Hai cercato la parola
bilingue monolingue
Hai cercato la parola
correre
Torna indietro

bilingue

correre ,
  • 1a

    v.intr. cori Copia

    (cjaminâ svelt)
    corri, altrimenti prendiamo la pioggia = cor, se no o cjapìn la ploie

    v.intr. lâ, cori, lâ di corse Copia

    [FO] (lâ indenant svelts)
    correre come il vento = cori oppure lâ tant che l'aiar
    correre come una lepre = cori tant che il jeur
    correre verso casa = lâ di corse a cjase
    ho visto una volpe attraversare il campo correndo = o ai viodût une bolp traviersâ il cjamp corint oppure di corse
    i bambini corrono nel prato = i fruts a corin intal prât

    v.intr. cori Copia

    (movisi di corse cuntun veicul)
    quando guidi corri troppo = cuant che tu vâs in machine tu coris masse

    v.intr. cori Copia

    (velizâ a une velocitât avonde alte)
    correre al largo = cori al larc
    correre col vento in poppa = cori a vele

    v.intr. cori Copia

    (di un veicul, lâ di sburide)
    la metropolitana corre sotto terra = la metropolitane e cor sot tiere
    la moto correva troppo = la moto e coreve masse
  • 1b

    v.intr. cori, spesseâ Copia

    [FO] (fâ alc di corse)
    corri troppo quando parli = tu coris oppure tu spesseis masse cuant che tu fevelis

    v.intr. cori, spesseâ Copia

    (fâ alc cun grande ecitazion, dâsi lis mans ator)
    correre avanti e indietro = cori indenant e indaûr oppure balinâ
    corri a chiamare il medico = spessee a clamâ il miedi
    ho dovuto correre per riuscire a fare tutto = o ai scugnût spesseâ par rivâ adore a fâ dut
  • 1c

    v.intr. cori Copia

    [FO] (partecipâ a une corse sportive)
    un motociclista che corre per la Ducati = un motociclist che al cor pe Ducati
  • 1d

    v.intr. cori, lâ di corse Copia

    [FO] (lâ svelt viers di alc o cdn.)
    i pompieri corrono a spegnere l'incendio = i pompîrs a corin a distudâ il fûc

    v.intr. cori, lâ di corse Copia

    (lâ svelt par vie di un fuart interès)
    correre al concerto = lâ di corse al conciert
    correre dalla fidanzata = cori là de morose

    v.intr. lâ, cori Copia

    (lâ incuintri a une cierte conclusion)
    correre incontro alla morte = cori incuintri a la muart
    correre verso il progresso = lâ incuintri al progrès

    v.intr. cori Copia

    (rivâ in fin dai fats masse di corse)
    aspetta le prove, non correre troppo = spiete lis provis, no stâ a cori masse
  • 1e

    v.intr. cori Copia

    [FO] (dite di une sensazion, par solit pôc biele)
    un tremore le corse lungo tutto il corpo = un sgrisul i corè par dut il cuarp

    v.intr. lâ, cori Copia

    [CO] (lâ di corse cul pinsîr a alc)
    correre con la memoria agli anni della gioventù = cori cu la memorie ai agns de zoventût
    il pensiero corre agli amici lontani = il pinsîr al va ai amîs lontans

    v.intr. cori Copia

    [CO] (dal cjalâ, indreçâsi di une cierte bande)
    lo sguardo corre lontano = i voi a corin lontan oppure a van lontan
  • 2a

    v.intr. lâ, cori Copia

    (di un teritori, di un sît, di un paîs, slungjâsi, slargjâsi)
    la catena montuosa corre da est a ovest = la cjadene di monts e cor oppure e va di soreli jevât a soreli bonât

    v.intr. lâ, cori Copia

    (di une strade o di une costruzion che si disvilupe par un bon toc)
    il ponte corre da una riva all'altra del fiume = il puint al va di une spuinde a chê altre dal flum
    il sentiero corre nel bosco = il troi al cor intal bosc

    v.intr. cori, scori Copia

    [CO] (vê un moviment lineâr)
    il fiume corre verso la pianura = il flum al cor bande dal plan
    il sangue corre nelle arterie e nelle vene = il sanc al cor intes arteriis e intes venis
    sul viso le correvano le lacrime = su la muse i corevin lis lagrimis
  • 2b

