriani/A 29); 1629 Giacoma di Giacomo Coiutti da Godia – causa di separazione dal marito Giac. q. Gio. Cossio di Godia che la picchia (Filze); 1633 Toni Cos di Campoformio fittuale dei nobb. Colloredo di Maso in Orgnano già tenuto per quelli di Vinir o Venir (ASU Perusini 761.6); 1644, ai 10 di Novembar nob. don Daniele Cossio – il f.llo nob. Andrea lo presenta alle Cappellanie di S. Martino nella parrocchiale di Codroipo e di S. Andrea in Zegliacco (Extraordinariorum); 1644, ai 15 di Dicembar nob. Biagio Cossio era a Venezia – in vertenza con il nob. Andrea Cossio (Extraordinariorum); 1650 Heredi Cos lavorano in Campoformio terreni nobb. Zucco (ASU Zucco 59); 1651 Cession di litte di m.° Paolo Cosso e di Ser Lonardo Cosso di Tarcento, heredi del q. Ser Ambrosio della Billiosa ovvero Cosso (ASU CRS 511/1); 1665 Zuanne Coos, giurato della Vicinia di Campo Formio (ASU CRS 839/2); 1667 Ursula di Zuanne q. Lorenzo q. Zuanne Cos da Mena di Cesclans di Cavazzo sposa Giuseppe di Zuanne Morgul (Filze); 1680 Leonardo di Daniele Cossio q. Leonardo q. Daniele da Mena Cesclans sposa Lucia q. Candido Billiano da Somplago (Filze); 1712 conti Nicolò q. Andrea Cossio e Nicolò q. Daniele Cossio sono i signori di Zegliacco e Codroipo (AB); 1714 Zuanne di Lenardo Cos di Mena, confratello della Fraterna della Centura di Tolmezzo (ASU CRS 522); 1741 co. Tomaso Cossio e consorti giurisdicienti Codroipo (AB); 1772 Giuseppe Cossio q. Giacomo notaio da Tarcento (ASU); 1782 don Valintinus Cossius de Tarcinto al è predi (ACAU); 1792 don Beltrando Cossio arciprete di Aviano (AB); 1796, ai 19 di Zenâr co. Giuseppe Cossio da Cividale ora di Codroipo abit. anche a Zegliacco sposa Teresa Gelmi q. Sebast. di Codroipo (Filze); 1816 nob. Co. Antonio Cossio nato nel 1779 a Codroipo domic. in Udine figlio del Conte Girolamo possidente di Udine sposa la nob. Serafina Codroipo nata nel 1790 nella Parrocchia di Sivigliano e abit. in Udine, figlia del Conte Girolamo possidente di Flambruzzo (A.P. Udin-Carmine); 1816 Giuseppe Cossio di Gio. Batta da Campoformio nato nel 1792 sposa Teresa Mariuzza di Antonio da Campoformio nata nel 1798 (A.P. Cjampfuarmit).

Cossovel

Si cjate a Gurize e a Monfalcon.

Cossu

Cognon sart presint te nestre regjon. Al corispuint al etnic Cóssu “cors", o sedi “persone nassude in Corsiche" (Pittau, 1990).

Cossutta

Cognon tipic di Malnîs tal comun di Montreâl (1576 Francesco de Chusuta), ma presint ben ancje a Triest. Par Malnîs o podìn proponi une derivazion di cossùta “piçule cosse” o “piçule ceste” ma no escludìn un diminutîf di *Cussa, forme aferetiche di Francescussa, diminutîf di Francesca; par Triest, Merkù 1982 al propon une derivazion dal sloven košúta “cierve”. Tal Schedari Corgnali: 1347 Cussutta uxor magn. Nicolai phisici a Udin; 1524 Daniel dictus Cussutta a Purcie; 1560 Blasium Cossutta de Loneriaco; 1775 q. Zuane Cossutta a Malnîs; 1938 Cossutta 35 fameis a Malnîs. Al è presint ancje a Pordenon, Gurize e Monfalcon.

Cossutti

Al podarès jessi il diminutîf di cos “cosse" (ma viodi ancje Cossutta, Cossio, Cossetti). Al è presint a Udin, Pordenon (e Triest). Tal Schedari Corgnali: 1300 Cussuttus de Baynars; 1302 Cusuto (o Cusutus) a Murùs; 1335 Manussio olim Cussutti de Villa Utini de Tavella Bertalt.; 1388 Leonardo q. Zanini Cossutti a Bagnarole; 1526 heredes q. Cossutti de Loneriaco.

fonts

1599 Petrus Cussutus Potestas Puzzolei (ASU Zucco 61); 1626 Domenica di G. Batta q. Giusto q. Biagio Cossutti da Loneriacco sposa Nicolò Colussi (Extraordinariorum); 1646 Nicolò q. Hieronimo di Michel detto Cossutto di Bertiulo (ASU CRS 30); 1678 Pietro Cossutto da Loneriacco era agente di Giorgio Liruto di Villafredda per le fornaci di calce e mattoni (AB); 1753 Giorgio q. Valentino Cossutti notaio da Tavagnacco (ASU); 1790 Giuseppe Cossutti Cialli fu Giacomo Cossutti notaio da Cortale (ASU); 1795 Gio. Batta Cossutti fu Giacomo notaio Loneriacco (ASU); 1817 abit. in Premariaco, sposa Margherita Masulini di Antonio Masolini possidente di Ospedaletto (A.P. Premariâs).

Cossàr, Cossàro

Non di mistîr: cui che al fâs cos, o sedi lis cossis. La forme Cossàr si le cjate a Aquilee, S. Martin (Tierç di Aquilee), Cjamplunc, Monfalcon, Turiac, Roncjis di Monfalcon, Gurize, Udin. Cossàro al è tipic di Flumignan tal comun di Talmassons; si lu cjate ancje a Cjasteons di Strade, Udin, Pasian di Prât, Faedis. Nol è dit che al sedi simpri furlan: par Merkù 1994 il cognon al è identic al non di mistîr sloven košár “cui che al fâs cossis” e al è difondût tes formis Košar, Kosar, Kossar te Stirie slovene e a Lubiane; te forme Cossar a Triest, Košar ancje in Cravuazie.

fonts

1319 q. Cossarii a Glemone (Corgnali); 1489, ai 10 di Otubar Leon. Cosari di Lestizza – teste in Flambro superiore (ANU 243); 1538 Battista Cossaro f. di Leon. da S. Daniele abit. Fagagna (ANU 2059); 1576 Compra fatta dalla Chiesa di S.ta Maria di Valeriano da Antonio q. Zuane Zuanner detto Leone di Clauzetto d’Una Casa di Muro coperta di Coppi posta in Valeriano nel cortivo di M.° Lunardo Cossaro q. Nicolò di Lorenzo di Valeriano (ASU CRS 831); 1665 Pietro Cossar della Vicinia di Ronchis di Palmada (ASU CRS 7/1 bis); 1699, ai 2 di Avrîl don Francesco Cossaro q. Zuane da S. Andrat del Cormor diacono – il Comune lo nomina capp. e chiede sia affrettata sua consacrazione Sacerdotale (Patrimonium 1699); 1701 m.° Dom.go q. Zuanne Cossar, fittuale Chiesa di S. Andrea di Sant’Andrato (ASU CRS 411/1); 1730 Pascolo Cossaro in Vicinia di Sottoselva (ASU Perusini 153); 1809 Pietro Cossar colono in Terzo di Aquilee (ASU Della Torre/2 30); 1884 Pre Franc. Cossaro da S. Andrat di Talmassons beneficiario in Colloredo di P. (ASU Perusini 98); 1927 al mûr a Gurize Giovanni Cossar, senograf, insegnant, studiôs di storie locâl. Al jere nassût a Aquilee tal 1870 (Nazzi, 1992).

Cossón

La piçule localitât di Cossòn / Košoni, tal comun di Prepot, e à cjapât il non dal cognon tipic dal lûc (1500 Marina filia Jacob Kosschon; 1581 Marina vxor Thome Coshon); la etimologjie no je dal dut clare. Cualchidun al pense che il cognon al vegni dal sostantîf sloven kòš “cosse”, altris invezit lu fasin vignî dal zoonim (non di bestie) furlan scussón, o cussón, par talian, “maggiolino” (Zuanella, Dom, 1, 1997, pagj. 8). Viodi però ancje Cossio e Cossetti (in particolâr no si pues escludi une derivazion di nons come Marcòs, Micòs, Jacòs, e vie indevant). Si lu cjate ancje a Cormons e a Cividât. Tal Schedari Corgnali: 1295 Andreas Cusson de Vençono a Glemone; 1310 Cussonis de Civitate; 1341 Cussonus q. Boni de Peliones; 1466 Dominici Chussonj de Bagnarola; 1571 Marcus Cussonus a Atimis; 1792 Cosson presints a Cividât.

Costa

Costa al è un tiermin gjeografic (par solit si vûl dî “cueste de mont”) e al è un toponim une vore frecuent. A Forgjarie al à dât il cognon Garlatti-Costa. Il cognon Costa si lu cjate a Pordenon, Puart, Daçan, Udin, Gurize.

fonts

1273 Joh. filio d.ni Petri de Costa a Glemone (Corgnali); 1352 notaio Costa figlio di m.° Floramonte da Modena abit. Udine (Osp. 168, 104); 1358 super fabro Johannis Coste di Udin (Corgnali); 1559 Andrea a Costa a Mueç (Corgnali); 1593 Joseph Costa si comunica in Chiesa S.ti Anthoni in Bigllia (ACAU 724/1); 1602, ai 27 di Jugn Giovanni della Costa da Forgaria accusato di magia amorosa (ACAU – Inq. pr. 517); 1618, ai 17 di Fevrâr Sig. Cosmo Costa romano abit. Udine grazano mercante panni (Battesimi Carmine); 1668, ai 9 di Setembar don Michele de Costa q. Andrea da Canalutto – i suoi f.lli Filippo, Gio. e Dom. gli fanno patrim. eccl. (Patrimonium); 1695 Ser Zuane q. Bastiano q. Pietro della Costa da Forgaria abit. Cornino (ANU 2185); 1698 Gio. Domenico Costa aveva bottega in Udine (AB); 1728, il 1n di Setembar Sig. Tommaso Costa Capomaggiore dei Bombardieri e Bombisti di Palma (Patriarcalis); 1735 Sig. Pietro Costa debitore libreria Guerra di Udine (ASU Zucco 65); 1751, ai 7 di Mai Sig. Giovanni Costa q. Andrea da Forgaria dirigeva in Virco imperiale il negozio del Sig. Gius. Minighini e voleva sposare Maria q. Pietro Toffolo da Virco (Filze); 1766 Nicolò Costa, cameraro Fraterna SS.mo Rosario di Cornino (ASU CRS 209); 1870 Domenico Costa di Forgaria nato nel 1835 è morto a Trieste nel 1913 dove si era trasferito con la famiglia (AB).

Costacurta

Al è probabil che al vegni di un toponim (viodi Costa, Costalonga). Al è presint a Sacîl (plui difondût tal Venit, massime a Marostica). Tal 1819 Antonio Costacurta di Andrea, villico da S. Cassiano, domic. a Topaligo, sposa Antonia Zandonà detta Bragon di Sebastian di Sacile (A.P. Sacîl).

Costalonga, Costalunga

Al ven dal non di une localitât. Costa culì, si riferìs ae cueste de mont. Costalunga al podarès jessi un microtoponim, ma al è ancje il non di centris abitâts te provincie di Verone, Trevîs e Udin (comun di Faedis). La forme Costalonga si le cjate a Pordenon e a Sacîl; Costalunga a Pordenon e Udin (ducj i doi a son plui difondûts tal Venit). Par Rapelli 1995 Costalonga e Costalunga di Verone ju fâs derivâ de localitât di Costalunga, frazion di Monteforte d’Alpone (VR), che lì si clame Costalónga.

fonts

1650 i Costalonga a son presints tes frazions di Cjanive (Luchini, 1997); 1816 muore a Sacile Giovanni Costalonga di Gio. Batta, di anni 35, villico (A.P. Sacîl); 1820 Giuseppe Cao di Andrea da Caneva sposa Catterina Costalonga nativa di Sacile figlia di Dom. da Caneva (A.P. Sacîl); 1830 i Costalonga presints a Cjanive, vignûts di Sacîl (Luchini, 1997); 1866 Campagna del 1866: Gabriele Costalunga, volontario di Pordenone accorso in difesa della Patria, Milite (Candiani, 1902).

