Hai cercato la parola
bilingue monolingue
Hai cercato la parola
fiorente
Torna indietro

bilingue

fiorente ,
  • 2

    adi. vivarôs, bondançôs, florît, sflorît, in flôr Copia

    [CO] (che al è tal plen de sô evoluzion)
    una civiltà fiorente = une civiltât floride oppure in flôr

    adi. florît Copia

    (che al à salût, bielece)
    una ragazza fiorente = une fantate floride oppure in flôr

    adi. siôr Copia

    (plen di alc)
    un'epoca fiorente di artisti = une ete siore di artiscj

monolingue

siôr s.m.
(si-ôr)
Om, o tal pl. persone, di nivel sociâl alt, ancje cu lis carateristichis di finece o di altre sorte tipichis de sô classe
sinonimi
sâr
esempi
"le tirave in dut, va ben, ma tun mût di siôrs, e e rivave simpri a mostrâ la miôr façade de famee"
da "Cjase di Dalban" di Maria Forte
siôr s.m., adi.
(si-ôr)
Che, cui che al à tancj bêçs, tantis proprietâts, che al vîf tal benstâ
sinonimi
ric, sâr
esempi
"fin tor dal '900 a vevin dirit di votâ dome cuatri siôrs"
da "Cuintristorie dal Friûl dal 1866 fint in dì di vuê" di Francesc Placerean
"i siôrs de alte Furlanie cun cjamps e cjasis e monede in bancje e magari la steme di piere sul puarton"
da "Come tai romançs" di Alan Brusini
"nol à rivuart par nissun, ni zovins ni viei, ni puars ni siôrs, ni ignorants ni studiâts"
da "Lis predicjis dal muini" di Josef Marchet
"nassût intune famee siore de borghesie udinese, Tellini al pant une grande inclinazion pes siencis naturâls"
da "Il lunari mai jessût - Tellini te prime vuere mondiâl" di Donato Toffoli
"une citât grande, siore, biele e nete"
da "Sant Jacum, là che al finìs il mont" di Antoni Beline
siôr s.m.
(si-ôr)
[TS] (stor.) Cui che al veve un feut
esempi
"tes grandis ocasions i siôrs dal cjistiel a usavin a meti fûr, in segn de lôr potence e ricjece, une lungje cjadene di aur"
da "Lis leiendis di Buie" di Pieri Menis
siôr s.m.
(si-ôr)
Cun valôr di adi., une vore brâf, che al à capacitâts o cualitâts une vore altis (fam.)
sinonimi
grant, bon, brâf, sâr
esempi
"il piturâ precîs fin tal plui piçul detai di Otto D'Angelo, che al è [...] stât un siôr pitôr dai timps contadins"
da "Faliscjis" di Cristina Noacco
siôr adi.
(si-ôr)
Che al à alc in grande cuantitât
sinonimi
plen, ric
esempi
"ta chel Avrîl rabin dal '18, siôr di slavins e di soreli, gno pari al rivave in licence dal front"
da "Come tai romançs" di Alan Brusini
"un lessic curât e siôr di peraulis"
da "Leterature furlane" di Cristina Cescutti
siôr adi.
(si-ôr)
[BF] Che al à capacitât di fâ alc
sinonimi
bon, paron
esempi
"discorevin del jeur, duncje, chê sere: / "Ise nancie scalogne? No sei siôrs / di burîlu une volte!""
da "Il jeur" di Enrico Fruch
siôr s.m.
(si-ôr)
[TS] (entom.com.) Denominazion gjeneriche di plui speciis dal gjenar Libellula
sinonimi
predi, svuarbevoi, svuarbecjavai
esempi
"al leve vie svolant di flôr in flôr / un Siôr vistût di vert, lustri, lizêr; / di cuant in cuant grapât / a un fros sore un roiel, al steve fer / niçulantsi beât / a pendolon su la aghe tal soreli / a cjalâsi tal spieli"
da "Il Siôr e lis Âfs" di Emilio Nardini
"lis cialis a seghetavin i pins e jo mi butavi in muel te vascje cui siôrs colorâts che i svolavin parsore"
da "Il zardin" di Alan Brusini
proverbi
"a fuarce di sudôrs, si devente siôrs"
"avâr agricultôr, no si è mai fat siôr"
"cu la robe dai altris no si devente siôrs"
"cui che al à buine voie di lavorâ, al è plui siôr di cui che al à sîs cjamps di arâ"
"cui che al à dongje dal fogolâr pâs e amôr, al è un siôr"
"cui che al à pâs, ligrie e amôr, dongje dal fogolâr al è un siôr"
"cui che al è fat siôr cul vendi fritulis che nol ledi a vendi colaçs"
"cui che al è siôr no i mancje nuie"
"cui che si contente al è un siôr"
"cui che ur impreste bêçs ai siôrs al piert i bêçs e l'onôr"
"doi pôcs e un nie a puedin bastâ a fâ siôrs"
"e je une grant fadie a fâ il siôr e cence vê nie"
"fami fatôr un an e se no mi fâs siôr, gno dam"
"i siôrs a àn ce che a vuelin"
"i siôrs a àn il paradîs in chest mont e se a vuelin ancje in chel altri"
"i siôrs, amîs e lontans"
"il puar al mûr passût, il siôr di fam, il predi di frêt"
"il puar content al è siôr avonde"
"il siôr al à i bêçs, il puar i comedons"
"il siôr al mûr di fam e il puar massepassût"
"il siôr cuntune menade di pene al guste e al cene"
"in miezore si impare a fâ i siôrs"
"la ore di gustâ pai siôrs e je cuant che a àn fam, pai pitocs cuant che a nd' àn"
"la ore di gustâ pai siôrs e je cuant che a àn fam, pai puars cuant che a nd' àn"
"la vacje dal puar e crepe e chê dal siôr ind fâs dôs"
"mancul siôr e plui bêçs"
"ni il tentôr ni il muredôr nol vignarà mai siôr"
"ni la pelagre al siôr ni la gote al pôr"
"ognidun al è siôr se al sa contentâsi dal so stât"
"pan di siôr al è pan di dolôr"
"stupits e ustinâts a fasin siôrs i avocats"
"un siôr cuntune menade di pene al guste e al cene"
"vin e amôr, vite di siôr"
Torna in Cima
Torna in Cima