Hai cercato la parola
bilingue monolingue
Hai cercato la parola
diavolo
Torna indietro

bilingue

diavolo
  • 1

    s.m. diaul Copia

    [FO] (intes religjons ebraiche e cristiane, spirt dal mâl aversari di Diu)
    non credere al diavolo = no crodi intal diaul

    s.m. diaul Copia

    (par dî di fats che a son lâts a finîle mâl)
    ci ha messo la coda il diavolo = il diaul i à metude la pecete
  • 2

    s.m. diaulin Copia

    [FO] (persone che no rive a stâ ferme)
    quel ragazzo è un diavolo = chel fantat al è un diaulin
  • 3

    s.m. diambar Copia

    [FO] (persone furbe e che e fâs maravee)
    diavolo di un ragazzino = diambar di un fantacin
  • 4

    s.m. diambar, po folc Copia

    [FO] (tant che inter. par pandi maravee o rabie)
    lasciami stare, diavolo = lassimi stâ, diambar
  • 5

    s.m. diaul, ostie, diambar Copia

    [FO] (dome sing., in frasis interogativis tant che pleonastic o infuarcitîf)
    chi diavolo ti credi? = cui dal diambar oppure dal ostie ti crodistu?

    s.m. diaul, diambar Copia

    (in loc.pragm.)
    e che diavolo = e ce diambar
  • 6

    s.m. diaul Copia

    [TS] (intai tarocs, un dai arcans maiôrs)