    v.intr. cori Copia

    [CO] (di un discors, che si lu sint, si lu lei ben, naturâl)
    questi versi corrono bene = chescj viers a corin ben
    una prosa che corre = une prose che e cor
  • 3a

    v.intr. cori, passâ, svolâ Copia

    [CO] (dal timp, passâ di corse)
    come corre il tempo! = ce che al svole il timp!
    fra le prove scritte e quelle orali sono corse due settimane = tra i scrits e i orâi a son passadis dôs setemanis

    v.intr. cori, jessi Copia

    (jessi in at)
    con i tempi che corrono sarebbe meglio non viaggiare in certi paesi = cui timps che a corin al sarès miôr no lâ ator in cierts paîs
  • 3b

    v.intr. cori, tacâ sot Copia

    [CO] (scomençâ a vê efiet)
    gli interessi corrono da oggi = i interès a corin di vuê
  • 4a

    v.intr. cori Copia

    [CO] (lâ ator, slargjâsi di opinions, di judizis e v.i.)
    la notizia dello scandalo corse rapidamente sulla bocca di tutti = la gnove dal scandul e corè svelte su la bocje di ducj

    v.intr. cori Copia

    (slargjâsi di corse)
    i pettegolezzi corrono = i peteçs a corin
    le nuove idee corrono rapidamente = lis gnovis ideis a corin sveltis

    v.intr.

    (jessi dit)
    corre che sia partito = al pâr oppure si dîs che al sedi partît
  • 4b

    v.intr. lâ di mode Copia

    [CO] (lâ di mode)
    corre l'uso = al va di mode
    corre la moda della minigonna = e va di mode la cotule curte
  • 5

    v.intr. jessi Copia

    [CO] (jessi)
    tra cani e gatti non corre buon sangue = fra cjans e gjats no je amistât
    tra le due cose corre una bella differenza = fra lis dôs robis e je une biele diference
    tra loro due non corre una grande amicizia = fra lôr doi no je grande amistât

    v.intr. jessi Copia

    (jessi a une cierte distance)
    da qui alla fermata dell'autobus corrono non più di cento metri = di ca a la fermade dal autobus no son plui di cent metris
  • 6

    v.intr. sucedi Copia

    [CO] (sucedi, tocjâ)
    corrono cose incredibili = a sucedin robis di no crodi

    v.intr.

    (in espressions che a vuelin dî sintîsi obleât)
    ci corre l'obbligo di occuparcene = o scugnìn viodi
    mi corre l'obbligo di dirtelo = o scuen dîtal
  • 7

    v.tr. cori, fâ Copia

    [CO] (cori un percors intune competizion)
    correre i diecimila metri a tempo di record = cori i dîs mil metris cun timp di record
    correre il giro di Spagna = cori il Zîr di Spagne
    correre la maratona di New York = cori la maratone di New York
  • 8

    v.tr. lâ, cori, riscjâ Copia

    [CO] (frontâ une situazion malsigure)
    correre un pericolo = cori un pericul oppure periculâ
    ha corso il rischio di avvelenarsi = al à riscjât a intosseâsi oppure al è lât a pericul di intosseâsi

