Tu âs cirût la peraule
Tu âs cirût la peraule
cola
torne indaûr
bilengâl
cola s.f.
-
1
s.f. cola
[TS] bot. (plante dal sotbosc dal gjenar Cola, difondude te Afriche tropicâl)s.f. Cola
(cun iniz. maiusc., gjenar de famee des Sterculiaciis, che al cjape dentri speciis di arbui che a rivin ai 30 m di altece)
-
2
s.f. cola
[TS] med. (polvar di colôr tra il grîs e il ros cun dentri cafeine, che si tire fûr de semence di chê plante e che e à un podê tonic sul sisteme gnervôs centrâl e une ativitât modeste su la diuresi)
monolengâl
colâ v.intr.
(co-lâ)
(co-lâ)
Vignî jù dal alt viers il bas, finî intun puest plui bas
esemplis
"dut il lanternit dal toglât e dal cjôt dai purcits al è colât par tiere te arie"
gjavât fûr di "La codebuie" di Checo Tam
"ogni volte che o vierç un scûr, a colin fruçons di stabilidure o tocuts di modon"
gjavât fûr di "Cjase di Dalban" di Maria Forte
"lis bombis a colarin su lis fabrichis e sui operaris, sui cuartîrs là che e viveve la int normâl, su lis feroviis, su lis radios, su lis televisions e ancje su lis scuelis"
gjavât fûr di "Cuintristorie dal Nûfcent 1990-2000" di Angelo Floramo
"jù pe muse di Tin pizighet a colavin lis lagrimis a spissul"
gjavât fûr di "Un macet di sanmartinis" di Pieri Menis
Viôt ancje: golâ
colâ v.intr.
(co-lâ)
(co-lâ)
Di fenomens atmosferics, vignî jù dal cîl
esemplis
"une gnot e je colade tante di chê nêf che, te buinore, o vin scugnût jessi di cjase pal barcon de cjamare"
gjavât fûr di "I forescj" di Alan Brusini, Gian Paolo Linda
"intal daspò misdì, che a Min i jere parût lunc come il passio, e jere colade tante di chê ploie che Diu nus vuardi"
gjavât fûr di "Aiar di cjase" di Franca Mainardis
colâ v.intr.
(co-lâ)
(co-lâ)
De part di un organisim, distacâsi de sô sede
sinonims
cjadê, vignî jù
esemplis
"in chei dîs un sirocâl al faseve colâ lis fueis prin da la ore"
gjavât fûr di "Sant Simon: 28 di Otubar 1917" di Pieri Somede dai Marcs
"intant la sô salût e leve simpri piês, i jerin colâts i dincj denant, la muse e jere dute une grispe"
gjavât fûr di "A jerin lagrimis" di Pieri Somede dai Marcs
colâ v.intr.
(co-lâ)
(co-lâ)
Di part dal cuarp, stâ intune posizion plui basse dal normâl par vie dal pês, de etât e v.i.
esemplis
"in cualchi conte si dîs che aes aganis ur colavin lis tetis, alore lôr, par che no ur intrigassin cun ce che a vevin di fâ, lis butavin daûr schene"
"al à il barbonçâl che i cole che no si viôt nancje il cuel"
colâ v.intr.
(co-lâ)
(co-lâ)
Di costruzion o arbul o sim., no stâ plui impins
esemplis
"o ai inmò tai voi i peçs alts trente metris, cui braçs tirâts tal colâ par tiere e il bot che a fasevin e lis lidrîs inmò umidis e vivis inceadis e tal doman scridelidis tal soreli"
gjavât fûr di "Il zardin" di Alan Brusini
"Cul taramot dal 1511 al è colât il cjistiel vieri di Udin e po tal so puest a àn fat chel palaç che si viôt cumò "
colâ v.intr.
(co-lâ)
(co-lâ)
Di guvier, regjim o dinastie, pierdi il podê dal improvîs (fig.)
sinonims
cjadê, finî, sdrumâ jù
esemplis
"o vin sperimentât che, cuant che al cole il guvier - in medie ogni vot mês - la int nancje no si çugne"
gjavât fûr di "A restin nome carabinîrs e predis" di Riedo Pup
colâ v.intr.
