Hai cercato la parola
bilingue monolingue
Hai cercato la parola
forza della natura
Torna indietro

bilingue

forza della natura
  • 1

    loc.s.f. fuarce naturâl, fuarce di nature Copia

    [CO] (element naturâl, spec. cuant che si pant cun grande violence)
    lo spettacolo delle forze della natura = il spetacul des fuarcis naturâls

    loc.s.f. fuarce, fuarce di nature Copia

    [CO] (persone une vore fuarte o vivarose)
    quella ragazza è una forza della natura = chê fantate e je une fuarce oppure une fuarce di nature

monolingue

fuarce s.f.
(fuar-ce)
Energjie fisiche, robustece, vivôr dal cuarp
sinonimi
energjie, gaiardece, gnerf, potence, robustece, virtût, vite, vivôr, snait, empit
esempi
"[Nardon] al pareve un zigant, al veve une fuarçate che di bessôl al cjapave sù un cuintâl di forment, sal butave su lis spalis e lu puartave sul solâr cence scomponisi"
da "Nardon e Vigjute di Nani" di Pieri Somede dai Marcs
"denant dal spolert in bore, une viele grasse cui braçs taronts e messedave cun fuarce une biele polente zale"
da "Grivôr" di Franca Mainardis
fuarce s.f.
(fuar-ce)
Capacitât di resistence morâl, energjie spirituâl, spirt
sinonimi
decision, determinazion, gnerf, indurance, robustece, saldece, sgrimie, snait, spirt, tignince, ustinazion
esempi
"un colp di fede al è come une scoreade che e fâs tornâ a movi fuarcis incjantonadis ta la anime e il mâl al à cûr di sfantâsi"
da "Il Bide di Miot" di Maria Forte
"la sô peraule e rivave simpri a tornâ spirt e fuarce a ducj, ancje tal piês cruziâsi"
da "Cjase di Dalban" di Maria Forte
"bisugne vê la fuarce di cjalâ dut cence parevoi e di pesâ dut cence baronade"
da "Lis predicjis dal muini" di Josef Marchet
fuarce s.f.
(fuar-ce)
Convinzion, decision
sinonimi
snait, empit, viamence
esempi
"- Jo no soi in dovê di nuie! - al disè cun fuarce. - E mancul che mancul viers di te!"
da "Trê feminis" di Gianni Gregoricchio
fuarce s.f.
(fuar-ce)
Ben, cualitât, disposizion e v.i. che e permet di fâ alc, di rivâ a un risultât e v.i.
esempi
"il lavôr è la nestre fuarce, l'ordin è la nestre grandece"
da "Resurezion a Pontinie" di Pieri Somede dai Marcs
"massime i doi Torians, Raimont e Paian, a doprarin lis fuarcis e lis risorsis dal Friûl par judâ i interès de lôr famee in Lombardie, tes sôs vueris cuintri i Visconts"
da "Cuintristorie dal Friûl fin sot la Italie" di Josef Marchet
fuarce s.f.
(fuar-ce)
Energjie des facoltâts inteletivis o emotivis
esempi
"«Chest ca» al diseve il cont alçant la tace, «al da fuarce al inzen e alis ae fantasie»"
da "Par stradis lungjis" di Alan Brusini
"la chelare cui voi plens di turchin e la sede bionde de piel e sgurletave dibant intor di lui. Che al jere di vê judizi e fuarce di amôr lontan"
da "Varc di confin" di Maria Forte
fuarce s.f.
(fuar-ce)
Potence, intensitât di un element naturâl o di un fenomen fisic e sim.
sinonimi
empit, energjie, gaiardece, gnerf, potence, sburt, viamence, violence, vivôr
esempi
"tal indoman il cîl al jere net come un veri, e la aghe tes stradis e veve scomençât daurman a calâ di nivel e plui di dut no veve aromai la fuarce e la velocitât di prin"
da "Ombris tal infinît" di Carlo Sgorlon
"e scomence a gotâ la ploie. O alci il cjâf, par misurâ la fuarce dal timp"
da "Viaç a Vignesie" di Arturo Feruglio
fuarce s.f.
(fuar-ce)
Element che al pues puartâ un risultât su personis, robis, sul ambient e v.i.
esempi
"in nissun sît come culì la autoritât centrâl e somee une fuarce contrarie ae libertât, une ofese cuintri la logjiche, une assurditât creade par dispiet o par tristerie"
da "La man e la arme" di Josef Marchet
"la citât ti somee imbombide di straniis presincis. Come se i oms a sedin menaçâts di fuarcis che no si cognossin"
da "Leviathano!" di Checo Tam
"l'om, cul progrès sientific, cul domini des fuarcis de nature che al va cjapant simpri plui, i somee che aromai preâ nol zovi plui"
da "Il popul furlan al à ancjemò nostalgjie des robis bielis e santis" di Francesc Placerean
fuarce s.f.
(fuar-ce)
Energjie fisiche, at o ategjament violent cuintri di cdn. o di alc
sinonimi
prepotence, violence
esempi
"siore Anute, zigant come une gjaie, e veve cjapât la fie par un braç e le veve sdrangolade cun fuarce par obleâle a gjavâ l'anelut"
da "Cjase di Dalban" di Maria Forte
fuarce s.f.
(fuar-ce)
Tal pl., grup di oms armâts
esempi
"o sin a Leipzig, dulà che lis fuarcis de Coalizion a àn drazât l'esercit di Napoleon"
da "La maree nere" di Checo Tam
"cuatri bataions di fantarie formâts, in part, di Furlans, di Lombarts e di Venits e une sezion di artiliarie cun sîs canons: chestis fuarcis a jerin dividudis tra Udin, Osôf e Palme"
da "Cuintristorie dal Friûl fin sot la Italie" di Josef Marchet
fuarce s.f.
(fuar-ce)
Spec. tal pl., grup di personis che a àn in comun ativitâts, programs politics, rivendicazions, obietîfs di domine e sim.
esempi
"il sindic al met in vore proceduris idoniis di consultazion cu lis fuarcis economichis e sociâls interessadis"
da "Statût dal Comun di Udin" di Aministrazion Publiche
fuarce s.f.
(fuar-ce)
[TS] (fis.) Grandece vetoriâl, definide dal secont principi de dinamiche di Newton
esempi
"la curvadure dal spazitimp e à di corispuindi a lis fuarcis gravitazionâls (di maree) che o cognossin, che a son gjeneradis de presince di masse (viôt la leç di Newton)"
da "Teologjie algjebriche" di Sergio Cecotti
fuarce s.f.
(fuar-ce)
[TS] (chim.) Capacitât di reagjî di acits e di basis, determinade dal lôr grât di dissociazion in soluzion
fuarce s.f.
(fuar-ce)
[TS] (marcj.) Facoltât de farine di tignî plui o mancul aghe inte panificazion
proverbi
"a jessi sincîrs, si à fuarce"
"bisugne spindi seont lis fuarcis"
"cuant che a fevele la fuarce, a tâs la reson"
"cuant che e rive la fuarce, la justizie si slontane"
"cui che al à plui fuarce al à plui reson"
"cuintri la fuarce no vâl reson"
"il vin i da fuarce a la lenghe e ur e cjol a lis gjambis"
"la suste simpri tirade e piert la fuarce"
"la union e fâs la fuarce"
"par grande che e sedi la çocje a fuarce di fâ setiç si consume"
Torna in Cima
Torna in Cima