Tu âs cirût la peraule
bilengâl monolengâl cognons
Tu âs cirût la peraule
compagno
torne indaûr

bilengâl

compagno s.m., adi.
  • 1

    s.m. compagn Copie

    [FO] (persone che e sta cuntun, che lu compagne, in plui ativitâts)
    compagno di caccia = compagn di cjace
    compagno di scuola = compagn di scuele

    s.m. compagn Copie

    (che al fâs part de stesse clape sportive)
    compagno di squadra = compagn di scuadre
  • 2

    s.m. compagn Copie

    [CO] (persone che si è leâts in sens spirituâl o morâl)
    compagno di vita = compagn di vite

    s.m. amì, morôs, compagn Copie

    (persone che si vîf intune cence jessi sposâts)
    lei e il suo compagno hanno deciso di sposarsi = jê e il so compagn a àn decidût di maridâsi

    s.m. compagn Copie

    (component di une cubie di animâi)
  • 3

    s.m. compagn Copie

    [CO] (maniere di clamâsi un cul altri dai membris dal partît socialist e comunist)
    alza il pugno, compagno! = alce il pugn, compagn!
  • 4

    s.m. compagn Copie

    [CO] (spec. in relazion a impresis, persone che si è in societât cun jê)
    è mio compagno nel lavoro = al è gno compagn intal lavôr
  • 5

    s.m. compagn Copie

    [TS] astron. (stele che e orbite ator di une altre intune cubie clamade stele dople)
  • 6

    adi. precîs, compagn, fradi, sûr Copie

    [CO] (cun chês stessis carateristichis)
    la tua bicicletta è compagna alla mia = la tô biciclete e je compagne oppure sûr de mê

    adi. compagn, fradi, sûr Copie

    (che al è part di une cubie)
    questo calzino è compagno di quello = chest cjalçut al è compagn oppure fradi di chel

locuzions

    compagno d'armi
  • compagn di arme, camaradeCopie
    [CO] (persone che cun jê si à fat il servizi militâr)
    incontrare i vecchi compagni d'armi = cjatâ i camaradis di une volte

monolengâl

compagn s.m.
(com-pagn)
Persone che e sta cun cdn. altri, te stesse situazion, fasint la stesse ativitât e v.i.
sinonims
amì, camarade, coleghe, compliç, copari
esemplis
"lis frutatis a jerin su la plaçute che a fevelavin cu lis compagnis dal borc"
gjavât fûr di "Chei di Muraie" di Pieri Menis
"a diestre e a çampe di Pauli, no tancj metris lontans di lui, a jerin siei compagns, in vuaite ancje lôr, armâts di metraiutis"
gjavât fûr di "Cjalant la rive" di Agnul di Spere
"i compagns di scuele i disevin "Artistico" e lui si inrabiave al ultin fin"
gjavât fûr di "Pre Pitin" di Antoni Beline
compagn s.m.
(com-pagn)
Persone che si è leâts in sens sentimentâl, spirituâl o morâl
sinonims
amant, morôs, cristian, om, femine
esemplis
"Sedi cemût che e sedi, il gno ricuart al è dolç. I soi agrât a di chel gno compagn, parcè che mi à donade tante tenarece"
gjavât fûr di "Trê feminis" di Gianni Gregoricchio
"jê, e scriveve inmò, e varès preât par lui, par che al cjatàs une compagne buine e sane e che i volès ben e lu preave di dismenteâle, parcè che par jê la vite e jere aromai segnade"
gjavât fûr di "Il muc" di Roberto Ongaro
compagn s.m.
(com-pagn)
Maniere di clamâsi un cul altri dai socialiscj e comuniscj
esemplis
"il plui des gnots mi fermavi a Udin: in cjase di cualchi compagne o inte cjamare che il moviment al veve fitât pai compagns di passaç"
gjavât fûr di "Trê feminis" di Gianni Gregoricchio
compagn adi.
(com-pagn)
Che al à chês stessis carateristichis di cdn. o di alc altri
sinonims
avuâl, identic, pâr, precîs, spudât, pareli
esemplis
"la lôr volontât e je compagne identiche di chê dai fassiscj di îr, e i mieçs che a intindin doprâ e son chei istès"
gjavât fûr di "Ce che a vuelin" di Josef Marchet
"fâ indenant ideis compagnis di democrazie e di colaborazion, fondadis sul ricognossiment, sul rispiet e su la paritât"
gjavât fûr di "Un Pat cuintri dal ‘Partito della nazione’, un Pat a pro dal Friûl" di Marc Stolf
"la aree gjeografiche cjapade in considerazion e jere compagne di chê de ricercje dal 1978"
gjavât fûr di "La cundizion sociolinguistiche dal furlan" di Linda Picco
compagn adi.
(com-pagn)
Che al à simpri chês stessis carateristichis rispiet a un altri moment o une altre situazion
sinonims
costant, fis, incontaminât, intîr, perfet, salt, stes
esemplis
"ma ancje cu lis medisinis dut [un malstâ che i faseve sintî come un sunsûr tal cjâf] al jere restât compagn, … che, a voltis, al passave la man tai cjavei come par sgarfâ vie alc"
gjavât fûr di "La tiere di Lansing" di Maria Forte
"Meni Sentenzie al jere di opinion che nol coventàs proclamâ e publicizâ che la justizie e je compagne par ducj; parcè che ducj a puedin viodi e constatâ di bessôi se e je vere"
gjavât fûr di "Un om indaûr" di Riedo Pup
compagn adi.
(com-pagn)
Cence diferencis che a vedin impuartance
sinonims
stes, istès, indiferent
esemplis
"Plovial, svintial, brusial… par lui al è compagn: il mont nol esist par lui"
gjavât fûr di "La aghe da pît la cleve" di Dino Virgili
"o un o l'altri par nô al è compagn"
gjavât fûr di "I furlans e lis Falkland" di Riedo Pup
compagn av.
(com-pagn)
Inte stesse misure o maniere
sinonims
istès
esemplis
"o vevi madressude la convinzion che une o chê altre e sarès lade ben compagn"
gjavât fûr di "Memoriis di politiche linguistiche" di Adrian Cescje
"vivi ducj come tun furmiâr, ducj di un stes colôr, ducj vistûts compagn"
gjavât fûr di "La cjase di Toni" di Tarcisio Venuti
"no i jerial tocjât cussì a so pari durant la vuere? No i jerial tocjât compagn a lui cuant che al jere tornât a cjase di soldât?"
gjavât fûr di "Sul agâr" di Pieri Menis
detulis
"a son tancj i mus in montagne che a àn la code compagne"
"ducj i dêts no son compagns"
"ducj i nâs si somein e no 'nd è nissun compagn"
"i câs a son come i nâs: ducj si somein e no 'nd è nissun compagn"
"il bon al crôt ducj bogns, il trist al crôt ducj compagns di lui"
"il jeur al vîf a jerbe, la bolp a gjalinis, e a son grues compagns"
"il mâl al è un trist compagn"
"la muart e fâs ducj compagns"
"nancje i dêts no son ducj compagns"
"pes vuedis ducj i poleçs a son compagns"
"un ûf e un pît tal cjâf al è compagn"
torne sù

