Tu âs cirût la peraule
bilengâl monolengâl
Tu âs cirût la peraule
focolare
torne indaûr

bilengâl

focolare s.m.
  • 1

    s.m. fogolâr Copie

    [CO] (part abàs dal camin, là che si impie il fûc a viste e che al pues sei metût il cjavedâl par poiâ i lens di ardi e picjâ la cjalderie par cuei)
    scaldarsi al focolare = scjaldâsi tal fogolâr
  • 2

    s.m. fogolâr Copie

    [CO] (la cjase tant che puest dai afiets)
    tornare al focolare = tornâ al fogolâr
  • 3

    s.m. fûc, fogolâr Copie

    [TS] tecn. (tai implants a combustion, la part li che al bruse il combustibil)

locuzions

    angelo del focolare
  • [CO] (femine di cjase)
    quella donna è un angelo del focolare = chê femine e je dute cjase e famee

monolengâl

fûc s.m.
Complès di efiets di calôr e di lûs, produsûts di alc che al bruse
esemplis
"al ardeve sul fogolâr là sù insom un biel fûc, e a jerin intorji une sdrumie di lôr su cjadreis, cjadreons e scagnuts"
gjavât fûr di "Rosaris" di Meni Ucel
"intant vignît ca, sentaitsi dongje il fûc a cjapâ une cjalde"
gjavât fûr di "La ospitalitât" di Luigi Gortani
"Zuan, cussì, si jere sfrancjât e dispatussât ben sui segrets di une fornâs e il fûc lu veve in confidence"
gjavât fûr di "La tiere di Lansing" di Maria Forte
"no vevin ancjemò tacât a impiâ il fûc tal spolert, e al jere un frêt plen di umiditât, che al penetrave tai vues"
gjavât fûr di "Il dolfin" di Carlo Sgorlon
Viôt ancje: fuc
fûc s.m.
[CO] Fameis, une volte ancje tant che unitât contributive
esemplis
"tal borc a jerin dodis cjasis, dodis fûcs, e ducj cun cualchi secul di vite disgotade dì par dì in chel cjantonut dal mont"
gjavât fûr di "Sot il puarti" di Pieri Menis
fûc s.m.
Il brusâ violent e slargjât di un lûc, di un bosc e v.i.
sinonims
incendi
esemplis
"l'an passât che al à trat saete su la stale di Beltram, o jerin in cuatri a parâ il fûc cul seglot"
gjavât fûr di "Lis predicjis dal muini" di Josef Marchet
"chês faliscjis li tai forments sul seselâ… parmìs dai toblâts, pai fens… Divuardi un fûc!"
gjavât fûr di "La aghe da pît la cleve" di Dino Virgili
fûc s.m.
Pont par meti a scjaldâ une cite sul gas tun fornel di cusine
esemplis
"une cusine di trê fûcs e une lastre eletriche"
"cuant che [il rîs] al è cuet, gjavâ dal fûc e cuinçâ cuntun riç di spongje e une grampe di formadi gratât"
gjavât fûr di "Jerbis salvadiis inte cusine furlane" di Giorgio Pascoli
fûc s.m.
Fuarte sensazion di cjalt (fig.)
sinonims
scalmane, flame
esemplis
"Rose si sintive a vignî rosse e nol bastave il fresc de sere a gjavâi il fûc che si sintive in muse"
gjavât fûr di "Il muc" di Roberto Ongaro
fûc s.m.
Sintiment o sensazion une vore fuarte (fig.)
sinonims
flame, passion
esemplis
"jê lu cjalave cul fûc tai voi"
gjavât fûr di "Sul agâr" di Pieri Menis
"al è trist cui che nol à fûc tal so sen e nol crôt"
gjavât fûr di "Al mandolâr" di Ugo Pellis
fûc s.m., inter.
Tai zûcs, peraule che si dopre par segnalâ la vicinance di une robe che i fruts a àn di cjatâ
esemplis
"aghe... aghe... lusignutis... fûc! fûc! ... cjatât!"
fûc s.m.
Schirie di colps di armis di fûc
esemplis
"bombis fissis tant che confets a gnocis; e nô propit li sot; [...] il nestri tenent, che al jere un di chei che la vuere le veve fate, al à fat telegrafâ che se le finissin bon, se no al ven jù lui. Alore, fermât il fûc, ducj indenant une altre volte"
