Tu âs cirût la peraule
bilengâl monolengâl cognons
Tu âs cirût la peraule
corso
torne indaûr

bilengâl

corso s.m.
  • 1

    s.m. cors Copie

    (percors di une aghe)
    il corso del Tagliamento = il cors dal Tiliment
    seguire il corso di un torrentello = lâ daûr dal cors di une lavie

    s.m. cori, flus, cors Copie

    [FO] (il cori de aghe, il complès des aghis in moviment)
    il corso rumoroso di un torrente in piena = il cors businant di une flumere in plene
    il corso tranquillo di un ruscello = il cori cuiet di un roiuç
  • 2

    s.m. cors Copie

    [FO] (disvilup di alc in progression)
    il corso degli studi = il cors dai studis

    s.m. cors Copie

    lasciare che la vita segua il suo corso = lassâ che la vite a fasi il so cors

    s.m. cors Copie

    (strade segnade di une direzion cun plui passaçs)
    la pratica deve seguire il suo corso = la pratiche e à di fâ il so cors

    s.m. cors Copie

    [CO] (il davuelziment di un discors)
    il corso delle idee = il cors des ideis
    non riesco a seguire il corso del tuo ragionamento = no rivi a stâ daûr dal cors dal to resonament

    s.m. cors Copie

    (orientament, tindince)
    il nuovo corso della chiesa cattolica = il cors gnûf de glesie catoliche

    s.m. davuelziment Copie

    (disvilup di une malatie)
    il normale corso di una malattia = il davuelziment naturâl di une malatie
  • 4

    s.m. Cors Copie

    (inte toponomastiche urbane, cun iniz. maiusc.)
    Corso Europa = Cors Europe

    s.m. sfilade Copie

    (sfilade di cjars ornâts di rosis)
    corso fiorito = sfilade floride oppure sfilade des rosis

    s.m. cors Copie

    (sfilade di cjars di carnevâl)
    un corso mascherato = un cors di mascaris

    s.m. stradon, cors Copie

    (strade largje e cun in bande arbui)
    una villetta sul corso principale della città = une vilute sul cors principâl de citât

    s.m. cors Copie

    [FO] (grande strade di citât)
    lungo il corso c'è un gran viavai di gente = jù pal cors al è simpri un grant corîr di int
  • 5a

    s.m. cors Copie

    [TS] edil. (intai mûrs, sucession di elements compagns, massime modons e pieris, metûts a pâr e a nivel su un stes plan orizontâl)
    ha finito un corso di mattoni = al à finît un cors di modons
  • 5b

    s.m. cors Copie

    [TS] mar. (file di breis o lamieris par dilunc che a formin il bream di une nâf)
  • 5c

    s.m. cors Copie

    [TS] tess. (complès di fîi passâts inte maie di ogni liç)
  • 6a

    s.m. cors Copie

    [CO] (serie ordenade di lezions o di esercitazions che a àn la finalitât di insegnâ alc)
    corso di latino = cors di latin
    corso per corrispondenza = cors par corispondence oppure par pueste
    corso senza obbligo di frequenza = cors cence oblic di frecuence
    frequentare il corso di filologia romanza = frecuentâ il cors di filologjie romaniche
    iscriversi ad un corso di ricamo = dâsi in note a un cors di ricam

    s.m. cors Copie

    (te universitât, une anade di studis)
    frequentare il primo corso = frecuentâ il prin cors

    s.m. cors Copie

    (intun istitût superiôr, il cicli di ducj i agns di studi previodûts)
    il corso di ragioneria è di cinque anni = il cors di resonarie al è di cinc agns

    s.m. cors Copie

    (grup di students che a frecuentin une stesse lezion)
    il corso di letteratura russa è venuto alla conferenza in blocco = il cors di leterature russe al è vignût dut ae conference

    s.m. cors Copie

    (complès di classis consideradis in sucession, sezion)
    la prima classe del corso A = la prime classe dal cors A
  • 6b

    s.m. cors Copie

    [CO] (manuâl cun finalitâts didatichis che al ten dentri un complès di lezions su un argoment)
    un corso di filosofia in tre volumi = un cors di filosofie in trê volums