Costantini

Dal non di persone Costantino che si doprave par vecjo; par esempli, tal Necrologium aquileiense (NA) si cjate Costantinus filius Lazari de Portis, Constantinus de Savorgnano, Constantinus filius Federici de Castilirio. Tal Schedari Corgnali: 1393 Cristoforus q. Ser Costantini de Castellerio Utini in burgo Sancte Lucie habitans; 1453 Nicolao Costantini pellipario a Mueç; 1938 Costantini 28 fameis a Trasaghis. A Glemone tal 1405 Item expendi quos dedi Stephano Constantini, qui conduxit lapides ad dictum opus ex monte Glimine, soldos XLII. A Darbe tal 1570 Costantinus del Cargnello. Cognon une vore difondût a Vignesie e forsit par chest motîf si diseve a Trasaghis che i Costantìns a végnin di Vignesia. Invezit, al è une vore probabil che il cognon Costantini furlan si sedi fat in maniere autonome: in plui che a Trasaghis si lu cjate a Tresesin, San Zuan dal Nadison, Manzan, Cividât (tal 1598 Casa Costantini), Dignan (1342 domino Constantino plebano Ygnani; 1370 Bertrando q. Ser Constantino de Ygnano) e frazions, Bertiûl, Merêt di Cjapitul (culì a son clamâts Manzignèl parcè che a son rivâts ca di Manzignel, in comun di Manzan, tal 1887), Osôf (di Trasaghis o di Buie), Gurize, Cuar di Rosacis, Lignan, Çopule, Palme, Premariâs, Tavagnà, Buie (tal 1686 al è documentât a Osôf Gioseffo figlio di ms. Giulio Costantino di Buja), Glemone (1612 Petrus Franciscus filius Johannis à Costantino; 1637 D.ni Bartholomei Constantinis de Cadubrio incola Glemona). Ai 3 di Avost dal 1663 “Giobatta Costantino di Dignano lasciò per voto da lui fatto, quando ebbe l’archibugiata nella grava del Tagliamento, alla Veneranda Chiesa di S. Pietro di Pieve, mezzo campo da lui acquistato..."" (Zoratti, 1973). Lis primis atestazions dai Costantini di Trasaghis a son in documents di nodâr che nus à mostrât cun zentilece Decio Tomat: 1591 Zuane di Costantin; 1618 Petrum Constantini; in loco dicto in Aronch iuxta Constantinus Nicolai Constantini. Ma o volarès sclarîus chest cognon di Trasaghis te variante di furlan di Trasaghis: Chest cognon al ven dal non di persona Costantìn. Tas cjartas dai nadârs a si cjata un Zuane di Costantin tal 1591 e intuna stima dal 1618 al è ripuartât un Petrum Constantini e a si po lei in loco dicto in Aronch iuxta Constantinus Nicolai Constantini. Tal libri dai muarts da plêf di Osôf a si cjata, tal 1622, Leonardus filius Petri Costantini de Trasaghis e Jacobus filius Ioannis de Costantino de Trasaghis. Tal libri dai matrimonis da stessa plêf a si cjata Costantinus filius Petri Costantini tal 1625 e tal libri dai batîsims Petrus filius Constantini di Pietro Constantino tal 1631. Tal Libri dai batîsims di Dalès a si cjata un Zuanne di Costantino tal 1677 e un Pietro di Costantin tal 1678. Ai 15 di Fevrâr dal 1700 a si son maridâts (Libri dai matrimonis di Vasìnas) Zuanne figlio del qm. Antonio di Colle et Catterina di Valentino di Costantino di Trasaghis nella Veneranda Chiesa di S. Margherita di Trasaghis... Doi agns dopo, ai 20 di Fevrâr, a si maridin Antonio figlio di Zuanne Cechino et Zuannina figlia di Antonio Costantino tutti e due di Trasaghis; a fâ di copari a jerin Domenico di Costantino e Giacomo di Costantino. Tai libris da glesia di Trasagas i Costantins a si cjatin la prima volta in ocasion da famosa disgrazia da barcja di Braulins: ai 28 di Mai dal 1708 a son muarts neâts Valentin Costantin d’anni 60 circa, Biasio di Costantino d’anni 20, Orsola di Costantino d’anni 10... Ator pal Friûl a si cjata il cognon Costantini in tancj paîs (Trasesin, Manzan, San Zuan, Cividât, Dignan, Merêt di Cjapitul, Cuar, Bertiûl e âtis), ma i pensìn ch’a no vetin nissun ce fâ cui Costantins di Trasagas. I nestis vecjos a disevin che “i Costantìns a vègnin di Venecia” e, in efiets, chê citât a è plena di Costantini ma, i sin convints che nancja chei a no vetin nissun ce fâ cui trasagans; al sarà stât un tentatîf di “nobilitânus” in cualchi mût. I Costantins di Osôf, invezit, a podaressin vê cualchi parentât cun nô (ma tal 1686, a Osôf, al è nassût Gioseffo figlio di ms. Giulio Costantino di Buja et di Madalena jug. habitantis in Osoppo)”. Pai Costantini Manzignèi di Merêt di Cjapitul si pues viodi la publicazion I Manzignei – Ricerca fotografica e storica della famiglia Costantini, Desinano, Palmanova, 2002, pp. 96.

fonts

1370, ai 7 di Avrîl Bertrando q. Ser Constantino de Ygnano abit. Udine – teste (Osp. 1013); 1455, ai 11 di Zenâr Aloisio q. Nicolò di Strassoldo compera dal dott. Erasmo de Erasmi la quarta parte “domus que sita est Utini in contrata in qua habitabat Nob. vir. d. Carolus de la Turre miles iuxta domos ser Costantini speciari de Verona...” (Della Porta 1991, 13 Savorgnana); 1485, ai 5 di Avost don Antonio Costantini piev. S. Vito Cadore in lite con l’università del Cadore (ACTA Curia 2 regjistris); 1486, ai 17 di Otubar Antonio Costantino f. di m.° Nic. d.° Brazzanaro di Gemona abit. Udine in lite con Baldo Bolognini di Latisana (ANU 3883); 1558, ai 20 di Fevrâr Antonio Costantinae q. Zan di Tricesimo (ANU 4987); 1563 Bapta q. Costantini Rose de Jgnano, cede beni (ASU Torriani/A 31.1); 1586, ai 25 di Setembar Dom.co Costantini di Tricesimo cameraro Confr. SS. Fab. e Seb. (ACR 527/2); 1581, ai 28 di Avrîl Dom. q. Costantino di Rodolfo Costantini di Dignano (ANU 3931); 1592, ai 23 di Novembar Hier.mi Constantini mercator Utini simplicis affittus dedit, et locavit Leo.do à Putheo q. Jacomo de Campoformio unam eius brayda campos seis in c.a positum in agro Campiformii Loco dicto Rovoret... (ASU nodâr Tomaso Fabrizio); 1592 Joannina rel. q. Antonio Colluino cede a Gerolamo Costantino un Bearzo di Seme posto in Tarcento in loco detto d’Ogni Santo (ASU CRS 511/1); 1604 Jacobo filio Antonij Costantini de Tricesimo, teste in Adorgnano (ASU CRS 1); 1606, ai 5 di Otubar Bernardino Costantino da S. Martino di Cadore accusato di eresia (ACAU – Inq. pr. 653); 1608, ai 8 di Jugn Bartolomeo Costantino da Paluzza accusato di uso di cibi proibiti (ACAU – Inq. pr. 684); 1608, ai 8 di Lui Pietro Costantino da Paluzza accusato di uso di carne nei giorni proibiti (ACAU – Inq. pr. 692); 1619 Danieli q. Allex. Costantini Cipriani de Tricesimo fittuale Baiarzum situm in pertin. Tricesimi Vocatum Baiarzo di Chiasai (ASU Perusini 694.3); 1638 Bartolomio Costantini notaio da Gemona (ASU); 1655 Ser Vicenzo Costantino cameraro Chiesa di S. Pietro di Zucco di Tricesimo (ASU Perusini 694.3); 1660 Ser Batta Costantino della Vicinia di S. Martino di Codroipo (ASU CRS 294); 1674 Zuanne Costantino dell’Altare SS. Crocifisso di Tricesimo (ASU CRS 526/1); 1677 M.° Danielle Figlio del q. M.° Ant. Costantino di Tricesimo, fittuale in Reana (ASU CRS 402/1); 1704 m.° Zuanne q. Osvaldo Costantino di Maniago Libero, teste (ASU CRS 267/1); 1719 Domenico Costantini q. Giovanni notaio da Dignano (ASU): chest, a Dignan, al è il prin di cuatri nodârs cul non Costantini – l’ultin al à fermât di lavorâ tal 1809; 1740 Antonio q. Nicolò Costantino d.° Pieresson di Trasagas, debitore di vino a Candido Billiano di Somblago (ASU Billiani 1.12); 1753 Osualdo q. Dom.co di Costantini di Carli di Arba, in Tesis (ASU CRS 521); 1779, ai 29 di Avrîl Dom.co Costantino q. Val.° Costantini del Monte di Buri presint a un contrat agrari li dal nodâr Gio. Dom.co Corgnali di Buri (ASU-ANA 449); 1817 Maria Costantini nata a S. Cassiano nel 1798, chucchiaressa di panni, figlia di Pietro pubblico perito di Maniago, sposa Giovanni Foscarini, cimador di panni in Sacile e figlio di Franc. lanajuolo di Castelcucco (A.P. Sacîl); 1865 al nas a Tresesin Giuseppe Costantini, diretôr didatic, filolic (Nazzi, 1992); 1958 al mûr Celso Costantini, za stât arcivescul di Teodosiopoli, delegât apostolic in Cine, gardenâl titulâr di Geropoli. Al jere nassût a Cjasteons di Çopule tal 1876 (Nazzi, 1992).

Costantinis

Dal non di persone Costantino; culì al manten une forme leade al latin. Tipic di Damâr dulà che al è documentât tai regjistris parochiâi almancul dal prin Cinccent tes formis Constantino, Constantini, Constantinis, Costantinis (Moroldo, 1999). Tal 1938 Costantinis 6 fameis a Damâr (Corgnali).

Costantìn

Come Costantini (viodi). Si cjate a Manià, Darbe (1570 Costantinus del Cargnello), Monfalcon.

Costanzo

Dal stes non di persone talian. Tal Schedari Corgnali: Costante = Costanzo; 1426 Cristoful lu Costant a Brazan; 1332 donna Costancia (ancje Gòstança o Costança) a Aquilee; 1567 Francesco de la Costanza a Pordenon. Presint a Gurize.

fonts

1658 Gio. Maria Costanzo et Consorti di Gruaro fittuali nobb. Colloredo (ASU Perusini 559.11); 1742 Liberal Costanzo debit. Chiesa Spirito Santo di Muzzana (ASU Perusini 609); 1765 Eredi dell’Ill.mi Sigg. Costanzi in Noiare di Sumaga (ASU CRS 498/2).