    v.tr. cori Copia

    (fâ une esperience aventurose)
    correre un'avventura = cori une aventure

locuzioni

    correre ai rimedi
  • [CO] (vedi correre ai ripari)
    • correre ai ripari
  • stropâ la buse, parâ il colpCopia
    [CO] (cirî di comedâ une brute situazion)
    ora bisogna correre ai ripari = cumò si à di stropâ la buse
    • correre con dieci gambe
  • cori a gjambis puartaitmi, cori a brene vierteCopia
    [CO] (cori une vore svelt)
    • correre dietro
  • lâ daûr, dâ daûr, cori daûrCopia
    [CO] (cirî di vê alc)
    correre dietro al successo = cori daûr oppure dâ daûr oppure lâ daûr dal sucès correre dietro alle nuove idee = lâ daûr aes gnovis ideis
  • lâ daûr, dâ daûr, cori daûrCopia
    [CO] (cirî di cjapâ cdn. o alc)
    il cane corre dietro a una lepre = il cjan al cor daûr di un jeur
  • lâ daûr, dâ daûr, cori daûrCopia
    (cirî i favôrs di cdn.)
    gli corre dietro perché ha il suo tornaconto = i cor daûr parcè che al à il so tornecont
  • lâ daûr, dâ daûr, cori daûrCopia
    (jessi inamorât di cdn.)
    sono due anni che le corre dietro = a son doi agns che i va daûr
  • lâ daûr, dâ daûr, cori daûrCopia
    (cirî simpri gnovis aventuris amorosis)
    correre dietro a tutte le gonne = cori daûr a dutis lis cotulis
    • correre dietro alle farfalle
    correre il mare
  • cori il mârCopia
    [TS] (fâ il pirate)
    • correre il mondo
  • cori pal mont, jessi ator pal montCopia
    [BU], [TS] (viazâ une vore)
  • (deventâ une vore famôs)
    ha corso il mondo cun quello spettacolo = al è deventât famôs cun chel spetacul
    • correre la cavallina
  • stâ sul cjaval dal mat, fâ gjostris, cjavalâCopia
    [CO] (fâ une vite biele e comude)
    corre la cavallina = al sta sul cjaval dal mat oppure al fâs gjostris
    • correre sangue
  • [CO] (intun scuintri, barufe e v.i., jessi muarts o ferîts)
    negli scontri non è corso sangue = tai scuintris no son stâts ni muarts ni ferîts
    • lasciar correre
  • lassâ cori, lassâ pierdi, lassâse passâ, lassâ che la magne e ledi pe campagne, molâ un pont, lassâ jessiCopia
    [CO] (massime ass., fâ fente di no viodi alc di brut o di negatîf)
    bisogna lasciar correre = bisugne lassâ cori oppure lassâ che la magne e ledi pe campagne per questa volta lascio correre = par cheste volte o moli un pont

