Tu âs cirût la peraule
bilengâl monolengâl cognons
Tu âs cirût la peraule
foga
torne indaûr

bilengâl

foga s.f.
  • 1

    s.f. passion, foghe Copie

    [CO] (fuarce intal fâ o intal fevelâ)
    ha parlato con troppa foga = al à fevelât cun masse passion

    s.f. buride Copie

    (premure)
    nella foga della partenza = te buride di partî

    s.f. passion, foghe, viamence Copie

    (entusiasim)
    ha cominciato con tanta foga, ora perde colpi = al à tacât cun tante viamence, cumò al bat in teste

monolengâl

passion s.f.
(pa-ssi-on)
[TS] (religj.) Spec. cu la iniz. maiusc., i torments di Crist su la crôs e la lôr narazion tai Vanzelis
esemplis
"o vês sintût ce maniere che in cheste Domenie Ulive, che e inaugure la setemane de passion, Marc al conte la muart di Crist"
gjavât fûr di "Cuant che a un popul i gjavin la sô lenghe in glesie, al è pront par jessi soterât" di Francesc Placerean
passion s.f.
(pa-ssi-on)
Fuarte pulsion irazionâl, sintiment che al cjape dute la persone
esemplis
"al jere un mont insanganât e torgul, là che passions e odis si confondevin cui ideâi e l'amôr di patrie"
gjavât fûr di "Il muc" di Roberto Ongaro
passion s.f.
(pa-ssi-on)
Sintiment amorôs une vore ferbint o maniere di vivi i rapuarts amorôs une vore ferbinte
esemplis
"si jere sposade trê voltis [...] la tierce par passion"
gjavât fûr di "Faliscjis" di Cristina Noacco
"lui al viodeve in jê la passion improibide; che e ten indaûr e e clame tal stes timp"
gjavât fûr di "Cjase di Dalban" di Maria Forte
passion s.f.
(pa-ssi-on)
Interès, plasê e ogjet di interès e plasê une vore fuart, ancje esagjerât
sinonims
amôr, fiere, slanç, traspuart
esemplis
"ce impuartavial, po, di comprâ chê braide? Tant lui nol veve mai vût passion di tiere"
gjavât fûr di "La tiere di Lansing" di Maria Forte
"i miei bis, i gjenitôrs dai miei nonos, a jerin passionâts di musiche liriche, i àn passade chê passion ai fîs e cumò gno nono mi fâs scoltâ musiche classiche ancje a mi"
gjavât fûr di "Sul florî" di AAVV
"il gno [strop] al jere tal mieç, sot dal miluçâr e ator ator o vevi implantadis cuatri o cinc rosis: la mê passion; e ducj mi ridevin par cheste debilece!"
gjavât fûr di "La scuele dai fornasîrs" di Pieri Menis
"la passion pal vin lu veve spedît a cjalâ il lidric de bande dal poc prime da la ore"
gjavât fûr di "Aiar di cjase" di Franca Mainardis
passion s.f.
(pa-ssi-on)
Fuarte partecipazion emotive e impegn che al derive di chê partecipazion
sinonims
anime, cûr, slanç, traspuart, partecipazion
esemplis
"al veve imparât une robe che chei altris no savevin, ven a dî cjapâ lis robis cemût che a vignivin, cjalâlis di adalt, cun distance e cence passion"
gjavât fûr di "Prime di sere" di Carlo Sgorlon
"Alexander Wolf [...] si è dedicât cun passion ae ricercje di documents antîcs tai archivis de regjon"
gjavât fûr di "Documents de Ete di Mieç pal studi dal furlan antîc" di Federico Vicario
passion s.f.
(pa-ssi-on)
Dolôr, pene grande (fig.)
sinonims
cruzi, cruzie, patiment, pene, soference, dûl
esemplis
"capitada po la ultima sô zornada veva sintût un strinziment di cûr, una passion, un afan [...] uareva viodiju [siei fradis] ancjamò una volta ca jù, jessi perdonada, e bussâju"
gjavât fûr di "Il me paîs" di Federigo Comelli
"ninà pipin codai, / biade la ore che ti ai, / se une dì jo no ti ves, / di passion o murirès"
gjavât fûr di "Sacheburache" di Zuan Nazzi Matalon, Ottorino Burelli
detulis
"la passion e scjafoie ancje la reson"
"la passion no resone"
"uciel pal aiar al cjante di ligrie, uciel in scjaipule al cjante di passion"
"voltât il cjanton, passade la passion"
torne sù

cognons

Fogàl, Fogale
Fogàl al è a Monfalcon, Fogale a Pagnà. Il sclariment che a 'nt fâs CI 774 (“variantis dal stes cognon trevisan, ancje inaltrò tal nordest de Italie; a vegnin di toponims di origjin venite [cfr. Olivieri 1961a]") nus lasse un pôc a bocje sute. Par rispiet di cui che al consulte la opare, al sarès stât ben ripuartâ ce che al dîs Olivieri intune publicazion che in pratiche no si le cjate plui. E po, no podaressial jessi che e sedi stade invezit la localitât a cjapâ sù il non dal cognon? Lant a viodi te Toponomastica veneta di Dante Olivieri o cjatìn a pagj. 130, il toponim Fogalaro, Fogolarios (in-) a Caprino Veronese tal secul XIII. Il stes autôr al vise che “ancje in dì di vuê al è un cognon Fogolari ". Sì, ma Fogolari nol è Fogàl. Nô o podìn dome fâ la ipotesi che al sedi une contrazion di fogolaro, non che al à il stes significât dal furlan fogolâr e duncje al è probabil che al sedi il non di un mistîr tant che Fogàr (viodi). Pal sît www.cognomiitaliani.org al derivarès di fogal, peraule trevisane antighe che e voleve dî "prenar, cui che al ten impiadis cjalderiis o cjamins".
Fogàr
Al è une vore probabil che al vedi il stes significât di fogolâr (par venitfoghèr) di confrontâ cun fughère “scjaldin". Nol è di escludi che al sedi un mistîr che al à a ce fâ cul fûc. Tal Schedari Biasutti o leìn: 1495 Giacomo q. Bartolomeo Focario de distriche Briscienti (= di Bressie?) habitans in Sancto Zilio (dongje Flumisel) e Zanino q. Bartolomeo Fogharii erano venuti a Villa Vicentina col padre e altri due fratelli due o tre anni prima che i Turchi per la prima volta facessero l’incursione su Monfalcone. Al è une vore presint a Çarvignan; al è ancje a Aquilee, Monfalcon, Gurize (culì ancje come Fogàri), Flumisel, Grau, Roncjis di Monfalcon.
fonts
1696 Gio. Batta et F.lli Fogari di Fiumicello, colloni dei nobb. Colloredo della possession detta Ronchilona (ASU Perusini 559.13); 1719, ai 24 di Lui don Leonardo Fogaro q. Gio. Batta da Fiumicello – gli fanno patrim. eccl. gli zii pat. Giacomo e Paolo e gli zii mat. di Mariano don Gio. Batta e Giacomo Cechotti (Patrimonium);1756 Vicario di Fiumicello (Filze); 1743, ai 8 di Lui don Giacomo Fogar del Sig. Angelo q. Michele da Terzo d’Aquileia – il padre e il Sig. Derossi gli fanno patrim. eccl. (Patrimoni); 1809 Andrea Fogar colono in Cervignano (ASU Della Torre/B 30); 1923 Luigi Fogar, nassût a Piume-Gurize tal 1882, al è vescul di Triest (Nazzi, 1992).
torne sù