Tu âs cirût la peraule
bilengâl monolengâl
Tu âs cirût la peraule
diritto
torne indaûr

bilengâl

diritto adi., av., s.m.
  • 1a

    adi. dret Copie

    [FO] (che al va dilunc te stesse direzion)
    una fila diritta = une file drete
    una strada diritta = une strade drete
  • 1b

    adi. dret Copie

    [FO] (che al à di as une linie rete)
    una colonna diritta = une colone drete
    una parete diritta = une parêt drete
  • 1c

    adi. dret Copie

    [FO] (metût dret rispiet a un pont di riferiment)
    la quercia secolare era là, diritta davanti a noi = il rôl secolâr al jere là, dret denant di nô
  • 1d

    adi. dret, avuâl Copie

    [FO] (che al seguìs une ande regolâr)
    l'orlo della tenda è diritto = l'ôr de tende al è dret
  • 2

    adi. dret Copie

    (metût de bande juste o de bande normâl)

    adi. just, dret Copie

    (in reson)
    sono nel diritto = o soi tal just

    adi. dret Copie

    (dite di une persone scaltre, furbe)
    è un diritto = al è un dret

    adi. dret Copie

    (in sens morâl, dite di cdn. onest, just)
    gente diritta = int drete
    una persona diritta = une persone drete

    adi.

    (in pîts)
    anche se è ubriaco riesce a tenersi diritto = ancje se al è cjoc al rive istès a stâ sù

    adi. dret Copie

    (di cdn., che al à une ande drete, sticade)
    camminava diritto come un palo = al cjaminave dret come un pâl

    adi. dret Copie

    (sù cul bust o cun dute la persone)
    stai diritto con la schiena! = sù cu la schene!

    adi. dret Copie

    [FO] (che al va sù verticâl)
    il tronco si ergeva alto e diritto = il tronc al leve sù alt e dret
  • 3

    adi. dret Copie

    [FO] (che al rispuint aes pretesis, aes necessitâts di cdn.)
    e anche oggi mi è andata diritta = e ancje vuê mi è lade drete
  • 4

    av. dret Copie

    [CO] (a dret)
    continui diritto e troverà la piazza = che al ledi simpri dret e al cjatarà la place

    av. dret Copie

    (cuintri, di face)
    è proprio là, diritto davanti a te = al è propite là, dret denant di te
  • 5

    av. dret Copie

    [CO] (daurman)
    vai diritto a fare i compiti = va dret a fâ i compits

    av. biel dret Copie

    (iterât)
    il mattone gli è scivolato diritto diritto sul piede = il modon i è sbrissât biel dret sul pît
  • 6a

    s.m. dret Copie

    [CO] (intun ogjet cun dôs musis, chê che e à di jessi metude viers l'esterni par jessi mostrade)
    il diritto della gonna = il dret de cotule
    il diritto della medaglia = il dret de medaie
  • 6b

    s.m. dret Copie

    [TS] numism. (il dret di une monede)
  • 7a

    s.m. dret Copie

    [CO] (un dai ponts fondamentâi de gucje)
    imparare il diritto e il rovescio = imparâ il dret e il ledrôs
  • 7b

    adi. dret Copie

    [CO] (che al è stât lavorât cul pont dret)
    una maglia diritta = une maie drete
  • 8

    s.m. dret Copie

    [TS] tess. (la part di une tiessidure che e restarà in viste tai vistîts cusîts cun chê stofe)
  • 9

    s.m. dret Copie

    [TS] sport (tal zûc dal tenis, un dai colps fondamentâi, cuant che la bale si le bat cul dentri de rachete e il braç tindût)
    quel tennista ha un diritto debole = chel tenist al à un dret debil