locuzions

    cane corso
  • cjan corsCopie
    [CO] (cjan grues di divignince corse)
    • Cima Corso
  • Somp Cuers (DPReg 16/14), Som Cuers (Grafie Uficiâl LR 29/07)Copie
    toponim (localitât in comun di Dimpeç)
    • corso accelerato
  • cors svelt, cors intensîfCopie
    [CO] (cors fat plui svelt dal normâl)
    avrebbe bisogno di un corso accelerato di buone maniere = al varès dibisugne di un cors svelt di buine creance
    • corso d'acqua
  • aghe, cors di agheCopie
    [CO] (flum, riul, flumere, canâl e sim.)
    • corso di autoaggiornamento
  • cors di autoinzornamentCopie
    [CO] (cors fat di un grup di personis par inzornâ la lôr preparazion professionâl cence il jutori di professôrs)
    • corso intensivo
  • cors intensîfCopie
    [CO] (cors di tantis lezions che si davuelzin dongje intal timp, massime par imparâ une lenghe foreste)
    un corso intensivo di inglese = un cors intensîf di inglês
    • corso per corrispondenza
  • cors par corispondenceCopie
    [CO] (cors che no si frecuente, ma che si preparisi su dispensis che a rivin par pueste)
    un corso di inglese per corrispondenza = un cors di inglês par corispondence
    • corso preparatorio
  • cors preparatîfCopie
    [CO] (cors che al prepare a une ativitât o profession)
    corso preparatorio di saldatore = cors preparatîf di saldadôr
    • corso serale
  • cors serâlCopie
    [CO] (cors che si fâs di sere par chei students che vie pe zornade a lavorin)
    un corso serale di informatica = un cors serâl di informatiche
    • dare corso
  • inviâ, inmaneâ, screâ, tacâCopie
    [CO] (scomençâ)
    dare corso ai lavori = tacâ i lavôrs
    • fare il proprio corso
  • fâ il so cors, lâ pe sô stradeCopie
    [CO] (sucedi daûr dal ordin normâl)
    la natura fa il suo corso = la nature e fâs il so cors
    • fuori corso
  • fûr di corsCopie
    (tant che sost.)
    i fuori corso pagano tasse più alte = i fûr di cors a pain tassis plui altis
  • fûr di corsCopie
    [CO] (in funz. adi., di student universitari che nol à dât ducj i esams tal timp previodût)
    da quest'anno sono fuori corso = di chest an o soi fûr di cors
  • fûr di corsCopie
    [CO] (di an di iscrizion universitarie, daspò di chei regolârs)
    questo è il mio secondo anno fuori corso = chest al è il gno secont an fûr di cors
  • fûr di corsCopie
    [CO] (di monede o di bol, che aromai nol à plui valôr legâl)
    una banconota fuori corso = un biliet di bancje fûr di cors
    • in corso
  • in cors, chest, corintCopie
    (che si davuelç cumò)
    la settimana in corso = cheste setemane
  • in pîts, corintCopie
    [CO] (di alc, che si è daûr a fâ)
    c'è una discussione in corso = e je une discussion in pîts
  • in cors, corintCopie
    burocr. (dite di un document, che nol è scjadût)
    accertarsi che sia un documento in corso = sigurâsi che al sedi un document corint
  • corintCopie
    [TS] econ. (dite di monede, che si acete pal paiament)
    la lira italiana non è più in corso = la lire taliane no je plui in cors mettere in corso una nuova moneta = meti fûr une monede gnove usare moneta in corso = doprâ monede corinte
  • in corsCopie
    [TS] scol. (dite di un student universitari, che al è notât intune des anadis proviodudis pal so cors di lauree)
    uno studente in corso = un student in cors
    • in corso di
  • [CO] (di alc che al è daûr a davuelzisi)
    libro in corso di stampa = libri che al è daûr a jessi stampât oppure che al è in vore di jessi stampât
    • nel corso di
  • vie par, jù parCopie
    [CO], [TS] (dilunc di)
    nel corso del mese = jù pal mês nel corso dell'anno = jù pal an
    • nuovo corso
  • gnûf cors, gnove direzionCopie
    [CO], [TS] (intun di sieltis che a son gnovis rispiet a prin di un grup, di un partît, di un guvier, di une economie, e v.i.)
    il nuovo corso della politica monetaria = la gnove direzion de nestre monetarie
    • Sella di Cima Corso
  • Som CuersCopie
    oronim (pas jenfri Dimpeç e For Disot)

