Tu âs cirût la peraule
bilengâl monolengâl
Tu âs cirût la peraule
energia
torne indaûr

bilengâl

energia s.f.
  • 1a

    s.f. fuarce, energjie, vigôr Copie

    [FO] (fuarce fisiche)
    lavorare con energia = lavorâ cun energjie

    s.f. fuarce, energjie Copie

    (spec. tal pl.)
    avere tante energie = vê tantis energjiis
    non avere più energie = no vê plui fuarcis

    s.f. vite, vivôr, morbin, energjie Copie

    (il jessi vivarôs)
    essere pieno di energia = jessi plen di morbin oppure di vivôr
  • 1b

    s.f. energjie, vigôr, gnerf Copie

    [FO] (decision, fermece di caratar)
    difendere un'idea con energia = difindi une idee cun energjie

    s.f. determinazion, mani, gnerf Copie

    (di alc, capacitât di imponisi)
    una tattica priva di energia = une tatiche cence mani
  • 1c

    s.f. fuarce, energjie, gnerf Copie

    [FO] (di un stîl leterari o artistic che al cjape, che al à tant efiet)
    uno stile che ha energia = un stîl che al à energjie oppure gnerf
  • 2

    s.f. vivôr, energjie Copie

    [CO] (tal pl., grup di personis consideradis pe lôr produtivitât e influence)
    contare sulle energie promettenti = contâ su lis energjiis di miôr vignude
  • 3

    s.f. energjie Copie

    [TS] filos. (te filos. aristoteliche, il principi de forme, dal at, in oposizion ae potence, ae materie)

    s.f. energjie Copie

    (tal pinsîr li Leibniz, la fuarce interne ae monade)
  • 4

    s.f. energjie Copie

    [TS] fis. (grandece fisiche che e misure il lavôr che un sisteme al pues davuelzi e che e à la dimension dal prodot de fuarce pe lungjece)
  • 5

    s.f. energjie Copie

    [TS] chim. (te sience de alimentazion, la cuantitât potenziâl di energjie termiche contignude intun aliment)

locuzions

    dissipazione di energia
  • dissipazion di energjieCopie
    [TS] tecn. (trasformazion di une forme di energjie intune altre che no si pues tornâ a utilizâ)
    • energia animale
  • energjie animâlCopie
    [CO] (produsude di bestiis di tîr o di lavôr)
    il mulino funzionava con energia animale = il mulin al leve cun energjie animâl
    • energia dolce
  • energjie dolceCopie
    [TS] tecn. (energjie che si oten cun tecnologjiis di cost bas e che no sporcjin)
    • energia dura
  • energjie dureCopie
    [TS] tecn. (energjie che si oten cun tecnologjiis tradizionâls, che e coste, e sporcje, e e ven di jaciments che si esaurissin cul timp)
    • energia elettrica
  • energjie eletriche, eletricitâtCopie
    [TS] tecn. (energjie di une corint eletriche)
  • energjie eletriche, eletricitâtCopie
    [TS] tecn. (sfrutament produtîf di chê energjie)
    • energia eolica
  • energjie eolicaCopie
    [TS] tecn. (energjie che si gjave dal moviment dal aiar)
    • energia geotermica
  • energjie gjeotermicheCopie
    [LE], [TS] tecn. (energjie che si gjave di resultivis di calôr gjeologjichis)
    • energia idraulica
  • energjie idriche, energjie idraulicheCopie
    [TS] tecn. (energjie che si gjave de colade o dal moviment di une masse di aghe suntune turbine)
  • energjie idraulicheCopie
    [TS] tecn. (sfrutament di chê energjie par fins di produzion)
    • energia idroelettrica
  • energjie idroeletricheCopie
    [TS] tecn. (energjie che si gjave di un alternadôr che al cor par vie de energjie cinetiche di massis di aghe che si movin)
    • energia nucleare
  • [LE], [TS] fis. (cjale energia atomica)
  • energjie nucleârCopie
    [TS] tecn. (sfrutament di chê energjie par fins produtîfs)
    • energia soffice
  • [TS] fis. (cjale energia dolce)
    • energia termica
  • energjie caloriche, energjie termicheCopie
    [TS] fis. (energjie che e ven dai moviments gjiroscopics de agjitazion termiche des moleculis di une sostance)
  • energjie termicheCopie
    [CO], [TS] fis. (sfrutament di chê energjie par fins di produzion)