locuzioni

    a casa del diavolo
  • a cja dal diaul, a cja dal lôfCopia
    [CO] (intun puest une vore lontan)
    abita a casa del diavolo = al è a stâ a cja dal diaul
    • accendere una candela al diavolo ed una ai santi
  • impiâ une cjandele al diaul e une a Sant MicjêlCopia
    [CO], [TS] (stâ in ecuilibri tra parts in oposizion, daûr che al conven)
    • andare al diavolo
  • lâ al diaul, lâ a copâsi, lâ a cjadaldiaul, lâ a traiCopia
    [CO] (lâ mâl, ancje tant che espression di ofese)
    ma vai al diavolo! = ma va al diaul! oppure ma va a trai!
    • avere il diavolo addosso
    avere il diavolo in corpo
  • vê il diaul inte panze, vê la sgarzelane, vê lis taramassis, vê il diaul intor, vê lis tarmisCopia
    [CO] (jessi une vore smaniôs)
    non sta mai fermo, ha il diavolo in corpo = nol sta mai fer, al à lis tarmis oppure al à il motus perpetuus oppure al à la sgarzelane quel bambino ha il diavolo in corpo = chel frut al à il diaul inte panze oppure il diaul intor oppure lis taramassis
    • avere un diavolo per capello
  • vê un diaul par cjaveli, vê la anime ledrose, vê la anime nereCopia
    [CO] (jessi une vore gnervôs o iritât)
    • avvocato del diavolo
  • avocat dal diaulCopia
    [TS] (tai procès di canonizazion, autoritât eclesiastiche che e jeve sù dutis lis contestazions e obiezions pussibilis)
  • avocat dal diaulCopia
    [CO] (cui che si met di pueste cuintri di une idee o cuintri di une opinion)
    • buon diavolo
  • bon diaulCopia
    [CO] (persone cun tante pazience, di bon caratar)
    è proprio un buon diavolo = al è propit un bon diaul
    • dare l'anima al diavolo
  • dâ vie la anime, dâ la anime al diaul, vendisiCopia
    [CO] (condanâsi al Infier)
  • dâ la anime al diaul, fâ di dut, dâ la animeCopia
    [CO] (fâ cualsisei cjosse par vê chel che si vûl)
    darebbe l'anima al diavolo per passare l'esame = al darès la anime al diaul par passâ l'esam
    • fare il diavolo a quattro
  • fâ il fisc, fâ il montafin, fâ il cuarantevot, fâ il folc, fâ l'infier, fâ la malefinCopia
    (sfuarçâsi, dâi daûr une vore par otignî alc)
    fa il diavolo a quattro per quel posto di lavoro = al fâs il fisc par chel puest di vore
  • fâ il diaul e piês, fâ il diaul, fâ il diambarCopia
    [CO] (scalmanâsi, sfolmenâsi, inrabiâsi par alc)
    • farina del diavolo
  • farine dal diaulCopia
    [BU] (robe robade o cjolte in maniere ilecite)
    • il diavolo e l'acquasanta
  • cuars e crôs, cuars cuintri crôs, diaul e crôs, fûc e agheCopia
    [CO] (personis o robis che no van dacuardi)
    sono come il diavolo e l'acquasanta = a son cuars cuintri crôs oppure tant che il diaul e la crôs
    • mandare al diavolo
