Hai cercato la parola
bilingue monolingue
Hai cercato la parola
età
Torna indietro

bilingue

età
  • 1

    s.f.inv. timp, etât, agns Copia

    [FO] (i agns che un al à vivûts)
    ha la mia età = al à i miei agns
    quel bimbo che età ha? = chel frut trop timp aial?
  • 2

    s.f.inv. etât, agns Copia

    [FO] (fase de vite umane)
    è innanzi con l'età = al è za indenant cu la etât oppure cui agns
    è nell'età matura = al è te etât madure
    essere in buona salute in età avanzata = jessi taiât in buine lune
    ha un' età declinante = al à i agns sul oppure al è te etât dal dismontâ
    hai un'età in cui si deve mettere la testa a posto = tu âs une etât di fâ judizi
    ogni età fa gruppo a sé = ogni ete si acete
    uomo in età = om in timp oppure intimpât
  • 3

    s.f.inv. ete, timp, etât, agns Copia

    [FO] (la durade tal timp di alc)
    risalire all'età di un fossile = calcolâ la ete di un fossil
    si può risalire all'età di un albero dal numero di cerchi del tronco = si rive ai agns di un arbul dal numar dai cerclis tal so tronc
  • 4

    s.f.inv. ete, timp, etât Copia

    [FO] (dade di timp che e forme une unitât dilunc de storie)
    l'età di Napoleone = la ete napoleoniche
    l'età romana = il timp dai Romans
  • 5

    s.f.inv. etât Copia

    [TS] (cuntune determinazion dongje, dade de ere antropozoiche daûr de evoluzion de ativitât umane)
    l'età della pietra scheggiata = la etât de piere scaiade
  • 6

    s.f.inv. ete, etât Copia

    [TS] (cuntune determinazion dongje, division di une epoche, ce che in stratigrafie al è il plan)

locuzioni

    età critica
  • etât criticheCopia
    [CO] (la adolessence)
    loro figlio è nell'età critica = lôr fi al è te etât critiche
  • etât criticheCopia
    [CO] (la menopause)
    • età da marito
  • [CO] (etât juste par maridâsi)
    è una ragazza in età da marito = e je une fantate di maridâ
    • età dell'esperienza
  • etât de esperience, judizi, etât dal judiziCopia
    [CO] (veglece)
    arrivare alla bella età dell'esperienza = rivâ ae biele etât de esperience avere l'età dell'esperienza = vê la etât par fâ judizi
    • età della pietra
  • ete de piere, etât de piereCopia
    [TS] (ete preistoriche)
    un reperto archeologico dell'età della pietra = un repert archeologjic de ete de piere
  • [CO] (di mentalitât, une vore indaûr)
    quell'uomo è restato ancora all'età della pietra = chel om al è indaûr tant che la code dal mus
    • età della ragione
  • etât de reson, maturitât, etât dal judizi, ete de reson, ete dal judizi, etât de discrezionCopia
    [CO] (etât dal om che si stime che al è responsabil des sôs azions)
    è nell'età della ragione e deve arrangiarsi = al è te ete de reson e i tocje di rangjâsi ha raggiunto l'età della ragione = al à fat judizi
    • età dello sviluppo
  • etât dal svilupCopia
    [CO] (pubertât)
    l'età dello sviluppo può essere un momento problematico per il ragazzo e la famiglia = la etât dal svilup e pues jessi un moment problematic pal frutat e pe famee
    • età pediatrica
  • etât pediatricheCopia
    [CO], [TS] (de nassite a dodis agns, cuant che il miedi al è un pediatri)
    le malattie dell'età pediatrica = i mâi de etât pediatriche
    • in età
  • in ete, fat, in etâtCopia
    [CO] (ete juste par fâ une robe)
    è in età per fare il servizio militare = al è in ete par fâ il militâr
    • maggiore età
  • etât adulte, etât maiôrCopia
    [CO] (la etât cuant che un, tant che membri de societât, si cjape sù dutis lis responsabilitâts e ducj i dirits)
    a diciotto anni si entra nella maggior età = a disevot agns si jentre te etât adulte oppure te etât maiôr oppure al è grant entrare nella maggior età = jentrâ te etât maiôr oppure jessî di badocli
    • mezza età
  • mieze etâtCopia
    [CO] (ete jenfri la zoventût e la veglece)
    si è sposato di mezza età = al jere sui cincuante oppure di mieze etât cuant che si è sposât
    • quarta età
  • cuarte etâtCopia
    [CO] (la veglece plui inlà cui agns)
    mio nonno è entrato ormai nella quarta età = gno nono al è jentrât aromai te cuarte etât
    • tenera età
  • ete cree, etât creeCopia
    [CO] (jessi o someâ ancjemò frut)
    • terza età
  • tierce etâtCopia
    [CO] (veglece)
    lo sport si presta anche alla terza età = al sta ben di fâ ativitât sportive ancje te tierce etât
  • ete tierceCopia
    [CO], [TS] (ete dal Spirt, cuant che Diu si palesarà)
    • università della terza età
  • universitât de tierce etâtCopia
    [CO] (organizazion che e puarte indenant cors, conferencis e v.i. par personis parsore di une cierte etât)
    la zia non c'è, è andata all'università della terza età = la gnagne no je, e je lade li de universitât de tierce etât