locuzions

    a buon diritto
  • a reson, a bon dirit, a buine resonCopie
    [CO], [TS] (cun reson)
    ha protestato a buon diritto = al à protestât a bon dirit oppure a reson
    • a diritto
  • a diritCopie
    [CO] (justementri)
    ha vinto a diritto = al à vint a dirit
    • affievolimento del diritto
  • indebiliment dal diritCopie
    [TS] dir. (limitazion dal dirit che si à cuant che i interès personâi a son in contrast cul interès public)
    • andare diritto
  • tirâ dilunc, lâ dretCopie
    [CO] (procedi sigûr viers un fin)
    va diritto per la propria strada = al va dret pe sô strade
    • camminare diritto
  • [CO] (cjale filare diritto)
    • di diritto
  • di diritCopie
    [CO] (par dirit, vuardiât de leç)
    l'eredità spetta di diritto ai figli = la ereditât ur tocje di dirit ai fîs
  • di diritCopie
    [CO] (par costum, come consecuence di une cundizion e sim.)
    di diritto, questo è di tuo fratello = di dirit, chest al è di to fradi
    • diritto canonico
  • dirit canonicCopie
    [CO], [TS] dir. (complès di normis che a regolin i rapuarts massime tra i predis e la istituzion dentri de Glesie)
    • diritto di presentazione
  • dirit di presentazionCopie
    [TS] dir.can. (dirit di sielzi la persone che si vûl par un ufici eclesiastic e di proponile ae autoritât eclesiastiche competente che e à di acetâ la presentazion se la persone presentade e à lis carateristichis necessariis)
    • diritto penale
  • dirit penâl, dirit penâl sostantîf, penâlCopie
    [CO], [TS] dir. (il complès de legjislazion e dai ats di legjislazion che se no si osservin si paie une pene o si va sot di une misure di sigurece)
    • diritto privato
  • dirit privât, privâtCopie
    [TS] dir. (il complès des leçs e dai ats di leç che a regolin i rapuarts tra citadins e istituzions privadis)
    • diritto pubblico
  • dirit publicCopie
    [CO] (il complès de legjislazion e dai ats di legjislazion dal stât e dai ents inferiôrs tal lôr rapuart e tal rapuart cui citadins)
    • filare diritto
  • stâ in stangje, lâ par un fîl, filâ pal dret, cjaminâ pal dret, marcjâ par un fîl, filâCopie
    [CO] (cjaminâ pal so dret)
    a scuola deve filare dritto = a scuele al à di lâ par un fîl
    • in linea di diritto
  • daûr dirit, secont diritCopie
    [CO] (fevelant in tiermins di dirit)
    • per diritto
  • come cu va, pulîtCopie
    [CO] (in maniere oportune)
    • rigare diritto
  • [CO] (cjale filare diritto)
    • tagliare diritto
  • [CO] (cjale tagliare dritto)
    • tirare diritto
  • [CO] (cjale tirare dritto)
    • universalità di diritto
  • universalitât di diritCopie
    [TS] dir. (complès di ogjets che ancje se a son dividûts di un pont di viste fisic a son di un sôl sogjet e a àn une destinazion unitarie daûr de leç)

