Tu âs cirût la peraule
bilengâl monolengâl
Tu âs cirût la peraule
dissolvere
torne indaûr

bilengâl

dissolvere v.tr.
  • 1a

    v.tr. disfâ, dissolvi Copie

    [BU] (fa jentrâ in soluzion)
    dissolvere lo zucchero nell'acqua = disfâ il zucar te aghe

    v.tr. distruzi, sfantâ, disfantâ Copie

    [LE] (mandâ in disfasiment)
  • 1b

    v.tr. disfâ, rompi, separâ Copie

    [CO] (procurâ une division)
    dissolvere un legame d'amicizia = rompi un leam di amicizie
  • 2

    v.tr. disfâ, risolvi, dissipâ, disfantâ Copie

    [CO] (fâ sparî, ancje fig.)
    bisogna dissolvere l'equivoco = bisugne risolvi il stracapiment
    il sole ha dissolto la neve = il soreli al à disfate la nêf

monolengâl

rompi v.tr.
(rom-pi)
Fâ che alc al pierdi la sô integritât o si dividi in plui tocs cu la fuarce, cuntun colp, colant e v.i.
sinonims
crevâ, çoncjâ, disjustâ, dissipâ, disvuessâ, fracassâ, fruçâ, scjavaçâ, scuancassâ, sfonderâ, sglovâ, spacâ, stornâ, svegrâ
esemplis
"cjoli fûr de cassele dai lens chei doi stecs che a coventin [par fâ fûc]; e rompiju"
gjavât fûr di "La Gjis" di Meni Ucel
"fantats cjocs e drogâts [...] a tiravin claps in puartis e vetrinis rompint dutis lis lastris"
gjavât fûr di "Par stradis lungjis" di Alan Brusini
rompi v.tr.
(rom-pi)
Causâ o patî une frature
sinonims
crevâ
esemplis
"cul colâ malamentri e veve rote une gjambe"
gjavât fûr di "Il testament" di Pieri Menis
rompi v.tr.
(rom-pi)
Fâ in mût che alc si sbusi, si sbreghi, e v.i.
sinonims
crevâ, slambrâ, sbregâ
esemplis
"il so cjan al ven regolarmentri a spergotâ pissin sui zeis. Vuê, mi à ancje rot i bregons e muardude la polpete"
gjavât fûr di "I dincj" di Angelo Covazzi
rompi v.tr.
(rom-pi)
Fâ in mût che alc nol funzioni plui
sinonims
disjustâ, vuastâ
esemplis
"a lu rompês savêso [il gramofon]; lassaitlu stâ, nol è nestri"
gjavât fûr di "Co l'amôr al cimie" di Costantino Smaniotto
rompi v.tr.
(rom-pi)
Fâ che alc al pierdi continuitât, che nol sucedi plui (ancje fig.)
sinonims
fermâ, interompi, crevâ
esemplis
"i imperadôrs a protestarin e si sfuarçarin di rompi cheste cjadene vergognose di usurpazions fatis tal interès de republiche e in barbe aes leçs dal Concili"
gjavât fûr di "Cuintristorie dal Friûl fin sot la Italie" di Josef Marchet
rompi v.tr., v.intr.
(rom-pi)
Lâ cuintri di alc, no rispietâlu
esemplis
"a son rivâts adore di strissinâ il plevan a rompi la regule e vignî a sposâju intune filiâl"
gjavât fûr di "Lis predicjis dal muini" di Josef Marchet
"no tu varessis vût il cûr di rompi cu lis tradizions"
gjavât fûr di "Ricuarts e inlusions" di Enrico Martina
"dispreseâ, tradî, rompi i leams cul popul e cu la tiere al è condanâsi a une muart culturâl e spirituâl sigure"
gjavât fûr di "La eterne lote dai furlans" di Antoni Beline
rompi v.tr., v.intr.
(rom-pi)
No mantignî plui un leam, une relazion, un impegn (fig.)
esemplis
"o vin cjatât un altri talian che ancje lui, come nô, al veve decidût di rompi il contrat che o vevin fat cul guvier [canadês] e al jere lât a cjatâsi un lavôr di bessôl"