(co-lâ)
(co-lâ)
Ancje cu la particule "i", finî imbroiât o intun pont de discussion dulà che si scuen dâ reson a chel altri
esemplis
"se al viodeve, metìn, vignî fûr un di une bande là che a no jerin i siei cjamps, lu frontave cun tante polegane che lu faseve colâ"
gjavât fûr di "Vigji il vuardian" di Lucio Perès
"lu faseve spietâ intal puest precîs che jê e veve stabilît e dopo, magari, nancje no si presentave. De bande sô Nedo si imprometeve di no colâi plui"
gjavât fûr di "Trê feminis" di Gianni Gregoricchio
colâ v.intr.
(co-lâ)
(co-lâ)
No vê plui valôr, efiet e v.i. (fig.)
sinonims
esemplis
"la vecje toponomastiche leade al mont agricul no ven plui doprade ancje parcè che al cole il leam tra il doprâ i lûcs e il non"
gjavât fûr di "Studi da la evoluzion dal paisaç mediant i toponims" di Rino Gubiani
"lassâ colâ une domande cence rispuindi"
colâ v.intr.
(co-lâ)
(co-lâ)
Di comunicazion telefoniche, radiofoniche o televisive, interompisi dal improvîs
sinonims
esemplis
"la radio no si sintive. Il segnâl al jere colât"
gjavât fûr di "Un Friûl difarent: i 90 mhz di Onde Furlane" di Max Mauro
"o ai la batarie che e je scuasi finide, se e cole la linie, tu sâs che al è par chel"
colâ v.intr.
(co-lâ)
(co-lâ)
Passâ di une situazion a une altre che pal solit e je piês, cjatâsi intune situazion negative (fig.)
esemplis
"la Furlanie e colave sot di un paron dûr, risolût a no molâle ni par pôc ni par trop"
gjavât fûr di "Cuintristorie dal Friûl fin sot la Italie" di Josef Marchet
"cuant che un al strace e nol sa doprâ ben la bondance, nol fâs nancje dûl cuant che al cole te miserie"
gjavât fûr di "Pre Pitin" di Antoni Beline
colâ v.intr.
(co-lâ)
(co-lâ)
Finî par pierdi di cualitât, finî intune cundizion o forme che no si pues calcolâ positive (fig.)
esemplis
"nus sburtin a dismenteâ inte ilusion che il consum di prodots nus rindi libars e imortâi, intune semplificazion de realtât che e fâs colâ il pinsîr inte banalitât plui totâl"
gjavât fûr di "Interviste a Pierluigi Cappello" di Walter Tomada
"il bal al cole tal satanic. Il cjalt al scjafoie, il sudôr al scomence a puçâ"
gjavât fûr di "Viaç a Vignesie" di Arturo Feruglio
colâ v.intr.
(co-lâ)
(co-lâ)
Di alc di negatîf , capitâ (fig.)
esemplis
"lis vueris che a son coladis, une daûr di chê altre, sul cjâf de nestre int, no àn sparagnade nissune famee"
gjavât fûr di "Trê feminis" di Gianni Gregoricchio
"i vignivin tal cjâf lis vecjis storiis, sintudis di frut, che a contavin de vôs dal sanc, des maledizions che a colavin su chei che a alçavin la man cuintri i lôr viei"
gjavât fûr di "Il muc" di Roberto Ongaro
"al fo propit in chel Jugn morentât, che un gnûf dolôr al colà su chê cjase che e scomençave a insestâsi e comedâsi tes robis"
gjavât fûr di "Cjase di Dalban" di Maria Forte
colâ v.intr.
(co-lâ)
(co-lâ)
Finî, in gjenerâl par câs o par resons che no si puedin controlâ, intune cierte posizion, compagnie e v.i.
esemplis
"cheste volte tal eterni zûc de vite e veve saltât un grum di caselis e e jere colade in chê plui fortunade di dutis"
gjavât fûr di "Ombris tal infinît" di Carlo Sgorlon
"cuant che o soi lât a scuele o soi colât cu la stesse mestre che al veve vût gno fradi"
colâ v.intr.
(co-lâ)
(co-lâ)
Ricori intun timp determinât di setemane o di lunari o cuntune cierte periodicitât
esemplis
"il scûr al jere penç, che al colave il gnûf di lune"
gjavât fûr di "Trê feminis" di Gianni Gregoricchio
"in chel an Pasche e colave adore: i mandolârs e i ciespârs a jerin ducj in flôr e lis âfs a businavin tra i ramaçs"
gjavât fûr di "Par une lengate" di Pieri Somede dai Marcs
colâ v.intr.