monolengâl

dret adi.
Che nol à volts, cjantons, mudaments di forme o di direzion
esemplis
"un cjariesâr cul tronc taront e dret come une colone"
gjavât fûr di "Prime di sere" di Carlo Sgorlon
"la Tresemane, simpri drete, vualive, fûr di Cjavrîs a Tresesin, jenfri di dôs moraradis, cence paîs di mieç"
gjavât fûr di "La aghe da pît la cleve" di Dino Virgili
"alt e ben tressât, bocje sutile, nâs dret e doi voi colôr di une lame di curtìs"
gjavât fûr di "Il muc" di Roberto Ongaro
dret adi.
Di vistiari, che al à un tai cuntune forme lineâr, che no si slargje e no si siere
esemplis
"un pâr di bregons drets"
dret adi.
Che al è intune posizion precise, che e podarès jessi segnade di une linie ideâl
esemplis
"Tresesin al è dret a Nord di Udin"
"di gnot, doi voi ros discocolâts a fissavin drets devant tal scûr e la lôr viste e butave lontan: lis sinis, i fii dal telegraf, i pâi, i lens a vevin sgrisui luncs di lûs"
gjavât fûr di "La aghe da pît la cleve" di Dino Virgili
dret adi.
Cun valôr di av., cence polsis, deviazions o cence fâ altris robis dilunc vie
sinonims
diret
esemplis
"deis mil cjavai e sincsent a pie che a vegnin drets sul nustri paîs. A no si scjampa; e a no è pi nuia da fâ"
gjavât fûr di "I Turcs tal Friûl" di Pier Paolo Pasolini
"al jere scûr cuant che e cjapà il troi che al menave dret te cjase di Nardon"
gjavât fûr di "Nardon e Vigjute di Nani" di Pieri Somede dai Marcs
dret adi.
Che al à une relazion di parintât strente
esemplis
"o jerin dome jo e Oglala, mio cusin dret"
gjavât fûr di "Sense" di Checo Tam
"tal indoman jê e mande a passon sô fie drete [dopo che la dì prime e jere stade la fiastre] e i da tante cjanaipe di filâ"
gjavât fûr di "La fie e la fiastre" di Andreina Nicoloso Ciceri
"siôr Svualdin, nevôt dret dal cont, fi di un so fradi che al jere a Udin "
gjavât fûr di "La aghe da pît la cleve" di Dino Virgili
dret adi.
Che al sta sù impins, che al à une posizion o un moviment verticâl
sinonims
impins, sù
esemplis
"alt, dret come un pichet, sec incandît al puartave i bregons luncs e la velade curte e nol saltave mai fûr di cjase cence la cane"
gjavât fûr di "Pre Josef" di Pieri Somede dai Marcs
"e cjaminave drete nancje che e ves il fîl de schene tignût a plomp di une stangje di fier"
gjavât fûr di "Trê feminis" di Gianni Gregoricchio
"la siore e cjalave il fum des napis che al jesseve dret tal cîl"
gjavât fûr di "Par stradis lungjis" di Alan Brusini
"mi jeri inviât dentri pal bosc, in chê frescure che e nulive di pês, tra chei lens alts e drets che si ingredeavin cui ramaçs là sù"
gjavât fûr di "La scuele dai fornasîrs" di Pieri Menis
dret adi.
Dal cjâf e sim., tignût sù, ancje in segn di fuarce morâl,ardiment e v.i.
sinonims
jevât, alt
esemplis
"al veve ancjemò un aspiet dignitôs. Al tignive il cjâf dret e a voltis al zirave il cuel, a planc, cui voi fis"
gjavât fûr di "Il dolfin" di Carlo Sgorlon
dret adi.
Di pêi o cjavei, che al sta perpendicolâr rispiet ae piel, soredut per une reazion istintive di pôre
sinonims
dreçât
esemplis
"nissun di chescj al à mai vût il coragjo di lâ a viodi ce che al è. La maiôr part a scjampavin cui cjavei drets"
gjavât fûr di "Lis leiendis di Buie" di Pieri Menis
"veju… i “dark”! A rivin a piçui trops o di bessôi cui cjavei drets, cotonâts"
gjavât fûr di "Cocteau Twins su Netun (ma no il planet)" di Checo Tam
dret adi.
Dai cjavei, che no son ni a ondis ni riçots
sinonims
slis
dret s.m.
In alc che al à dôs bandis, la bande principâl, chê che si dopre di plui o che si viôt di plui
sinonims
denant, fûr
esemplis
"fotocopiâ il dret de pagjine"
"cjalâ il dret e il ledrôs di un ricam"
dret s.m.
[TS] (numism.) Bande principâl di une monede, cu la figure che e je simbul de autoritât che e à mandât fûr la monede
esemplis
"lis monedis celtichis cjatadis in Friûl a àn pal solit un cjâf di Apol tal dret e un cavalîr tal ledrôs"
dret s.m., adi.
[TS] (artes.) Pont fondamentâl de gucje, che passant la maie di un fier a chel altri al forme un anel plan verticâl
esemplis
"imparâ il pont dret e il pont ledrôs"
"une maie a cuestis fate alternant doi drets e doi ledrôs"
dret s.m.
[TS] (tess.) Bande di une tiessidure che e restarà in viste tai vistîts cusîts cun chê stofe
dret s.m.
[TS] (sport) Tal tenis, colp dât cuntun moviment dal braç che al va a sierâsi devant dal zuiadôr
dret s.m.
[TS] (sport) Te boxe, colp dât cu la man plui fuarte e cuntun moviment frontâl
sinonims
diret
dret adi.
De bande diestre dal cuarp
sinonims
diestri
esemplis
"al veve il braç dret fassât strent fin sul comedon"
gjavât fûr di "Tal ospedâl" di Amedeo Giacomini