monolengâl

fuarce s.f.
(fuar-ce)
Energjie fisiche, robustece, vivôr dal cuarp
sinonims
energjie, gaiardece, gnerf, potence, robustece, virtût, vite, vivôr, snait, empit
esemplis
"[Nardon] al pareve un zigant, al veve une fuarçate che di bessôl al cjapave sù un cuintâl di forment, sal butave su lis spalis e lu puartave sul solâr cence scomponisi"
gjavât fûr di "Nardon e Vigjute di Nani" di Pieri Somede dai Marcs
"denant dal spolert in bore, une viele grasse cui braçs taronts e messedave cun fuarce une biele polente zale"
gjavât fûr di "Grivôr" di Franca Mainardis
fuarce s.f.
(fuar-ce)
Capacitât di resistence morâl, energjie spirituâl, spirt
sinonims
decision, determinazion, gnerf, indurance, robustece, saldece, sgrimie, snait, spirt, tignince, ustinazion
esemplis
"un colp di fede al è come une scoreade che e fâs tornâ a movi fuarcis incjantonadis ta la anime e il mâl al à cûr di sfantâsi"
gjavât fûr di "Il Bide di Miot" di Maria Forte
"la sô peraule e rivave simpri a tornâ spirt e fuarce a ducj, ancje tal piês cruziâsi"
gjavât fûr di "Cjase di Dalban" di Maria Forte
"bisugne vê la fuarce di cjalâ dut cence parevoi e di pesâ dut cence baronade"
gjavât fûr di "Lis predicjis dal muini" di Josef Marchet
fuarce s.f.
(fuar-ce)
Convinzion, decision
sinonims
snait, empit, viamence
esemplis
"- Jo no soi in dovê di nuie! - al disè cun fuarce. - E mancul che mancul viers di te!"
gjavât fûr di "Trê feminis" di Gianni Gregoricchio
fuarce s.f.
(fuar-ce)
Ben, cualitât, disposizion e v.i. che e permet di fâ alc, di rivâ a un risultât e v.i.
esemplis
"il lavôr è la nestre fuarce, l'ordin è la nestre grandece"
gjavât fûr di "Resurezion a Pontinie" di Pieri Somede dai Marcs
"massime i doi Torians, Raimont e Paian, a doprarin lis fuarcis e lis risorsis dal Friûl par judâ i interès de lôr famee in Lombardie, tes sôs vueris cuintri i Visconts"
gjavât fûr di "Cuintristorie dal Friûl fin sot la Italie" di Josef Marchet
fuarce s.f.
(fuar-ce)
Energjie des facoltâts inteletivis o emotivis
esemplis
"«Chest ca» al diseve il cont alçant la tace, «al da fuarce al inzen e alis ae fantasie»"
gjavât fûr di "Par stradis lungjis" di Alan Brusini
"la chelare cui voi plens di turchin e la sede bionde de piel e sgurletave dibant intor di lui. Che al jere di vê judizi e fuarce di amôr lontan"
gjavât fûr di "Varc di confin" di Maria Forte
fuarce s.f.
(fuar-ce)
Potence, intensitât di un element naturâl o di un fenomen fisic e sim.
sinonims
empit, energjie, gaiardece, gnerf, potence, sburt, viamence, violence, vivôr
esemplis
"tal indoman il cîl al jere net come un veri, e la aghe tes stradis e veve scomençât daurman a calâ di nivel e plui di dut no veve aromai la fuarce e la velocitât di prin"
gjavât fûr di "Ombris tal infinît" di Carlo Sgorlon
"e scomence a gotâ la ploie. O alci il cjâf, par misurâ la fuarce dal timp"
gjavât fûr di "Viaç a Vignesie" di Arturo Feruglio