Costaperaria

Dongje Vernàs (comun di San Pieri dai Sclavons), su la rive de mont Mladiesiena, al è un paisut (altitudin 300 metris), che i ultins abitants lu àn dal dut bandonât dopo de seconde vuere mondiâl, e che fin a vuê al à mantignût il non par sloven Hlíeva (par talian, Clèvis). E je une localitât ben riparade dai aiars dal Nord e duncje adate pai pomârs. In origjin, chest puest al jere une planina di proprietât de int di Vernàs che a vevin costruît culì plui stalis pes bestiis. Di chest fat chi al ven il non dal puest, pal apont Hlíeve o Hlíeva “stalis”. Po dopo, a son vignudis a stabilîsi culì cualchi famee e la planina si è mudade intun centri abitât dulà che a son nassûts cognons tipics di chi e che dopo a son emigrâts jù te planure, massime a Vernàs. Tra chescj o ricuardìn il cognon Costaperària. La int che e jere a stâ chi e arlevave bestiis, e lavorave la tiere e in plui a vevin pomârs, massime piruçârs. Al è probabil che al sedi par chest motîf che i furlans a clamavin cheste localitât Cueste Peràrie, che tacantsi dongje e italianizât al da Costaperària “cleve di mont plene di piruçârs”. Il toponim Costaperària al è documentât sui libris di batisim di San Pieri dai Sclavons za ai prins dal 1600 e al è deventât subit un cognon: 1620 Gaspero di Questa peraria; 1642 filius Tomae di Costaperaria di Vernaso; 1698 filius Caspari Costaperaria de Costaperaria. Come che si pues notâ, il cognon origjinari, che al indicave une persone di Costaperaria, al à pierdude la preposizion di e si è identificât cul toponim. (Zuanella, Dom, 15, 1994).

fonts

1661 don Andrea Costaperaria – il piev. di Nimis gli fa intimare di non ingerirsi nei paesi slavi (Mandatorum); 1683 Capp. di Prepotto (AB); 1701 don Paulus Costaperaria de Vernasio al è predi (ACAU); 1719 Gasparo Costaperaria q. Zuanne di Vernasso (ASU CRS 840); 1738 Simone Costaperaria, cameraro della Fraterna di Santa Maria di Vernasso (ASU CRS 840); 1838 Costaperària 11 fameis a Vernàs (Corgnali).

Costella

Di une localitât venite omonime, par esempli Costella tal comun di Fregona (TV) che si capìs jessi un diminutîf dal tiermin gjeografic, e toponim difondût costa (la cueste di une mont, la cleve di une culine); il toponim Costella al è documentât a Mezamont di Polcenic tal 1684. Il cognon si cjatilu, in plui che a Plêf di Cjadovri) (BL) e Mansuè (TV), a Vildiflum, Sacîl, Daçan. A Vildiflum e a Pasian di Pordenon al è il toponim Casa Costella (IGM).

Costi

Cognon difondût soredut in Emilie e al ven di un toponim Costa. Si lu cjate a Gurize.

Cosàn, Cosani, Cosano

Cosàn al vûl dî “che al ven de valade de Cosa”, o sedi des alturis di Travês, Clausêt e Cjastelgnûf (Desinan, 1979). Cosa al è ancje il non di un centri abitât tal comun di San Zorç da la Richinvelde. Tal 1344 Dominicus Deanuttus q. Omati de Cosa, Cosanum et Franciscum eius filios. Tal Schedari Corgnali: 1301 Odorlicus Cosa de Surnico; 1359 Cosa juratus a Bilirs; secul XIV Dominicha dicta Cosa de Pulçinia. Nol è di escludi che al vedi contribuît il centri abitât di Coseàno e il sostantîf cossàn “bracent, zornadist, contadin puar”. La forme Cosàn si le cjate a Cjarlins. Cosani al è tipic di Osôf (1593 Cau Cosan e Sualdo Cosan); si cjatilu ancje a Tresesin, Udin (1326 Iohannes filius olim Cosani), San Ganzian, Monfalcon. Cosano al è presint a Pasian di Prât. Intune pergamene di Cividât dai De Portis (seconde metât dal secul XIV) si cjate un Toni cosan (Sot la Nape, 3, 1968, pagj. 63). Dal Schedari Biasutti o capìn che chest cognon al jere ben rapresentât a San Denêl tal Cuatricent: 1439 Nicolò q. Pietro Miculi Pilosi de S. Daniele che, in bande, al è dit Cosan; 1464 Leonardo f. di Giovanni Cosani q. Nicola da S. Daniele. Tal Cinccent si cjate a Bean, Cjiscjerne e a San Denêl: 1504 Ermacora q. Pietro Cosani da Beano; 1537 Giacomo q. Daniel Cosani (o Cossani) da Cisterna; 1583 m.° Nicolò Cosano da S. Daniele fabro lignario. Tal Sietcent al è a Turiac: 1799 don Francesco Cosani di G. B. q. Francesco da Turriaco. Tal Schedari Corgnali: 1289 Cosanus de Aviano; 1320 Johanne q. Cosani a Udin; 1387 Dominico q. Chosiani cerdonis Utini; 1426 Johannes Cosanus a Beano. A Osôf al è il toponim Casa Cosani (IGM).

fonts

Cosani. 1633 Li Cosani della Vicinia di Circhina (ACAU 729/4); 1678 Pietro q. Biasio Cosano d’Osoppo (ASU CRS 302/1); 1705 m.° Dom.co q. Gio. Maria Cosano d’Osoppo (ASU CRS 10/5); 1796 Leonardo Cosan in Vicinia di Turriaco (ACAU 744/4); 1864 Attestato Scolastico di Scuola Inferiore di Udine rilasciato a Ferdinando Cosani d’anni 16 figlio di Luigi di Udine (ASU Perusini 127). Cossani, Cossano. Nello Schedario Corgnali: 1293 Federico de Cossano a Cividât; 1467 Joh. filio Nicolaj Cossani de Maniaco; 1507 Machor q. Petri vocatus del Cossan de Begliano. 1461 Florida moier di Nicolò q. Venuto Cossano de Maniaco – sua donazione a Fraterna Concezione di Maniago (ASU CRS 256/5); 1521 Compra fatta dalla Chiesa di Valeriano d’Antonio cognominato Cossano della Villa di Cisterna d’una pezza di Terra Arr. piantata a Viti et arbori di Campi due posta nelle p. tenenze di Cisterna, loco chiamato Sotto Villa (ASU CRS 831); 1665 Consorti Cossani di S.to Laurentio Palmada, debitori del Capitolo di Aquileia (ASU CRS 7/1 bis).

Cotic, Cotič

Al è probabil che la pronunzie e vedi di jessi Çotiç, no parcè che al è sloven, ma parcè che al è... furlan! In efiets al podarès jessi un cognon miscliçât dulà che il sufìs sloven -ič si è tacât ae peraule furlane çót (che une volte si scriveve zot) che al è compagn di çuét / zuét. Duncje, “il fi dal çuet” che al corispuint ai tancj Del Zotto, Delli Zotti, Ciotti, e vie indenant (v. Merkù, 1982); a dîle dute, te ete fassiste, a son stâts un pôcs di “passaçs” di Cotic e di Cotig a Zotti. Al è presint a Savogne dal Lusinç e a Gurize. Tal 1593 Milicar Cottig si comunica in Chiesa S.ti Laurentij in Bucaniza (ACAU 724/1).

Cottes

Al è un cognon râr de zone di Cividât che no rivìn a spiegâ ben. Tal Schedari Corgnali a son formis similis: 1300 Chotis de Grecano a Udin; 1420 Johanne molendinarii q. Dominici Cothis de Basalgella a Udin; 1500 de Cotis a Cividât.

Covacic, Covacich

Come Covacig (viodi). Presints a Udin.

Covacig

Cognon presint te aree di Gurize e une vore difondût tes areis dongje inte Republiche de Slovenie. Al ven di kováč “fari” cu la zonte dal sufìs -ič, che culì al è scrit –ig. Tes vals dal Nadison cumò nol è il cognon Covacig ancje se i faris, naturâl, no mancjavin. Invezit, a son plui nons di fameis dal gjenar Kováči o Kovačóvi (Zuanella, Dom, 17, 1993). Tal 1482 Simone Covacich q. Iurio da Oborza; Matteo di Cladrecis gli aveva venduto per 16 ducati una caneva in Santa Maria del Monte tra la porta per Cividale e la porta per Oborza; tal 1675 don Giovanni Covazig da Quisca nei Colli cooperatore a Villesse (Biasutti).

fonts

1672 Francesco Covazich, staffiero del Co. Florio di Udine (ASU Florio 115); 1675 don Giovanni Covazig da Quisca nei Colli coop. a Villesse (AB); 1732 I Covancig di Mersino fitt. nobb. de Puppi (ASU Coll.-Mels III part 32); 1813 Rev. Simone Covacig Capellano di Ternova (ACAU 726/3); 1877 Covacig a Gurize (Corgnali).

Covacéuszach

Il cognon Covacéuszach / Kovačévščak al à a ce fâ cul toponim Covacevizza / Kováčevica (1638 Michaelis baudas de Covaceuiza; 1646 Blasij Crisnigh de Couaceuiza; e vie indenant). E je une piçule frazion dal comun di Prepot che dal pont di viste eclesiastic e fâs part de parochie di San Lenart. Chest toponim si è fat a partî di un non sloven di mistîr, kováč “fari” e si è disvilupât dal adietîf kováčev cumbinât cu la formante -ica: in principi al voleve dî di “un teren o une proprietât di cualchi fari”. Dopo, dal toponim Kovačevica (in dialet Kovačéuca) cu la formante -ščak, al è vignût fûr il cognon Kovačévščak / Covacéuszach che, in origjin, al indicave un abitant di Covacevizza o une persone che e vignive di chê bande li (Zuanella, Dom, 20, 1988).

Covassi

In cualchi câs al sarà come Covazzi (viodi), in altris câs al vignarà di (Ja)covassi, che a sô volte al derive di Jàcovo (o Jàcobo), variantis di Giacomo “Jacum”, cul sufìs -às. Tal Schedari Corgnali: 1327 Covassio (o Chovasio) servitor a Cividât; 1365 Covasio fil Jardi de Buya; 1366 Covassio muratori de Campoformio; 1373 Laurencio dicto Covasio (o Covassius) de Buya; 1486 Simon Covas a Montine; 1555 li Covassi de Fanna; 1586 Bartholomeo Covassio Toscan di Martigna; 1600 Michel Covasso a Cjavàs. Tal 1382 recevey di Chovas di porta di Chusigna; tal 1383 sore une so casa la qual e-sta donge Chovas (Vicario, 1999). Tal 1585 a Glemone Nicolaus Seraphinus filius Joannis Covassi (Tomat, 2001). Tal 1598 a Cividât Simon Covas, Narda di Covas e Casa Covassa. La famee antighe dai Covassi di Flavuigne tal comun di Forgjarie e somearès vignî di un Florido q. Covacio documentât tal 1389 (Biasutti, 1976). Il cognon si lu cjate a Gjavóns di Rivis Darcjan (salacor al ven ca di Flauvigne), Lumignà di Pavie, Vile di Cjargne, Udin, Romans dal Lusinç.

fonts

1407, il Prin di Avrîl don Pietro Covassi da Udine can. Cividale (Osp. 112, 48); 1410 Nicolussio Governal di Udine era figlio di q. Daniele Covassi (AB); 1427, ai 16 di Lui dott. Pietro Covassi da Cividale era della vicinia di S. M. di Corte (ANU 708); 1468, ai 12 di Novembar Leonardo Covassi da Giavons (ANU 3874); 1489, ai 30 di Jugn Leonardo Covas de Flagogna (ANU 3890); 1532 Martino Covas q. Dom. de Flaugna ultra Tulementum (AB); 1559, ai 2 di Otubar Gio. Pietro Bern.no d.° Chovas de Giavono (ANU 3930); 1563, ai 6 di Setembar campo sotto la riva nunc conducto a Chovassio de Giavono (AB); 1582, ai 18 di Avost Domenico Covassi da Campolongo accusato di uso di carne nei giorni proibiti (ACAU – Inq. pr. 105); 1591, ai 3 di Lui Pietro Covassi di Nic. da Rualis consegnato in VE “alla gaglia” condannato per furto (ACR 155/17 c. 447); 1592, ai 13 di Fevrâr Ser Antonio Covassi abitava a S. Daniele in casa del nob. Franceschino Pittiano (ANU 3941); 1608 Battista Covas, cameraro Chiesa di S. Remigio di Fanna (ASU CRS 218/3); 1616 Jacomo Covas de Giavons (ACAQ 894); 1695 Eredi q. Zuanne q. Ant. Covasso, fittuali Fraterna di S. Leonardo di Flagogna (ASU CRS 223/2); 1778 Antonio Covassi notaio colleg. Udine (AB).

Covasso

Come Covassi (viodi). Cognon presint a Osôf dulà che al è documentât a partî dal 1819 cun Maria qm. Angelo Covassi. Tal 1716, ai 18 di Zenâr nob. Biasio Covasso (o Covazzo) di Venzone compera terre in Zeglianutto (ACR 226).

