Tu âs cirût la peraule
monolengâl
torne indaûr

monolengâl

compagnâ v.tr.
(com-pa-gnâ)
Lâ insiemi cun cdn. o fâ alc insiemi cun cdn., par no lassâlu bessôl o par judâlu
esemplis
"la viele ju compagnà daûr, fintremai là jù dal Poçut e si intardà a cjalâju che a lavin"
gjavât fûr di "La aghe da pît la cleve" di Dino Virgili
"tignî fede a chel dovê deontologjic che al à il miedi di compagnâ il malât ancje a la muart te maniere plui dignitose"
gjavât fûr di "Interviste a Amato De Monte" di Christian Romanin
"il mont si cuietà e l'an dopo si son sposâts cun grande fieste; a compagnâju a cjase e jere fûr dute la zoventût dal paîs"
gjavât fûr di "Une cotule pal dì de sagre" di Maria Forte
"in chê gnot al le a compagnâle a cjase e, su la puarte, cuant che a stavin par saludâsi, lui le tirà a se par bussâle, ma jê si diliberà des sôs mans, dute risintude"
gjavât fûr di "Cretevierte" di Roberto Ongaro
Viôt ancje: acompagnâ
compagnâ v.tr.
(com-pa-gnâ)
Di sintiment, cundizion psicologjiche, esistenziâl o ancje economiche, sociâl e v.i., restâ leade a cdn. o a alc (fig.)
esemplis
"cuant che si pogneve, le compagnave un pinsîr che, gnot par gnot, al deventave simpri plui dolç:"
gjavât fûr di "Trê feminis" di Gianni Gregoricchio
"l'afiet ju à compagnâts in vite"
gjavât fûr di "Veruska" di Ivano Urli
compagnâ v.tr.
(com-pa-gnâ)
Puartâ cdn. intun puest, par insegnâi la strade o ben cuntun mieç di traspuart par sparagnâi timp, fadie e v.i.
sinonims
puartâ, menâ, scuarzi
esemplis
"Rose lu compagnà te cjamare che i veve bielzà parecjade"
gjavât fûr di "Il muc" di Roberto Ongaro
"voaltris sù da bravis compagnaitle tal jet"
gjavât fûr di "Ursule" di Pieri Somede dai Marcs
"intant che di gnot le compagnave cu la sô BMW in stazion, al memoreave ce che al varès vût di fâ cence dismenteâ il plui piçul particolâr"
gjavât fûr di "Un piçul particolâr" di Fabian Ros
compagnâ v.tr.
(com-pa-gnâ)
Lâ daûr (fig.)
esemplis
"Sandri al cjalave il ritrat dal nono e i pareve che il voli dal vecjo lu compagnàs pardut"
gjavât fûr di "Cjase di Dalban" di Maria Forte
"Deline daûr dal barcon in sfese lu compagnave cui voi fin là jù de volte e po cul pinsîr dilunc la strade gnove, pal stradon, sul marcjât"
gjavât fûr di "La massarie" di Dino Virgili
compagnâ v.tr.
(com-pa-gnâ)
Meti dongje dôs o plui robis, personis, elements e v.i. soredut daûr di un criteri di coerence, funzionalitât, convenience e v.i.
sinonims
cubiâ, cumbinâ
esemplis
"si veve di compagnâ un predi di serie A cuntun paîs di serie A e un predi di serie B cuntun paîs di serie B. Vadì, tal lôr intendo, un predi scart al veve dirit a di un paîs scart e un predi di prime a un paîs di prime"
gjavât fûr di "Pre Pitin" di Antoni Beline
compagnâ v.tr.
(com-pa-gnâ)
Meti in cubie
sinonims
incubiâ, meti ad in doi, pariâ
esemplis
"al è miôr compagnâ sot dal jôf doi bûs cu la stesse fuarce"
compagnâ v.tr.
(com-pa-gnâ)
Sostignî un cjant, un bal, une recitazion e v.i. sunant un strument
esemplis
"il “Cercis Cuartet” al compagne [Loris] Vescul cjareçant i struments in “Domenie”"
gjavât fûr di "Ponts di colôr sul mont" di Piero Cargnelutti
"Nadia e balà intor dal fûc cui cjavei slicâts e chei altris le compagnavin cu la armoniche e batint lis mans"
gjavât fûr di "La strade come un destin" di Dino Virgili
compagnâ v.tr.
(com-pa-gnâ)
Meti dongje dôs bestiis pe riproduzion
sinonims
cubiâ, incubiâ, pariâ
esemplis
"compagnâ lis paveis [dai cavalîrs]"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
detulis
"Diu ju fâs po il diaul ju compagne"
"Diu ju fâs po ju compagne"
"il Signôr ju fâs e il diaul ju compagne"
"il Signôr prin ju fâs e po ju compagne"
torne sù