Tu âs cirût la peraule
bilengâl monolengâl
Tu âs cirût la peraule
elaboratezza
torne indaûr

bilengâl

elaboratezza s.f.
  • 1

    s.f. cure, curie Copie

    [CO] (il sei elaborât, curât)
    l'elaboratezza del componimento appare da ogni riga = la curie dal componiment e aparìs di ogni rie

    s.f. ricercjatece, rafinatece Copie

    (il sei ricercjât, rafinât)
    l'elaboratezza dello stile è eccessiva = la rafinatece dal stîl e je ecessive
  • 2

    s.f. dificoltât Copie

    [CO] (il sei complicât, dificil di fâ)
    l'elaboratezza di preparazione del piatto richiede molto lavoro = la dificoltât di preparazion de pitance e domande tante fature

monolengâl

cure s.f.
(cu-re)
Tratament che si fâs a un malât par che al vuarissi o cuintri di une malatie par che e passi
sinonims
medecule, medisine, terapie, tratament
esemplis
"ce che al covente pe cure dal diabete a son la educazion terapeutiche, la diete, la ativitât fisiche e lis medisinis"
gjavât fûr di "Curâ il diabete" di Guglielmo Pitzalis
"une vore di studis sperimentâi a àn mostrât la utilitât di cheste tecniche inte cure des malatiis gravis e soredut par frontâ il malstâ e il dolôr sei fisic sei psicologjic"
gjavât fûr di "Neurosiencis de meditazion" di Franc Fari
cure s.f.
(cu-re)
Medisine che si à di cjapâ par vie retâl
sinonims
suposte
esemplis
"meti une cure di glicerine al frut"
cure s.f.
(cu-re)
Robe che e à la forme e la dimension che si somee cun chê medisine (fig.)
esemplis
"Ane e spietave che lis feminis a lassassin i lavadôrs par cori jù a lavâ doprant dutis lis curis di savon cjatadis ca e là"
gjavât fûr di "La aghe dal Ariul" di Maria Forte
cure s.f.
(cu-re)
Robe che e fâs ben, azion a pro di alc o di cdn. o cuintri di alc di negatîf (fig.)
sinonims
difese, medisine, rimiedi
esemplis
"i siôrs a passavin zornadis di paradîs tai lôr zardins plens di rosis frescjis e di pomis sauridis. E in pocjis setemanis di chê cure li a tornavin gnûfs tal cuarp e ta la anime"
gjavât fûr di "I furlans e lis feriis" di Riedo Pup
"cuintri il mâl dal nazionalisim e de presunzion de raze nol esist ni vacine ni cure"
gjavât fûr di "Cuintristorie dal Nûfcent 1930-1940" di Angelo Floramo
cure s.f.
(cu-re)
Preparazion di robe di mangjâ o di prodots li che si gjave il scart
cure s.f.
(cu-re)
Precision, finece tal fâ alc
sinonims
detai, diligjence, impegn, precision, scrupul, curie
esemplis
"nissun nol à studiât il manuscrit daspò di Böhmer (che nancje lui no lu veve scrutinât cun cure, parcè che lu date al secul XIX cence meti l'an [...])"
gjavât fûr di "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin
"no podei sul moment fâ une ricercje e o pensai par intant di custodî il materiâl cun cure"
gjavât fûr di "Une lance langobarde cjatade a Baracêt" di Lucio Perès
cure s.f.
(cu-re)
Interessament particolâr
sinonims
considerazion, curie, interessament, premure
esemplis
"nancje Rosute cun dute la sô gracie, la sô cure, il so afiet no rivave adore di capî a colp chês robis"
gjavât fûr di "La aghe da pît la cleve" di Dino Virgili
"l'episodi di Jone che al polse al riclame la cure e la misericordie di Diu par chei di Ninive"
gjavât fûr di "I mosaics de basiliche di Aquilee" di Giovanni Battauz, Flavio Cossar, Renato Iacumin
cure s.f.
(cu-re)
Ancje pl., ativitât di controlâ la condote di une o plui personis, par che no fasin nuie di mâl par se stes e par chei altris e par che a stedin ben o a cressin ben
sinonims
control, responsabilitât, vuardie
esemplis
"o scomençai a sintî par Jole une tenarece pietose, e a pensâ che aromai tra di nô lis parts si jerin ribaltadis. No jere jê che e veve di viodi di me, o jeri jo, pluitost, che o scugnivi vê cure di jê"
gjavât fûr di "Il dolfin" di Carlo Sgorlon
cure s.f.
(cu-re)
Ativitât di viodi e di stâ atents di alc e di fâ ce che al covente par che al vegni ben
esemplis
"a forin ancje i agns che si tacarin a implantâ morârs pal arlevament dai cavalîrs inte fasse pedemontane, che e domandave la vore massime di feminis e fruts pe lôr cure"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
cure s.f.
(cu-re)
(ecl.) Comunitât di fedêi che e je afidade a un predi
sinonims
cure di animis
detulis
"tu fâs ce che tu puedis e lassii a Diu cure dal rest"
torne sù
torne sù