(co-lâ)
(co-lâ)
Di cdn. o dal so vivôr, cedi par vie di un sfuarç masse grant, no resisti plui (fig.)
sinonims
esemplis
"o sint che mi molin i zenoi e colâ lis fuarcis"
gjavât fûr di "Storie di Min" di Ivano Urli
colâ v.intr.
(co-lâ)
(co-lâ)
Di presits, cuotazions e sim., vê un ribàs une vore fuart
esemplis
"lis istessis nâfs a vapôr che a puartavin i emigrants intes Americhis a tornavin a Gjenue e intai puarts europeans plenis di gran coltivât dai americans, cussì che al colave il presit dal prodot european"
gjavât fûr di "Il Risorziment a Martignà" di Elio Varutti
colâ v.intr.
(co-lâ)
(co-lâ)
Di un vistît, di une tende, di cjavei e v.i., lâ jù intune cierte posizion o intun mût particolâr
esemplis
"ogni tant Rosute si fermave a tirâsi sù cu la conole un riçot restîf che i colave jù pe muse"
gjavât fûr di "La aghe da pît la cleve" di Dino Virgili
"al jere un om grant e sec, cui cjavei grîs che i colavin sul cerneli e lis orelis"
gjavât fûr di "Prime di sere" di Carlo Sgorlon
"cjadenis di aur che a lavin in zîr dal cuel dôs voltis prime di colâ jù fin ae cinturele"
gjavât fûr di "Chei di Muraie" di Pieri Menis
"si tire jù la barete che i colave fin sul nâs"
gjavât fûr di "Un macet di sanmartinis" di Pieri Menis
colâ v.intr.
(co-lâ)
(co-lâ)
Finî intune cundizion negative pal umôr, pe morâl, pe legalitât e v.i.
esemplis
"si jere come inflossît, e al colà dentri i pinsîrs plui neris"
gjavât fûr di "Mabile la Lunghine" di Maria Forte
"a fuarce di volê lâ cuintri il conformisim uficiâl, a colin intun conformisim contrari"
gjavât fûr di "Cuintristorie dal Friûl fin sot la Italie" di Josef Marchet
colâ v.intr.
(co-lâ)
(co-lâ)
[CO] (ling.) Di sun o foneme o secuence di suns o fonemis, pierdisi, no jessi plui pronunziât
esemplis
"cundut che daûr di ciertis osservazions gjenerâls la lenizion par furlan no rive a fâ colâ lis dentâls intervocalichis (simpri Benincà, 1989), si cjate che in cualchi câs [d] intervocalic posttonic al cole"
gjavât fûr di "Di VĬDĔO a viôt e di CRĒDO a crôt. Une ipotesi di derivazion" di Sandri Carrozzo
detulis
"al è passât il timp che a colave la mane"
"al prin colp nol cole l'arbul"
"che al coli il mont, baste che nol coli par me"
"cuant che il piruç al è madûr, al cole"
"cuant che la piruce e je madure, e cole"
"cui che al à la cjamese scuintiade che al stedi atent che no i colin i bregons"
"cui che al è plui in alt nol pense che al po colà"
"cui che al nas disfortunât ancje se al cole par daûr si romp il nâs"
"cui che si sente sun dôs cjadreis dispès al cole par tiere"
"cul lâ ator di gnot si cole tal poç"
"cuntun colp nol cole l'arbul"
"e clope ancje la code dal mus, ma no cole"
"e treme la code dal mus, ma no cole mai"
"il fûs cuant che al cole al zure il vêr"
"il miôr piruç i cole in bocje al purcit"
"il mus che al è colât une volte nol cole plui"
"il piruç co al è fat al cole"
"il piruç nol cole mai lontan dal piruçâr"
"insom de scjale si cole"
"l'arbul al cole di chê bande che al pent"
"l'arbul al cole di chê bande che al plee"
"la blesteme a va ator siet agns e po e torne a colâ su par cui che le da"
"la tampieste e cole simpri sui cjans magris"
"la trope prudence e cole in imprudence"
"lis botis no colin mai dutis intune volte"
"lis maledizions a van trê dîs par lûc, po a colin là che e je la colpe"
"nissun mestri nol è colât dal cîl"
"no cole une fuee cence il permès di Diu"
"par un colp nol cole il len"
"se al plûf il dì di Sant Barnabè, e cole la ue fin che a' nd è"
"un vuarp che al mene un altri vuarp a colin ducj i doi te buse"
torne sù
cognons
Colaetta
La prime part e je fate di Cola, forme aferetiche di Nicola. La seconde part e podarès vignî di un altri non, che nol è facil di identificâ, o forsit al podarès jessi dome un sempliç sufìs diminutîf.
