Tu âs cirût la peraule
bilengâl monolengâl
Tu âs cirût la peraule
fiutare
torne indaûr

bilengâl

fiutare v.tr.
  • 1

    v.tr. nasâ, usmâ Copie

    [AU] (spec. di bestiis, esplorâ, scrutinâ cul odorât)
    fiutare il terreno = nasâ il teren
    il cane ha fiutato la traccia fino qui = il cjan al à usmât il segnâl fin culì

    v.tr. nulî, nasâ, usmâ Copie

    (ass., nasâ, spec. cun indurance)
    i cani fiutavano qua e là = i cjans a nulivin ca e là

    v.tr. nulî, nasâ, usmâ Copie

    (percepî e cognossi cul odorât)
    ha fiutato profumo di torta = al à nasât bonodôr di torte
  • 2

    v.tr. nasâ Copie

    [AU] (tirâ sù cul nâs)
    fiutare la cocaina = nasâ la cocaine

    v.tr. tabacâ Copie

    (dal tabac)
    fiuta tabacco da quando era giovane = al tabache di cuant che al jere zovin
    fiutare tabacco = tabacâ
  • 3

    v.tr. nasâ Copie

    [AU] (intuî, capî)
    fiutare un buon affare = nasâ un bon afâr
    ha fiutato l'imbroglio e se ne è andato = al à nasât l'imbroi e al è lât vie

locuzions

    fiutare il vento
  • musicjâ, nasicjâ, nasâ il pevar, nasâ la garbe, nasâ la ferade, nulî la puceCopie
    [CO] (cirî di capî ce che al è ancjemò indeterminât, spec. di une situazion o dai discors)
    è bravo a fiutare il vento = al è brâf a nulî la puce non fiutare troppo il vento e decidi! = no stâ a nasicjâ tant e decît! prima di entrare è meglio fiutare il vento = prime di jentrâ al è miôr nasâ la ferade
    • fiutare l'aria
  • [CO] (cjale fiutare il vento)

monolengâl

nasâ v.tr.
(na-sâ)
Sintî l'odôr, sedi par azion volontarie che par percezion spontanie tirant sù aiar cul nâs
sinonims
nulî, usmâ
esemplis
"al da un colp al grop dal cuel de butilie che al salte vie come une cocule... Al nase... Ah, ce profum! ... Al cerce... rosoli, tant che rosoli!"
gjavât fûr di "Doi pizighets e un lari" di Pieri Menis
"ti viôt el sclopon ta tace, lu tire jù, lu nase"
gjavât fûr di "La furlane" di Dolfo Zorzut
nasâ v.tr.
(na-sâ)
Tirâ sù cul nâs, ancje no dome par sintî l'odôr
sinonims
tirâ sù
esemplis
"il Mestri pacjific, / nasant la presute, / se gjave di un socio / che al vesse, che al rute"
gjavât fûr di "Ai Piombi" di Romeo Battistig (?)
nasâ v.tr.
(na-sâ)
Presintî alc, capî alc in maniere intuitive (fig.)
sinonims
lampâ, olmâ, capî, induvinâ, intuî, nulî, usmâ
esemplis
""Aial viodût ce dal diambar che al nasseve?" "O savevi… o savevi… mi pareve fin di savêlu… lu vevi nasât ancje jo!" "Un fregul ancje jo lu vevi nasât!""
gjavât fûr di "Un grop sul stomi" di Arturo Feruglio
"e stave in vuaite, nancje che e nasàs cuissà ce pericul"
gjavât fûr di "Îr e doman" di Gianni Gregoricchio
nasâ v.tr.
(na-sâ)
Valutâ, viodi se alc o cdn. al è interessant o no (fig.)
esemplis
"vincj di lôr a jerin a stâ sù tal fogolâr di puar Gjildo: fantats (che a vignivin a nasâ chês dôs fiis di Gjildo), fantatis dal borc, viei, babis [...]"
gjavât fûr di "Il sunsûr" di Meni Ucel
nasâ v.intr.
(na-sâ)
Fâ odôr, vê un odôr
sinonims
nulî, odorâ
esemplis
"«Buine sere» dissal Eliseo. «Buine» al rispuindè l'ostîr, biel cjalantlu fis. [...] L'ambient al nasave di tabac, di salam e di vin"
gjavât fûr di "Prime di sere" di Carlo Sgorlon
""Di ce nasial il gno cjâf?" i domande la viele. "Di bon odôr" i rispuint la frutate"
gjavât fûr di "La fie e la fiastre" di Andreina Nicoloso Ciceri
"a jerin floridis lis paugnis, i saûts a nasavin a fuart cu lis rosis largjis a cjapielute"
gjavât fûr di "La aghe da pît la cleve" di Dino Virgili
nasâ v.intr.
(na-sâ)
Plasê, jessi volût (fig.)
sinonims
plasê, pocâ, smecâ, lâ
esemplis
"a chel zerbinot no i comodave di stâ a direzi la fatorie, no i nasave di stâ a tratâ cui contadins, a fevelâ di vacjis, di ledan..."
gjavât fûr di "La braide" di Pieri Somede dai Marcs
detulis
"cui che al à bon nâs lis nase a la lontane"
"cui che al à il nâs lunc lis nase a la lontane"
"cui che al puce al sminuce, cui che al nase al travase"
"cui che le nase le travase, cui che le nûl le trai pal cûl"
"cui che le tire le nase"
"di istât o tirâ o nasâ"
"i litighents a nasin il past e i avocats lu mangjin"
"miôr tirâ che no nasâ"
torne sù
torne sù