monolingue

cori v.intr.
(co-ri)
Lâ a pît svelt, cuntune ande li che i pîts no tocjin mai ducj i doi par tiere tal stes moment
sinonimi
lâ di corse
esempi
"Lukas al jere sui cutuardis e al veve l'at seren di so pari. La sûr di Lukas cuant che e coreve e someave une pavee, i codins a jerin lis alis"
da "Int no consumade" di Agnul di Spere
"alore al tacà a cori come un mat lunc la Lindenstrasse"
da "Donnerwetter" di Checo Tam
cori v.intr.
(co-ri)
Lâ svelt, cun cualsisei pas, ancje dome cjaminant (fig.)
esempi
"al veve clamât Guri e ducj i jerin corûts dongje"
da "La aghe da pît la cleve" di Dino Virgili
cori v.intr.
(co-ri)
Lâ svelt cuntun veicul o ancje a cjaval di une bestie
esempi
"co o jeri jo fantat o jerin cinc o sîs che in chei agns, 1937-38, o corevin in biciclete"
da "I coridôrs di Tresesin" di Alan Brusini
cori v.tr.
(co-ri)
Passâ par une cierte zone, ancje cun chê di visitâle, cognossile, esplorâle o par vie di cualchi ativitât
sinonimi
traviersâ, zirâ
esempi
"la valade e jere dute il gno ream, e jo le corevi par cognossile"
da "Il dolfin" di Carlo Sgorlon
"al veve corût il mont in lunc e in larc "
da "Il tesaur di done Cheche" di Pieri Menis
cori v.intr.
(co-ri)
Movisi svelt in gjenerâl, ancje di animâi che no àn o no doprin i pîts o di robis inanimadis
sinonimi
filâ, pedalâ, talpinâ, svolâ, navigâ
esempi
"se si bute un toc di pan ta la aghe a corin i pes a mangjâlu"
"jù pal flum a corevin lis çatis di lens taiâts a mont"
da "La aghe da pît la cleve" di Dino Virgili
"il tren al coreve te sere che e deventave gnot, tune arie colôr violet scûr, segnade dai lusôrs des cjasis e des fabrichis"
da "In viaç di domenie" di Agnul di Spere
"la lune, par un efiet otic, e someave che e corès, cuant che invezit a cori al jere il nûl"
da "Gjoldiments forescj" di Checo Tam
"i lamps a sclapavin fûr par fûr il cîl plen di nûi, che a corevin a balons bas e neris, puartâts vie dal aiar"
da "Il burlaç" di Pieri Menis
cori v.intr.
(co-ri)
De aghe, o ancje di un altri fluit o o flus o materiâl, vê un moviment determinât de inclinazion, de gravitât, de pression e v.i.
sinonimi
lâ, lâ fûr, lâ jù, spissulâ
esempi
"la aghe e cor clupant. I mulinârs a àn tal sanc chê musiche li... "
da "Il mulin" di Dino Virgili
"a vevin lassade la puarte de cjamare in sfese, tant di fâ cori un fîl di aiar"
da "Trê feminis" di Gianni Gregoricchio
"intai reticolâts cui isoladôrs al cor l'eletric a doi mil volts"
da "Storie di Min" di Ivano Urli
"l'am si jere impirât tal mieç de mê man, e il sanc al coreve"
da "A pescje tal suei" di Lucio Perès
"lis lagrimis i corevin jù pe muse"
da "Il testament" di Pieri Menis
"la bire che e coreve jù frescje pal gargat, al pareve che e smolàs pinsîrs e sintiments"
da "Une letare par Bepo" di Pieri Menis
cori v.intr.
(co-ri)
Di timp, passâ svelt o jessi percepît che al passe svelt (fig.)
esempi
"o scuen decidi! Se il timp al cor cussì svelt! A son cinc, ca di un moment! "
da "Il rucjin" di Laurin Zuan Nardin
cori v.intr.
(co-ri)
Fâ une azion svelt, di presse, cence pierdi timp, ancje in esortazions o ordins e ancje in cumbinazion cun altris verps (fig.)
esempi
"se o volìn finî il lavôr par usgnot o vin di cori"
"cor a mangjâ, e dopo zin subit in Glesia"
da "I Turcs tal Friûl" di Pier Paolo Pasolini
" (Une scampanelade) Oh! Cor viôt cui che al sarà"
da "Co l'amôr al cimie" di Costantino Smaniotto
cori v.intr.
(co-ri)
Di sensazion fisiche, psicologjiche, sintiment e v.i., fâsi sintî, notâ, viodi, passâ par une part dal cuarp, pal pinsîr, passâ tra plui personis e v.i.
sinonimi
lâ, passâ, zirâ
esempi
"un sgrisul di frêt i jere corût jù pe schene, sgrisul che lu veve fat dreçâ in pîts a bot e sclop"
da "La liende dal riûl" di Franca Mainardis
"e cjapave une pôre malandrete che i coreve par dutis lis venis e i faseve pensâ di sei finide dongje un cimitieri"
da "Come tai romançs" di Alan Brusini
"tal sanc a Mirco i corevin lis voiis che al veve simpri scugnût platâ"
da "Par stradis lungjis" di Alan Brusini
"mi strenzeve il cûr e tal cjâf mi corevin peraulis vueidis che a davin forme a pinsîrs dissavîts"
da "Ricuarts e inlusions" di Enrico Martina
cori v.intr.
(co-ri)
Di une strade, di une costruzion o di cualsisei struture di une cierte lungjece, vê une cierte direzion, une cierte forme, ancje in relazion cun altris elements
sinonimi
lâ, disglagnâsi
esempi
"Laurinç al cjalà te strade che e coreve dilunc dal lât"