monolingue

timp s.m.
Dimension li che si sucedin i events, articolade in passât, presint e futûr, percepide in maniere istintive e misurade daûr di fenomens naturâi regolârs o cun sistemis convenzionâi
esempi
"ricostruint la storie passade dal univiers, lant indaûr tal timp o vin un univiers simpri plui piçul fin a ridusisi a un pont"
da "Teologjie algjebriche" di Sergio Cecotti
"no cate lis grandis scuviertis de fisiche moderne, il concet di timp al reste pe plui part discognossût"
da "Neurosiencis dal dolôr" di Franc Fari
timp s.m.
Durade di une azion, di un procès e v.i., misurade par convenzion in seconts, minûts, oris, dîs, mês, agns e v.i.
sinonimi
dade, durade
esempi
"al pâr di viodilu, [...] cul orloi simpri in man par controlâ i timps de gare"
da "Edi Orioli: la braùre di rapresentâ il Friûl" di Valentina Pagani
timp s.m.
Ancje pl., tiermin destinât par fâ alc
sinonimi
scjadince, tiermin
esempi
"cumò al tacave a fâ i plans, a calcolâ i timps, i riscjos"
da "Il muc" di Roberto Ongaro
" un ordin di prioritâts, che a son determinadis de bisugne di superâ il status di crisi atuâl de lenghe furlane intal timp plui curt"
da "Memoriis di politiche linguistiche" di Adrian Cescje
timp s.m.
Ancje tal pl., stagjon o periodi individuât di ciertis carateristichis
sinonimi
dade, ete, periodi, moment, ore
esempi
"al torne il timp dai lavôrs tai vignâi"
da "Par stradis lungjis" di Alan Brusini
"al è timp di aventari, chel ca, che fra un mês e mieç a tachin i scrutinis"
da "Trê feminis" di Gianni Gregoricchio
"si jere in timp di vuere, si sa, se i zove a cualchidun, pai puars e je une disgracie orende"
da "Pre Pitin" di Antoni Beline
"al jere il timp che lis fantatis a ziravin cui bregons strents a lis cjavilis e la permanente tai cjavei, e i fans dai “Duran Duran” a someavin vignûts fûr dal “videoclip” di “Wild Boys”"
da "Cocteau Twins su Netun (ma no il planet)" di Checo Tam
timp s.m.
Etât di cdn. o di alc
sinonimi
etât
esempi
"cetant timp aial chel frutin?"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
timp s.m.
Fase di une operazion, di une ativitât, di un lavôr e v.i.
sinonimi
bocon, bot, butade, dade, flât, moment, part, toc, trate
esempi
"il program di ricercje si è davuelt in doi timps"
da "Educazion plurilengâl tes scuelis furlanis" di Alessandra Burelli
timp s.m.
Part di un film, di un spetacul, di un event sportîf e v.i.
sinonimi
dade, part, frazion
esempi
"al jere il minût cuarantesim cuart dal prin timp"
da "Usgnot partide di balon" di Agnul di Spere
"l’Udin al partìs cul pît just ancje tal imprin dal secont timp."
da "Udinese – Lazio 0-1" di Marc Stolf
timp s.m.
[TS] (gram.) Categorie de coniugazion verbâl
esempi
"imparâ in maniere automatiche il plurâl, il singolâr o a meti i verps tal timp just"
da "Il cjâf dai furlans" di Franc Fari
timp s.m.
[TS] (mus.) Velocitât di esecuzion di un toc musicâl o ben ritmi
esempi
"Ragnhild, a lis tastieris, e cree une biele atmosfere mintri Monica e bat il timp come un autentic metronom"
da "La maree nere" di Checo Tam
timp s.m.
Complès des cundizions meteorologjichis
esempi
"chel maledet di un timp nol vûl metisi a bon e intant ducj i lavôrs si ingrumin"
da "Resurezion a Pontinie" di Pieri Somede dai Marcs
"al jere vignût frescot, umit, al jere un timp di fumate"
da "I nemîs" di Checo Tam
"l'aiar al menave par insù, che il timp si rompeve"
da "La tiere di Lansing" di Maria Forte
proverbi
"a cui che al vûl, no i mancje il timp"
"a fâi la barbe al mus, si piert timp e fadie"
"a paiâ e a murî, al è simpri timp"
"al è passât il timp che a colave la mane"
"al è passât il timp di lâ a moris"
"al è plui timp che no vite"
"al timp e al cûr nissun no i comande"
"al timp, al cûr e al cûl nissun no i comande"
"altris timps, altris usancis"
"biel il timp; e je la int che e je carogne"
"bisugne dâi timp al timp"
"bisugne fâ la barbe prin par se e po, se al vanze timp, ancje a chei altris"
"ce che al ven cence fadie, in pôc timp ancje al va vie"