  • mandâ a passon, mandâ pai trois, mandâ a cjoli in cûl, mandâ a fâsi cjavâ, mandâ a cjadaldiaul, mandâ a fâsi benedî, mandâ a fâsi foti, mandâ a fâ foti, mandâ a fâ in cûl, mandâ in chel paîs, mandâ in cûl, mandâ a cjiâ, mandâ a cagâ, mandâ a moris, mandâ a trai, mandâ tal ort, mandâ in malore, mandâ in bordel, mandâ in casin, mandâ a putanis, mandâ a spîsCopia
    [CO] (mandâ vie cdn. cun contrarietât e refût, tratantlu mâl)
    la prossima volta lo mando al diavolo subito = une altre volte lu mandi a colp a cjadaldiaul
  • butâ a mont, butâ par aiar, mandâ a passon, mandâ a mont, mandâ a fâsi benedî, mandâ a fâsi foti, mandâ a fâ foti, mandâ a fâ in cûl, mandâ a fâsi gjavâ, mandâ in chel paîs, mandâ in cûl, mandâ a cjiâ, mandâ a cagâ, mandâ a moris, mandâ a trai, parâ a mont, mandâ sù pal stec, mandâ in strucje, mandâ in vacje, mandâ in sbrui, mandâ in broade, mandâ in malore, mandâ a tombolon, mandâ in bordel, mandâ in casin, mandâ in mierde, mandâ in buiace, mandâ a putanisCopia
    [CO] (molâ sù dut)
    ha mandato al diavolo la scuola e ha cominciato a lavorare = al à mandade in malore la scuele e al à tacât a lavorâ
  • butâ par aiar, mandâ a Patràs, mandâ in ruvine, mandâ in fas, mandâ sù pal stec, mandâ in strucje, mandâ in vacje, mandâ in sbrui, mandâ in broade, mandâ in malore, mandâ in ribalton, mandâ a tombolon, mandâ in bordel, mandâ cui pîts par aiar, mandâ a tombulis, butâ a Patràs, mandâ in casin, mandâ in mierde, mandâ in buiace, mandâ a putanisCopia
    [CO] (ruvinâ)
    per il vizio di bere ha mandato al diavolo la famiglia = cul vizi di bevi al à mandât in malore la famee
    • patto col diavolo
  • pat cul diaulCopia
    (riferît a une persone che e fâs cun facilitât cjossis dificilis)
  • pat cul diaulCopia
    [CO] (pat tra il diaul e une persone, che e piert la sô anime par vê podê, ricjece e v.i. in vite)
    nella letteratura ci sono molti esempi di patto col diavolo = inte leterature a son une vore i esemplis di pat cul diaul
    • porco diavolo
  • Jude boie, diambar, pofardieCopia
    [CO] (escl. di sustament, di rabie)
    • povero diavolo
  • bon diaul, puar Jop, puar diaul, puar scotât, oracul, biadaçCopia
    [CO] (cui che al è cence mieçs economics e ancje disfortunât)
    • sapere dove il diavolo tiene la coda
    saperne una più del diavolo
  • savê un pont plui dal diaulCopia
    [CO] (jessi un furbat)
    • tirare la coda al diavolo
  • tirâ la cengle, meti i dincj su la gratule, gloti a strent, mangjâle sutile, tirâ la coree, tirâleCopia
    [CO] (vivi di puar o in dificoltât)
    • vendere l'anima al diavolo
  • vendi la anime al diaulCopia
    [CO] (fâ cualsisei cjosse par rivâ a un fin)
    per avere quel posto ha venduto l'anima al diavolo = par vê chel puest al à vendût la anime al diaul
    • zampino del diavolo
  • code dal diaulCopia
    [CO] (fat negatîf no previodût)
    qui c'è lo zampino del diavolo = ca e je la code dal diaul

