Hai cercato la parola
bilingue monolingue
Hai cercato la parola
frenare
Torna indietro

bilingue

frenare ,
  • 1

    v.tr. frenâ, morestâ, sierâ Copia

    [AU] (sbassâ la velocitât spec. di une machine o di un altri traspuart o diminuî in progression la velocitât fin a blocâ il moviment)
    frena! = frene!
    il macchinista frenò il treno = il machinist al frenà il tren
  • 2a

    v.intr. frenâ Copia

    [AU] (meti in azion il fren)
    frenare a un incrocio = frenâ a une crosere
    se vedi un ostacolo, frena immediatamente = se tu viodis un ostacul frene dal moment
  • 2b

    v.intr. frenâ Copia

    [AU] (rispuindi ae azion dai frens)
    la tua auto non frena bene sul bagnato = la tô machine no frene ben cuant che al è bagnât
  • 3a

    v.tr. frenâ, contrastâ, blocâ, contignî Copia

    [AU] (cirî di fermâ il sparniçâsi di un fenomen)
    frenare il fenomeno della disoccupazione = blocâ oppure imbrenâ il fenomen de disocupazion
    frenare la discesa della borsa = contignî oppure contrastâ la borse che e cole
  • 3b

    v.tr. contignî, tignî indaûr Copia

    [AU] (cirî di stratignî)
    frenare un sentimento = tignî indaûr un sintiment

locuzioni

    frenare la lingua
  • tignî la lenghe a cjase, tignî la lenghe in bocje, tignî la lenghe tai dincjCopia
    [CO] (tignîsi dal fevelâ, spec. dal dî alc di plui)
    quando sei con lui cerca di frenare la lingua = cuant che tu sês cun lui cîr di tignî la lenghe tai dincj