monolengâl

cori v.intr.
(co-ri)
Lâ a pît svelt, cuntune ande li che i pîts no tocjin mai ducj i doi par tiere tal stes moment
sinonims
lâ di corse
esemplis
"Lukas al jere sui cutuardis e al veve l'at seren di so pari. La sûr di Lukas cuant che e coreve e someave une pavee, i codins a jerin lis alis"
gjavât fûr di "Int no consumade" di Agnul di Spere
"alore al tacà a cori come un mat lunc la Lindenstrasse"
gjavât fûr di "Donnerwetter" di Checo Tam
cori v.intr.
(co-ri)
Lâ svelt, cun cualsisei pas, ancje dome cjaminant (fig.)
esemplis
"al veve clamât Guri e ducj i jerin corûts dongje"
gjavât fûr di "La aghe da pît la cleve" di Dino Virgili
cori v.intr.
(co-ri)
Lâ svelt cuntun veicul o ancje a cjaval di une bestie
esemplis
"co o jeri jo fantat o jerin cinc o sîs che in chei agns, 1937-38, o corevin in biciclete"
gjavât fûr di "I coridôrs di Tresesin" di Alan Brusini
cori v.tr.
(co-ri)
Passâ par une cierte zone, ancje cun chê di visitâle, cognossile, esplorâle o par vie di cualchi ativitât
sinonims
traviersâ, zirâ
esemplis
"la valade e jere dute il gno ream, e jo le corevi par cognossile"
gjavât fûr di "Il dolfin" di Carlo Sgorlon
"al veve corût il mont in lunc e in larc "
gjavât fûr di "Il tesaur di done Cheche" di Pieri Menis
cori v.intr.
(co-ri)
Movisi svelt in gjenerâl, ancje di animâi che no àn o no doprin i pîts o di robis inanimadis
sinonims
filâ, pedalâ, talpinâ, svolâ, navigâ
esemplis
"se si bute un toc di pan ta la aghe a corin i pes a mangjâlu"
"jù pal flum a corevin lis çatis di lens taiâts a mont"
gjavât fûr di "La aghe da pît la cleve" di Dino Virgili
"il tren al coreve te sere che e deventave gnot, tune arie colôr violet scûr, segnade dai lusôrs des cjasis e des fabrichis"
gjavât fûr di "In viaç di domenie" di Agnul di Spere
"la lune, par un efiet otic, e someave che e corès, cuant che invezit a cori al jere il nûl"
gjavât fûr di "Gjoldiments forescj" di Checo Tam
"i lamps a sclapavin fûr par fûr il cîl plen di nûi, che a corevin a balons bas e neris, puartâts vie dal aiar"
gjavât fûr di "Il burlaç" di Pieri Menis
cori v.intr.
(co-ri)
De aghe, o ancje di un altri fluit o o flus o materiâl, vê un moviment determinât de inclinazion, de gravitât, de pression e v.i.
sinonims
lâ, lâ fûr, lâ jù, spissulâ
esemplis
"la aghe e cor clupant. I mulinârs a àn tal sanc chê musiche li... "
gjavât fûr di "Il mulin" di Dino Virgili
"a vevin lassade la puarte de cjamare in sfese, tant di fâ cori un fîl di aiar"
gjavât fûr di "Trê feminis" di Gianni Gregoricchio
"intai reticolâts cui isoladôrs al cor l'eletric a doi mil volts"
gjavât fûr di "Storie di Min" di Ivano Urli
"l'am si jere impirât tal mieç de mê man, e il sanc al coreve"
gjavât fûr di "A pescje tal suei" di Lucio Perès
"lis lagrimis i corevin jù pe muse"
gjavât fûr di "Il testament" di Pieri Menis
"la bire che e coreve jù frescje pal gargat, al pareve che e smolàs pinsîrs e sintiments"
gjavât fûr di "Une letare par Bepo" di Pieri Menis
cori v.intr.
(co-ri)
Di timp, passâ svelt o jessi percepît che al passe svelt (fig.)
esemplis
"o scuen decidi! Se il timp al cor cussì svelt! A son cinc, ca di un moment! "
gjavât fûr di "Il rucjin" di Laurin Zuan Nardin
cori v.intr.
(co-ri)
Fâ une azion svelt, di presse, cence pierdi timp, ancje in esortazions o ordins e ancje in cumbinazion cun altris verps (fig.)
esemplis
"se o volìn finî il lavôr par usgnot o vin di cori"
"cor a mangjâ, e dopo zin subit in Glesia"
gjavât fûr di "I Turcs tal Friûl" di Pier Paolo Pasolini
" (Une scampanelade) Oh! Cor viôt cui che al sarà"
gjavât fûr di "Co l'amôr al cimie" di Costantino Smaniotto
cori v.intr.
(co-ri)
Di sensazion fisiche, psicologjiche, sintiment e v.i., fâsi sintî, notâ, viodi, passâ par une part dal cuarp, pal pinsîr, passâ tra plui personis e v.i.
sinonims
lâ, passâ, zirâ
esemplis
"un sgrisul di frêt i jere corût jù pe schene, sgrisul che lu veve fat dreçâ in pîts a bot e sclop"
gjavât fûr di "La liende dal riûl" di Franca Mainardis
"e cjapave une pôre malandrete che i coreve par dutis lis venis e i faseve pensâ di sei finide dongje un cimitieri"
gjavât fûr di "Come tai romançs" di Alan Brusini
"tal sanc a Mirco i corevin lis voiis che al veve simpri scugnût platâ"
gjavât fûr di "Par stradis lungjis" di Alan Brusini
"mi strenzeve il cûr e tal cjâf mi corevin peraulis vueidis che a davin forme a pinsîrs dissavîts"
gjavât fûr di "Ricuarts e inlusions" di Enrico Martina
cori v.intr.
(co-ri)
Di une strade, di une costruzion o di cualsisei struture di une cierte lungjece, vê une cierte direzion, une cierte forme, ancje in relazion cun altris elements