monolingue

diaul s.m.
(di-a-ul / diaul)
Intes religjons ebraiche e cristiane e te tradizion popolâr, spirt dal mâl aversari di Diu
sinonimi
cudicj, demoni, satane
esempi
"alore Jesù al fo menât dal Spirt intal desert par jessi tentât dal diaul"
da "Vanzeli di Mateu" di
"a disevin ben che al jere mago. [...] La int e diseve che al fevelave cul diaul"
da "Lis leiendis di Buie" di Pieri Menis
"il modonâr al è il piês mistîr; il diaul lu à fat trê dîs po al è scjampât"
da "La tiere di Lansing" di Maria Forte
"passâts altris vincjesiet agn, il Diaul in persone si presente al nestri om, e i dîs che al fasi il plasê di lâ cun lui"
da "Meni Fari" di Luigi Gortani
Vedi anche: gjaul, diau, gjau
diaul s.m., adi.
(di-a-ul / diaul)
In imprecazions o espressions enfatichis
sinonimi
diambar, folc, ostie, osti, usti, porco, cagn
esempi
"e che il diaul ti puarti vie"
da "La buteghe dal barbîr" di Pieri Somede dai Marcs
"uh diaul! cemût vûstu che o puedi vivi cence di te?"
da "Florean dal Palaç, I, 1" di Guido Antonioli
"ma diaule miserie! vuê no 'nd va drete une..."
"chest l'è un strieç! Cui diaul po vême fate?."
da "Il salam di siôr Tomâs" di Pieri Çorut
diaul s.m.
(di-a-ul / diaul)
Persone une vore triste
esempi
"vês el diau in cjase vô, sâr Zuan, la vuestre Rose ja di fâus vaî, viodarês!"
da "La furlane" di Dolfo Zorzut
"no stâ a fidâti di cui che al è sant in glesie e diaul in strade"
da "La foghere" di Luciano Rocco
"dopo che je jentrade Ursule, chê femine che je vignude a stâ tal cjasâl, al è jentrât il diaul e no àn plui ben"
da "Ursule" di Pieri Somede dai Marcs
diaul s.m.
(di-a-ul / diaul)
Persone, bestie, robe, situazion e v.i. che no si rive a controlâ
esempi
"al è dispeât il torel, al à ribaltât il podin dal lat, lis manzis a talpinin come matis, lis vacjis si scuarnin, al è il diaul te stale, no soi bon di domâlu"
da "Il prossim" di Pieri Somede dai Marcs
diaul s.m.
(di-a-ul / diaul)
Persone che cun jê no si rive a vêle vinte, par vie che e je inteligjente, svelte, ustinade, rigorose e v.i.
esempi
"ma cjalait ce diaul di femine…"
da "Al fresc" di Pieri Somede dai Marcs
"Sant Pieri sbarlufît [dopo di vê cjapât racladis] al saltà di strade fûr dal fen, e che al disès ce che al voleve il Signôr, al corè jù in curtîl a cjapâ il batali e a scomençâ la prime vie, plui lontan che al podeve di chel diaul di femenate"
da "Il prin sarasin" di Catarine Percude
"par cui diran cul timp ducj cuancj, o speri: / ce brâf strolic che l'è chel diaul di Pieri"
da "Pronostic del 1821" di Pieri Çorut
diaul s.m.
(di-a-ul / diaul)
Persone che in cualchi maniere e da fastidi
esempi
"nol jere mai stât un cjan a disturbâlu e usgnot a capitavin ducj i diaui"
da "Doi pizighets e un lari" di Pieri Menis
"inmò plui si stufarin cuant che chel diaul di vedran al scomençà a fâ domandis su ce che al bulive te cite, e a slungjà il cuel par viodi fin dongje ce che al jere tai plats"
da "I macarons" di Meni Ucel
diaul s.m.
(di-a-ul / diaul)
Massime tal diminutîf, persone vivarose, berechine, soredut fevelant di fruts
esempi
"mê mari e veve suspirât e cjalant de bande dai frutins, e veve dite: "I volarès jê a tignî aments chei doi diauluts…! No sai cemût che e faseve, ma voaltris, cun jê, si cuietavis.""
da "Trê feminis" di Gianni Gregoricchio
diaul s.m.
(di-a-ul / diaul)
Massime tal dispreseatîf, persone di compatî, pe situazion economiche, sociâl, pe salût e v.i.
sinonimi
puar diaul, cramar, disgraciât
esempi
"un stramp, un diaulat, un voie di fâ nie, che nol veve fat un colp se no ce che i pocave"
da "Par stradis lungjis" di Alan Brusini
diaul s.m.
(di-a-ul / diaul)
Massime tal maioratîf, persone grande
esempi
"l'è sul fuart de la etât, e par stature / al è un bocon di diaul che al fas paùre"
da "Ai furlans" di Pieri Çorut
diaul s.m.
(di-a-ul / diaul)
Robe sofisticade, complicade, che e fâs robis calcoladis fûr dal ordenari e che no si rive a capî ben cemût
sinonimi
striament, afâr, cjossul
esempi
"cuant che «le frecce tricolori» a van sù e jù a fâ fum tal cîl, no puedin fâ di mancul di cisicâsi: «Viôtstu, copari: cuntun diaul di chei li o cuntune fumade di chês là sù si podarès comprâ un centenâr di tratôrs [...] »"
da "I furlans e il disarmo" di Riedo Pup
diaul adi.
(di-a-ul / diaul)
