Hai cercato la parola
bilingue monolingue
Hai cercato la parola
combinare
Torna indietro

bilingue

combinare ,
  • 1

    v.tr. cumbinâ, dâ dongje, meti dongje Copia

    [FO] (meti dongje dôs o plui robis secont un criteri o par vê un ciert risultât, spec. estetic)
    combinare il vestito con le scarpe = meti dongje il vistît cu lis scarpis
    combinare le tue e le mie esigenze = cumbinâ lis tôs e lis mês dibisugnis

    v.tr. cumbinâ, dâ dongje, meti dongje Copia

    (rindi compatibil, conciliâ)
    combinare opinioni diverse = cumbinâ opinions diferentis
  • 2a

    v.tr. cumbinâ Copia

    [FO] (concludi, realizâ)
    combina solo danni = al cumbine dome dams
    è sempre attivo ma combina poco = al è simpri in vore ma al cumbine pôc

    v.tr. cumbinâ Copia

    (fâ)
    cosa combini di bello in questo periodo? = ce cumbinistu di biel cumò?
    ne ha combinate delle belle! = a'nd àn cumbinadis di chês bielis

    v.tr. cumbinâ Copia

    (fâ alc che nol va, cualchi dam o altri)
    ha combinato un pasticcio troppo grosso = al à cumbinât un sapai masse grant
  • 2b

    v.tr. inmaneâ, cumbinâ, dâ dongje Copia

    [FO] (organizâ)
    abbiamo combinato di fare un viaggio = o vin cumbinât di fâ un viaç
    combinare un incontro = cumbinâ oppure inmaneâ un incuintri

    v.tr. cumbinâ Copia

    (di un presit, contratâ)
    abbiamo combinato il prezzo giusto = o vin cumbinât il presit just
  • 3

    v.tr. cumbinâ Copia

    [TS] (meti dongje dôs sostancis diferentis par fâ un compost)
  • 4

    v.intr. cumbinâ, stâ dongje Copia

    [CO] (corispuindi)
    la mia versione non combina con la tua = la mê version no cumbine cu la tô

locuzioni

    combinare il pranzo con la cena
  • cumbinâ polente e companadiCopia
    [CM] (rivâ a vê avonde di mangjâ)
    erano così poveri che qualche volta non riuscivano a combinare il pranzo con la cena = a jerin tant puars che cualchi volte no rivavin a cumbinâ polente e companadi

monolingue

cumbinâ v.tr.
(cum-bi-nâ)
Meti dongje dôs o plui robis, ancje secont un criteri o par vê un ciert risultât
sinonimi
acuardâ, amalgamâ, armonizâ, compagnâ, conciliâ, cubiâ, incubiâ, justâ, leâ, messedâ, miscliçâ, misturâ, svicinâ, unî
esempi
"mangjâ san, svariant e cumbinant il plui pussibil lis diviersis mangjativis al è il mût plui facil e sigûr par garantî un apuart adeguât di energjie e di sostancis"
da "Mangje san 1" di Guglielmo Pitzalis
"[il popul catalan] al à vude de sô bande la glesie, che e à savût cumbinâ religjositât e culture, libris pe anime e libris pe ment"
da "Sant Jacum, là che al finìs il mont" di Antoni Beline
Vedi anche: combinâ, cuminâ
cumbinâ v.intr.
(cum-bi-nâ)
Jessi in armonie
sinonimi
confâ, tacâ, cordâ, cordâsi, cumbinâsi
esempi
"al sucedeve dispès che il coro di chei che a jerin in glesie nol cumbinàs cul coro di chei che a jerin difûr, cundut che un capelan si scanàs e si disbraçàs su la puarte de glesie par vuaiâ lis vôs des dôs schiriis"
da "Otavari a Madone" di Meni Ucel
cumbinâ v.tr.
(cum-bi-nâ)
Fâ in maniere di vê o che cualchidun altri al vedi
sinonimi
procurâ, fâ vê, rangjâ
esempi
"a comprâle gnove i varessin coventâts almancul 400 mil francs, ma lui le veve cumbinade ben"
da "Il svol dal Falcone" di Antescûr
"un ben primari: cumbinâ un sflic di tiere di proprietât e fâsi sù, magari un tic a la volte, une cjase che nissun podès plui parâti fûr"
da "La cjase dai contents" di Roman Michelot
"se tu vuelis tabac di troi, disimi che tal cumbini ben jo"
cumbinâ v.tr.
(cum-bi-nâ)
Rivâ a fâ alc che al à bisugne di une cierte organizazion, di un ciert ordin, di une cierte presentazion e v.i.
sinonimi
dâ, fâ, meti in at, meti in vore, petâ, realizâ, sistemâ, meti sù
esempi
"o vevi fevelât cul deputât dal Pci Arnalt Baracêt, che al menave la cause de tutele des minorancis linguistichis, par che nus cumbinàs un incuintri cu la Jotti"
da "Memoriis di politiche linguistiche" di Adrian Cescje
"Margarite, la parone, i voleve ben par chel so mût di fâ, chel contentâ i clients in dutis lis manieris, chel cumbinâ lis robis che nissun nol jesseve de buteghe cence vê comprât"
da "Amîs come prime" di Alan Brusini
cumbinâ v.intr.
(cum-bi-nâ)
Rivâ a fâ alc, cjapâ une decision, cjatâ une soluzion
sinonimi
rivâ
esempi
"cumbinistu o âstu bisugne che ti judi?"
"il plevan - se o ai capît dret - al à cumbinât cuntun predissut di Udin, che al vegni a dî messe a Gargagnà dutis lis fiestis, fintremai che nol capitarà un altri capelan"
da "Lis predicjis dal muini" di Josef Marchet
"lu cîr un pocjis di voltis e no si rive insom di nuie... e rive la ultime zornade par presentâ la ufierte e mi dîs che nol cumbine di viodimi"
da "Piçulis storiis di mafie furlane" di Sandri Carrozzo
"no stâ a vê pôre, in cualchi maniere o cumbinìn"
cumbinâ v.intr.
(cum-bi-nâ)
Rivâ a sedusi
sinonimi
tirâ sù
esempi
"e je pocje frice ca ator ma usgnot o cumbinarìn cun cualchi todescjone in discoteche, fiditi!"
da "Milions di agns" di Checo Tam
cumbinâ v.intr.
(cum-bi-nâ)
Metisi dacuardi
esempi
"po ben, cumbinarìn, è miserie di dut cumò, mi darês un pocje di blave che non si 'nd cjate in nissun lûc"
da "Vilie di Nadâl" di Pieri Somede dai Marcs
cumbinâ v.tr.
(cum-bi-nâ)
Decidi prime un risultât cuntun imbroi (fig.)
sinonimi
comprâ, justâ, trucâ
esempi
"i presidents des dôs scuadris a àn cumbinade la partide"
proverbi
""se" e "ma" no san ce cumbinâ"
Torna in Cima
Torna in Cima