"copâ int, palâ nêf, sbroiâ morârs e spacâ coculis, al è dut timp pierdût"
"cuant che al è timp di fâ, fâs cence stâ a spietâ"
"cuant che il timp al à bruntulât, si sfoghe"
"cuant che si ingrumin lis feminis, si mude il timp"
"cui che al à timp che nol spieti timp"
"cui che nol sa sbassâsi a timp e lûc le finìs cul cjâf sbûs"
"cui che si cjale se stes no i vanze timp di cjalâ chei altris"
"cul timp al mûr il mus cun dut il peçotâr"
"cul timp dut si po superâ"
"cul timp e cul lavôr il morâr al devente sede"
"cul timp e la fadie si madressin i gnespui"
"cul timp e la fadie si madurìs la int"
"cul timp e la paie si madressin i gnespui"
"cul timp si fâs dut: ancje il mont al è fat un pôc par volte"
"cul timp si madurìs la int"
"dal bon timp e de buine int no si stufisi mai"
"dal bon timp no si stufisi mai"
"daspò dal bon timp e torne la ploie"
"daspò dal trist timp al ven il soreli"
"daspò de ploie al torne il bontimp"
"daspò tancj agns e tant timp la aghe a torne al so mulin"
"dut a timp e lûc"
"fumate basse, bon timp e lasse"
"fumate basse, bon timp e lasse; fumate alte, al plûf cuant che i salte"
"fumate e lasse il timp che e cjate"
"fumate la sere, bontimp si spere; fumate la doman, la sere al è pantan"
"garbin al lasse il timp che al cjate"
"gjoldi simpri fin che si po, no i mancje mai timp al patî"
"i avocats a vendemin di ogni timp"
"i scherçs a vuelin fats a timp e lûc"
"il cjaval nol piert timp co al mangje la vene"
"il Signôr nol paie ogni sabide, al va ben planc ben planc, e vie pal timp al va tacant"
"il timp al consume dut"
"il timp al è galantom"
"il timp al è preziôs"
"il timp al è un bon testemoni"
"il timp al è un grant rimiedi"
"il timp al juste dut"
"il timp al madurìs i rôi"
"il timp al mene judizi"
"il timp al passe e la muart e ven"
"il timp al passe e no si po fermâlu"
"il timp al sane ogni plaie"
"il timp al scuvierç grant cjossis"
"il timp al spieghe dut"
"il timp al svole"
"il timp al ven par chel che al sa spietâ"
"il timp che al cor a Sant Suan al cor dut l'an"
"il timp che si fâs di gnot nol dure trop, chel che si fâs a misdì al dure dut il dì"
"il timp che si piert no si lu cuiste mai"
"il timp e la muart a rompin i dissens"
"il timp fat di gnot al dure tant che l'amôr dai viei"
"il timp fat di misdì al dure dut il dì; il timp fat di gnot al dure tant che un cjaval di trot"
"il timp nol puarte spade"
"il timp pierdût no si lu cjate plui"
"impare la art e metile de bande, il timp al vignarà che la art e valarà"
"in timp di vuere di cent une di vere"
"in timp di vuere nissune di vere"
"in timp di vuere ogni arme e scuse"
"la stagjon e va ben avonde fin che il timp le seconde"
"la vore fate ben nissun domande cetant timp che si à stât a fâle"
"lavôr mâl fat al è timp pierdût"
"lis cuatri temporis a mudin il timp"
"lis robis grandis a fâlis ben trop timp al conven"
"mats, feminis, paron, timp e cûl fâs ce che al vûl"
"ni dal bon timp ni de buine int no si stufisi"
"no je mai stade ploie che il bontimp nol sei tornât"
"nol è miluç tant dûr che cul timp nol deventi madûr"
"nol è plui il timp che Berte a filave"
"nûl lizêr la sere, bon timp si spere"
"o timp o tart si pailis dutis"
"ogni cjosse a timp e lûc"
"ogni mincjon al sa lâ pal biel timp"
"ogni puar om, al sa lâ pal timp bon"
"ogni robe e à il so timp"
"par fâ une fote al è simpri timp"
"ploie che e sune a mene bon timp"
"ros la sere, bon timp si spere; ros la matine, la ploie e je vicine"
"se a Sant Bartolomiu al è bon timp, al è bon timp dute la vendeme"
"se al è bon timp a Sant Zorzon, siet bogns timps e un bon timpon"
"se al è bon timp il dì di Sant Zorzon, la vendeme a va benon"
"se al è bon timp il prin martars di lune, al è bon timp dute la lune"
"se il gjal al cjante daspò di misdì, il bontimp al è par finî"
"se il timp al è seren, ancje cu la borse flape si sta ben"
"se tu ti cjalis te, no ti vanze timp di cjalâmi me"
"timp fat di gnot, se al dure une ore al dure trop"
Torna in Cima
Torna in Cima