SuperDizionari

comant s.m.
(co-mant)

Istruzion o indicazion dade cun autoritât, che e à di jessi ubidide

sinonims

comandament, comande, disposizion, imposizion, ordin

esemplis

"ce che e diseve la Baldasse al jere simpri un comant in chê cjase aromai pleade a jê"

gjavât fûr di "Cjase di Dalban" di Maria Forte

"al marcje, al bat il tac in divise nere e al rispuint ai comants par todesc, lenghe che al cognòs ben, vint lavorât di zovin in Svuizare"

gjavât fûr di "Mors tua, vita mea" di Checo Tam

comant s.m.
(co-mant)

Funzion, autoritât, podê di dâ istruzions o indicazions che a àn di jessi ubididis

sinonims

control, denant, direzion, domini, guvier, podê, prin puest

esemplis

"i todescs a cjaparin in man il comant ancje in Libie, ma nancje a lôr ur le drete"

gjavât fûr di "Cuintristorie dal Friûl dal 1866 fint in dì di vuê" di Francesc Placerean

"par putrope int - par dute chê int che e vîf cu la mangjadorie burocratiche - si trate di difindi posizions di comant e interès capitâi, si trate di tignî scuindudis un grum di rognis cumbinadis in passât"

gjavât fûr di "80 discors" di Josef Marchet

"nol veve nissune intenzion di molâ il comant che, etât o no etât, al jere ancjemò un om plen di vite e di fûc"

gjavât fûr di "Trê feminis" di Gianni Gregoricchio

"cui che nol è al comant o che nol à vonde podê daûr la gole che al à"

gjavât fûr di "Innsbruck Bonn e Avellino" di Riedo Pup

"dopo la muart di so pari, la farie e jere restade su lis sôs spalis di frut, par chel che al rivuardave il lavôr, ma la direzion, lis redinis, il comant espotic, tes mans di done Jacume"

gjavât fûr di "Cretevierte" di Roberto Ongaro

comant s.m.
(co-mant)

Capacitât di controlâ une part dal cuarp, un istint, une voie, une dibisugne e v.i.

esemplis

"la fam no à comant, si sa"

gjavât fûr di ""Nocent"" di Maria Forte

"e veve vût un ictus, in seconde elementâr, intant che e jere a scuele, dibot e à pierdût la fevele e il comant de bande diestre dal cuarp"

gjavât fûr di "Il cjâf dai furlans" di Franc Fari

"dopo nol vaì; nome che il stomi si alçave e si sbassave cence comant, che nol podeve fermâlu"

gjavât fûr di "Dreute" di Riedo Pup

comant s.m.
(co-mant)

Sumission a un ordin, a une autoritât, a une jerarchie, a une norme morâl o di convivence e v.i.

sinonims

dissipline, regule, ordin, rispiet

esemplis

"il piês, a la Ane i capitâ cu la ete malnassude e disordenade di Menoli, di Milo Taboghe, di Dolfo dal Asin, dal Piçul de Rosse che a vevin il tîr de tristerie. Fruts cence comant e cence vergogne"

gjavât fûr di "La aghe dal Ariul" di Maria Forte

comant s.m.
(co-mant)

(milit.) Tes fuarcis armadis, il grup costituît dal comandant e dai siei colaboradôrs o il lûc dulà che a stan

esemplis

"in cjase nestre da plui di un mês o vevin il comant dai dragons dal «Gjenue Cavalarie»"

gjavât fûr di "Une conference di padre Gemelli" di Pieri Somede dai Marcs

"considerât finît il so compit, al le al comant imperiâl a consegnâ la sô spade, ma li i diserin che al podeve tignîle, stant che al si jere compuartât cun onôr"

gjavât fûr di "Zuan Batiste Cavedalis - Une vite esemplâr" di Giovanni Pillinini

comant s.m.
(co-mant)

(amin.) Proviodiment che al mande un impleât a lavorâ intune aministrazion diferente di chê solite

comant s.m.
(co-mant)

(tecn.) Orghin che al guvierne un dispositîf, un mecanisim, une machine

esemplis

"al montà dentri [in machine] e al provà ducj i botons. Cjatât chel just, al fracà sigûr e al partì, a salts. Al rivà fint a Visepente. Po dopo al tacà a confusionâsi, a viodi dome tarlupulis, a tremâ, a sbaliâsi tai comants"

gjavât fûr di "Pre Pitin" di Antoni Beline

bilengâl

s.m. comant

monolengâl