Tu âs cirût la peraule
bilengâl monolengâl
Tu âs cirût la peraule
diavolo
torne indaûr

bilengâl

diavolo s.m.
  • 1

    s.m. diaul Copie

    [FO] (intes religjons ebraiche e cristiane, spirt dal mâl aversari di Diu)
    non credere al diavolo = no crodi intal diaul

    s.m. diaul Copie

    (par dî di fats che a son lâts a finîle mâl)
    ci ha messo la coda il diavolo = il diaul i à metude la pecete
  • 2

    s.m. diaulin Copie

    [FO] (persone che no rive a stâ ferme)
    quel ragazzo è un diavolo = chel fantat al è un diaulin
  • 3

    s.m. diambar Copie

    [FO] (persone furbe e che e fâs maravee)
    diavolo di un ragazzino = diambar di un fantacin
  • 4

    s.m. diambar, po folc Copie

    [FO] (tant che inter. par pandi maravee o rabie)
    lasciami stare, diavolo = lassimi stâ, diambar
  • 5

    s.m. diaul, ostie, diambar Copie

    [FO] (dome sing., in frasis interogativis tant che pleonastic o infuarcitîf)
    chi diavolo ti credi? = cui dal diambar oppure dal ostie ti crodistu?

    s.m. diaul, diambar Copie

    (in loc.pragm.)
    e che diavolo = e ce diambar
  • 6

    s.m. diaul Copie

    [TS] zûcs (intai tarocs, un dai arcans maiôrs)