Presint a Udin.
fonts
1570 Antonio q. Gio. Colavetta d.° del degan da Paderno (ACR 635/1); 1635, ai 24 di Zenâr Gio. Batta Fumolo q. Battista di Filettis (Biasutti: salacor Felet) hora habitante Paderno sposa Maria q. Paulo Culavetta di Paderno (Matrim. Padier); 1645, ai 21 di Zenâr Ser Leonardo Colavetto q. Dom.co da Paderno – il monast. S. Chiara riloca loro un sedime (ACR 609/3); 1656 Biasio Culavetta detto Barbetto da Paderno (ACR 609/3); 1658 Menega di Gio. Batta Culavetta q. Matio q. Zuan Battista da Remanzacco sposa Nicolò di Leon. Ferro (Filze); 1690, ai 28 di Zenâr don Angelo Colaetta di Valentino e Menega da Paderno nato nell’anno 1664 – il Comune lo aveva eletto cappellano (Filze); 1777 Leonardo di Francesco Colaetta q. Gio. Angelo q. Leonardo q. Valent. da Paderno sposa Domenica q. Vincenzo Missio (AB); 1816 Giacomo Fasano di Gasparo nato in Paderno nel 1789, contadino, sposa Caterina Colaetta di Giuseppe nata nel 1791 a Paderno (A.P. Udin Padier).
Colaone
Incressitîf di Colao, forme aferetiche di Nicolao, variante di Nicola. O pûr al è fat di Cola, forme aferetiche di Nicola e di Leone.
Cognon carateristic di Conoglan di Cjassà (culì Casa Colaone te tabele IGM); al è presint a Dartigne, Udin (culì al è il toponim Casa Collaone IGM), Tresesin, Pucinie (atestât tal 1813).
Tal Schedari Corgnali: 1420 Zuan Culaone degano de Conoglano; 1588 Piero Colavon de Coneglano; 1937 Colaone 16 fameis a Conoglan.
Culavón al è il sorenon di une famee Brunetti di Cjavaç.
fonts
1530, ai 21 di Novembar Nicolò q. Dom. Culaoni di Conoglano teste in Tricesimo (ANU 4984); 1536, ai 14 di Zenâr m.° Chantian q. Dom. Michon di Culaoni de Conoglano (ANU 4984); 1591, ai 26 di Setembar Miotti Apollonia di Giac. da Conoglano – Pietro di Vezzo Colaone di Conoglano le fa causa per rottura promessa matrim. (AAU Filze); 1653 Eredi del q. Zuanne Colaone di Conoglan fittuali nobb. Colloredo (ASU Perusini 694.3); 1690 Zuan q. Dom.co Culaon, -ne di Conoglan, fittuali dell’Abbazia di Moggio (ASU CRS 286/2); 1695 Ant. q. Nicolò Culaone di Fraelacho ora comorante in Attimis (ASU CRS 15); 1737 Marco Culaone Uomo di Comun di Pagnaco (ASU Perusini 568.13); 1752 Batta q. Lonardo Culaone, cameraro Fraterna di S. Nicolò di Cassacco (ASU CRS 41); 1752, 22 di Avost don Giuseppe Colaone (o Culaone) di Val.° da Rizzolo si fa patrim. eccl. (AB), tal 1768 capp. di Mussons, tal 1780 capp. di Portogruaro (Filze 1784), tal 1783, ai 13 di Mai parroco di Giussago dioc. Concordia (Patrimonium); 1759 m.° Dom. e m.° Giorgio f.lli q. Gio. Batta Colaone da Tricesimo (ACR 526/2); 1771 Gioseffo Culaone, degano di Conoglano (ASU CRS 41); 1780 Nicolò Cullaone di Conoglano fittuale nobb. Caiselli (ASU Perusini 274); 1793 Antonio Colaone di Giovanni notaio in Cassacco (ASU); 1818 Gio. Batta Cisint di Pietro nato in Muzzana nel 1780, agricoltore, vedovo, sposa Maria Culaone di Antonio vedova di Pocenia (A.P. Pucinie).
Colaotto
Incressitîf di Colao, forme aferetiche di Nicolao, variante di Nicola.
Presint a Udin.
Colarusso
Cognon de Campanie e dal Molise presint a Gurize. Al sta par (Ni)cola Rosso.