Covassìn

Come Covassi (viodi), cu la zonte di un sufìs diminutîf. Si lu cjate a Morsan da lis Ocjis, San Michêl, Tisane, Bibion. A Morsan da lis Ocjis al è il toponim Casa Covassin (IGM).

fonts

1711 Antonio Covassino f. del Sig. Val. notaio Bagnarola (AB); 1738 Zuanne, Francesco, Carlo e Valent. Covassini (o Coassini) da Bagnarola (ACR 23).

Covaz

Al ven dal sloven kováč “fari". Presint a Monfalcon.

Covazzi

Non di mistîr, dal sloven kováč “fari", ma al è di viodi ancje Covassi. Tal 1541 a Ontagnan m.° Joanne Covaz fabro. Al è presint a Udin.

fonts

1326 magn. Petro dicto Covaz calegario a Aquilee (Corgnali); 1654 Covazzo presint a Vençon (Corgnali); 1653 m.° Biasio Covazzo, fittuale in Venzone (ASU CRS 839); 1665 In Venzone nel Lobiale di Casa di Ser Biasio covazzo Calligaro di q.ta Terra... (ASU Perugini 127); 1680 don Pietro Covazzo q. Ser Giac. e donna Lucrezia da Venzone abit. Udine nato nel 1659 il f.llo Sig. Girol. mercante in Udine gli fa patrim. eccl. con braida in Venzone murata tutto intorno (Patrimonium); 1699 Biasio Covazzi notaio di Venzone (ASU); 1711 Andrea q. Andrea q. Valentino Kovaz di Laglesie sposa Caterina di Pietro pure Kovaz (AB); 1748 nob. Biasio Covazzi capitano di Buia (ACR 837/1).

Cover

Si lu cjate a Pordenon. Al è probabil che al vedi a ce fâ cun Gover o cun Covre.

fonts

1700 i Cover presints a Fiaschet (Cjanive) (Luchini, 1997); 1817 Francesco Pizzutel di Giuseppe da Vigonovo, villico domic. in Sacile, sposa Maria Cover di Domenico pure da Vigonovo (A.P. Sacîl); 1818 Paolo De’ Savj di Francesco, villico nativo di Cavolano, sposa Catterina Cover di Antonio da Maron (A.P. Sacîl).

Coviz

Come Kovic (viodi). Tal 1598 a Cividât mistro Tita Coviz.

fonts

1490 Març Michele Coviz Vicegastaldo di Cividale per la zona di Brazzano (ANU 730); 1586, ai 10 di Novembar Ser Beltrando Covizio oste in Cividale (Filze); 1592, ai 2 di Dicembar Leonardo Coviz da Faedis fattore del nob. Paolo Formentino – citato perché non ha alcun rispetto per gli ordini o sequestri dell’abbazia di Rosazzo (Processi Rosazzo). Biasutti: Cois vegnial di Coviz ? 1657, ai 19 di Mai testa il nob. dott. Teobaldo q. Sig. Michele Covizio nobb. di Cividale piazza Mercato (ACR 98/1); 1809 Carlo Covig possiede due bovi in Palmada (ASU Della Torre/B 30).

Covre

Chest cognon al è difondût tes provinciis di Trevîs e di Pordenon, massime a Cenede, Cordignan e Colle Umberto di une bande, e a Sacîl di chê altre (CI 530). Al è presint a Pordenon, Cjanive, Vivâr, Pasian di Prât. Tal Schedari Corgnali al è segnât come non di persone: 1281 q. Coure çoti a Castelfranco; 1486 Ser Coure de Pineto districtus Curdignani. Covre al podarès vignî par metatesi di Cover (viodi) e al podarès vê a ce fâ cun Gover (viodi) che forsit al è di origjin gjermaniche.

fonts

1700 a Frate (Cjanive) a son presints i Covre clamâts Maiola (Luchini, 1997); 1821 Paolo Covre di Franc. nato a Sarone nel 1797, villico, sposa Giovanna Buttignol nata nel 1802 a S. Cassiano del Meschio e figlia di Giacomo da Ronche (A.P. Sacîl); 1826 Andrea Tomè di Antonio d.° Sitella nato ad Orsago nel 1790 e domic. alla Fontanna di Sacile, villico, sposa Catterina Covre nata a S. Giovanni del Tempio e domic. a Sacile, figlia di Dom. da Vigonovo (A.P. Sacîl); 1856 i Covre a son presints a Cjanive, oriunts di Sacîl (Luchini, 1997).

Coz

Come Cozzi (viodi). Tal Schedari Corgnali: 1297 D. Odorlico dicto Choz de Buja; 1333 Mauro filio Jacobi dicti Coza a Cormons; 1339 Cozzul condam Jurri de Polteyba; 1340 Cozonus de Aupa; 1365 Cozulin de Faedis; 1365 Nicolao dicto Choç barchandario a Udin; 1401 Olivus pater Coç de Samunscio; 1416 q. Jacobi Coç di Vendoglio; 1426 lu Coç dean del monester a Urcinins de Soro; 1429 Nichulau filge Choz di Samonz; 1482 Lenardus Coç de Reana Sclavus; 1483 Blas Coç a Ruvignas; 1504 Zuan Coz a Castions di Paluzan; 1534 Miano q. Dominici Coz de Briscia habit. in Campoformio; 1566 Leonardo Coz a Çarvignan; 1639 Zuan Cozzon de Prepoto. Presint a Cjarlins.

fonts

1402 Jacobo Coz di Vendoio filio Joanni Carnelli de Utino, teste (ASU CRS 837/1); 1522 esborso fatto dal Nob. Co. Tomaso di Colloredo a m.° Pietro q. Giac. Coz di Rivignano sopra miglioramenti fatti da detto Pietro su Terreno Sive maso di ragione del Co. Tomaso Situato in pertin. di Rivignano (ASU Perusini 548.2).

Cozzarolo

Al à a ce fâ cun cozzâr “la plante de coce", o strop coltivât cun cocis: cozzarûl. Tal 1450 Domeni Cuçirul di Pantianins (Vicario, 2001, b). Tipic di Cividât (tal Cuatricent a Gjian: 1490 Lorenzo Chuzarul e nipote di Simone Chuzurul; 1498 Antonio di Simone Cozarulo. Tal 1598 Piligrin Cozarol a Sopravìt); al è presint a Cuar di Rosacis, Udin, Palaçûl.

fonts

1421 Domeni Chozaruolo de Pantianins a Udin (Corgnali); 1475 Johana la Coza de Gaglano a Cividât (Corgnali); 1490, ai 17 di Avost Albus filius vidue q. Laurentii Chuzarul (ANU 710); 1498, ai 14 di Març l’abbazia Rosazza contro Ant. di Simone Cozarulo da Corno Rosazzo (3885); 1562 Valantin et Josef q. Hier. mo Chuzurul fitt. in Gagliano dei Sigg. de Puppi (ASU Colloredo-Mels III part 25); 1569 Valentinus Cozarolus a Toan (Corgnali); 1587 Gio. Batta Bergantino figlio di Elena Cozarul q. Menica q. Gio. da Gagliano sposa Simona di Giacomo Paganelli pure da Gagliano (Extraordinariorum); 1734 Zuane Cozarolo della Vicinia di Mernico (ACAU 719/7); 1784 Dom. co q. Ant. Cozzarol di Rubignacco fitt. nobb. de Puppi (ASU Colloredo-Mels III part 33); 1817 Giuseppe Cozzarul di Andrea nato in Prepotto nel 1790, servitore in Cividale, sposa Marianna Venturini di Filippo di Azida (A.P. Cividât-S.Zuan in Xenodochio).

Cozzarìn, Cozzarini

Forsit al è il diminutîf di cozzâr “la plante de coce". La forme Cozzarìn si le cjate a Cordenons, dulà che e je avonde difondude, e a Pordenon; Cozzarini a Cjasarse, Manià, Pordenon. A Vildiflum al è il toponim Casa Cozzarin (IGM).

fonts

1756 Sig. Giacomo Cozzarin da Maniago – bottega – forniva olio a frater. S. Antonio Maniago (ACR 255/4); 1797, 26 di Novembar don Gio. Batta Cozzarini da Maniago era presidente della Municipalità di Maniago (ACR 265/1).

Cozzi

Côz / côç al vûl dî “curt” e duncje in origjin al jere un sorenon. Compagn par côz che, invezit, al è une variante di coçon. Pes atestazions viodi ancje Coz. Che Coz al fos un non, o almancul sorenon, di persone al è sapontât di tancj documents: tal 1342 johanne çenero q. Coocii de Barbeano; a Vençon, tal principi dal Cuatricent, al è atestât un iacum coç; tal 1431 a Buie Catharina uxor Cocii; a Paluce tal 1445 Maria q. Enrici Coz e tal 1455 Iohannes Coz; a San Lurinç (Sedean) tal 1539 Zuana dicta la Coza (SL); a Susans, tal 1545, al jere a stâ un Francesco detto Lo Coz; a Feagne tal 1661 Valantino di Giacomo Pecile detto Coz. Tal Schedari Corgnali: 1306 Dominicus Cocius de Beglano; 1321 Coçius a Cividât; 1341 Cochiç de Buya; 1363 Jacobo Cotij de Vendoyo; 1382 Fava q. Chocii de Cusignaco. Tal Schedari Corgnali: 1304 q. Jacobi domini Cozzi a Aquilee; 1316 terra Coççi a Cividât; 1321 Coço (o Coçço) q. Odorlici de Civitate; 1714 Zuane Cozzo de Castel Nuovo; 1938 Cozzi 46 fameis tal teritori di Cjastelgnûf. No si à di escludi dal dut che, almancul in cualchi câs, il cognon al sedi stât origjinât dal abitât di Cooz che al jere tra Flaiban e Dignan (e je restade la gleseute di Sant Martin di Coz) e al fo sdrumât intune scorsade dai Turcs tor la fin dal Cuatricent. In chê zone e sorevivin, tant che une isule tal mâr di blave, i Prâts dal Côç (ancje a Cjassà al è il toponim Prât dal Côç). Une altre pussibilitât e je, infin, che al puedi tratâsi di une forme aferetiche di Enricozzo, dal non di persone talian Enrico (o ancje di Marcozzo, Jacozzo, e v.i.); ta chescj câs la pronunzie però e sarès coz cu la -o- curte e no côz/côç, cu la -o- lungje, cemût che si sint a pronunziâ ancjemò vuê, par esempli pai Prâts dal Côç nomenâts prin. Cognon storic di Tramonç Disot dulà che al è documentât dal 1617 (ma un Florean del Coz de Tramonz al jere a stâ a Çopule tal Cinccent). Si lu cjate ancje a Cjastelgnûf (1600 ser Petro filio ser Nicolai Cotii de Castro Novo; 1610 Pietro Cozzi; 1625 Zuanne Cozzi Fanforgna; 1636 ser Jacobus a Cotio, Gio: Battista q. Narduzzo Cozzo), Udin, Travês, Spilimberc, Darte, Vilevuarbe (Basilian), Monfalcon, Pontêbe, Tumieç, Sante Marie la Lungje, Cividât, Remanzâs (a Orçan te seconde metât dal Cinccent Gregorio Chotz e Calabrinus Cotz). In OT 113 Iacobus filius Vorlici quondam Coccii de Tricesimo. Tal 1507 Angelo Cozii de Villotta iurisdictione Avianii. Il toponim Rio del Coz in comun di Vît (IGM).