locuzions

    a casa del diavolo
  • a cja dal diaul, a cja dal lôfCopie
    [CO] (intun puest une vore lontan)
    abita a casa del diavolo = al è a stâ a cja dal diaul
    • accendere una candela al diavolo ed una ai santi
  • impiâ une cjandele al diaul e une a Sant MicjêlCopie
    [CO], [TS] (stâ in ecuilibri tra parts in oposizion, daûr che al conven)
    • andare al diavolo
  • lâ al diaul, lâ a copâsi, lâ a cjadaldiaul, lâ a traiCopie
    [CO] (lâ mâl, ancje tant che espression di ofese)
    ma vai al diavolo! = ma va al diaul! oppure ma va a trai!
    • avere il diavolo addosso
    avere il diavolo in corpo
  • vê il diaul inte panze, vê la sgarzelane, vê lis taramassis, vê il diaul intor, vê lis tarmisCopie
    [CO] (jessi une vore smaniôs)
    non sta mai fermo, ha il diavolo in corpo = nol sta mai fer, al à lis tarmis oppure al à il motus perpetuus oppure al à la sgarzelane quel bambino ha il diavolo in corpo = chel frut al à il diaul inte panze oppure il diaul intor oppure lis taramassis
    • avere un diavolo per capello
  • vê un diaul par cjaveli, vê la anime ledrose, vê la anime nereCopie
    [CO] (jessi une vore gnervôs o iritât)
    • avvocato del diavolo
  • avocat dal diaulCopie
    [TS] ecl. (tai procès di canonizazion, autoritât eclesiastiche che e jeve sù dutis lis contestazions e obiezions pussibilis)
  • avocat dal diaulCopie
    [CO] (cui che si met di pueste cuintri di une idee o cuintri di une opinion)
    • buon diavolo
  • bon diaulCopie
    [CO] (persone cun tante pazience, di bon caratar)
    è proprio un buon diavolo = al è propit un bon diaul
    • dare l'anima al diavolo
  • dâ vie la anime, dâ la anime al diaul, vendisiCopie
    [CO] (condanâsi al Infier)
  • dâ la anime al diaul, fâ di dut, dâ la animeCopie
    [CO] (fâ cualsisei cjosse par vê chel che si vûl)
    darebbe l'anima al diavolo per passare l'esame = al darès la anime al diaul par passâ l'esam
    • fare il diavolo a quattro
  • fâ il fisc, fâ il montafin, fâ il cuarantevot, fâ il folc, fâ l'infier, fâ la malefinCopie
    (sfuarçâsi, dâi daûr une vore par otignî alc)
    fa il diavolo a quattro per quel posto di lavoro = al fâs il fisc par chel puest di vore
  • fâ il diaul e piês, fâ il diaul, fâ il diambarCopie
    [CO] (scalmanâsi, sfolmenâsi, inrabiâsi par alc)
    • farina del diavolo
  • farine dal diaulCopie
    [BU] (robe robade o cjolte in maniere ilecite)
    • il diavolo e l'acquasanta
  • cuars e crôs, cuars cuintri crôs, diaul e crôs, fûc e agheCopie
    [CO] (personis o robis che no van dacuardi)
    sono come il diavolo e l'acquasanta = a son cuars cuintri crôs oppure tant che il diaul e la crôs
    • mandare al diavolo
  • mandâ a passon, mandâ pai trois, mandâ a cjoli in cûl, mandâ a fâsi cjavâ, mandâ a cjadaldiaul, mandâ a fâsi benedî, mandâ a fâsi foti, mandâ a fâ foti, mandâ a fâ in cûl, mandâ in chel paîs, mandâ in cûl, mandâ a cjiâ, mandâ a cagâ, mandâ a moris, mandâ a trai, mandâ tal ort, mandâ in malore, mandâ in bordel, mandâ in casin, mandâ a putanis, mandâ a spîsCopie
    [CO] (mandâ vie cdn. cun contrarietât e refût, tratantlu mâl)
    la prossima volta lo mando al diavolo subito = une altre volte lu mandi a colp a cjadaldiaul
  • butâ a mont, butâ par aiar, mandâ a passon, mandâ a mont, mandâ a fâsi benedî, mandâ a fâsi foti, mandâ a fâ foti, mandâ a fâ in cûl, mandâ a fâsi gjavâ, mandâ in chel paîs, mandâ in cûl, mandâ a cjiâ, mandâ a cagâ, mandâ a moris, mandâ a trai, parâ a mont, mandâ sù pal stec, mandâ in strucje, mandâ in vacje, mandâ in sbrui, mandâ in broade, mandâ in malore, mandâ a tombolon, mandâ in bordel, mandâ in casin, mandâ in mierde, mandâ in buiace, mandâ a putanisCopie
    [CO] (molâ sù dut)
    ha mandato al diavolo la scuola e ha cominciato a lavorare = al à mandade in malore la scuele e al à tacât a lavorâ
  • butâ par aiar, mandâ a Patràs, mandâ in ruvine, mandâ in fas, mandâ sù pal stec, mandâ in strucje, mandâ in vacje, mandâ in sbrui, mandâ in broade, mandâ in malore, mandâ in ribalton, mandâ a tombolon, mandâ in bordel, mandâ cui pîts par aiar, mandâ a tombulis, butâ a Patràs, mandâ in casin, mandâ in mierde, mandâ in buiace, mandâ a putanisCopie
    [CO] (ruvinâ)
    per il vizio di bere ha mandato al diavolo la famiglia = cul vizi di bevi al à mandât in malore la famee
    • patto col diavolo
  • pat cul diaulCopie
    (riferît a une persone che e fâs cun facilitât cjossis dificilis)
  • pat cul diaulCopie
    [CO] (pat tra il diaul e une persone, che e piert la sô anime par vê podê, ricjece e v.i. in vite)
    nella letteratura ci sono molti esempi di patto col diavolo = inte leterature a son une vore i esemplis di pat cul diaul
    • porco diavolo
  • Jude boie, diambar, pofardieCopie
    [CO] (escl. di sustament, di rabie)
    • povero diavolo
  • bon diaul, puar Jop, puar diaul, puar scotât, oracul, biadaçCopie
    [CO] (cui che al è cence mieçs economics e ancje disfortunât)
    • sapere dove il diavolo tiene la coda
    saperne una più del diavolo
  • savê un pont plui dal diaulCopie
    [CO] (jessi un furbat)
    • tirare la coda al diavolo
  • tirâ la cengle, meti i dincj su la gratule, gloti a strent, mangjâle sutile, tirâ la coree, tirâleCopie
    [CO] (vivi di puar o in dificoltât)
    • vendere l'anima al diavolo
  • vendi la anime al diaulCopie
    [CO] (fâ cualsisei cjosse par rivâ a un fin)
    per avere quel posto ha venduto l'anima al diavolo = par vê chel puest al à vendût la anime al diaul
    • zampino del diavolo
  • code dal diaulCopie
    [CO] (fat negatîf no previodût)
    qui c'è lo zampino del diavolo = ca e je la code dal diaul

