SuperDizionari

sutîl adi.
(su-tîl)

Pôc grues

sinonims

fin

esemplis

"une fetute sutile di pan blanc"

gjavât fûr di "Storie di Min" di Ivano Urli

"e coventave la cjane gargane! Chê e jere lungje, sutile e lizere"

gjavât fûr di "A pescje tal suei" di Lucio Perès

"i fîi lizêrs e sutîi de la jarba dei prâts"

gjavât fûr di "Il me paîs" di Federigo Comelli

"piel sutile come la sede"

gjavât fûr di "Come tai romançs" di Alan Brusini

Viôt ancje: sotîl

sutîl adi.
(su-tîl)

Di cdn. o di part dal cuarp, magre

sinonims

fusât, magri, scarmulin, scjarnît, sec, sut, zentîl, fin

esemplis

"la maestre Teresine, une signorine alte e sutile, delicade, che di Istât e vignive a scuele cul ombrenin par parâsi dal soreli"

gjavât fûr di "A scuele" di Pieri Menis

"la agna, a jodala, duta sutila, vistida simpri di lana grisa, a podeva parê di latisin e invessit a era di rovri"

gjavât fûr di "La agna Mariana" di Novella Cantarutti

sutîl adi.
(su-tîl)

Di sun, no tant fuart e cuntune tonalitât alte (fig.)

sinonims

fin

esemplis

"l'ucielut le compagnave cul so strît sutîl"

gjavât fûr di "Come tai romançs" di Alan Brusini

"Tonine de More cu la vôs sutile e tacà une cjante"

gjavât fûr di "Sul cjar di Pauli Gurin" di Maria Forte

sutîl adi.
(su-tîl)

Di odôr, no tant penç ma penetrant (fig.)

esemplis

"un profum sutîl di tabac si spandeve par dute la cjase e al jessive parfin tal curtîl"

gjavât fûr di "La gjate" di Pieri Menis

sutîl adi.
(su-tîl)

Dal aiar, che al da sensazion di lizêr tal respirâlu, che al è fresc, sut e net, o ancje srarît de altitudin (fig.)

sinonims

fin

esemplis

"sedi stade la aghe, sedi la ploie o l'aiar plui sutîl o ce saio jo, no si inmalial lui e di bot i pete sù une fierice che dut lu consume"

gjavât fûr di "La liende di Dimponç" di Josef Cjargnel

sutîl adi.
(su-tîl)

Di sensazion fisiche o psicologjiche, che e rive fin indentri, ancje se in mût no scjassôs (fig.)

sinonims

sordin

esemplis

"al jere un frêt sutîl in chel dì di Nadâl"

gjavât fûr di "Il «pigjama»" di Pieri Menis

"un malstâ sutîl i vignive sù dal fonts, indulà che alc al jere stât sierât"

gjavât fûr di "La tiere di Lansing" di Maria Forte

"e jere rivade a insedâ ancje dentri di me la incuietudin e la pôre sutile pai mil pericui dal mont"

gjavât fûr di "Il dolfin" di Carlo Sgorlon

sutîl adi.
(su-tîl)

Inteligjent, inzegnôs e prudent, che al rive ai siei fins cence imparêsi masse (fig.)

sinonims

fin

esemplis

"furducjâ sot vie, cuntune politiche paziente e sutile"

gjavât fûr di "Cuintristorie dal Friûl fin sot la Italie" di Josef Marchet

"un sant om, pre Nocent, ma furnît di une diplomazie des plui sutilis"

gjavât fûr di "Viaç a Vignesie" di Arturo Feruglio

"un om tant discret e sutîl di inzen che mi palesave dut ce che al saveve cence dîmal a vôs"

gjavât fûr di "I forescj" di Alan Brusini, Gian Paolo Linda

sutîl adi.
(su-tîl)

Che al va une vore insot intai detais plui specifics, fasint distinzions ancje dificilis (fig.)

sinonims

fin

esemplis

"a diserin alc di une vore sutîl, vadì masse, e no rivai a capî dut a fat nuie"

gjavât fûr di "Un de maiorance" di Agnul di Spere

sutîl adi.
(su-tîl)

Dificil di contentâ (fig.)

sinonims

dificil, incontentabil, sofistic

monolengâl