fonts

1423, 11 di Fevrâr Martino del Choz q. Giac. Coz mugnaio fuori porta Gemona borgo Gemona porta S. Quirino (a Udin) – dona casa in detto borgo a frater. Battuti (Osp. 167, 227); 1459, ai 28 di Novembar Leonardo Ser Choc q. Gio. da Rive Arcano era stato condannato e carcerato a L. 25 per aver rotto la tregua con Michele dell’Asina (ANU 3878); 1549 Quelli del Cozzo di Maian fittuali nobb. Colloredo (ASU Perusini 741);1572, ai 31 di Mai Candussio f. di Franc. d.° Coz da Susans – colono di terre della chiesa S. Pietro e Colomba di Osoppo in Susans (ANU 3934); 1580 Caterina di Tomaso q. Filippo q. Corradino q. Filippo Coz di Paluzza sposa Silverio delli Zotti (AB); 1586 Augusto Coccius q. Osualdi Coccij de Salano Confessa esser debitore alla Chiesa de S.to Nicolò d’Alzers (ASU Gortani I part doc. 1.5); 1601 Giacoma Choz di Udine accusata di magia terapeutica (ACAU – Inq. pr. 472); 1608, ai 5 di Lui Pietro Coz da Salino in Carnia accusato di uso di carne nei giorni proibiti (ACAU – Inq. pr. 689); 1617 Pietro Cozzo, paga Legato alla Chiesa di Santa Maria di Tramonti di Sotto (ASU CRS 525); 1626 Gioseffo del Cozzo, fittuale in Zompicchia del Monastero di S.ta Maria di Aquileia (ASU CRS 60); 1630 Simone q. M.° Jacobi Cotij de Maniaco, teste in Spilimb. (ASU CRS 497/3); 1641 Dom. Cozzo di Sallano, in Piano, fittuale (ASU Gortani I part doc. 2.28); 1697, ai 26 di Fevrâr don Giovanni Coz q. Simone da Cervignano il cugino Giac. q. Gregorio Coz gli fa patrim. eccl. (Patrimonium); 1705 Gio. Batta Cozzo di Gagliano (ASU CRS 225/1); 1729 Osgualdo Cozzo, cameraro della Scola della B.V. della Centura di Sequalso (ASU CRS 466); 1738 Luca Cozzo d.° Gardin di Toppo, teste in docum. della Chiesa B.V. del Carmine (ASU CRS 523); 1740 M.° Gioseffo Cozzo q. Gio. Batta della Villa di Premariacco, cede beni alla Fraterna del SS.mo Rosario di Ipplis (ASU CRS 248); 1746 Jseppo Cozzo, officiale del Comune di Zompicchia (ASU CRS 845/1); 1759 Sig. Nicolò Cozzi, fittuale Ven. Scuola del SS.mo Rosario di Annone Veneto (ASU CRS 6); 1759 Sig. Antonio q. Pietro Cozzi di Paludea dimorante ora in Postoncico (ASU CRS 833 Valvas.); 1783 D.no Dom.co q. Giac. Cozzi da Piano, presente a docum. della Chiesa di S. Pietro in Cargna (ASU CRS 449); 1801 Zuanne Cozzi, cameraro Ven. Scuola di S.ta Fosca di Annone (ASU CRS 6); 1816 Tomaso Cozzi di Antonio nato nel 1784 oriundo da Lestans negoziante in Venezia, sposa Giovanna Venir di Franc. da Bertiolo (A.P. Bertiûl).

Cozzo

Come Cozzi (viodi). Presint a Pradaman.

Cozzolino

Cognon de Campanie presint a Udin. Al vignarà di formis aferetichis di nons come Francescozzo, Domenicozzo e simii.

Cozzutti, Cozzutto

Diminutîf di coz “curt" e duncje in principi al jere un sorenon. Nus somee mancul probabil che al vegni di côce (scrit ancje côzze). Cozzutti si cjatilu a Buie, Osôf, Udin, Cividât, Codroip; Cozzutto a Gurize e a Udin. Tal Lunâri di Orsaria dal 2001 si à la forme al feminin Cuçùta. Tal Schedari Corgnali: 1504 Lenardo Cozut di Rivalpo; 1518 Joannem Cozzuttum a Cormons; 1533 Cozutti a S. Marie la Lungje; 1796 Cozutto a Cividât. Tal Schedari Biasutti o cjatìn chest cognon tal Sietcent a Roncjetis (1600 don Giacomo Cozzutti q. Giovanni), Sant Andrât dal Judri, Gramoian e Dartigne; tal 1700 a Romans dal Lusinç. Viodi ancje Cozzi.

fonts

1593 Franc. Cozut di Bistrigna, in Scuola di S. Giorgio di Monfralcon (ACAU 737); 1600, ai 19 di Setembar don Giacomo Cozzutti q. Gio. da Ronchiettis il f.llo Gaspare gli fa patrim. eccl. avevano casa e 34 campi (Extraordinariorum); 1642 sua morte a 74 anni (+ Sante Marie la Lungje); 1611 Gasparo Cuzzutto de Ronchiettis di Sante Marie la Lungje (ACAQ 893); 1621 Andrea Cozzutto marangon di Udine (Battes. Carmine); 1635 don Natale Cozzutto da Gramogliano – il padre Sebast. gli fa patrim. eccl. (AB); 1645, ai 13 di Setembar don Natale Cozzetti da S. Andrat Iudrio – licenza cura anime coop. Brazzano (Patriarcalis); 1648, ai 7 di Fevrâr Rev.dus Natalis Cozzutus (o Cozzuto) Capellanus curato di Villa Brazzani (ACAU – Inq. pr. 5); 1677 Zuanne Cozzutto di Gramogliano fittuale nobb. Zucco (ASU Zucco 5); 1688 Ser Andrea Cozzutto di Artegna stimatore (AB); 1714, ai 16 di Setembar don Biasio Cozzutto (o Cuzzutti, -o) da Romans Isonzo gli fa patrim. eccl. lo zio nob. don Giac. Mosolin capp. della milizia di S. Maestà Cesarca (Patrimoni), 1730 vic. cur. di Mariano (Patrimoni); 1740, ai 9 di Setembar don Gio. Batta Ceccotti a. 29 da Mariano – il parroco don Biagio Cuzzutti lo presenta a esame confessore (Filze); 1776 Antonio q. Giac. Cozutto Borgo Sotto Castello d’Artegna, assegnatario di porzione di Palludo del Comun (ASU Perusini 728.4).

Coàn

Al è un cognon di Cordignan e di Conean (TV) cun presincis a Sacîl e a Pordenon. Al podarès vignî di un toponim Coa “code" riferît ae forme di un teren e cul sufìs -àn par fâ un adietîf etnic (CI 489). Te Campagna del 1866: Antonio Coan, volontario di Pordenone accorso in difesa della Patria, Milite (Candiani, 1902).

Cognon

Significât / Divignince

fonts

Atestazions

Còccolo

Còcula e Coculussa une volte in Friûl a jerin nons di femine une vore biei. Al pues stâi che Còcul al fos la version masculine. Còcule, ancje tal furlan di vuê e je la pome e semence dal cocolâr (sient. Juglans regia). Còc al vûl dî “ûf” e Còcul al podarès jessi la sô forme diminutive. Cussì te lenghe antighe di Monài (vuê Ravasclêt): Mènio, sul desc, sbat ju cocs par fâ las frìtulos e las sòpos indoràdos. Infin, Coc, al è il non di un uciel (par talian occhione). Viodi ancje Cocco. Il NA al ripuarte un Chuchulussius molendinarius (mulinâr) tal 1382; pôcs agns dopo, a Vençon al è un Chuchuluz Scorset (Wolf, 1874), in terra Choculi tal 1323 a Davâr e un Bertolotto dicto Choculo tal 1342 a Davaste di Davâr (Dell’Oste, 1999). A Nimis tal 1431 Tomaso detto Cocul q. Odorico Cozette. A San Lurinç di Sedean Potentiana filia Coculi (SL). A Udin a son chestis atestazions: 1282 Iohanni dicto Cuculuça (Moro, 1991); 1425 Çuanine dete Chocule; 1427 Zuanine Chocule; 1433 Çuanina fiola che fo di Zuvan Chocula; 1439 Pidrusse sur de Cocollate (Vicario, 2001, b). Tal Schedari Corgnali: 1271 Coculo de Rogia a Glemone; 1278 terra Coculi a Vençon; 1278 Coculus a Montenârs; 1287 Cocolo q. Nicolai Remoti de Paderno; 1294 Coculo de Magnano; 1308 Coculi (o Coculus) a Cividât; 1310 Coculus et fratres de Campoformio; 1341 Coculus de Aupa; 1341 Coculo de Laybaco; 1432 Daniel q. Gasparini vocatus Chocul de Bagnara; 1350 Justo dicto Chochulo de Rumignano a Udin; 1356 Paulo dicto Cuochul de Santo Vidoto; 1362 possidet Chocula ad Atimis; 1426 Michael Chochulan a Ribis; 1426 q. Chochuli a San Denêl; 1426 Petro Chochulino a Martignà. Chest cognon si cjate a Felet, Udin, San Zorç di Noiâr, Gardiscje, Pordenon, San Martin di Voleson, Pagnà, Gurize, Cordenons, San Vît dal Tiliment, Cividât, Glemone (in domo Francisci Coculi tal 1390; Maria Clara fiola di Tomat Cocul nel 1549), Manzan, Remanzâs, Cint. Te tabele IGM Ruvigne, al è il toponim Coccoli.

fonts

1443 Luca detto Chocul f. di Stefano da Colugna – teste (Osp. 170,217); 1471, ai 14 di Dicembar Paolo Cochul abit. in Orsaria f. del q. Pietro di Tarcento fa i conti come affittuale del Capitolo di Cividale (ANU 711); 1491, ai 22 di Avost Leonardo Cocul di Vergnacco abit. in Ziracco (ANU 3885); 1505 testamento di Leon.do Gadessio rotario de Feletto – suoi figli: Bernardo detto Cocul e Pietro Rosso (AB); 1518 i figli ed eredi del q. Leonardo Rodaro – Bernardo detto Cocul e Pietro detto Rosso de Feletto (ACU – regjistri riscossions); 1535 Antonia q. m.° Giovanni Cocolo da S. Daniele ora moglie di Pietro Zoppo q. Giacomo Flumiani da Rive Arcano (ANU 3907); 1570, ai 27 di Mai don Mattia Coccolo da S. Daniele fatto curatore del suo pupillo figliolo di m.° Dom.co Sartorino di Meretto abit. a S. Daniele (ANU 3934); 1582, ai 20 di Setembar don Giacomo Cochul da Gonobiz – suddiacono (Mandatorum); 1584 divisione tra Oliverio e Decimo f.lli q. Dom. d.° Minin Coculo de S. Eliseo (ANU 3941); 1622 Ser Batta Cocolo q. Ser Asquin di Gruaro, cede Livello in Sesto (ASU CRS 491/2); 1630 Maso Coccholo ora Valentinuzzi di Arzenutto di ragione dei nobb. Colloredo (ASU Perusini 570.4); 1630, ai 9 di Jugn Vicenzo di Gioseffo Cocolo di Pasegliano di Prato sposa Sabbida r. q. Val.° Bertonit di Bressa (A.P. Bresse); 1652, ai 4 di Mai Gregorio Coculo (vistût di predi) e Gio. Batta Cainero (vistût di diaul con una pelle secha di vacha) ambi da Povoletto accusati (cun altris) di irreligiosità (allegrezza carnevalesca) durante il carnevale (ACAU – Inq. pr. 208); 1665, ai 4 di Fevrâr Ser Domenego Coccolo scodadore della vicinia di borgo Prachiuso a Udine (Masutti 1991); 1674 Giacomo Cocul di Zugliano, fitt. dei Coo. della Torre (ASU Della Torre 19.1); 1677, ai 24 di Mai Ser Domenico Coculo q. Nic. abit. a Udine Pracchiuso anno 67 – Confina beni Confr. S.M. delle Grazie (ACR 753/3); 1682 Giuseppe Cocolo notaio Feletto (AB); 1682, ai 7 di Març don Gio. Pietro Cocolet q. Gio. Batta da Cormons – gli fa patrim. eccl. il suo consanguineo don Nicolò Coronino (Patrimonis); 1682, ai 16 di Dicembar investito di cappella perpetua dei baroni Locatelli (Patrimonis); 1691 Batta Cocolo in Vicinia di Plaino (ASU Perusini 548.4); 1697 Ser Gioseffo Cocolo q. Zuane, cameraro Fraterna di Sant’Antonio Abbate di Feletto (ASU CRS 222/1); 1709 Ser Pietro Cocolo, cameraro Chiesa di S. Floreano Plaino (ASU CRS 350/1); 1717 Gioseffo Coccolo, cameraro della Fraterna di S. Antonio Abbate di S. Vidotto (ASU CRS 449); 1722 Dom.co Coccolo di Siacco fittuale nobb. Zucco (ASU Zucco 27); secul XVIII Marco Cocolo vuardian dai boscs di Siest, al denuncie Domenica Cocolo che e veve taiât rôi zovins tal bosc (Angelillo 2002); 1733 Gio. Batta Cocolo notaio e pubblico perito di Monfalcone (AB); 1739 Gio. Batta Cocolo, cameraro Fraterna del SS.mo Sacram. di Remanzaco (ASU CRS 404/1); 1747, ai 27 di Mai Stefano q. Pietro Coccolo di Feletto si accusa di bestemmie ereticali (S. Uff. 898); 1768 Franc. Coccolo in Vicinia di Bagnarola (ASU Bertoli 31.2); 1792 Antonio Cocolo della Fraterna S. Valent. di S. Vito (ASU CRS 454/4); 1794 Valentino di Antonio Zanin e di Elisabetta Cocolo q. Valent. q. Franc. da S. Vidotto sposa Lucia di Domenico Cocolo pure da S. Vidotto (Filze); 1816 Antonio Cocolo nato nel 1776 in Bando Prov. del Friuli, domic. in Alvisopoli, figlio di Osvaldo da Straccis, sposa Maddalena Ponì da S. Paolo (A.P. San Pauli); 1816 Vicenza Cocolo di Pietr’Antonio, nata nel 1796 a Feletto, possidente, sposa Angelo Feruglio q. Bernardino, possidente da Feletto (A.P. Udin Padier).