gjavât fûr di "Une storie corint" di Igino Macasso
"rompi cu la morose"
rompi v.tr.
(rom-pi)
Dâ fastidi (ass.)
esemplis
""tai stalons di Padue" lui nol voleve plui tornâ, che no jerin, chei, timps di straçâ sui libris e siore Rose, sô mari, lu capive e no i rompeve sore"
gjavât fûr di "Cjase di Dalban" di Maria Forte
rompi v.tr.
(rom-pi)
Mudâ une situazion in mût di fâ sparî une cierte cundizion (fig.)
sinonims
crevâ, çoncjâ
esemplis
"la gnot si cjamave di armis che a rompevin la pâs des culinis"
gjavât fûr di "Cjase di Dalban" di Maria Forte
"juste la aghe che si disgotave dai cops te cunete e rompeve chel zito, e la buere, a bugadis"
gjavât fûr di "La ombrene" di Meni Ucel
"dome cualchi lusorut di barcon a rompi il scûr"
gjavât fûr di "La tiere di Lansing" di Maria Forte
rompi v.tr.
(rom-pi)
Paiâ cuntune monede o cjarte monede di valôr plui alt dal presit, in mût di vê di rest monedis o cjartis di tai plui piçul
sinonims
disniçâ
esemplis
"si vise che al è cence tabac. Al cîr se al à di minûts te sachete, e no 'nt cjate [...] Alore al dîs: «O romp cheste», gjavant di un tacuin [...] une cjarte di «chês»"
gjavât fûr di "La vacje" di Meni Ucel
rompi v.tr.
(rom-pi)
[TS] (agr.) Arâ insot la tiere (ancje ass.)
sinonims
svegrâ
esemplis
"Zuan si jevâ di buine uce e al invidà la Ulive a fâ un zîr te lôr campagne. A rivarin fin là sù dai Falons che a jerin daûr a rompi un toc di prât"
gjavât fûr di "La tiere di Lansing" di Maria Forte
"la sô int e jere tornade di vore: chei oms, di rompi tal Pradat; chês frutatis, di fâ fassuts te Cudite"
gjavât fûr di "Agne Ursule" di Pieri Menis
rompi v.intr.
(rom-pi)
Di precipitazion atmosferiche, tacâ a vignî jù, spec. in maniere imburide e violente
esemplis
"il sun distant e distirât di cualchi cjampana che al preiava la grazia di Dio framieç al temporâl che infuriava. Scomençà a rompi la ploia: un diluvi"
gjavât fûr di "Il me paîs" di Federigo Comelli
rompi v.intr.
(rom-pi)
Cressi une vore svelt, a la improvise
sinonims
fâ une rote
esemplis
"«Ce aial di vê mo, chel frut… nome piel e vues che nol met dongje nuie?» Sui siet agns finalmentri chel biadin al à rot, al scomençà a cjapâ fuarce, po a colorîsi, a slungjâsi come un pivot"
gjavât fûr di "Une cotule pal dì de sagre" di Pieri Menis
detulis
"a cui che al file ben, rompii lis gjambis; a cui che al file mâl, rompii i braçs"
"a fâ il pas plui lunc de gjambe, si romp il cavalot"
"a stâ dibant no si romp i vues"
"bisugne pleâ la bachete, l'arbul si romp"
"bisugne rompi i ûfs se si vûl fâ la fertaie"
"cu la umiltât si romp la glace"
"cui che al romp che al pai"
"cui che al romp di vieri al paie di gnûf"
"cui che le à rote prin che al pai il cjalçumit"
"cul cerçâ no si romp il dizun"
"il pan di servî al à siet crostis e bisugne rompi i dincj par mangjâlu"
"il pericul al romp il fier"
"il timp e la muart a rompin i dissens"
"la lenghe no à vues ma ju fâs rompi"
"la necessitât e romp il fier"
"necessitât romp leç"
"no stâ lassâti rompi lis coculis sul cjâf"
"o lâ o rompi"
"ogni trop al romp il grop"
"pat romp leç"
torne sù
torne sù