Che al à alc di trist e tal stes timp al inmaghe
esempi
"al veve la malizie tal voli diaul"
da "La aghe da pît la cleve" di Dino Virgili
diaul adi.
(di-a-ul / diaul)
Massime di alc di negatîf, une vore grant
sinonimi
malandret, meledet, cagn, mostro, carogne
esempi
"o ai une fam diaule"
diaul adi.
(di-a-ul / diaul)
[BF] Par rimarcâ une negazion, ancje in loc.av.
sinonimi
maledet, stramaledet, porco
esempi
"Cjale Масôr ce biele usance, / che lis dumblis cumò рuartin sul cjâf: / no parie cu lis velis une nâf? / [...] / No 'nd è diaul Arbolat, ne Веnandant, / cu vebi ju argalifs, che al à chel cos"
da "I, 163" di Ermes di Colorêt
proverbi
"a volê fâ robe no bisugne vê pôre dal diaul"
"agnul in zoventût, diaul in veglece"
"al cjante il gjal vie pe zornade, al è il diaul che al è par strade"
"al devente ce che Diu al vûl e no ce che il diaul al pense"
"al è dibant segnâsi cuant che il diaul al è jentrât"
"barbe rosse pêl di diaul"
"cuant che a son maridâts, il diaul ju à mangjâts"
"cuant che a ven la burascje, il diaul al trabascje"
"cuant che al spice il cûl, al fâs marcjât il diaul"
"cuant che il diaul al devente vieli, al cjol sù la corone"
"cuant che lis feminis si picjin, il diaul si petene la code"
"cuant che ognidun al à il so, il diaul nol à nuie"
"cuant che si nomene il diaul, al capite"
"cui che al lavore in dì di fieste, il diaul al met la vieste"
"cui che no i crôt al Signôr i crôt al diaul"
"dije a la femine e lassii fâ al diaul"
"dispès il diaul al insegne a fâlis ma no a platâlis"
"Diu ju fâs po il diaul ju compagne"
"dulà che il diaul nol po rivâ al met la code"
"e vendeme la muart, al spiule il diaul daûr"
"i spaurôs a viodin il diaul plui neri di chel che al è"
"il clap al è fûr e il diaul al è daûr"
"il Concei di Trent al à leât il diaul cuntun cjaveli de madone"
"il diaul al caghe simpri tal grum grant"
"il diaul al cjie simpri sul grum plui grant"
"il diaul al insegne a fâ lis pignatis ma no i tapons"
"il diaul al jude i siei"
"il diaul al sa plui par vieri che no par diaul"
"il diaul al sta là che mancul si crôt"
"il diaul co al viôt la crôs al scjampe"
"il diaul cuant che al devente vieli si fâs eremite"
"il diaul là che nol met il cjâf al met la code, e cui che no lu cjace lu sacode"
"il diaul le sa lungje parcè che al è vieli"
"il diaul le sa tant lungje, par chel al è vieli"
"il diaul nol disfe crôs"
"il diaul nol è mai tant brut che lu fasin"
"il diaul nol è mai tant brut che lu piturin"
"il diaul nol è mai tant neri che lu fasin"
"il diaul nol è mai tant neri che lu piturin"
"il diaul nol mancje la stagjon"
"il diaul nol vûl sintî il qui habitat"
"il diaul une volte al puartave e cumò che al è vieli al strissine"
"il mês di brume ogni diaul si ingrume"
"il plet, il çuet e il vuarp a àn il diaul tal cuarp"
"il Signôr ju cree, il diaul ju incee"
"il Signôr ju fâs e il diaul ju compagne"
"intant al murirà il diaul cun dute sô mari"
"la bausie e je il lengaç dal diaul"
"la caritât ancje al diaul e je ben fate"
"la farine dal diaul a va dute in cinise"
"la farine dal diaul a va dute in semule"
"la femine cjitine il diaul le bêf par medisine"
"la veretât a sta ben ancje in cjase dal diaul"
"lis feminis ind san un pont plui dal diaul"
"no bisugne fâ il diaul plui neri di ce che al è"
"no stâ fidâti di cui che al è sant in glesie e diaul in cjase"
"nol è ce fidâsi di cui che al è sant in glesie e diaul in cjase"
"o ducj di diu o ducj dal diaul"
"ogni cjase al è il so diaul e tai convents a son siet diaui par cop"
"par fâ bêçs no bisugne vê pôre dal diaul"
"pêl ros, pêl dal diaul"
"pluitost che cu lis feminis al è miôr impaçâsi cul diaul"
"robe robade e je dal diaul"
"ros di mâl pêl cent diaui par cjavêl"
"sant in glesie, diaul in cjase"
"se il Signôr nol rimedie, il diaul al fâs comedie"
"trê feminis a puedin dâi un pont al diaul"
"trê robis in rie, il diaul al strie"
"un diaul al cjace chel altri"
"un diaul al pare fûr chel altri"
"un matrimoni fra doi zovins al è un matrimoni dal Signôr, un matrimoni fra doi viei al è un matrimoni di mierde, un matrimoni fra un zovin e un vieli al è un matrimoni dal diaul"
"une femine cjitine, il diaul le bêf par medisine"
"zunâ e altri ben no fâ, a cjase dal diaul no si lasse di lâ"
Torna in Cima
Torna in Cima