fuarce s.f.
(fuar-ce)
Element che al pues puartâ un risultât su personis, robis, sul ambient e v.i.
esemplis
"in nissun sît come culì la autoritât centrâl e somee une fuarce contrarie ae libertât, une ofese cuintri la logjiche, une assurditât creade par dispiet o par tristerie"
gjavât fûr di "La man e la arme" di Josef Marchet
"la citât ti somee imbombide di straniis presincis. Come se i oms a sedin menaçâts di fuarcis che no si cognossin"
gjavât fûr di "Leviathano!" di Checo Tam
"l'om, cul progrès sientific, cul domini des fuarcis de nature che al va cjapant simpri plui, i somee che aromai preâ nol zovi plui"
gjavât fûr di "Il popul furlan al à ancjemò nostalgjie des robis bielis e santis" di Francesc Placerean
fuarce s.f.
(fuar-ce)
Energjie fisiche, at o ategjament violent cuintri di cdn. o di alc
sinonims
prepotence, violence
esemplis
"siore Anute, zigant come une gjaie, e veve cjapât la fie par un braç e le veve sdrangolade cun fuarce par obleâle a gjavâ l'anelut"
gjavât fûr di "Cjase di Dalban" di Maria Forte
fuarce s.f.
(fuar-ce)
Tal pl., grup di oms armâts
esemplis
"o sin a Leipzig, dulà che lis fuarcis de Coalizion a àn drazât l'esercit di Napoleon"
gjavât fûr di "La maree nere" di Checo Tam
"cuatri bataions di fantarie formâts, in part, di Furlans, di Lombarts e di Venits e une sezion di artiliarie cun sîs canons: chestis fuarcis a jerin dividudis tra Udin, Osôf e Palme"
gjavât fûr di "Cuintristorie dal Friûl fin sot la Italie" di Josef Marchet
fuarce s.f.
(fuar-ce)
Spec. tal pl., grup di personis che a àn in comun ativitâts, programs politics, rivendicazions, obietîfs di domine e sim.
esemplis
"il sindic al met in vore proceduris idoniis di consultazion cu lis fuarcis economichis e sociâls interessadis"
gjavât fûr di "Statût dal Comun di Udin" di Aministrazion Publiche
fuarce s.f.
(fuar-ce)
[TS] (fis.) Grandece vetoriâl, definide dal secont principi de dinamiche di Newton
esemplis
"la curvadure dal spazitimp e à di corispuindi a lis fuarcis gravitazionâls (di maree) che o cognossin, che a son gjeneradis de presince di masse (viôt la leç di Newton)"
gjavât fûr di "Teologjie algjebriche" di Sergio Cecotti
fuarce s.f.
(fuar-ce)
[TS] (chim.) Capacitât di reagjî di acits e di basis, determinade dal lôr grât di dissociazion in soluzion
fuarce s.f.
(fuar-ce)
[TS] (marcj.) Facoltât de farine di tignî plui o mancul aghe inte panificazion
detulis
"a jessi sincîrs, si à fuarce"
"bisugne spindi seont lis fuarcis"
"cuant che a fevele la fuarce, a tâs la reson"
"cuant che e rive la fuarce, la justizie si slontane"
"cui che al à plui fuarce al à plui reson"
"cuintri la fuarce no vâl reson"
"il vin i da fuarce a la lenghe e ur e cjol a lis gjambis"
"la suste simpri tirade e piert la fuarce"
"la union e fâs la fuarce"
"par grande che e sedi la çocje a fuarce di fâ setiç si consume"
torne sù
torne sù