Tu âs cirût la peraule
monolengâl
torne indaûr

monolengâl

rezi v.tr.
(re-zi)
Tignî sù cdn. o alc, fâ che al stedi sù, che al stedi dret o intune cierte posizion, che nol coli
sinonims
tignî sù, sostignî, tignî
esemplis
"pâi che a rezin dôs grandis filis di reticolâts"
gjavât fûr di "Storie di Min" di Ivano Urli
rezi v.tr.
(re-zi)
Vê il podê e la responsabilitât intune istituzion, organizazion, aziende, comunitât e v.i.
sinonims
aministrâ, condusi, direzi, menâ, guviernâ, regnâ
esemplis
"il Pape Benedet XIV [...] al pensave che no si podès dislidrisâ i malans che a jerin di ca o di là, corezi lis brutis abitudins, predicjâ ben il vanzeli, intune peraule rezi ben la diocesi di Aquilee cuntun confin tal mieç"
gjavât fûr di "L'ultin cordo" di Josef Marchet
"il re al rêç il popul, / il pape ju benedìs ducj i doi, / il soldât ju difint ducj i trê / [...]"
gjavât fûr di "Sacheburache" di Zuan Nazzi Matalon, Ottorino Burelli
rezi v.tr.
(re-zi)
[TS] (gram.) Massime pai verps, coordenâsi cuntun complement, cuntun câs, cuntune costruzion
sinonims
tignî sù
rezi v.tr.
(re-zi)
Fâ i lavôrs che a coventin par tignî in ordin cjase, stale, bestiis e v.i. (ancje ass.)
sinonims
regolâ, guviernâ
esemplis
"ce covential smondeâ la cjase e rezi la cort e vistîsi di fieste?"
gjavât fûr di "Lis predicjis dal muini" di Josef Marchet
"intant il timp al passe, l'è alt bielzà il soreli, e Menie e rugne e bruntule come il maltimp, che à di lâ a finî di rezi, impiâ il fûc e meti sore a fâ la fedarie"
gjavât fûr di "Sot consei di vuere" di Giovanni Gortani
rezi v.intr.
(re-zi)
Rivâ a restâ intune cierte posizion, forme, maniere e v.i.
sinonims
rezisi, tignîsi, restâ, resisti, stâ
esemplis
"mi clopin i zenoi, / sai ce che o fâs, che o dîs, / ma no pues rezi in pîts"
gjavât fûr di "Par lis gnocis Percût-Braçà" di Pieri Çorut
rezi v.intr.
(re-zi)
Soredut di resonament, argoment, procediment o sim., vê valôr logjic, jessi just, ben fondât
sinonims
stâ in pîts, tignî, stâ sù, tacâ
esemplis
"cjacaris che no rezin ne in cîl ne in tiare"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
rezi v.intr.
(re-zi)
Rivâ a frontâ un confront, un paragon
sinonims
stâ sù
esemplis
"[...] che il vin produsût in cheste regjon al sedi di cualitât une vore alte, e che al puedi rezi il confront cui miôr vins dal mont"
gjavât fûr di "Storie curte de vît in Friûl" di Enrico Peterlunger
torne sù