Còncil

Di Chunz, forme antighe curte ispirade al todesc dal non Corrado (viodi Concina, Conz, Conzatti, Conzutti), italianizade in Concio, cu la zonte dal sufìs diminutîf todesc -il. Cognon di Ruvigne (culì al è il toponim Casa Concil te tabele IGM).

fonts

1325 Concil mercador de Vienna (Corgnali); 1415 Georgio filio Concii de Sophunbergo (Masutti 2000, 198); 1753 Batta Conzi, paga Livello a Fraterna B.V. della Consolazione di Ragogna (ASU CRS 399/2); 1775 Antonio Concil di S. Daniele incettava galetta (ACR 442/27); tal 1940 Concil 12 personis a Pignan di Ruvigne (Corgnali).

Cònsolo

Cognon soredut sicilian; al è presint a Udin. Al ven dal talian antîc cònsolo “consul", peraule par indicâ incarghis e funzions (CI 510).

fonts

1791 Gio. Dom.co Consul in Vicinia Villa d’Imponzo (ASU Perusini 728.5); 1798 D.no Gio. Battista Consoli, cameraro dell’Oratorio di San Filippo Neri di Tolmezzo (ASU CRS 522).

Còsolo

Di côsul che al vûl dî “la scusse de vuaine”. Duncje, in principi al à di jessi stât un sorenon. Tal Schedari Corgnali: 1296 Cosulino sartore Civitatis; 1310 Cosulo de Siniruela a Cividât; 1321 nobilo dicto Cosulo filio federici de Prestento; 1340 Chosulus de Trivisigna; 1341 Cusulus a Buie; 1421 Jacobo scarpario dicto Chusulut a Udin; 1437 Jacobo Cosul de Praclus a Udin; 1468 Jacominus Cosulo de Impontio; 1499 Jacobus Chosul a Manzan; 1508 Pieri dal Chosul a Udin; 1522 Bastian de Cosul de Alturis; 1523 Dominicus dictus Cosul de Buja; 1528 ronchum Vincentij cognomento Cosul a Tresesin; 1533 Bartholus Joannes Cosul q. Nicolaj de Colerumiz; 1535 Zuan Chusulin de Borgo Ponte Rualis; 1573 Bastian di Cosul molinaro di Noacco; 1583 Michel Chosul a Risan; 1929 Cusulin 3 fameis a Cormons. Un Pieri Cosul al viveve a Cividât te seconde metât dal Tresinte (Frau, 1991), une Zuvanina fiola dela Chosolata a Udin tal 1433, une cierte Chosula e jere a Glemone tal 1437, un Bernardinus vocatus Cosul q. Stephani del Mestri a Cormons tal 1513 (FS), un Domeni ditto Cosul al è documentât a Osôf tal 1608. Cognon tipic di Rodean dal Bas (comun di Rivis Darcjan) e San Ganzian; al è presint a Monfalcon, Turiac, Foian e Redipuie (documentât tal 1604), Gurize (culì une Ursa Cosula ae fin dal Cinccent), Flumisel. Maurizio Puntin (informazion personâl) mi vise che al è un dai cognons plui antîcs de Basse furlane: za tal 1338 a son nomenâts a Aquilee heredes q. Petri Cosuli de Rena, dulà che Rena al jere il non di un borc di Aquilee. Tal Cjanâl dal Arzin un piçul borc al è clamât Còsoi (plurâl di Còsol, variante locâl di côsul).

fonts

1443 Giacomo Cosul delle Case Manzano fa testam. orale prima di partire per S. Giacomo di Galizia (ANU 714); 1505, ai 17 di Mai Ermacora Cosul q. Dom. da Maseris di S. Daniele affitta campo (ANU 3896); 1507, ai 12 di Zenâr Franc. q. Ant. Cosul d S.M. Sclaunicco (ANU 246); 1510, ai 24 di Lui Mattio Cosul (o Chosul) q. Bertulo di Imponzo deve £ 22 a Ser Gio. Ant. Portunerio di S. Daniele per vino (ANU 3899); 1533 Bertolo e Zuanne F.lli Cosul di Colerumiz cedono beni a Fraterna S. Sebast. di Tarcento (ASU CRS 511/1); 1533 i Sigg. di Spil. concedono in affitto un terreno in Vidulis con Sedime e Case ad Alvise detto Cosul q. Alessio (ASU Torriani/A 31.1); 1542 divisione tra Leonardo e Gio. Daniele f.lli q. Biagio Cosulo da Masieris (ANU 3922); 1559, ai 18 di Març Leonardo d.° Cosul q. Rodolfo da Osoppo (ANU 3910); 1572 Valentino q. Jo. Bapta Cosuli Sviezutti de Buja cede beni ai nobb. Pramperi (ASU Barnaba 25.7); 1589 Pietro q. Bern.no Cosulo da Rodeano (ANU 3937); 1592, ai 7 di Novembar fa stimare campo da lui venduto a Vittore q. Ant. Cicutti (ANU 3933); 1595 Maddalena q. Girolamo q. Agostino Cosolo da Rodeano sposa Gio. Nardini da Arcano si sotto (ANU 3937); 1605 Eredi de Barnabò di Cosul cioè Andrea Arumiz, debitori della Chiesa di Santa Maria del Giglio di Tarcento ASU CRS 518/2); 1616 Tomado Cosul de Rodeano (ACAQ 894); 1657 Domenico di Giacomo Cosolo q. Domenico q. Giacomo Cosolo di Risano sposa Orsola Passero (Filze); 1667 nasce a Fraforeano Maddalena figlia di Domenigo Cosul (ASU CRS 224/1); 1719 Antonio Cosolo q. Sebast. notaio di Polazzo (Monfalcon) – (AB); 1727 Antonio Cosulo notaio e perito in Fogliano Monfalcone (AB); 1731 Gio. Batta Cosolo notaio e perito di Monfalcone (AB); 1732 Pietro, Antonio e Dom.co Cosoli fitt. in Polazzo e Fogliano dei nobb. de Puppi (ASU Coll.-Mels III part 32); 1763 Suo catastico con disegni dei beni del monast. S. Bernardino Udine in Begliano e S. Pietro di Monfalcone (ACR 585/3); 1754, ai 20 di Jugn Francesco Cosolo del Sig. Gio. Batta da S. Pietro d’Isonzo sposa Caterina di Francesco Lenardon, lui calzolaio e lei contadina (BAU Cartol. nuovi); 1765 Gio. Batta Cosolo notaio da S. Pier d’Isonzo (AB); 1771 Antonio figlio del q. Giac. Cosolo di Fogliano intende Sposare Catarina di Sebast. Castellano di Medea (ACAU 716/1); 1788 Antonio Cosolo “lignarolo” lavora a cornici in Marano (ACR 275); 1796 Giacomo Cosolo giurato Vicinia Turriacco (ACAU 744/4); 1876 Gio. Batta Cosolo oste di Monfalcone, riceve Botte Vino di Monfalcone (ASU Monfalcon 18.7).

Còtterli

Chest cognon al à forsit une divignince gjermaniche. Par R. Domenig (informazion personâl) al podarès vignî di Kotterle, diminutîf di Kotter che al vûl dî “arest, preson”. La -li finâl e ricuarde i diminutîfs dal todesc fevelât in Svuizare: tal todesc leterari al sarès -le. Ivana Milocco lu fasarès riferî al cognon di Sapade Còttrer e duncje la fonde si varès di cirîle tal todesc medi alt gater “porton, ristiel”. Si lu cjate a Cividât, Muimans, Udin (a Triest al è avonde difondût il simil Cotterle).

fonts

1629, ai 19 di Zenâr Silvestro e Giuseppe q. Filippo Quotterli da Moimacco prendono duc. 30 a livello da monastero Cella Cividale (ACR c. 143); 1719 Filippo Coterli di Silvestro q. Mattia da Moimacco – nato 1699 – era stato dai Gesuiti a Gorizia a scuola – ove aveva finito tra i primi corso di grammatica (AB); 1780 Giuseppe Goterli in Borgo d’Arronco a Udine, fittuale nobb. Caiselli (ASU Perusini 274).

Còttrer

Cognon di Sapade che al vûl dî "persone che e je a stâ a Cottern ", un dai 15 borcs di chest centri abitât di montagne. Il significât di Cottern al podarès jessi peât ae peraule dal todesc medi alt gater “porton, ristiel" (Milocco, 1992-93).

fonts

1705 m.° Tomaso Croter, cameraro della Fraterna della B.V. di Sapada di Cargna (ASU CRS 464); 1745 Maria di Andra Piller Cotrer q. Gius. q. Vicenzo da Sappada sposa Giorgio Gotter (Filze); 1760 Ser Xforo Benedetto Cotterer (o Cotter) cameraro della Fraterna della B.V. di Sapada di Cargna (ASU CRS 464); 1777, 7 di Novembar Tomaso Toller di Tomaso da Sappada, sposa Barbara di Mattia Benedetti detto Coterer di ivi (Filze).

