Tu âs cirût la peraule
bilengâl monolengâl
Tu âs cirût la peraule
disintegrare
torne indaûr

bilengâl

disintegrare v.tr.
  • 1

    v.tr. disintegrâ Copie

    [CO] (distruzi sfruçonant sù dut)
    l'esplosione ha disintegrato la strada = la esplosion e à disintegrât la strade

    v.tr. disfâ, disgregâ, disintegrâ Copie

    (gjavâi a di un grup la pâs e l'acuardi)
    il consumismo disintegra le strutture sociali = il consumisim al disfe lis struturis sociâls
  • 2

    v.tr. disintegrâ Copie

    [TS] nucl. (provocâ la disintegrazion di un nucli)

monolengâl

disfâ v.tr.
(dis-fâ)
Fâ che ce che al è stât fat al torni cemût che al jere prime di fâlu
sinonims
dâ jù, fâ jù
esemplis
"une cusidure i vignì stuarte, e cussì e scugnì disfâle e tornâle a fâ, mâl ancje cheste volte"
gjavât fûr di "Prime di sere" di Carlo Sgorlon
"o fâs fadie a contâ i ponts epûr mi pâr di no vê sbaliât, no volarès che mi tocjàs disfâ dut un zîr di fiers"
gjavât fûr di "Il prossim" di Pieri Somede dai Marcs
"in chest mont dut al è fature: fâ e disfâ, comprâ e vendi, vivi e murî"
gjavât fûr di "La tiere di Lansing" di Maria Forte
disfâ v.tr.
(dis-fâ)
Fâ che alc nol vedi plui efiet, nol vali plui (fig.)
sinonims
anulâ
esemplis
"a vevin disfat il so matrimoni par vizi di origjin"
gjavât fûr di "Il dolfin" di Carlo Sgorlon
disfâ v.tr.
(dis-fâ)
Fâ passâ une sostance dal stât solit a chel licuit
sinonims
dismolâ, scuaiâ, sfantâ, smolâ, siolzi, dislidi, fondi
esemplis
"nêf a Zenâr e Fevrâr, cussì penze che nancje Sant Josef nol rivà a disfâle dute"
gjavât fûr di "La tiere di Lansing" di Maria Forte
"metêt a disfâ la cjocolate a tocuts cu la spongje"
gjavât fûr di "Lis rosis dal desert" di Daria Miani
disfâ v.tr.
(dis-fâ)
Fâ jentrâ in soluzion
sinonims
dissiolzi, siolzi
esemplis
"metêt sul fûc un cit cui 500 ml di aghe e il zucar: fasêtlu disfâ in mût che al vignedi fûr un sirop"
gjavât fûr di "Scussis di naranç candidis " di Chiara Spizzo
"bibitis forestis che ti disfin ancje clauts e ti fasin digjerî ancje scaiis di modon"
gjavât fûr di "I furlans e la television" di Riedo Pup
disfâ v.tr.
(dis-fâ)
Dividi alc intes parts che lu componin
sinonims
disarticolâ, disbletâ, discometi, discomponi, vierzi, fâ jù
esemplis
"e je in cjamare che e disfe un vistît par cumbinâsi une cotule"
gjavât fûr di "Un pugn di moscjis" di Pieri Somede dai Marcs
disfâ v.tr.
(dis-fâ)
Fâ che un grup, un orghin colegjâl, une comunitât, une istituzion e v.i. no vedin plui union, no vedin plui ativitât, no esistin plui
sinonims
siolzi, dissiolzi
esemplis
"il patriarcjât di Aquilee al è stât disfat il 6 di Lui dal 1751"
gjavât fûr di "L'ultin patriarcje: Denêl Dolfin" di Francesc Placerean
"in Comun al pâr che a vein disfate la comission"
gjavât fûr di "Pantianis di cjase e gjats di fûr vie" di Riedo Pup
"se plui di un milion di furlans stranfâts pal mont tal ultin secul no àn disfat il popul furlan, al è di jessi sigûrs che i plans dai urbaniscj e lis buzaris de politiche cui rudinaçs dal taramot no sepuliran il Friûl"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
disfâ v.tr.
(dis-fâ)
Ruvinâ, spec. fasint a tocs
sinonims
butâ a cuarts, consumâ, devastâ, disdrumâ, disgubulâ, dissipâ, disterminâ, distirpâ, disvinidrî, parâ a bocons, parâ a fruçons, parâ a tocs, parâ jù, sassinâ, sbridinâ, scrofâ, sdramassâ, sfantâ, sfulminâ, strucjâ, sdrumâ, distruzi
esemplis
"il nestri mont nol varà vite lungje. I oms a fasin di dut par disfâlu"
gjavât fûr di "Ombris tal infinît" di Carlo Sgorlon
"al è miei, sì, che a vedin disvidrignît il bosc, disfat il puint, splanât e ramondât il salt"
gjavât fûr di "Come tornâ fruts" di Dino Virgili
"puar Tite, bessôl, al à fat, siei fîs in cuatri a disfin!"
gjavât fûr di "La division" di Dino Virgili
disfâ v.tr.
(dis-fâ)
Bati dal dut intun conflit, intun confront, intune competizion e v.i. (fig.)
sinonims
bati, çoncjâ, disbletâ, domâ, folpeâ, fracaiâ, fulminâ, sbaraiâ, sbridinâ, sconfizi, sdramassâ, seâ, sfulminâ, somerzi, stramontâ, strapassâ, strucâ, talpassâ, vinci, sdrumâ, distruzi
esemplis
"i Francs a son vignûts ca dal 774 e a àn disfat il ream dai Langobarts"
gjavât fûr di "La nestre storie" di Francesc Placerean
disfâ v.tr.
(dis-fâ)
Fâ patî, dâ une vore soference, fâ un dam fisic o psicologjic, ancje fin a copâ (fig.)
sinonims
butâ jù, scunî
esemplis
"il mâl al cjapave pît, par tancj miedis che a vessin clamât, e lu disfave a tossudis"
gjavât fûr di "Cjase di Dalban" di Maria Forte
detulis
"ce che al è scrit in cîl, nissun no lu disfe in tiere"
"cui le fâs, cui le cjate fate e cui le disfe"
"fâ e disfâ al è dut un lavorâ"
"fâ e disfâ e je dute vore"
"fâ e disfâ, si impare a lavorâ"
"il diaul nol disfe crôs"
"il fûc al disfe la glace"
"la buine femine a fâs la cjase, la triste le disfâs"
"la femine daben e fâs la cjase, la femine mate le disfe"
"la femine e fâs l'om o pûr lu disfâs"
"la robe si fâs lavorant e si disfe zirandolant"
"la umiditât e disfe la glace"
"Sant Blâs se al cjate glace le disfâs, se no 'nt cjate ind fâs"
torne sù
torne sù