monolengâl

diaul s.m.
(di-a-ul / diaul)
Intes religjons ebraiche e cristiane e te tradizion popolâr, spirt dal mâl aversari di Diu
sinonims
cudicj, demoni, satane
esemplis
"alore Jesù al fo menât dal Spirt intal desert par jessi tentât dal diaul"
gjavât fûr di "Vanzeli di Mateu" di
"a disevin ben che al jere mago. [...] La int e diseve che al fevelave cul diaul"
gjavât fûr di "Lis leiendis di Buie" di Pieri Menis
"il modonâr al è il piês mistîr; il diaul lu à fat trê dîs po al è scjampât"
gjavât fûr di "La tiere di Lansing" di Maria Forte
"passâts altris vincjesiet agn, il Diaul in persone si presente al nestri om, e i dîs che al fasi il plasê di lâ cun lui"
gjavât fûr di "Meni Fari" di Luigi Gortani
Viôt ancje: gjaul, diau, gjau
diaul s.m., adi.
(di-a-ul / diaul)
In imprecazions o espressions enfatichis
sinonims
diambar, folc, ostie, osti, usti, porco, cagn
esemplis
"e che il diaul ti puarti vie"
gjavât fûr di "La buteghe dal barbîr" di Pieri Somede dai Marcs
"uh diaul! cemût vûstu che o puedi vivi cence di te?"
gjavât fûr di "Florean dal Palaç, I, 1" di Guido Antonioli
"ma diaule miserie! vuê no 'nd va drete une..."
"chest l'è un strieç! Cui diaul po vême fate?."
gjavât fûr di "Il salam di siôr Tomâs" di Pieri Çorut
diaul s.m.
(di-a-ul / diaul)
Persone une vore triste
esemplis
"vês el diau in cjase vô, sâr Zuan, la vuestre Rose ja di fâus vaî, viodarês!"
gjavât fûr di "La furlane" di Dolfo Zorzut
"no stâ a fidâti di cui che al è sant in glesie e diaul in strade"
gjavât fûr di "La foghere" di Luciano Rocco
"dopo che je jentrade Ursule, chê femine che je vignude a stâ tal cjasâl, al è jentrât il diaul e no àn plui ben"
gjavât fûr di "Ursule" di Pieri Somede dai Marcs
diaul s.m.
(di-a-ul / diaul)
Persone, bestie, robe, situazion e v.i. che no si rive a controlâ
esemplis
"al è dispeât il torel, al à ribaltât il podin dal lat, lis manzis a talpinin come matis, lis vacjis si scuarnin, al è il diaul te stale, no soi bon di domâlu"
gjavât fûr di "Il prossim" di Pieri Somede dai Marcs
diaul s.m.
(di-a-ul / diaul)
Persone che cun jê no si rive a vêle vinte, par vie che e je inteligjente, svelte, ustinade, rigorose e v.i.
esemplis
"ma cjalait ce diaul di femine…"
gjavât fûr di "Al fresc" di Pieri Somede dai Marcs
"Sant Pieri sbarlufît [dopo di vê cjapât racladis] al saltà di strade fûr dal fen, e che al disès ce che al voleve il Signôr, al corè jù in curtîl a cjapâ il batali e a scomençâ la prime vie, plui lontan che al podeve di chel diaul di femenate"
gjavât fûr di "Il prin sarasin" di Catarine Percude
"par cui diran cul timp ducj cuancj, o speri: / ce brâf strolic che l'è chel diaul di Pieri"
gjavât fûr di "Pronostic del 1821" di Pieri Çorut
diaul s.m.
(di-a-ul / diaul)
Persone che in cualchi maniere e da fastidi
esemplis
"nol jere mai stât un cjan a disturbâlu e usgnot a capitavin ducj i diaui"
gjavât fûr di "Doi pizighets e un lari" di Pieri Menis