"o cirivin di socâ un pessut di chê bande de aghe basse, cuant che o sintii come une sgrifade te gjambe drete"
gjavât fûr di "Tal Cuar" di Lucio Perès
dret adi.
Che si dopre cu la man diestre o che al funzione tal viers calcolât normâl
esemplis
"cetancj struments: ghitaras dretas e çampas, un mandulin e un bouzouki e un violin e un liron"
gjavât fûr di "In forma di peraulas..." di Giorgio Ferigo
dret adi., s.m.
Che, cui che al dopre la man diestre in prevalence rispiet ae man çampe
esemplis
"i drets e i çampins"
dret adi.
Che al è de bande de man che pe plui part de int e à plui fuarce e precision
esemplis
"e je une azion dai francês su la fasse drete, une azion che e somee pluitost complicade, ancje intorteade, ce vitis par puartâ un om dongje de puarte taliane e metilu in cundizion di bati in gol"
gjavât fûr di "Vincjedoi" di Laurin Zuan Nardin
dret adi.
Che al à buinis cualitâts inteletivis, morâls, buinis capacitâts
sinonims
just
esemplis
"siôr Dalban nol puartave dongje [bêçs], e une femine, par tant drete che e sei, no pues fâ miracui"
gjavât fûr di "Cjase di Dalban" di Maria Forte
"je ore che ognidun fasi ce che al crôt sô dovê cuntune cussience plui drete e positive e no par efiet di bufulis propagandistichis"
gjavât fûr di "Cuintristorie dal Friûl fin sot la Italie" di Josef Marchet
dret adi., s.m.
Che, cui che al à avonde inteligjence di no fâsi imbroiâ, e che al pues doprâle par imbroiâ chei altris o par vê un pro
sinonims
acuart, bolpin, diestri, furp, gjeniâl, inzegnôs, sutîl, svelt, tamesât, babio, bulo, dreton, furbat, garlat, industriât, gjat, moscardin, sveât, sbîr, cjai, dreçagne
esemplis
"chei che a son drets a profitin di ce che i mats a stracin"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
dret adi.
Che al pant la veretât cun sigurece
sinonims
just, sigûr, ciert
esemplis
"e po no si rigjavà cjaveç ancje se dut al fo tentât par savê alc di dret"
gjavât fûr di "Sul cjar di Pauli Gurin" di Maria Forte
dret s.m.
Informazion, insegnament, deduzion che a àn logjiche e che a puedin tornâ cont
esemplis
"o jeri tant strac che no rivavi a meti in rie pinsîrs par rigjavânt un dret"
gjavât fûr di "I forescj" di Alan Brusini, Gian Paolo Linda
"il vot di Setembar lu cjatà là jù a scoltâ ordins come zigos pierdûts. Nissun dret, nissune vôs sigure"
gjavât fûr di "Cjase di Dalban" di Maria Forte
"dal 1967 il mês di Novembar, e saltà fûr une «Mozion dai predis» cun 529 firmis che e diseve il so dret a la politiche: su la universitât furlane, lis servitûts militârs, la migrazion, i puescj di lavôr, i contadins, la lenghe e la culture furlane"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
dret s.m.
Capacitât, ocasion di fâ alc
sinonims
capacitât, câs, facoltât, mût, ocasion, oportunitât, podê
esemplis
"Sgorlon lu veve scrit par talian par fâur lei ai talians alc sul Friûl, ma cussì i furlans a pierdevin il dret di podê lei alc di bon te lôr lenghe"
gjavât fûr di "In viaç di domenie" di Agnul di Spere
"[la espansion di Vignesie] e començà cu lis tieris plui dongje, spietant cun pazience che i vignìs il dret di rivâ plui incà"
gjavât fûr di "Cuintristorie dal Friûl fin sot la Italie" di Josef Marchet
dret adi.
Teignût ben, in ordin, in buinis cundizions, ancje in sens morâl
sinonims
just, ordenât, regolât
esemplis
"done Menie Durie e jere stade une femine di coragjo che dopo vê salvade la cjase di so pari, e à tignût drete chê dal marît e implantadis cuatri fameis cu la sô gjernazie"
gjavât fûr di "La mulinarie" di Catarine Percude
dret adi.
Fat ben, cun bon risultât
sinonims
just, bon
esemplis
"[Raimont de Tor] come vescul no 'ndi cumbinà une di drete, e come princip al imbastì une falope parsore la altre"
gjavât fûr di "Cuintristorie dal Friûl fin sot la Italie" di Josef Marchet
dret s.m.
Robe fate ben, cun costrut
esemplis
"jo invezit no rivi a cumbinâ un dret se no mi gjolt un pâr di cjicaris di cafè"
gjavât fûr di "I forescj" di Alan Brusini, Gian Paolo Linda
"[la espansion di Vignesie] e començà cu lis tieris plui dongje, spietant cun pazience che i vignìs il dret di rivâ plui incà"
gjavât fûr di "Cuintristorie dal Friûl fin sot la Italie" di Josef Marchet
detulis
"cuant che no ti impuarte no stâ cjalâ se e va drete o stuarte"
"cui che al va dret nol fale la strade"
"cui che al vûl jessi masse dret nol è maladet"
"cui che al vûl jessi masse maladet nol va dret"
"cuntune redine si va drets, cun tantis si va tal fossâl"
"dret o stuart un om al è simpri om"
"il prometi al è dret, il mantignî al è çuet"
"la strade drete e je la plui curte"
"ogni dret il so ruviers"
torne sù
torne sù