cognons

Compagno
Par De Felice 1978 al è un cognon che al podarès jessi un sorenon medievâl Compagno di compagno, tes tantis variantis daûr de ete e dai puescj; o pûr, al podarès jessi la forme aferetiche di Compagno derivât di Boncompagno, non augurâl di ete medievâl, ven a stâi “(che al sedi un) bon amì”, riferît al fi clamât in cheste maniere. Te nestre regjon al è documentât almancul dal 1250 cuntun Compang presbiter che al è tal Necrologium monasterii Rosacensis. Tal Schedari Corgnali: 1262 Morano Compagno (ancje in curia Compagnis Moranis) a Glemone; 1294 Compagnus de Clusa; 1306 Compagnus de Aglaco a Vilalte; 1314 Compagno de Tumecio; 1321 bayarcium Compagno de Prestento; 1500 Compagno a Butinins; 1573 L’Ecc. te M. Josepho Compagno a Casellis. A Muimans tal 1612 une Maria di Compagno e tal 1642 Domenego Compagno della villa di Buttinicco e li eredi del signor Vincenzo Compagno (Ziani, 1999). Presint a Listize e a Tavagnà (tal 1600 a Culugne).
fonts
1529, ai 4 di Fevrâr Battista Compagno q. Bernardo da Coseano deve L. 2.11 a Ser Pietro q. Ser Bertolino di Bergamo abit. S. Daniele ANU 3901); 1538 Palus Compagno in Vicinia di Ceresetto (ASU Perusini 559.1); 1547, ai 4 di Avrîl Gregorio q. Giac. d.° Copagn di Canussio (ANU 248); 1557 Giovanni q. Valent. q. Stefano Compagno da Canussio pretende sposare la ren... Sabbata De Sabbata di S. Marizza (AAU Filze); 1665, ai 9 di Avost Sebastiano Compagno q. Nicolò da Colugna – livello 1 St. frum. per duc. 36 dal nob. Arcangelo Perabò di Udine (ACR 818/1); 1680 Battista Compagno di Monfalcone, carocciero del Co. Florio a Udine (ASU Florio 115); 1722, ai 12 di Avrîl Ser Batista Compagno stimadore vicinia borgo Prachiuso a Udine (Masutti 1991); 1753 Ser Antonio Compagno della Vicinia di Nespoledo (ASU CRS 296/1); 1816 Giuseppe Compagn di Antonio nato nel 1797 a Nespoledo sposa Paschua Quarino di Querin da Basagliapenta nata nel 1792 (A.P. Visepente).
Compagnón
Incressitîf di Compagno (viodi). Presint a Paulêt (Grions) e Udin. Tal Schedari Corgnali: 1467 Compagnonum a Villanova (Canal del Ferro); 1931 Compagnòn 5 fameis a Cjaneule; 1939 Compagnon 6 fameis a Grions di Paulêt. Tal comun di Paulêt il toponim Segheria Compagnon (IGM).
fonts
1705, ai 26 di Jugn don Giacomo Compagnone di Gio. q. Valent. da Canebola – il padre gli fa patrim. eccl. (Patrimoni); 1742 Zuanina di Valent. Topatig q. Tomaso da Canebola, sposa Mattia di Valent. Compagnone (Filze); 1753 Domenico di Valentino Compagnone q. Stefano q. Giovanni da Canebola sposa Caterina Pividor di ivi (Filze); 1815 Domenico Compagnone di Michele detto Sisich, nato in Canal di Grivò nell’anno 1785, sposa Lucia Scorset di Andrea di ivi (A.P. Atimis).
torne sù