Tu âs cirût la peraule
bilengâl monolengâl
Tu âs cirût la peraule
coloritura
torne indaûr

bilengâl

coloritura s.f.
  • 1

    s.f. colôr, coloradure, coloridure Copie

    [CO] (il colorî, il colorîsi e il lôr risultât)
    la coloratura della parete = la coloradure oppure la coloridure de parêt
    la coloritura di un quadro = il colôr di un cuadri
  • 2

    s.f. colôr, coloridure Copie

    [CO] (vivece di espression)
    la coloritura di un racconto umoristico = la coloridure di une conte umoristiche

    s.f. colôr, coloridure Copie

    (caraterizazion politiche e ideologjiche)
    la coloritura politica del giornale = il colôr politic dal gjornâl

monolengâl

colôr s.m.
(co-lôr)
Carateristiche che si viôt tun ogjet par vie de lûs che al mande indaûr, che e pues vê diviersis tonalitâts
sinonims
tinte
esemplis
"l'arbul di Nadâl al sflamiave di mil colôrs"
gjavât fûr di "Nadâl ancje par Gjelmin" di Pieri Menis
"altris malâts neurologjics a puedin pierdi in maniere seletive la capacitât di ricognossi ogjets o animâi (agnosie visive), o pûr lis musis (prosopoagnosie); altris no rivin plui a viodi i colôrs (acromatopsie), o a sintî i sunôrs (amusie)"
gjavât fûr di "La evoluzion dal cerviel e de cussience tai vertebrâts" di Franc Fari
Viôt ancje: calôr
colôr s.m.
(co-lôr)
Sostance doprade par colorâ
sinonims
colorant, vernîs, piture
esemplis
"Zuanfrancesc al tornave sù su la armadure, al cjapave in man il pinel, lu tocjave tal colôr"
gjavât fûr di "La aghe da pît la cleve" di Dino Virgili
"sui mûrs, cuntun stamp a vevin piturade la sesule e il martiel cul colôr ros"
gjavât fûr di "Par stradis lungjis" di Alan Brusini
"Costantin i veve regalade une scjatule grande di colôrs a vueli"
gjavât fûr di "Ombris tal infinît" di Carlo Sgorlon
colôr s.m.
(co-lôr)
Colôr de piel umane, massime de muse
sinonims
carnision, ciere, incolorît
esemplis
"cuant che e tornà e veve un biel colôr calm su la muse"
gjavât fûr di "La fie çuete" di Maria Forte
"«Sù, bevêt… vuê e je fieste grande… » e cussì bocâi e bocâi di vin a metevin colôr su lis musis dai invidâts"
gjavât fûr di "Chei di Muraie" di Pieri Menis
"dome siôr Silvio, che i amîs a clamavin “Smanie”, al pretindè di dîi la sô e intant un colôr sanghin i cjariave il cerneli"
gjavât fûr di "Cjase di Dalban" di Maria Forte
colôr s.m.
(co-lôr)
Orientament politic
sinonims
idee, opinion, partît
esemplis
"a son tancj e di ducj i colôrs politics chei che a àn doprât il cuarp di Eluana come «cjamp di bataie» par finalitâts che no jerin i interès di Eluana"
gjavât fûr di "Interviste a Amato De Monte" di Christian Romanin
"vebit pazience, idealiscj di ogni colôr, se o fevelìn cussì ordenari"
gjavât fûr di "Iresponsabilitât" di Josef Marchet
colôr s.m.
(co-lôr)
Mût vivarôs e carateristic di contâ, di comunicâ e v.i.
sinonims
vivôr
esemplis
"il lôr mût di fevelâ al jere plen di colôr e dispès ancje di ligrie"
gjavât fûr di "Ombris tal infinît" di Carlo Sgorlon
"e je vere che, di un cent agn incà, i dialets talians a van pierdint il lôr colôr"
gjavât fûr di "Lenghe e lenghis in Italie" di Josef Marchet
colôr s.m.
(co-lôr)
Aspiet, carateristiche che e fâs particolâr un puest, un ambient, un ogjet, une conte e v.i.
sinonims
clime, atmosfere, savôr
esemplis
"[tra i prodots artesanâi in mostre] a 'ndi è un grum che e à il colôr e il savôr de nestre tiere e dal nestri costum, il stamp de nestre anime furlane"
gjavât fûr di "Di ca e di là de stangje" di Josef Marchet
colôr s.m.
(co-lôr)
[TS] (zûcs) In cierts zûcs, ognidun dai cuatri pâi
colôr s.m.
(co-lôr)
[TS] (cinem.) Tecniche che e riprodûs i colôrs de realtât
esemplis
"la Italie e je stade un dai ultins paîs a fâ emissions televisivis a colôrs, tacant tal 1976"
detulis
"il vin si lu cognòs tal savôr e il pan tal colôr"
"l'amôr ind fâs fâ di ogni colôr"
torne sù
torne sù