da "Usgnot partide di balon" di Agnul di Spere
"la muraie che e coreve dulintor, e cjapave dentri il curtilon"
da "Trê feminis" di Gianni Gregoricchio
"la mont furlane e cjape dentri une zone alpine vere e proprie, che si pues individuâ te Cjadene Cjargnele o Alps Cjargnelis, dulà che al cor il spartiaghis principâl, che al fâs ancje di confin cu la Austrie"
da "La mont furlane" di Mauro Pascolini, Andrea Guaran
cori v.intr.
(co-ri)
Indreçâ il pinsîr, la atenzion o une facoltât mentâl a un ciert ogjet, moment e v.i.
esempi
""Bundì! Bundì" - al rispuindè il fantat, intant che cul voli al coreve framieç il trop des lavanderis par viodi se jere ancje chê che al cirive lui"
da "Cretevierte" di Roberto Ongaro
cori v.intr.
(co-ri)
Di un resonament, discors, test e v.i., vê un ciert procediment o, in assolût, vê un procediment svelt, lizêr, facil di capî (fig.)
sinonimi
filâ, scori
esempi
"pre Pieri nus à letis un pocjis di pagjinis dal libri che si clamarà Storie dal popul furlan che i vin comissionât cualchi setemane indaûr. Al à une biele narative, e cor vie facile"
da "Memoriis di politiche linguistiche" di Adrian Cescje
cori v.intr.
(co-ri)
Sei in vore, funzionâ
sinonimi
funzionâ, lâ, zirâ, lavorâ
esempi
"pe nestre dibisugne o rivaressin ben adore di proviodi di bessôi e no nus capitarès, come che dal sigûr al tornarà a capitâ di chi a un pâr di mês, di restâ a scûr e di fâ cori lis machinis di gnot, par mandâ la fuarce [eletriche] di altris bandis"
da "Fevelâ par dibant" di Josef Marchet
"si vevin dismenteâts di tirâ sù la suste e l'orloi nol coreve"
cori v.intr.
(co-ri)
Vê une progression
sinonimi
lâ indevant, lâ sù
esempi
"si à di stâ atents cui prestits, che i interès a corin"
cori v.intr.
(co-ri)
Sucedi cuntun ciert procediment, o, in gjenerâl, cuntun procediment svelt o cun bon sucès (fig.)
sinonimi
lâ dilunc, lâ indenant, procedi, scori, vignî dilunc
esempi
"il lavôr al è ben inviât e al cor cence intops"
"tai agns dal bum la economie e coreve e al pareve che no ves plui di fermâsi"
cori v.intr.
(co-ri)
Vê validitât
sinonimi
valê
esempi
"lis liris no corin plui di cuant che al è l'euro"
cori v.intr.
(co-ri)
Impegnâsi intune cualsiei competizion (fig.)
esempi
"si preparave a cori in campagne eletorâl"
da "Memoriis di politiche linguistiche" di Adrian Cescje
cori v.intr.
(co-ri)
Vê circolazion, vê difusion tra la int
sinonimi
circolâ, lâ ator, slargjâsi, zirâ, passonâ
esempi
"cuissà cemût là dentri, e coreve la vôs che i universitaris, chest colp, a vevin ducj di lâ soldâts"
da "I universitaris" di Alan Brusini
"cun chês pocjis novitâts che a corevin, bastave un reful par dismovi i borcs"
da "Il muc" di Roberto Ongaro
"se dut chel che al cor inte rêt comunicative globâl al è par inglês ce puest restial pal furlan?"
da "Un Friûl difarent: i 90 mhz di Onde Furlane" di Max Mauro
cori v.intr.
(co-ri)
Scugnî lâ svelt a fâ i bisugns, soredut par dissentarie (eufem.)
esempi
"al à mangjât robe lade di mâl e dopo al à ben vût di cori dute la gnot"
cori v.tr.
(co-ri)
Vê di frontâ une situazion malsigure
esempi
"par sigurâ la femine che no cor nissun pericul, ni jê ni i fruts, i rispuindè cun vôs calme ma ferme "
da "La cjase di Toni" di Tarcisio Venuti
proverbi
"a fuarce di cori sù e jù, ancje la cuarde e fruie la piere dal poç"
"al à di cori il sanc pes sôs venis"
"altri al è cori, altri al è rivà"
"âstu presse? cor a messe"
"bisugne onzi il cjar par che al cori"
"cui che al cor al cor e cui che al scjampe al svole"
"di Fevrâr cor a masanâ se no la roie si impetrìs"
"Diu de int nol vûl jessi adorât corint"
"dulà che no son surîs nol cor il gjat"
"i bêçs a son fats taronts par che a corin"
"il cjar par che al cori bisugne onzilu"
"il Signôr al lasse cori ma no trascori"
"il timp che al cor a Sant Suan al cor dut l'an"
"l'orloi nol cor bessôl"
"la aghe no cor simpri par chel agâr"
"lasse che la aghe a cori pal so mulin"
"lasse cori la magne pe campagne"
"lis cuaiis no corin simpri par un agâr"
"no si à di cori cuintri vint ni cuintri aghe"
"no si po cori cuintri vint e cuintri aghe"
"no stâ corii daûr a cui che al scjampe"
"par che il cjar al cori, bisugne onzi lis ruedis"
"par chê strade che no si vûl lâ al tocje di cori"
"trê robis impussibilis: fâ stâ fers i fruts, fâ cori i viei, fâ tasê lis feminis"
"une volte al cor il cjan e une volte al cor il jeur"
Torna in Cima
Torna in Cima