"inmò plui si stufarin cuant che chel diaul di vedran al scomençà a fâ domandis su ce che al bulive te cite, e a slungjà il cuel par viodi fin dongje ce che al jere tai plats"
gjavât fûr di "I macarons" di Meni Ucel
diaul s.m.
(di-a-ul / diaul)
Massime tal diminutîf, persone vivarose, berechine, soredut fevelant di fruts
esemplis
"mê mari e veve suspirât e cjalant de bande dai frutins, e veve dite: "I volarès jê a tignî aments chei doi diauluts…! No sai cemût che e faseve, ma voaltris, cun jê, si cuietavis.""
gjavât fûr di "Trê feminis" di Gianni Gregoricchio
diaul s.m.
(di-a-ul / diaul)
Massime tal dispreseatîf, persone di compatî, pe situazion economiche, sociâl, pe salût e v.i.
sinonims
puar diaul, cramar, disgraciât
esemplis
"un stramp, un diaulat, un voie di fâ nie, che nol veve fat un colp se no ce che i pocave"
gjavât fûr di "Par stradis lungjis" di Alan Brusini
diaul s.m.
(di-a-ul / diaul)
Massime tal maioratîf, persone grande
esemplis
"l'è sul fuart de la etât, e par stature / al è un bocon di diaul che al fas paùre"
gjavât fûr di "Ai furlans" di Pieri Çorut
diaul s.m.
(di-a-ul / diaul)
Robe sofisticade, complicade, che e fâs robis calcoladis fûr dal ordenari e che no si rive a capî ben cemût
sinonims
striament, afâr, cjossul
esemplis
"cuant che «le frecce tricolori» a van sù e jù a fâ fum tal cîl, no puedin fâ di mancul di cisicâsi: «Viôtstu, copari: cuntun diaul di chei li o cuntune fumade di chês là sù si podarès comprâ un centenâr di tratôrs [...] »"
gjavât fûr di "I furlans e il disarmo" di Riedo Pup
diaul adi.
(di-a-ul / diaul)
Che al à alc di trist e tal stes timp al inmaghe
esemplis
"al veve la malizie tal voli diaul"
gjavât fûr di "La aghe da pît la cleve" di Dino Virgili
diaul adi.
(di-a-ul / diaul)
Massime di alc di negatîf, une vore grant
sinonims
malandret, meledet, cagn, mostro, carogne
esemplis
"o ai une fam diaule"
diaul adi.
(di-a-ul / diaul)
[BF] Par rimarcâ une negazion, ancje in loc.av.
sinonims
maledet, stramaledet, porco
esemplis
"Cjale Масôr ce biele usance, / che lis dumblis cumò рuartin sul cjâf: / no parie cu lis velis une nâf? / [...] / No 'nd è diaul Arbolat, ne Веnandant, / cu vebi ju argalifs, che al à chel cos"
gjavât fûr di "I, 163" di Ermes di Colorêt
detulis
"a volê fâ robe no bisugne vê pôre dal diaul"
"agnul in zoventût, diaul in veglece"
"al cjante il gjal vie pe zornade, al è il diaul che al è par strade"
"al devente ce che Diu al vûl e no ce che il diaul al pense"
"al è dibant segnâsi cuant che il diaul al è jentrât"
"barbe rosse pêl di diaul"
"cuant che a son maridâts, il diaul ju à mangjâts"
"cuant che a ven la burascje, il diaul al trabascje"
"cuant che al spice il cûl, al fâs marcjât il diaul"
"cuant che il diaul al devente vieli, al cjol sù la corone"
"cuant che lis feminis si picjin, il diaul si petene la code"
"cuant che ognidun al à il so, il diaul nol à nuie"
"cuant che si nomene il diaul, al capite"
