Tu âs cirût la peraule
bilengâl monolengâl
Tu âs cirût la peraule
disordine
torne indaûr

bilengâl

disordine s.m.
  • 1

    s.m. disordin Copie

    [FO] (mancjance di ordin)
    c'è troppo disordine qui dentro = al è masse disordin oppure sdavassum chi dentri
    ma guarda che disordine! = ma cjale chi ce disordin!

    s.m. disordin Copie

    (dite dai pinsîrs, des peraulis e v.i.)
    disordine di pensieri e parole = disordin di pinsîrs e peraulis
  • 2

    s.m. disordin Copie

    [FO] (mancjance di dissipline)
    disordine nel mangiare = disordin intal mangjâ
  • 3

    s.m. disordin Copie

    [FO] (brute aministrazion, funzionament cence regule e ineficient)
    il disordine dei mezzi di trasporto = il disordin dai mieçs di traspuart
    il disordine della sanità = il disordin de sanitât
  • 4

    s.m. disordin Copie

    [FO] (spec. tal pl., fat che al va cuintri dal ordin public)
    arrivati i manifestanti, sono scoppiati i disordini = rivâts i manifestants a son scomençâts i disordins

locuzions

    in disordine
  • a sdavàs, in disordin, par aiar, a slas, malinsestât, mâl rangjât, sdavassât, malinsest, sotsoreCopie
    [CO] (cence ordin)
    i fogli sono in disordine = i sfueis a son a sdavàs una casa in disordine = une cjase in disordin oppure sotsore oppure malinsestade
  • in disordin, par aiar, sbarlufîtCopie
    [CO] (maldiret, sbarlufît)
    aveva tutti i capelli in disordine = al veve ducj i cjavei in disordin
  • in disordin, in ribalton, in discuinç, malinsestCopie
    [CO] (di orghin che nol fâs la sô funzion)
    ha lo stomaco in disordine = al à il stomi in ribalton

monolengâl

disordin s.m.
(dis-or-din)
Mancjance di ordin, di criteri, di disposizion logjiche, sedi di elements materiâi che imateriâi
sinonims
babilonie, caos, confusie, confusion, messedot, mismàs, sdavàs, sdavassum, sgjarnum
esemplis
"cuadris di ogni misure di sants e madonis che a fodravin in disordin lis parêts"
gjavât fûr di "Pre Josef" di Pieri Somede dai Marcs
"al è un disordin concetuâl che al ten dongje gjornaliscj e parlamentârs"
gjavât fûr di "Furlan in Rai. L’ordin dal dì e il disordin di ducj i dîs" di Marc Stolf
"il cjastiel di Pramper bandonât dai siei parons, al ere pluitost dirocât, cui mûrs, il cuviert, i paviments, dut in disordin"
gjavât fûr di "La teme - Une gnot intun cjastiel" di Giovanni Gortani
disordin s.m.
(dis-or-din)
Spec. tal pl., avigniment che al savolte la situazion normâl o la situazion che e je, soredut fasint dams
esemplis
"se alore il Taiament no si sglonfà e nol fasè disordins par chês campagnis, a si po zurâ che al fo propri un vêr miracul di Diu"
gjavât fûr di "La ospitalitât" di Luigi Gortani
disordin s.m.
(dis-or-din)
Funzionament iregolâr di alc, in particolâr di un orghin
esemplis
"un miedi i veve dit che al podeve sei, ancje, un disordin di gnerfs"
gjavât fûr di "La tiere di Lansing" di Maria Forte
disordin s.m.
(dis-or-din)
Spec. tal pl., fat che al va cuintri dal ordin public o cuintri des autoritâts
sinonims
riviel, rivolte
esemplis
"ti incolpi di jessi responsabil dai disordins dal tredis di Mai che a compuartarin il delit di somosse"
gjavât fûr di "Int di masnade" di Alviero Negro
"al prin di Mai dal 1867 e sucêt une gruesse insubordenazion di bande di dusinte contadins armâts cun bastons, falçs e imprescj dai cjamps. A capitin disordins devant dal Municipi"
gjavât fûr di "Il Risorziment a Martignà" di Elio Varutti
disordin s.m.
(dis-or-din)
Ancje tal pl., mancjance di moderazion tal vivi
sinonims
intemperance, matetât, matade, strambade, ecès
esemplis
"no stoi a bati sul fat che la confusion, il strapaç, la sregulatece, l'esagjerazion, il disordin a son la piês forme di vivi il timp de polse"
gjavât fûr di "Un timp par ricreâsi" di Antoni Beline
"al è un ciart messedum / che al intache la borse e la salût, / ne al fâs ben a nissun. / Disordins tel mangjâ / disordins tel durmî"
gjavât fûr di "Il Strolic mezan pronostic par l'an 1856" di Pieri Çorut
disordin s.m.
(dis-or-din)
Tal sing., cun art.indef., cuantitât une vore grande
sinonims
davio, disio, sdrum, sdrume
esemplis
"al manda a passi, di Istât, un disordin di vacji"
gjavât fûr di "Li streci rossi" di Novella Cantarutti
"a jerin cines che a costavin un disordin"
gjavât fûr di "Pre Pitin" di Antoni Beline
detulis
"di un disordin cualchi volte al nas un ordin"
"disordin in zoventût, stentâ in veglece"
"dulà che nol è ordin al è disordin"
"l'ordin al è pan, il disordin al è fam"
"un disordin al fâs un ordin"
"un disordin al mene un ordin"
torne sù
torne sù