Cóncina

Ae fonde di chest cognon al è probabil che al sedi un non antîc di persone Concio (1314 Concio de Faganea), italianizazion dal todesc Chunz, forme curte dal non Corrado (viodi Conz). La aree di difusion di Cóncina e je il comun di Clausêt (si pronunzie Cónzine; 1553 Nicolò q. Filippo Concina da Clauzetto); vuê si lu cjate ancje a Vile di Cjargne (Divilin), Lauc (Davai), Tarvis, Trep di Cjargne, Spilimberc, Enemonç, Tumieç, Roncjis di Monfalcon, Cordenons, Udin. A Glemone, il non de famee Conzine tra i Capriz. A Dimponç di Tumieç la Cort di Concine. Te tabele IGM San Denêl (culì i Concina a son nobii tal 1700) al è il toponim Casa de Concina.

fonts

1553, ai 13 di Novembar Nicolò q. Filippo Concina da Clauzetto vende per 52 duc. a Leone q. Gio. Zanier una casa in Clauzetto (ANU 3918); 1569, ai 25 di Mai Tomaso Concina q. Daniele da Clauzetto emancipa il f. Daniele e gli dà casa coperta paglia comperata da Floriano f. di Ant. q. Comucio Concina (ANU 3920); 1594, ai 17 di Dicembar Nicolò Concina q. Tomaso da Clauzetto compera da Mattia q. Ant. Mingotto di Clauzetto per duc. 10 un bearzo in la Roppa del Promedi (ANU 3931); 1636 Donna Ciacoma Concina, in Chiesa Ronchis (ASU CRS 409); 1712 Nicolò Concina fi di Pietro e di Pasqua Ceconi, nassût a Clausêt tal 1694, al met sù la vieste dominicane e al devente letôr di filosofie te scuele dal Ordin, a Cividât e a Cjaudistrie. Al sarà un dai filosofs plui ilustris dal Sietcent in Europe (Angelillo, 2002); 1702, ai 28 di Mai Ser Franc. Concina q. Ser Dom. co da Clauzetto abit. a Flagogna (ANU 2185); 1725 Pietro Concina di S. Daniele – bottega legname sapone colla (ACR); 1732 Pietro Concina notaio di Clauzetto (AB); 1750, ai 11 di Jugn dott. Pietro Concina q. Sig. Leon. – istituisce mansioneria con rendita duc. 60 per celebraz. 2 messe sett. in S. Francesco di Val Arzino e insegnava dottrina a quei popoli (da Patrimoni 1782); 1746 Giusto Concina, adun cun altris di Davai e di Liariis, al fite une porzion di teren tal teritori de Mont di Arvenis (Lauc, 2003); 1750 Dom.co di Tomaso Concina di Clauzetto Fedaro sul Monte Chiaas (ASU Gortani I part doc. 11.166); 1757, ai 25 di Fevrâr nob. Giacomo Concina investito del feudo del Castello di S. Daniele – tutti i coloni devono assistere alla sua immissione in possesso in questo giorno (AAU S. Vito XXI); 1759, ai 13 di Lui nob. Daniele Concina del nob. Giacomo da S. Daniele – processo contro loro perché contro i proclami patriarcali 1747 e 1756 comperavano biade prima del suono di mezzogiorno e benchè fossero già stati multati (sembra che sotto sotto comperassero a tempo per rivenderla più tardi a maggior prezzo) – i Concina facevan anche mercato di bore (Filze); 1761, ai 19 di Zenâr nob. Giacomo Concina de S. Daniele – disp. pubbl. perché sua f. Annamaria sposi il nob. Franc. di Carlo Morossi di Latisana d’anni 21 (Filze); 1783, ai 13 di Zenâr co. Daniele Vicenzo Concina q. co. Giacomo di S. Daniele abit. in Venezia (Osp. 305); 1801, ai 11 di Avost La co. Paolina della Forza vende al co. Michele de Concina la casa in Udine con ingresso in Contrada del Duomo ed egresso nella Contrada della R. Finanza (Della Porta 1991, 460 Prefettura); 1809 co. Pietro Concina di Udine – Guardia nobile a Milano (AB); 1816 Osvaldo Concina di Pietro nato in Zenodis nel 1788, sposa Cattarina Sommavilla di Siajo (A.P. Paluce); 1818 presint a Cjasarse il nobil Nicolò de Concina dal Co. Pietro, che al veve maridade la baronesse Luigia Gradenigo-Sopransi (Luchini, 1995); 1820 Lucia Concina di Gio. Battista nata a Imponzo nel 1799, possidente, sposa Florindo Talotti di Giuseppe sarto in Cedarchis (A.P. Dieç).

Cóos

Al è clâr che chest cognon al à une origjin slovene, al è presint a Taipane, a Ramandul tal comun di Nimis, e ancje a Udin, Paulêt e a Gurize. Al ven dal non sloven di une bestie, o sedi di kós “mierli” (Zuanella, Dom, 6, 1989). La dople óo e indiche l'acent musicâl origjinâl (fonematic) che al ven propit dai dialets de Tor e dal Nadison (Merkù, informazion personâl).

fonts

1600 Angela di Francesco Cooz q. Simone q. Gregorio q. Michele da Cervignano sposa Giacomo Soldati (Extraordinariorum); 1605 Domenico Cooz q. Pietro da Stolvizza di Resia promette dare 20 libbre formaggio + L. 7 a Sig. Val. Pacifico di S. Daniele (ANU 3942); 1636 J.Bapta Coos de Tarcento, teste (ASU CRS 516); 1726 Paolo q. Lonardo Coos di Teipana, teste in Nimis (ASU CRS 299/1); 1730, ai 2 di Mai Dom.co Coos q. Mattia da Taipana a. 70 testa in casa di Dom.co q. Leon. Coos: eredi Mattia, Valent., Dom.co , Stefano e Gius. ff. del q. Zuanne suo f.llo (ACR 300); 1817 Paolo Coos di Dom.co nato in Taipana Parrochia di Nimis nel 1791, possidente, sposa Maria Gujon di Mattia di Masarolle (A.P. Pristint).

Cószach

Il cognon sloven Coszach / Hóščak al è tipic dal paîs di Presserie (comun di Stregne) e, di culì si è difondût tes valadis di San Lenart e in Friûl. Sot la forme taliane Coszach e je platade la forme origjinâl slovene Hóščak (1642 Hilarij Hoszahk de Strettna; 1656 Gregorij Hoszach de Preseria; e vie indenant). In plui dal passaç dal H- iniziâl al C- (come in Hlódič / Clodig; Hostne / Costne), si à di viodi ancje la letare -z- che si è doprade dispès par rindi il sun dal č sloven e il digram ch che pal solit al à sostituît il sun de k. Il cognon Coszach / Hóščak al ven dal toponim Hostne (comun di Grimac) cu la formante dialetâl slovene -ščak. Duncje, in principi al voleve dî di cualchidun che al jere a stâ a Costne / Hostne o di une persone che e vignive di chês bandis (Zuanella, Dom, 22, 1988).

fonts

1767 Matteus Coszach, cameraro della Fraterna del SS.mo Rosario di S. Leonardo (ASU CRS 445); 1796 Coszach presints a Cividât (Corgnali).

Da Col

Di un toponim col “cuel". Si lu cjate a Udin e a Gurize.

fonts

1708 m.° Lorenzo da Colle in Palù q. Piero, cameraro della Fraterna della B.V. di Sapada di Cargna (ASU CRS 464); 1815, ai 25 di Setembar Noè Dacol di Pietro nato nel 1787 a Rucorvo, cattolico, segato, abit. in Rivalgo, sposa Giovanna Zancolò di Paolo, nata nel 1794 in Ospitale, villica (A.P. Ospedâl dal Cjadovri); 1816, 23 aprile Lodovico Da Col di Batta d’anni 27 da Cibiana, cattolico, villico, sposa Cattarina (A.P. Cibiana di Cadore).

Dal Corso

Viodi Corsi. Cognon avonde difondût tes provinciis di Vignesie e Verone; presint a Udin.

De Colle

Al è clâr che al ven di un toponim. Si lu cjate a Trasaghis, Trave (Lauc), Zuviel (Ravasclêt), Vile di Cjargne, Darte, Cjampfuarmit (1800 Ser Gio:Batta e Giuseppe Fratelli e figli di Mistro Zuanne Decolle di Lauco abitanti a Campo Formio), Coder (Sedean), Mueç, Paluce, Tumieç. Tal câs di Trasaghis il cognon al ven dal non dal borc che si cjate plui adalt (Cuél o Borc di Cuél). Graciis ae cortesie di Decio Tomat, che nus à furnît des copiis di diviersis cjartis notarîls, o podìn cjatâ lis primis atestazions di chest cognon di Trasaghis: 1578 Joannes q. Leonardi a Collo de villa Trasaghis; 1609 Joannes a Collis; Joannes Collis; 1618 Valentinus Collis. Tai libris de plêf di Osôf o cjatìn: 1626 Margarita uxor Odorici à Colle; 1631 Petrus de Colle. A Glemone tal 1632 Dominica Anna filia Petri di Quel di Trasaghis. Al somee che i De Colle di Coder a sedin origjinaris di Trave e, in efiet, il lôr sorenon di famee al è Cjargnél. A Zuviel, fin dal Tresinte, e jere une famee Di cuell che, tal 1477, si clamave za De Colle (G. Gortani, Patria del Friuli, 24. 11. 1904). Altris atestazions a son ripuartadis di Patrizia Casanova tal volum “Valcalda": 1394 Gualtiero, Giovanni e Giacomo di Quel; 1404 Giacomo di Quel; 1552 Simone di Colle. Intal Schedari Corgnali: 1279 Joh. f. q. D.ni de Colle a Glemone; 1289 Henrico de Osopio filio Henrici de Colle; 1491 Antonio q. Canciani de Colle habit. in Carpaco; 1527 Jeroni di Quel a Zuviel; 1578 Petrus a Colle a Mueç; 1938 De Colle 25 fam. in comun di Lauc, di chês, 13 a Trave.

fonts

1394 Prampero Nicolò de Colle q. Ser Daniele cittad. e notaio di Udine (ASU); 1402 Nicolao q. Francisci Quel de Vendoio, teste (ASU CRS 837/1); 1423, ai 5 di Avrîl Nicolò de Colle q. Ser Daniele citt. di Udine notaio – era vecchio perché scrive tremolando solo la sottoscriz. dell’atto che è scritto da altra mano (Osp. 167); 1415, ai 20 di Avrîl Francesco de Colle di Trava (AB); 1477, ai 25 di Setembar Domenico de Qual de Trava (AB); 1479 Pantalon de Colle di Trava (AB); 1492, ai 28 di Març Dom. de Colle q. Travani da Quel di Trava (AB); 1504, ai 8 di Lui Bernardo di Candido de Colle di Trava (AB); 1516, ai 18 di Avost Franc. di Claudinico e Crist. del Fabbro di Trava tutori degli eredi q. Gaspare del Fabbro contro m.° Gregorio de Colle di Trava (not. Andrea Vigna); 1520 Leonardo Simone et Joanne Simeon fratribus filijs q. Stephani de Colle de Buia, testi (ASU Barnaba 19.21); 1542 Jacomo de Zorzi del Colle de Castel Novo fittuale Ronco dei nobb. Colloredo (ASU Perusini 558.4); 1579 Ser Gio. Antonio e Ser Biagio q. Ser Olivo Pasqualis di Col da Poieres Aviano (ACR 380); 1583, ai 12 di Setembar Dom.co di Rivo vende per 18 duc. a Leon. de Col un prato (ASU Perg. Sicorti); 1589 m.° Simon Valent de Portis affitta a Andrea di Quel de Mozzo un Terreno posto in lo Pertinentie de Portis in loco ditto Rivo (ASU Perusini 127); 1592, ai 17 di Avost nob. dott. Latino De Colle – Vicario del Luogoten. (ACR 691/4); 1630 Dom.go q. Zuanne de Colle de Rivo d’Arthenea, teste in Vendoleo (ASU CRS 837/1); 1667, ai 4 di Jugn Sig. Pietro De Colle q. Sig. Giorgio de Osvaldo (sic) di Carnia abit. Udine anni 37 aveva bottega di pannina in Pirano (Filze); 1672 Floreano di Colle di Moggio abit. in Tarcento (ASU CRS 514/1); 1676 Giovanni di Giulio Taccus e di Maria di Vicenzo Di Colle q. Leonardo da Vinaio sposa Elena di Giacomo Taccus (Filze); 1686 Ser Giacomo di Colle di Trasaglis, teste in Osoppo (ASU CRS 302/1); 1688 Lucia di Pietro De Colle q. Leon. q. Pietro da Sappada sposa Ioseffo di Andrea q. Mattia Soler (Filze); 1691 testamento di Zuannina moglie di Dom.co Fiumetto di Segnacco et figlia di Floreano di Colle di Tarcento (ASU CRS 518/1); 1714 Elena di Leonardo De Colle q. Pietro q. Leon. da Monaio sposa Pietro di Gerol. Barbacetto (Filze); 1719 Giovanni di Colle di Gio. Andrea e Maddalena da Moggio nato nel 1701 studiava retorica dai Barnabiti Udine (AB); 1724, ai 17 di Setembar la Confr. SS.mo Venzone ritira opposiz. a suo patrim. eccl. su cui ipoteca per duc. 160 (da Patrimoni); 1737 Giovanni de Colle notaio da Moggio (ASU); 1735 Sig. Zuanne de Colle debitore libreria Guerra di Udine (ASU Zucco 65); 1740 Eredi q. Dom.co di Colle di Trasagas debitore di vino a Candido Billiano di Somblago (ASU Billiani 1.12); 1741 Dom.co de Colle in Vicinia di Codroipo (ASU Bertoli 31.2); 1754, ai 31 di Mai Ser Domenico De Colle da Avaglio tessitore abit. Ziracco (ACR 845/1); 1756 Orsola di Zuanne q. Anzolo q. Simone Di Colle da Zovello sposa Leonardo Della Pietra (Filze); 1761 Maddalena di Francesco De Colle q. Andrea q. Giovanni da Moggio sposa Gio. Leonardo Della Schiava (Filze); 1765 Gio. Batta q. Gio. Batta di Colle di Piano, debitore della Chiesa di S. Pietro in Cargna (ASU CRS 448); 1791 Pietro q. Pietro de Colle notaio di Sappada (ASU); 1792 Maria di Simone De Colle q. Zuane q. Agostino da Zovello sposa Lorenzo Della Pietra (Filze); 1800, ai 4 di Mai Fatto in Villa Orba in Studio di me Nod.° costituito presso di me il Rev. Don Gius. q. Gio. Batta Passalente di Silvella abit. a Bressa, cede e concede a titolo enfiteotico in ragion di Libero et proprio, a riserva dell’ Inffras.to censo perpetuo di Oglio libre 14 onze sette e mezo suo Cap.le D.ti 73 dovuto annualmente al R.ssimo Capitolo di Udine, a li Ser Gio. Batta e Giuseppe F.lli e figli di Mistro Zuanne Decolle di Lauco abit. a Campo Formio... (Fantini e Romanello, 2002).