"cui che al lavore in dì di fieste, il diaul al met la vieste"
"cui che no i crôt al Signôr i crôt al diaul"
"dije a la femine e lassii fâ al diaul"
"dispès il diaul al insegne a fâlis ma no a platâlis"
"Diu ju fâs po il diaul ju compagne"
"dulà che il diaul nol po rivâ al met la code"
"e vendeme la muart, al spiule il diaul daûr"
"i spaurôs a viodin il diaul plui neri di chel che al è"
"il clap al è fûr e il diaul al è daûr"
"il Concei di Trent al à leât il diaul cuntun cjaveli de madone"
"il diaul al caghe simpri tal grum grant"
"il diaul al cjie simpri sul grum plui grant"
"il diaul al insegne a fâ lis pignatis ma no i tapons"
"il diaul al jude i siei"
"il diaul al sa plui par vieri che no par diaul"
"il diaul al sta là che mancul si crôt"
"il diaul co al viôt la crôs al scjampe"
"il diaul cuant che al devente vieli si fâs eremite"
"il diaul là che nol met il cjâf al met la code, e cui che no lu cjace lu sacode"
"il diaul le sa lungje parcè che al è vieli"
"il diaul le sa tant lungje, par chel al è vieli"
"il diaul nol disfe crôs"
"il diaul nol è mai tant brut che lu fasin"
"il diaul nol è mai tant brut che lu piturin"
"il diaul nol è mai tant neri che lu fasin"
"il diaul nol è mai tant neri che lu piturin"
"il diaul nol mancje la stagjon"
"il diaul nol vûl sintî il qui habitat"
"il diaul une volte al puartave e cumò che al è vieli al strissine"
"il mês di brume ogni diaul si ingrume"
"il plet, il çuet e il vuarp a àn il diaul tal cuarp"
"il Signôr ju cree, il diaul ju incee"
"il Signôr ju fâs e il diaul ju compagne"
"intant al murirà il diaul cun dute sô mari"
"la bausie e je il lengaç dal diaul"
"la caritât ancje al diaul e je ben fate"
"la farine dal diaul a va dute in cinise"
"la farine dal diaul a va dute in semule"
"la femine cjitine il diaul le bêf par medisine"
"la veretât a sta ben ancje in cjase dal diaul"
"lis feminis ind san un pont plui dal diaul"
"no bisugne fâ il diaul plui neri di ce che al è"
"no stâ fidâti di cui che al è sant in glesie e diaul in cjase"
"nol è ce fidâsi di cui che al è sant in glesie e diaul in cjase"
"o ducj di diu o ducj dal diaul"
"ogni cjase al è il so diaul e tai convents a son siet diaui par cop"
"par fâ bêçs no bisugne vê pôre dal diaul"
"pêl ros, pêl dal diaul"
"pluitost che cu lis feminis al è miôr impaçâsi cul diaul"
"robe robade e je dal diaul"
"ros di mâl pêl cent diaui par cjavêl"
"sant in glesie, diaul in cjase"
"se il Signôr nol rimedie, il diaul al fâs comedie"
"trê feminis a puedin dâi un pont al diaul"
"trê robis in rie, il diaul al strie"
"un diaul al cjace chel altri"
"un diaul al pare fûr chel altri"
"un matrimoni fra doi zovins al è un matrimoni dal Signôr, un matrimoni fra doi viei al è un matrimoni di mierde, un matrimoni fra un zovin e un vieli al è un matrimoni dal diaul"
"une femine cjitine, il diaul le bêf par medisine"
"zunâ e altri ben no fâ, a cjase dal diaul no si lasse di lâ"
torne sù
torne sù