sinonims
lâ, disglagnâsi
esemplis
"Laurinç al cjalà te strade che e coreve dilunc dal lât"
gjavât fûr di "Usgnot partide di balon" di Agnul di Spere
"la muraie che e coreve dulintor, e cjapave dentri il curtilon"
gjavât fûr di "Trê feminis" di Gianni Gregoricchio
"la mont furlane e cjape dentri une zone alpine vere e proprie, che si pues individuâ te Cjadene Cjargnele o Alps Cjargnelis, dulà che al cor il spartiaghis principâl, che al fâs ancje di confin cu la Austrie"
gjavât fûr di "La mont furlane" di Mauro Pascolini, Andrea Guaran
cori v.intr.
(co-ri)
Indreçâ il pinsîr, la atenzion o une facoltât mentâl a un ciert ogjet, moment e v.i.
esemplis
""Bundì! Bundì" - al rispuindè il fantat, intant che cul voli al coreve framieç il trop des lavanderis par viodi se jere ancje chê che al cirive lui"
gjavât fûr di "Cretevierte" di Roberto Ongaro
cori v.intr.
(co-ri)
Di un resonament, discors, test e v.i., vê un ciert procediment o, in assolût, vê un procediment svelt, lizêr, facil di capî (fig.)
sinonims
filâ, scori
esemplis
"pre Pieri nus à letis un pocjis di pagjinis dal libri che si clamarà Storie dal popul furlan che i vin comissionât cualchi setemane indaûr. Al à une biele narative, e cor vie facile"
gjavât fûr di "Memoriis di politiche linguistiche" di Adrian Cescje
cori v.intr.
(co-ri)
Sei in vore, funzionâ
sinonims
funzionâ, lâ, zirâ, lavorâ
esemplis
"pe nestre dibisugne o rivaressin ben adore di proviodi di bessôi e no nus capitarès, come che dal sigûr al tornarà a capitâ di chi a un pâr di mês, di restâ a scûr e di fâ cori lis machinis di gnot, par mandâ la fuarce [eletriche] di altris bandis"
gjavât fûr di "Fevelâ par dibant" di Josef Marchet
"si vevin dismenteâts di tirâ sù la suste e l'orloi nol coreve"
cori v.intr.
(co-ri)
Vê une progression
sinonims
lâ indevant, lâ sù
esemplis
"si à di stâ atents cui prestits, che i interès a corin"
cori v.intr.
(co-ri)
Sucedi cuntun ciert procediment, o, in gjenerâl, cuntun procediment svelt o cun bon sucès (fig.)
sinonims
lâ dilunc, lâ indenant, procedi, scori, vignî dilunc
esemplis
"il lavôr al è ben inviât e al cor cence intops"
"tai agns dal bum la economie e coreve e al pareve che no ves plui di fermâsi"
cori v.intr.
(co-ri)
Vê validitât
sinonims
valê
esemplis
"lis liris no corin plui di cuant che al è l'euro"
cori v.intr.
(co-ri)
Impegnâsi intune cualsiei competizion (fig.)
esemplis
"si preparave a cori in campagne eletorâl"
gjavât fûr di "Memoriis di politiche linguistiche" di Adrian Cescje
cori v.intr.
(co-ri)
Vê circolazion, vê difusion tra la int
sinonims
circolâ, lâ ator, slargjâsi, zirâ, passonâ
esemplis
"cuissà cemût là dentri, e coreve la vôs che i universitaris, chest colp, a vevin ducj di lâ soldâts"
gjavât fûr di "I universitaris" di Alan Brusini
"cun chês pocjis novitâts che a corevin, bastave un reful par dismovi i borcs"
gjavât fûr di "Il muc" di Roberto Ongaro
"se dut chel che al cor inte rêt comunicative globâl al è par inglês ce puest restial pal furlan?"
gjavât fûr di "Un Friûl difarent: i 90 mhz di Onde Furlane" di Max Mauro
cori v.intr.
(co-ri)
Scugnî lâ svelt a fâ i bisugns, soredut par dissentarie (eufem.)
esemplis
"al à mangjât robe lade di mâl e dopo al à ben vût di cori dute la gnot"
cori v.tr.
(co-ri)
Vê di frontâ une situazion malsigure
esemplis
"par sigurâ la femine che no cor nissun pericul, ni jê ni i fruts, i rispuindè cun vôs calme ma ferme "
gjavât fûr di "La cjase di Toni" di Tarcisio Venuti
detulis
"a fuarce di cori sù e jù, ancje la cuarde e fruie la piere dal poç"
"al à di cori il sanc pes sôs venis"
"altri al è cori, altri al è rivà"
"âstu presse? cor a messe"
"bisugne onzi il cjar par che al cori"
"cui che al cor al cor e cui che al scjampe al svole"
"di Fevrâr cor a masanâ se no la roie si impetrìs"
"Diu de int nol vûl jessi adorât corint"
"dulà che no son surîs nol cor il gjat"
"i bêçs a son fats taronts par che a corin"
"il cjar par che al cori bisugne onzilu"
"il Signôr al lasse cori ma no trascori"
"il timp che al cor a Sant Suan al cor dut l'an"
"l'orloi nol cor bessôl"
"la aghe no cor simpri par chel agâr"
"lasse che la aghe a cori pal so mulin"
"lasse cori la magne pe campagne"
"lis cuaiis no corin simpri par un agâr"
"no si à di cori cuintri vint ni cuintri aghe"
"no si po cori cuintri vint e cuintri aghe"
"no stâ corii daûr a cui che al scjampe"
"par che il cjar al cori, bisugne onzi lis ruedis"
"par chê strade che no si vûl lâ al tocje di cori"
"trê robis impussibilis: fâ stâ fers i fruts, fâ cori i viei, fâ tasê lis feminis"
"une volte al cor il cjan e une volte al cor il jeur"
torne sù