Colasanzio
Al è fat di doi nons di persone: Cola, forme aferetiche di Nicola, e Sanzio.
Al è presint a Udin.
Colausig
Al è presint a Gardiscje. Cognon miscliçât di furlan e di sloven: di Culàu “Nicola" te forme diminutive cjarinative Culaùs/ Colaùs, cu la zonte dal sufìs cognominâl sloven -ič (scrit ig).
Colauzzi
Al ven di Culàu, forme aferetiche di Niculàu, che al corispuint al talian “Nicolò", cu la zonte dal sufìs diminutîf cjarinatîf -ùz. Al è presint a Davian. A Vilegnove di Fossalte di Puart, e a Jussà di Puart, e je la forme Colauzzo.
fonts
1601 muore Franc. Colauzzo di Ser Sebast. q. Ant. del Pons da Aviano (ACR 20); 1602 Bastian Colauz di Roncole, fittuale Chiesa SS. Maria e Giuliana di Aviano (ASU CRS 16); 1807 don Gio. Batta Colauzzi già Fra Pio di Castel d’Aviano – minore oss. del convento di Padova – suddiacono – (ACAU Regularium); 1864 abate dott. Domenico Colauzzi da Castel d’Aviano nato nel 1820 – prof. di Teol. morale alla Regia Università di Padova – nel 1880 era prof. di Teol. morale al Seminario di Portogruaro (AB).
Colavitti
Come Colavitto (viodi).
Cognon avonde difondût a Cordovât e a Tei: 1494 Dominicus Culaviti te Vicinie di Tei (ASU Perusini 694.1);
Colavitto
Al è une vore probabil che al sedi un dai tancj derivâts dal non Nicolò.
Colovìt e Colavìt a puedin jessi i diminutîfs di Colò o di Culàu, che al è plui "furlan" e che al è la forme aferetiche di Niculàu “Nicolò". Viodi ancje Colavizza.
Al podarès jessi ancje un non fat di Cola, forme aferetiche di Nicola, e di Vito (la dople t e pues vignî di une corezion ecessive o ben ipercoretisim). Al è presint a San Michêl.
fonts
1736 Ser Lunardo q. Zuanne Colavit di Gemona, teste in Pinzano (ASU CRS 350/1); 1819 Giacomo Gallizio di Ant. nato nel 1792 in Cesarolo, vedovo, villico, sposa Santa Collavito di Osualdo, vedova da S. Giorgio (A.P. Tisane).
Colavizza, Collavizza
Al è un dai tancj derivâts di Nicolò, midiant dal furlan Culàu, cul sufìs -ìz (pronunzie -ìç) di probabil valôr diminutîf. Di Culàu a Colavìz si sta pôc e l'inseriment de -v- al è normâl (Culavón al è un sorenon di Cjavaç e Colovìt al è un sorenon di Bordan).
Tal câs di Colavizza si à vût ancje un passaç tal feminin, duncje al podarès corispuindi al talian “Nicolina".
No je di escludi la ipotesi che si sedi fat midiant dal sufìs tipic sloven -ič.
Al è un cognon tipic di Trasaghis, ma si lu cjate ancje a Osôf (rivât di Trasaghis: 1622 Ioannes Colavizza de Trasaghis incola Barci; Lucia uxor Antonij Colavizza de Trasaghis incola Barci; 1627 Lucina filia di Giacomo Culavizza et di Zuanina habitanti nel Barco), a Cjavaç (rivât di Trasaghis ai prins dal Sietcent), a Glemone (forsit di Trasaghis; 6 fameis tal 1929) e a San Vît dal Tiliment. La prime atestazion a Trasaghis e je dal 1562: Antonius Culavize et Leonardus Michaelis, pro comunibus et villarum de Trasaghis et Braulins...
Tes copiis des cjartis di nodâr che par zentilece mi à fat vê Decio Tomat si puedin viodi un pocjis des variazions di grafie che chest cognon al à vût tal timp: 1565 Petrus Culavizza q. Appollonii de Trasaghis; 1581 Antonio di legitimo matrimonio nato de Zuane Culaice; 1591 Giuliana Culaice; 1618 Joannes Culhavizza; Simeonis Culhavizza.
