Tu âs cirût la peraule
bilengâl monolengâl
Tu âs cirût la peraule
filare diritto
torne indaûr

bilengâl

filare diritto
  • 1

    loc.v. stâ in stangje, lâ par un fîl, filâ pal dret, cjaminâ pal dret, marcjâ par un fîl, filâ Copie

    [CO] (cjaminâ pal so dret)
    a scuola deve filare dritto = a scuele al à di lâ par un fîl

monolengâl

filâ v.tr.
(fi-lâ)
Lavorâ fibris o altris materiâi in maniere di formâ un fîl (ancje ass.)
esemplis
"une biele dì la madrigne i da un fas di cjanaipe e, lant a passon, che le fili, se no guai a jê"
gjavât fûr di "La fie e la fiastre" di Andreina Nicoloso Ciceri
"prime di metisi a gucjâ o a filâ la lane, jê e tignive sù rosari"
gjavât fûr di "A jerin lagrimis" di Pieri Somede dai Marcs
filâ v.tr.
(fi-lâ)
Ancje di besteutis, tant che ragns o cavalîrs, fâ il fîl de tele o de galete (ancje ass.)
esemplis
"lusinte come i cavalîrs che van a filâ"
gjavât fûr di "Meni Fari" di Luigi Gortani
filâ v.intr.
(fi-lâ)
Lâ svelt
sinonims
cori, lâ vie
esemplis
"ur zirà la schene a ducj e e filà a sentâsi di chê altre bande"
gjavât fûr di "Trê feminis" di Gianni Gregoricchio
"la barcje e filave sul flum"
gjavât fûr di "La Sunte pescjadore" di Done Bete
filâ v.intr.
(fi-lâ)
Davuelzisi in maniere coerente
sinonims
cori, rezi, stâ in pîts, tignî pont, tacâ, stâ sù
esemplis
"mai domandâ ce che si vûl, ma refudâ par podê vê. El rasonament al file"
gjavât fûr di "Viaç a Vignesie" di Arturo Feruglio
filâ v.intr.
(fi-lâ)
Pensâ e tornâ a pensâ a alc, spec. in maniere ossessive, cun risintiment, cun displasê e v.i.
sinonims
filâ sore, filâ parsore, filâ sù
esemplis
"cualchi volte e filave a lunc suntune cagnere, i dave fastidi alc di usuâl, e fricave cence reson"
gjavât fûr di "La aghe da pît la cleve" di Dino Virgili
"agne Mine e jere masse impegnade a filâ su lis sôs disgraciis e a masanâ improperiis"
gjavât fûr di "Il sium di Lissandri" di Franca Mainardis
filâ v.intr.
(fi-lâ)
Dal gjat, fâ un sunôr tipic, vibrât, cuant che al è content
sinonims
ronronâ, fâ fûs
detulis
"a cui che al file ben, rompii lis gjambis; a cui che al file mâl, rompii i braçs"
"cuant che si vierç il fassinâr, si cognòs cemût che a àn filât i cavalîrs"
"cui che al file al à cjamese, cui che nol file ind à dôs"
"e je triste la lane che no si po filâ"
"no si file mai tant sutîl che il cjaveç nol salti fûr"
"nol è plui il timp che Berte a filave"
"parê e no jessi al è tant che filâ e no tiessi"
"se si file dal nâs a la bocje, no torne su la rocje"
"se si file mai tant che al rivi dal nâs a la bocje, e je une glagn che no torne su la rocje"
"se si podès filâ ducj i fîi, si tirarès dongje ancje lis telis di ragn"
torne sù
torne sù