De Colò

Colò al è une forme ipocoristiche dal non di persone Nicolò. Presint a Pordenon.

De Conti

Probabil che al vegni di un sorenon origjinari, sul model di De Re, Dose (= Dôs), e v.i. Carateristic di Çurçuvint; si lu cjate ancje a Davian.

fonts

1503, ai 21 di Zenâr Artusio e Angelo De Conti padovani q. Prosdocimo cavaliere – in appello al foro patriarcale per vertenza feudale con altri nobili De Conti (AB); 1937 de Conti 22 fameis a Çurçuvint Disot.

De Corte, Decorte

Di cort, “curtîl". Ancje chest, duncje, al è un cognon origjinât di un microtoponim (tant che Bearzi, Beorchia, Da Pozzo, e v.i.). De Corte al è un cognon carateristic di Davaste in comun di Davâr: tor dal 1480 un tâl ser Zuane de Corte q. Antonio di Rigulât al cjolè femine e dimore a Davaste (Gortani, 1898). La forme De Corte e je, in dì di vuê, presinte soredut a Çarvignan; Decorte si lu cjate a Dael, Çarvignan, Bagnarie.

fonts

1272 Petro de Cort a Glemone (Corgnali); 1556 Zuan de Corte a Rigulât (Corgnali); 1569 Girolamo di Agostino De Corte q. Girol. q. Nic. da Auronzo sposa Caterina di Baldassare De Luca (Filze); 1570, ai 9 di Avost Ser Francesco de Corte da Milano sarto abit. in Udine creditore di Ser Giac. da Pozzo di Crema (Extraordinariorum); 1678, il 1n di Fevrâr Gio. Batta di Corte abit. a Tolmezzo oriundo da Auronzo Cadore sposa Appollonia Camozzino da Tolmezzo (Extraordinariorum); 1710 Domenica moglie d’Antonio di Cort di Sezza, consorella della Fraterna della Centura di Tolmezzo (ASU CRS 522); 1719 Giovanni de (o di) Corte di Pietro e Maddalena da Ovasta nato nel 1701 aveva studiato umanità retorica sotto don Gio. Batta Venturini parr. Rodeano e filosofia Seminario (AB); 1722, ai 8 di Lui il padre gli fa patrim. eccl. (Patrimoni); 1764 l’organâr Edoardo De Corte di Davaste in comun di Davâr al è l’autôr dai orghins de plêf di Guart in Cjargne e di San Pietro in Volti a Cividât (Nazzi, 1992); 1769 Gio. Batta q. Valentino de Corte notaio da Ovasta (ASU); 1790 “Cancellier del Popolo ex latere Luincis” (Filze); 1792 muore il Sig. Francesco De (o di) Corte da Casadorno Rigolato cittadino di Praga – aveva fondato nel 1777 una mansioneria nella chiesa di S. Maria Stella di Casadorno con giuspatron. al parr. di Rigolato per decreto arciv. del 1778 (AB).

De Corti

Al pues jessi tant che De Corte (viodi), o rifleti il plurâl dal adietîf talian corto tal sens di “bas di stature". Si lu cjate a Paulâr, Torean, Tor di Zuin, Udin.

fonts

1378, ai 2 di Setembar Giorgio De Cortis era decano capil. Aquileia (Arch. Rosazzo); 1645 Pasca di Bertolo Delle Corti q. Iacomo q. Battista delle Corti di Valle Rivalpo sposa Zuane di Iacomo Chilutto da Cabia (Filze); 1641 Her. q. Mattio delle Corti di Rivalpo, fittuali (ASU Gortani I parte doc. 2.28); 1643, ai 25 di Mai Leonardo delle Corti di Rivalpo vende a Floriano Busitino un livello di lire 17 e soldi 7 per 40 duc. (ASU Perg. Sicorti); 1766 Michele q. Giac. delli Corti di Valle, debitore della Chiesa di S. Pietro in Cargna (ASU CRS 448); 1776 Maria vedova del q. Giacomo De Corti q. Zuane q. Biasio q. Giacomo da Rivalpo sposa Antonio di Zuane De Corti pure da Rivalpo (Filze); 1790, ai 7 di Setembar Leonardo Sepulcri q. Valentino da Campolonghetto – dispensa sposare Dom.ca di Ant. delle Corti – il Sepulcri era povero ma cacciatore e manda qualche capo di selvatico per ottenere la dispensa (Filze).

Del Col

Tant che De Colle (viodi). Cognon tipic di Runcjis (Fontanefrede) là che al è documentât almancul dal 1494 cun Andrea del Col (Pes, 1990). A Runcjis al jere un cuei, clamât Colle di Ronche, za intun document dal secul XV: al è cuasi sigûr che la famee e cjapi il non di chest rilêf (Fadelli, inf. pers.). Al è avonde difondût ancje a Praturlon (Vildiflum); al è presint a Pordenon, Stevenà (Cjanive), Daçan.

fonts

1509 divisione tra Giacomo, Francesco e Antonio q. Leon. di Quel da S. Daniele (ANU 3896); 1515, ai 28 di Fevrâr Giacomo Del Col q. Michele de Inchiaroi teste in S. Daniele (ANU 3897); 1609 presenti a Stevenà di Caneva Bernardin e Michele Del Col (clamâts ancje Col o Colle) – (Luchini, 1997); 1620 Mathio de Col da Castel Novo molinaro fittuale in Pordenon Sigg. Popaite per Casa posta in mezo il Pio Ospital (ASU Popaite 7.11); 1710 Andrea di Pietro Del Col da Pordenone anni 30 viene a Udine nella bottega di Bortolo Bun (sic) sino al 1727 poi a Virco (AAU Filze); 1728 d.no Pietro dal Col da Pordenon già fittuale dei Sigg. Popaite della Possession di Fiumesino (ASU Popaite 8.7); 1746, ai 18 di Dicembar Sig. Pietro Del Col q. Andrea da Pordenone – testa: sepoltura in chiesa S. Marco presso la prima moglie – al figlio Andrea duc. 60 – al figlio Gio. Batta duc. 10 – erede univ. l’altro figlio Antonio per il gran amore e assistenza datagli (ACR 383/1); 1749 Franc.co q. Gierolamo del Col di Porcia, teste (ASU CRS 410); 1764 Gian Maria del Col, cameraro Chiesa S. Martino di Palse (ASU CRS 346); 1960 muore in India il missionario salesiano Antonio Del Col, nato a Casarsa della Delizia nel 1915 (Nazzi, 1992).

Del Colle

Al è clâr che al ven di un toponim tant che De Colle, Del Col, e v.i. Si lu cjate a Cjarlins, Spilimberc, Travês.

fonts

1625 Domenego del Colle et Suoi Consorti di Castel Novo fittuali nobb. Colloredo (ASU Perusini 558.4); 1659 Eredi del q. Marco del Colle, fittuali Chiesa S. Giovanni di Bosco di Flagogna (ASU CRS 223/2); 1666 Pietro q. Ant. Mareschi detto del Colle, fittuale Chiesa B.V. di Tavella di Flagogna (ASU CRS 223/2); 1938 Del Colle 5 fameis a Celant di Cjastelgnûf (Corgnali).

Del Cont

Tant che Cont (viodi). Intal Schedari Corgnali: 1491 Jacobus q. D.ne del Cont de Sequalso; 1522 Stefanus q. Danielis del Cont de Villa Giajs a Purcie; 1527 Bernardus dictus del Cont de Villa Giaijs; 1556 Lonardo del Cont a Chiasielis; 1581 Tin di Paschul del Cont di Samardenchia di Puçui a Risan. Cognon tipic di Davian (Giais).

fonts

1637 Gasparin de Tumethio q. Bernardo del Cont, debitore della Chiesa B.V. del Monte d’Aviano (ASU CRS 17/1); 1859 Campagne di Lombardia, Romagne e Italia medidionale 1859-60: Luigi e Giovanni Del Cont, volontari di Pordenone accorsi in difesa della Patria, Militi (Candiani 1902); 1866 Campagna del 1866: Luigi e Giovanni Del Cont, volontari di Pordenone accorsi in difesa della Patria, Militi (Candiani 1902).

Del Cozzo

Tant che Cozzi (viodi). Chest cognon al è carateristic di Braulins (Trasaghis), che al apartignive ae plêf di Osôf. Intai libris de plêf si pues lei: 1607 Culau fiollo del q. Lonardo del Coz di Braulins; 1628 Nicolaus Coz di Braulins; 1631 Joannes fil Danielis di Cozzo di Villa Braulins (une atestazion prime di cheste a Glemone, tal 1593, cun Antonia filia Candidi del Coz di Braulins). Intal Schedari Corgnali: 1440 Antoni del Chozi a Udin; 1468 Michael del Coç (o del Cozz) de Varyano; 1573 Valentin del Coz de Malazump.

Della Colletta

Cualchi presince tal Friûl ocidentâl. Tal 1800 Della Colletta presints a Frate di Cjanive (Luchini, 1997).

Di Comùn

Une volte si clamavin oms di comun chei che, in cualchi maniere, a jentravin inte gjestion de robe publiche. Chest cognon, duncje, si lu pues paragonâ cun Degano, Del Degàn, e v.i. Tipic di Zuviel di Ravasclêt (1394 Pellegrino di Comun; 1489 Nicolao de Comun, campus Candusii de Comun; 1495 Candusio a Comuni de Zovello). Intal Schedari Corgnali: 1468 Joh. de Comun a Zuviel; 1527 Paulo di Comun a Zuviel; 1929 Di Comun 19 fameis a Zuviel; 1938 Di Comun 7 fameis a Sighiet e Frassenêt.

fonts

1516, ai 13 di Otubar i cugini Andrea, Gasparutto, Sebastiano e Antonio de Comun da Zovello rinunciano a Matteo q. Oliverio de Comun da Zovello il maso di Barbazeto (nodâr Andrea Vigna); 1662 Zuanne di Franc. De Comun q. Sebast. q. Pietro da Zovello sposa Zuana di Plazariis (AAU Filze).

Garlatti Costa

Viodi Garlatti e Costa. Tipic cognon di Forgjarie. Par Biasutti 1976 i Garlatti-Costa a vegnin di un Girolamo q. Domenico Garlatti dit della Costa, muart a 56 agns tal 1734. Si lu cjate ancje a Udin.

La Coppola

Cognon puliês râr che si cjate a Monfalcon.

Čotar

Cognon gurizian che al podarès vignî dal furlan zót (si lei çot) che si identifiche cun zuét “çuet", o pûr dal furlan cjôt. Il sufìs -ar nol è facil di sclarîlu: se al fos cjotâr (cui che al fâs sù cjôts?, cui che al vîf intune staipe?) la pronunzie e varès di jessi çotàr (dut câs, si pues viodi in Merkù, 1982).

Cognon

Significât / Divignince