fonts
1556 Zuan di Culavice a Trasaghis (Corgnali); 1627 Giovanni di Iurio Colaviz q. Mattia q. Gio. da Podgora sposa Anna di Ant. Del Chin (Filze); 1666 Gio. Batta Colavizza detto Baresino abitante in Osoppo (ACR 303/1); 1713 Sig. Giacomo Colavizza da Osoppo cestaro in Venezia, S.M. Formosa (ACR 302/1); 1740 Valentino Colavizza d.° il Tedesco di Trasagas debitore di vino a Candido Billiano di Somblago (ASU Billiani 1.12); 1741 Eredi q. Zuanne q. Giamaria Cullavizza d.° Sghinghigne, fittuali in Gemona (ASU CRS 231/4); 1760 Lucia la Frara moglie del q. Gio. Batta Culavizza d.° Franin di Trasagas (ASU Billiani 1.12); 1766 m.° Daniele q. Appollonio Colavizza di Cavazzo, debitore della Fraglia B.V. Consolazione di Tolmezzo (ASU CRS 522); 1769, ai 13 di Fevrâr don Odorico q. Antonio Collavizza da Cavazzo – il f.llo Daniele gli fa patrim. eccl. (AB); 1772 Anna di Gio. Colavizza di Gemona sposa Antonio di Biasio Forgiarini (Filze); 1773 Elisabetta di Leon. Colavizza da Gemona sposa Tomaso di Biasio Londero (Filze); 1793, ai 17 di Setembar don Vincenzo Colavizza da Gemona si fa patrim. eccl. con impegno di messa quotidiana a soldi 20 del Sig. Lorenzo Ciconi di S. Daniele (Patrimoni); 1824 Odorico Colavizza q. Daniele notaio in Marsura (AB): di sigûr Marsuris di Paulêt, dulà che a son presints dal Votcent.
Colaùt, Colautti, Colautto
Di Culàu, forme aferetiche di Niculàu, che e corispuint al talian “Nicolò”, cu la zonte dal sufìs diminutîf -ùt. Viodi ancje Collauto.
Tal Schedari Corgnali: 1402 Cholautto q. Henrici qui fuit de Lovarya Utini habitante; 1432 Colautti a Tarcint; 1493 Andrea Colauti de Villa Gruarii; 1503 Colautti a Dael; 1534 Francisco Culauti a Nogarijs; 1555 Battista Colautt de San Vido de Crauglio; 1938 Colautto 37 fameis tal teritori di Cjastelgnûf.
Tal 1491 a Darcjan Disore Mathia de Colaut; tal 1598 a Cividât Francescuto Colauto.
La forme Colaùt e je tipiche di Romans dal Lusinç.
Colautti al è frecuent a Udin e a Monfalcon (e a Triest!); al è avonde difondût a Vildiflum, Spilimberc, Pordenon, Roncjis di Monfalcon, Gurize (culì e je ancje la “traduzion” di ete fassiste di Clancig), San Zorç di Noiâr, Cuar di Rosacis, Tresesin, Basandiele di Cjampfuarmit (rivât di Samardencje tal 1854), Cjastelgnûf, Çopule e dopo sparniçât ca e là in tancj altris paîs. Il Lunâri di Orsaria dal 2001 al ripuarte la variante locâl che no je Colaùt, ma ben Colaùç, cun tant di feminin Colaùça.
Colautto al è tant mancul frecuent e tant mancul slargjât sul teritori: si cjate a Udin, Tisane, Roncjis di Tisane, Tisanote, Perteade, Bibion, Ligugnane di Puart, Puart.
A Tisane e je ancje la forme Colauto.
Tal 1585 Francesco fiol del q. Antonio Collautto de Castelnovo, armentaro del Comun de Toppo et si chiama per sopranome il Porchiarut, et è stato morto da le bastonate che gli furono date da Pierantonio de Zuan Favro de Midun ditto de sopranome il Favot...
