Tu âs cirût la peraule
bilengâl monolengâl
Tu âs cirût la peraule
curare
torne indaûr

bilengâl

curare v.tr.
  • 1

    v.tr. curâ, stâ daûr Copie

    [FO] (fâ lis curis a cdn. o a alc)
    curare il giardino = curâ il zardin

    v.tr. brincâ, vuardâ, curâ, tignî di voli Copie

    [CO] (stâ atent par viodi se cdn. al fale)
    l'hanno curato mentre rubava = lu àn brincât oppure tignût di voli oppure vuardât oppure curât intant che al robave

    v.tr. marcâ, curâ, tignî di voli, stâ intor, stâ atent Copie

    [TS] sport (stâ intor di cdn. cence dâi pussibilitât di scjampâ)
    lo ha curato tutta la partita = lu à tignût di voli dute la partide
  • 2a

    v.tr. curâ, stâ daûr Copie

    [FO] (organizâ par vie che si à competencis precisis in alc)
    ha curato personalmente la progettazione = i à stât daûr di persone al progjet
  • 2b

    v.tr. curâ Copie

    [TS] filol. (prontâ un test par publicâlu)
    curare l'edizione di un libro di storia = curâ la edizion di un libri di storie
  • 2c

    v.tr. curâ Copie

    [TS] fin. (fâ dut ce che al covente par incassâ il rindiment di un titul di credit)
    curare l'incasso dei Bot = curâ l'incàs dai Bot
  • 3

    v.tr. curâ, medeâ Copie

    [FO] (tratâ cun medisinis)
    lo hanno curato con nuove terapie = lu àn curât cun terapiis gnovis

    v.tr. curâ Copie

    (assisti cdn. intant che al è malât)
    deve stare a casa due giorni per curare la moglie che ha l'influenza = al à di stâ a cjase doi dîs par curâ la femine cu la influence
  • 4

    v.tr. abadâ, considerâ, lâ daûr Copie

    [CO] (tignî in considerazion)
    non curare quelle fesserie = no stâ a lâ daûr di chês fufignis

monolengâl

brincâ v.tr.
(brin-câ)
Cjapâ di buride o cunt ciert empit, o ancje cun violence
sinonims
becâ, brancâ, cjapâ, çafâ, dâ la gafe, gafâ, piâ
esemplis
"lui, brincade une pistole che e jere picjade sul mûr, si meteve a berlà"
gjavât fûr di "Come tai romançs" di Alan Brusini
"il cjan lôf i veve brincât il braç"
gjavât fûr di "Il muc" di Roberto Ongaro
"il fantat al butà vie la pale, cun chê di brincâ Eliseo pal cuel, ma devant che al rivàs adore, l'om lu veve biel butât a rodolâsi su la jerbe di un cjamp"
gjavât fûr di "Prime di sere" di Carlo Sgorlon
"al brincà un piron su la taule e mi vignì sù pe muse par forâmi i voi"
gjavât fûr di "Pre Pitin" di Antoni Beline
brincâ v.tr.
(brin-câ)
Cjatâ in fal, cjapâ cui che al à fate une violazion
sinonims
cjapâ, cjatâ a nolis, cjatâ in cove, cjatâ in pache, cucâ, çafâ, dâ la gafe, gafâ, gatamâ, piâ, scuaiâ
esemplis
"i proprietaris di cumò, se a brinchin cualchidun a taiâ une cime sul lôr, al è afâr che i çoncjin lis mans"
gjavât fûr di "Lis predicjis dal muini" di Josef Marchet
"sul moment al pensà che lu vevin brincât par vie che nol paiave la IVZ"
gjavât fûr di "L'om che al pierdeve pinsîrs pe strade" di Fabian Ros
brincâ v.tr.
(brin-câ)
Cjapâ cun fuarce, in mût di gjavâ la libertât
sinonims
brancâ, cjapâ, cjoli, curâ, çafâ, dâ la gafe, dâ la trate, gaspâ, imbraçâ, imbrancâ, imbrincâ, ingrampâ, lincinâ, petâ man, piâ
esemplis
"i grancj gangsters a son stâts brincâts e metûts in galere"
gjavât fûr di "Par paiâ al vûl mistîr" di Riedo Pup
"i Rus a rivin adore, savê cemût, a brincâ lis siet feminis, polachis e russis, miscliçadis tal grum, lis gafin e lis puartin vie cun lôr intune caserme"
gjavât fûr di "Storie di Vera" di Ivano Urli
brincâ v.tr.
(brin-câ)
Cjapâ, massime cul ingjan, cu la prepotence o in maniere disoneste (coloc.)
sinonims
camufâ, gaspâ, gasparâ, gatamâ, imbrancâ, inculâ, larâ, puartâ vie, raspâ, sgarfâ, smafarâ, robâ, freâ, foti
esemplis
"il lôr probleme al è chel di rivâ a spindi, a invistî, a riciclâ ducj i bêçs che a àn e che a brinchin"
gjavât fûr di "O Maradona o il caos" di Riedo Pup
brincâ v.tr.
(brin-câ)
Di sensazions fisichis, fâsi sintî a fuart, dominâ (fig.)
sinonims
becâ, cucâ, dominâ, grampâ, invistî, paronâ, tacâ, travanâ
esemplis
"la preiere i mûr sui lavris che za lu brinche la sium"
gjavât fûr di "Daringad" di Laurin Zuan Nardin
brincâ v.tr.
(brin-câ)
Rivâ a vê une percezion imburide o ancje clare e precise
sinonims
cucâ, lumâ, lampâ, cjapâ sù
esemplis
"la flame e veve tancj ponts di colôrs e lui scuasit al brincave cui voi ogni mudament"
gjavât fûr di "La tiere di Lansing" di Maria Forte
"cualchi volte, a stentavin a brincâ il significât precîs des proposizions teologjichis e a capî fin da pît lis diferencis sostanziâls des definizions"
gjavât fûr di "I furlans e la pinitince" di Riedo Pup
brincâ v.tr.
(brin-câ)
Cjatâ
sinonims
cjatâ fûr, sgarfâ, sgarfâ fûr, tirâ fûr
esemplis
"no soi stât bon di brincâ la strade juste"
gjavât fûr di "Viaç a Vignesie" di Arturo Feruglio
"no si sa ni cuant che il repert al sedi stât brincât, ni cui che lu ves olmât, ni indulà"
gjavât fûr di "Une lance langobarde cjatade a Baracêt" di Lucio Perès
torne sù
torne sù