Hai cercato la parola
bilingue monolingue
Hai cercato la parola
fare man bassa
Torna indietro

bilingue

fare man bassa
  • 1

    loc.v. fâ fûr, suiâ Copia

    [CO] (cjoli in cuantitât, cun aviditât)
    hanno fatto man bassa dei vestiti in saldo = a àn fat fûr i vistîts in licuidazion

    loc.v. fiscâ vie, fiscâ sù Copia

    [CO] (puartâ vie, robâ)
    fare man bassa di tutto = fiscâ vie dut

monolingue

suiâ v.tr.
(su-iâ)
Fâ deventâ sut alc eliminant la umiditât
esempi
" cjapât tal braç so pari lu puartave sù te cjamare, i suiave i sudôrs che a chel om i spissulavin su la muse come une roie. Ma nol jere plui nie ce fâ: i murive tal braç, cence cjapâ cognossince"
da "Par stradis lungjis" di Alan Brusini
"ogni soldât al cjol il so fusîl in man, lu neta e suia de la rosada"
da "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat
suiâ v.tr.
(su-iâ)
Bevi il licuit che al è tun recipient (fig.)
sinonimi
secjâ
esempi
"al cjapà cui dincj il tapon dal fiasc, lu spudà vie e jù dôs clucadis che al suià mieç fiasc"
da "Il cjaradôr des animis" di Dino Virgili
"al jere bon il ramandul, o vin suiade la butilie"
da "Il cop" di Laurin Zuan Nardin
suiâ v.tr.
(su-iâ)
Gjavâ dal dut o in cuantitât masse grande fuarcis, bêçs, risorsis e v.i. (fig.)
sinonimi
disprivâ, dispueâ, netâ, suiâ sù, mangjâ, fâ fûr, spaçâ
esempi
"i siôrs a cognossevin Vignesie, che e jere simpri stade la capitâl di Gjoldarie, la citât internazionâl dal Bontimp, indulà che un zovin al suiave in trê dîs di baracade i sudôrs e i sparagns di trê gjenerazions di nonos pedoglôs"
da "La torce de civiltât" di Josef Marchet
"o vevin vût une vore di spesis che nus vevin suiât ogni nestri sparagn"
da "Culumiis" di Meni Ucel
"al leve inalgò cun siorutis che a fasevin il mistîr e i suiavin il tacuin e la medole dai vues"
da "Come tai romançs" di Alan Brusini
suiâ v.tr.
(su-iâ)
Fâ deventâ magri (fig.)
sinonimi
discjarnâ, scarmî, smagrî
esempi
"dal sigûr Ane e jere deventade plui biele, scuasi che alc al fos madressût dentri di jê, suiantle inte cjar, ma cul donâi la plenece di femine"
da "Îr e doman" di Gianni Gregoricchio
"Titon al veve un pôc dal pescjecrots, par chel gust di stâ ta la aghe e pes gjambis lungjis che lu fasevin someâ plui alt. I agns lu vevin suiât"
da "Chê massanghe plui grande" di Maria Forte
suiâ v.tr.
(su-iâ)
Contentâ o bonâ cuntune soluzion svelte
sinonimi
sistemâ
esempi
"al passe cumò o dibot il Werk Meister, a vuardiâ e viodi se e je cualchi sgnesule di ranganel di molâ ca e là, ma Vera e sta ce che e po ae largje di lui o se e scuen lu suie cuntun “heil Hitler” mastiât intai dincj"
da "Storie di Vera" di Ivano Urli
proverbi
"cui che al à bagnât al è ancje bon di suiâ"
"di sabide soreli benedet par suiâi la cjamese al puaret"
"il mâl de piere al suie la borse"
"la aghe no suie"
"lavâ cuant che al plûf e suiâ cuant che al è soreli"
"une ore di bon soreli e suie plui di une lissie"
Torna in Cima
Torna in Cima