fonts
1443 Marco q. Colautto di Tarcento cede Campo a Fraterna (ASU CRS 511/1); 1446 Marcho Colaut de Marsuris fittuale Sigg. Popaite (ASU Popaite 1.1); 1492 Blasius q. Antonij Colavuti habitantes in Villa Felettis (ASU CRS 221/1); 1498 Lorenzo figlio di Nicolò q. Simone Colaut da Reana (ACR 623/1); 1505 Gregorio figlio di Simone calligaro q. m.° Dom. Colautti di Villanova di S. Daniele (AB); 1506, ai 26 di Avrîl Colauto Giovanni q. Nicolò di Clendis d’ Ampezzo Carnia s’ impegna condurrre 200 tavole d’abete alli nobb. Armano e Colussio f.lli de Bullach abit. Belgrado (ANU 246/1); 1507 Odorico q. Pietro Nicolauti di Adorgnano teste (Osp. 245,7); 1507 Dominicus Michulautti (Osp. 101,48); 1527 Pietro et Angelo q. Culauto da Savorgnano al Tagl. (ANU 247); 1528, ai 15 di Fevrâr Gregorio Colautti q. Pietro di Anduins per 5 duc. vende campo in Casiacco confinante con Colautti Nic. di Ant. (ANU 3905); 1530, ai 28 di Otubar Peregrino q. Pietro Colautti da Adorgnano cede beni al f.llo Odorico per lire 40 (ANU 4984); 1535 divisione tra Ant. e Dom. f.lli q. Gio. Colautti da Cassacco – beni in Bolper di Conoglano (ANU 4984); 1542, ai 10 di Zenâr Nicolò di Ant. Culautti d.° Mior di Anduins (ANU 3916); 1545 Magister Odoricus q. Petri Colaut, -tti de Adorgnano (ASU CRS 1/1); 1554, ai 13 di Avost Giacomo Colautti di Clauzetto – la sua figlia Antonia moglie di Pietro Rosso di Zucoula abit. Venezia in lite con don Leon. Fabrizio piev. Asio (ANU 3918); 1557, ai 30 di Mai Sabbida di Battista q. Iacomo Iop da Illegio sposa Odorico Colautti pure da Illegio (nodâr Cristof. Angeli); 1560 presint a San Zuan (Cjasarse) Colao Colautti (Luchini, 1995); 1566 Zuane Ant. di Colauto di Ara fittuale nobb. Zucco (ASU Zucco 37); 1576, ai 22 di Març Luca Lucardi di Biagio da Montenars in lite con certa Pasqua Colauti di ivi per pretesa matrimoniale (Civilium); 1577 Maria di Antonio Colautto q. Antonio detto Lautto q. Giovanni da Montenars sposa Domenico Paiano (Filze); 1595, ai 7 di Març Sebastiano Colautti q. Bartolomeo de Ara abit. in Buia (ANU 3931); 1582 Locazione dei nobb. Colloredo à Vicenzo Cullautto d’Arra di Un Mollino detto Mollino di Sotto posto sul Cormor in pertin. di Colloredo, over Arra (ASU Perusini 752.3); 1593 Eredi q. Paschul Culaut de Fratta, fittuale in Meriano (ACAU 716/2); 1600 Antonio e Giobatta fradis Colautto di Bernardo q. Ioseffo di Domanins, dits ancje Cusano, dal paîs di divignince (Luchini, 1982); 1604 Zuan Culauta di Talmassons, debitore della Confraternita di S. Valentino (ASU CRS 510); 1611 Bastian de Colautto da Ronchiettis di Sante Marie la Lungje (ACAQ 893); 1624 Marcus Culavutus Juratus Vicinia Flumignano (ASU Florio 251); 1654 Ser Giacomo Colauti q. Franc. di Teglio, teste (ASU CRS 519); 1629, ai 27 di Avrîl don Giac. Colautto da Bicinicco – licenza cura d’anime per 20 giorni a Mariano (Extraordinariorum); 1640, il prin di Otubar Angelo Colautto oste in Udine Pelliccerie – teste (Osp. Processi); 1642 Valentina di Gio. Ant. Colautti q. Nicolò q. Odorico da Bicinicco sposa Gio. Batta Donato (Extraordinariorum); 1645 m.° Dom.co e Gio. Batta f.lli q. Zuan Colautto di Ronchis Latis. (ACR 408/1); 1653 Nicolò figlio di Giacomo Colautto molendinaro nel Molino di Ara nel Cormor denuncia all’Inquisizione per magia terapeutica Tomaso Taruf e la moglie di Ara in Cormor (ACAU – Inq. pr. 224); 1657 Zuane Colautto di Antonio di Ara ora abit. in Mortisins di Villa Vicentina (AC 635/2); 1658, ai 17 di Setembar don Gio. Batta Colautti da Orsaria – il padre Giuseppe gli fa patrim. eccl. (Extraordinariorum); 1665 Giacomo Colaut d.