cognons

Corso
Come Corsi (viodi). Cognon pluitost difondût a Maran; al è ancje a Cjarlins, Udin, Lignan, Puart, San Zorç di Noiâr.
fonts
1532 Ser Batistin Corso a Udin (Corgnali); 1612, ai 2 di Mai Alvise Corso da Valagna di Corsica soldato in Udine – licenza di sposare Elisabetta Pilosa di Udine S. Nicolò (Extraordinariorum); 1664, ai 15 di Avrîl fra Agostino Corso da Pirano – predicatore in Sesto al Regh. – a lui £ 93 = (15 scudi) per le prediche (ACR 484); 1699 Gio. Antonio Corso cittad. e notaio di Udine (ASU); 1722 Mattio Corso commandador di Marano (AB); 1736, ai 22 di Avrîl Sig. Nicolò Corso q. Giacomo da Marano assume livello L. 300 da Vincenzo Filippo q. Zaccaria (ACR 269/6); 1817 Marco Antonio Stabile di Pietro nato nel 1790 in Marano, pescatore, sposa Maria Corso di Giuseppe da Marano, lavoratrice di Reti (A.P. Maran).
Dal Corso
Viodi Corsi. Cognon avonde difondût tes provinciis di Vignesie e Verone; presint a Udin.
torne sù