SuperDizionari

monolengâl

nulî v.tr.
(nu-lî)

Sintî l'odôr, sedi par azion volontarie che par percezion spontanie tirant sù aiar cul nâs

sinonims

nasâ, usmâ

esemplis

"[un cjan] rivât tal mieç de vile, juste dongje di une statue che e jere inte plaçute, al si fermà, al nulì intor dal basament e po, alçade la gjambute, al tacà a molâ chel sclip"

gjavât fûr di "La sgarfade dal cjan" di Josef Marchet

"al nulive cun plasê l'odôr dai libris e des rivistis, in rie sui plans de biblioteche"

gjavât fûr di "Ombris tal infinît" di Carlo Sgorlon

nulî v.tr.
(nu-lî)

Presintî alc, capî alc in maniere intuitive (fig.)

sinonims

lampâ, olmâ, capî, induvinâ, intuî, nasâ, usmâ

esemplis

"o vin volût provâ a fâ un fregul di esam di cussience par viodi se in cheste straçarie di fuarcis e ves la sô part di responsabilitât ancje «Patrie dal Friûl», che le veve nulide di lontan"

gjavât fûr di "Esam di cussience" di Josef Marchet

"nô doi si sintivin in discomut; no che al fos za stât alc fra di nô, ma o nulivin che al varès podût sucedi"

gjavât fûr di "Cretevierte" di Roberto Ongaro

nulî v.intr.
(nu-lî)

Fâ odôr, vê un odôr

sinonims

nasâ, odorâ

esemplis

"mi jeri inviât dentri pal bosc, in chê frescure che e nulive di pês"

gjavât fûr di "La scuele dai fornasîrs" di Pieri Menis

"te plane al madurìs il forment e ca sù il vignâl al nulìs de ue in flôr"

gjavât fûr di "Mame..." di Pieri Somede dai Marcs

detulis

"cui che le nase le travase, cui che le nûl le trai pal cûl"

torne sù