° Stellin di Monfalcon (ASU CRS 107/3); 1676 M.° Gio. Maria Collauto di Remanzaco (ASU CRS 404/1); 1684 Giuseppe Colautti notaio da Buia (ASU); 1687 Valentino q. Leon. Colautto di Pozzuolo ora abit. Terenzano (ANU 3621); 1690 Nicolò Culautto, fittuale in Segnà dell’Abbazia di Moggio (ASU CRS 286/2); 1692, ai 10 di Setembar don Alberto Colautto di Natale di Orsaria – il padre e il f.llo Vincenzo gli fanno patrim. eccl. – studiava sotto don Rocco De Sabbata (Patrimoni); 1695 Matio Colauto in Vicinia di Ronchi di Monfalcone (ACAU 738); 1701 don Vincentius Culautus de Ara al è predi (ACAU); 1726 al Sig. Curato Gioseffo Colautti per la processione alla Beat.ma di Monte, pagano... (ASU CRS 401/2); 1728 Gioseffo Colautto detto Boiò, cameraro Fraterna SS.mo Rosario di Morteano (ASU CRS 292/1); 1733 Ser Beneto q. Jseppo Colauto della Villa di Cusano, teste in Fraterna dei S.ti Floriano e Sebastiano di Cordenons (ASU CRS 197); 1734 Nicolò Colauto della Scola del SS.mo Sacr. di Monfalcon (ASU CRS 290); 1734 Donna Orsola Colautta di Cividale ha preso à spazzo dai nobb. de Puppi Botte Vino di S. Guarzo (ASU Coll.-Mels III parte 32); 1739 Rev. Michele Colauttj capellano Curato nato in Orsaria da molti Anni dimorava qui in Strassoldo (ACAU 736/1); 1739 Gio. Batta Colautti notaio di Arra (ASU); 1740 Eredi q. Giuseppe Colautti, fittuali Scola del SS.mo Rosario di Monfalcone (ASU CRS 443); 1740 Valentino Colautti notaio da Tricesimo (ASU); 1742, ai 12 di Març don Francesco Colautti di Ronchi Monfalcone capp. di Staranzano – attestato buona condotta (Filze); 1745 Pascolo Colauto della Vicinia di S. Lorenzo di Palma (ASU CRS 445); 1748, ai 32 di Avost don Giovanni Cisotti q. Leon. da Leonacco – si fa patrim. eccl. con donaz. del Sig. Gio. q. Valent. Colautti di Tricesimo (Patrimoni); 1749 Sig. Giovanni Collavutti fittuale in Tricesimo, loco detto Chiasaj dei nobb. Conti (ASU Perusini 694.3); 1754, ai 29 di Novembar don Giuseppe Colautti trasferito a Buttrio da S. Stefano di Cadore – confessore (Regjistri Confessôrs); 1759, ai 11 di Avost Domenico Colautto di Montenars abit. in Vienna si oppone al patrim. eccl. di don Bernardo Ermacora (Filze); 1762 Giacomo Colaut podestà attuale di Marzinis (ASU Perusini 725.2); 1770 Antonio Colautti, cameraro della Scuola del SS.mo Sacramento del Duomo di Monfalcone (ASU Susanna 45); 1793 Alberto di Natale q. Alberto q. Dom. q. Gius. Colautti di Orsaria sp. Orsola Ieronutti figlia di Maria q. Giac. di Orsaria (Filze); 1797 Catarina di Antonio Colautti q. Lorenzo q. Pietro q. Vittore di Monfalcone sposa Gio. Batta Zuliani di Paolo figlio di Sebastiana Colautti (AB); 1809 Paolo Colauto brazante in Percoto e Dom. Colautto brazante in Flumignano (ASU Della Torre/B 30); 1815 Valentino Collautto di Antonio nato nel 1794 in Risano, agricoltore, sposa Cattarina Novelli nata a Risano nel 1796 e figlia di Bernardino Novello da Attimis (A.P. Risan); 1816 Giuseppe Colautto di Giovanni nato nel 1784 a Paderno, contadino, sposa Anna Sabbata Rizzi di Mattia nata nel 1795 in Tavagnacco, abit. in Chiavriis, contadina (A.P. Udin Padier); 1816 Giovanni Cantarutti nato nel 1789 in Morteano, calzolaio in Morteano e figlio di Agostino, falegname in Morteano stesso, sposa Giuliana Colautti nata nel 1797 a Morteano, villica (A.P. Mortean); 1854 al rive a Basandiele Pietro Colautti, contadin, nassût a Samardencje tal 1850 (Fantini e Romanello, 2002); 1894, 8 di Novembar G. Battista Colautti di Orcenigo di Sopra di anni 70 (Postumia, pagj. 30).
torne sù