gjavât fûr di "I ribei" di Alan Brusini
"al jere ta la aghe cul gjeni a fâ il puint di len jenfri doi fûcs, che ducj a traevin li ret, talians e todescs"
gjavât fûr di "Come tai romançs" di Alan Brusini
fûc s.m.
Situazion vive, impiade, o ancje riscjose, pericolose, violente e v.i. (fig.)
esemplis
"[te prime vuere mondiâl] i furlans a forin ad ôr dal fûc e si lassarin convinci che ur tocjave murî par salvâ lis lôr cjasis"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
fûc s.m.
[TS] (ot.) Pont dal as otic di une lint o di un spieli curvât li che i rais si incrosin
sinonims
focus
fûc s.m.
[TS] (gjeom.) Pont dal plan di une coniche tâl che il rapuart jenfri la distance di ogni ponte de coniche e de diretorie al è costant
fûc s.m.
[TS] (astrol.) Trigon che al cjape dentri i segns zodiacâi di Sagjitari, Leon e Roc
fûc s.m.
[TS] (gjeol.) Pont li che, dentri de croste de Tiere, e partìs une scosse teluriche
sinonims
focus
fûc s.m.
[TS] (cristal.) Dispersion di lûs blancje, che tal diamant e je une vore marcjade, che e prodûs un zûc cromatic une vore preseât
fûc s.m.
[TS] (med.) Centri prin di un procès patologjic
sinonims
focus
fûc s.m.
Spec. tal pl., fusete che si fâs sclopâ tal cîl cun efiets dâts di particolârs preparazions e zontis chimichis, par fâ biel e par celebrâ fiestis
sinonims
fûc artificiâl, fûc di artifici
esemplis
"e par dî il vêr, dut al è lât pulît: / l'è lât ben il convît, / i fûcs a perfezion; / la bande nazionâl propri benon"
gjavât fûr di "Relazion de Viele" di Pieri Çorut
"dopo i fûcs, si mangje e si bêf…"
gjavât fûr di "Viaç a Vignesie" di Arturo Feruglio
detulis
"a brusâ lens verts, si fâs fum e no fûc"
"a fûc là che al fume, a messe là che al sune"
"aghe lontane no distude fûc"
"cuant che al burle il fûc, o forescj o regâi o peteçs"
"cuant che al busine il fûc, forescj in cjase"
"cuant che il fûc al busine: o forescj o amîs a puartâ pueste"
"cuntun len sôl no si fâs fûc"
"da la aghe si cjape il pes, dal fûc nuie"
"di une lusigne al nas un grant fûc"
"dongje dal stran no stâ fâ fûc"
"dulà che al è stât il fûc al reste odôr di brusadiç"
"dulà che al è stât il fûc e reste la cinise"
"dulà che al fume al è fûc"
"dulà che tu viodis cinise tu disis che al è stât il fûc"
"il çoc vieri al è chel che al ten dongje dal fûc"
"il fûc al disfe la glace"
"il fûc al è mieze compagnie"
"il fûc al è une seconde compagnie"
"il fûc fin che al è sclâf al è biel e bon, ma vuai a lassâlu deventâ paron"
"il fum si viôt dulà che a fasin fûc"
"il fûs cuant che al cole al zure il vêr"
"l'amôr, il fûc e la tos prest si cognòs"
"l'aur si provilu tal fûc, la amistât te necessitât"
"l'Invier al fûc, l'Istât a la ombre"
"la aghe e il fûc a stan in pôc lûc"
"la aghe in bocje a distude il fûc"
"la stope dongje dal fûc si impie"
"Nadâl al zûc e Pasche dongje dal fûc"
"no stâ meti la paie dongje dal fûc"
"nol è mai fûc che nol scjaldi cualchidun"
"o cuete o crude il fûc le à viodude"
"ogni cjamin il so fûc"
"par distudâ il fûc ogni aghe e je buine"
"se al busine il fûc: o forescj o contrescj"
"un len sôl nol fâs fûc"
"vin, aghe e fûc a son bogns, se no si ju lasse deventâ parons"
torne sù
torne sù