monolingue

sierâ v.tr.
(sie-râ)
Meti un element, ancje mobil, intune posizion che e impedìs la comunicazion, il passaç e v.i.
esempi
""[...] Spietait nome un credo, tant che o sieri chestis puartis, se no i laris mi fasin il disio""
da "Meni Fari" di Luigi Gortani
"o sieravi ancje i scûrs dai barcons e o impiavi la lûs"
da "I forescj" di Alan Brusini, Gian Paolo Linda
Vedi anche: serâ, sarâ, sirâ
sierâ v.tr.
(sie-râ)
Fâ che un spazi, un contignidôr o sim. nol sedi viert, acessibil e v.i.
esempi
"dopo cene, cetantis mascaris a balâ in cjase Dordul e li ridi, sierâur la cjamare par no che a vadin a durmî, çocâ e cjantâ"
da "Une cotule pal dì de sagre" di Pieri Menis
"il nono al veve sierât il camarin cuntun lochet grues e si puartave simpri ator lis clâfs"
da "Sante" di Checo Tam
"sierâ il bussulot de marmelade"
sierâ v.tr.
(sie-râ)
Unî, fâ che si cometin lis parts o i lements di alc, di une linie, di un grup e v.i., in mût che e risulti une forme, une linie, une superficie continue
esempi
"sierâ un cercli"
sierâ v.tr.
(sie-râ)
Tirâ dongje parts di un vistît o sim.
sinonimi
leâ, peâ
esempi
"une cjamesute scure cu lis maniis lungjis ravaiadis in comedon e cuntun cordonut che le sierave fin sot dal cuel"
da "Cretevierte" di Roberto Ongaro
sierâ v.tr.
(sie-râ)
Tornâ a meti dongje o tignî strent alc che al steve viert, spec. se componût di plui elements
sinonimi
pleâ, strenzi
esempi
"Jacum svelt al sierà il pugn e al metè la man in sachete"
da "Baste la mosse" di Angelo Covazzi
" o vierç la puarte: Catia e stâ leìnt un libri. "Che mi scusi" mi dîs, "o voi vie dal lamp". E siere il libri"
da "I forescj" di Alan Brusini, Gian Paolo Linda
"sierâ la ombrene"
sierâ v.tr.
(sie-râ)
Fâ che no si puedi plui passâ
sinonimi
blocâ, stropâ, taiâ, tressâ
esempi
" in puartis di Glemone il vigjil cui braçs a viert i siere la strade juste in chel che al steve rivant"
da "Amîs come prime" di Alan Brusini
sierâ v.tr.
(sie-râ)
Tignî dentri o delimitâ un spazi
sinonimi
cenglâ, cenzi, cercenâ, cerclâ, cjapâ dentri, cludi, confinâ, contornâ, coronâ, incenglâ, sierâ intor, torcenâ
esempi
"[...] la stangjaçade par confin, disore, il puarton di fier dal zardin, su la strade, a sieravin un mont di vert e di ombrene"
da "La aghe da pît la cleve" di Dino Virgili
"la Mont Grande [...] dibot e sierave la val a misdì, lassant viert nome un strentoi par che al surtìs il riul e une stradute"
da "Cretevierte" di Roberto Ongaro
sierâ v.tr.
(sie-râ)
Fâ deventâ insensibil o indisponibil (fig.)
esempi
"sierâ il cûr al amôr"
sierâ v.tr.
(sie-râ)
Meti intun puest che nol è viert o tal viert
esempi
"la sô femine ae casse, [...] pronte sui bêçs cu lis mans plenis di anei, a contâju, a sierâju tal cassetin che al sune"
da "Par stradis lungjis" di Alan Brusini
sierâ v.tr.
(sie-râ)
Obleâ a stâ intun puest controlât
sinonimi
meti dentri
esempi
"i todescs [...] dopo vê cjapât lui e la sô femine Norme a Vignesie, dulà che a jerin scuindûts, ju àn sierâts tun cjamp di concentrament a Carpi"
da "Tripoli bel sol d'amore" di Pieri Somede dai Marcs
sierâ v.tr.
(sie-râ)
Tignî blocât
sinonimi
fermâ, strenzi
esempi
"a jerin trê bussulots di bande che a sieravin te smuarse de glace cualchi gjambe secje di autunâl"
da "Prime di sere" di Carlo Sgorlon
sierâ v.tr.
(sie-râ)
Inderedâ il moviment o il passaç
sinonimi
blocâ, strenzi
esempi
"l'atacant al è stât sierât dai difensôrs"
sierâ v.tr.
(sie-râ)
Puartâ insom, concludi o assisti ae conclusion (ancje ass.)
sinonimi
finî, concludi
esempi
"cussì, sierant il discors, o dîs che o soi tant contente de mê situazion"
da "Sul florî" di AAVV
"o sierìn un altri an, e ce an. Dificil, ruspiôs"
da "Editoriâl" di Dree Valcic
sierâ v.tr.
(sie-râ)
[TS] (zûcs) In cualchi zûc di cjartis, vinci la man metint in taule lis cjartis tes cumbinazions previodudis (ass.)
sierâ v.tr., v.intr.
(sie-râ)
Fermâ, dismeti une ativitât (ancje ass.)
esempi
"malon ancje l'andament des aziendis: a àn sierât in 1275, cuintri 1051 che a àn vierzût"
da "Casse integrazion" di Redazion il Diari
"intant che dutis lis associazions no fassistis a son stadis sieradis dal fassisim, la SFF e à podût continuâ la sô ativitât"
da "La colonie" di Sandri Carrozzo
sierâ v.intr.
(sie-râ)
Di plui parts, cometisi, lâ dongje o sim.
sinonimi
sierâsi, dâsi dongje
esempi
"a Denêl Cjandùs, par vie che al jere tarondin, [la vieste] no i sierave ben denant"
da "Tinut di Libro" di Pieri Menis
sierâ v.intr.
(sie-râ)
Rinunziâ, spec. in maniere definitive, a une persone, a un rapuart, a une ativitât, a un costum e v.i.
sinonimi
finî, finîle
esempi
"o ai cognossût miôr gno barbe Primo cuant che o jeri plui grant, cuant che al à sierât cul pugjilât e al à scomençât cu la lote libare"
da "in Storiis e Memoriis di Furlans in Grande Bretagne Lunari 2010" di John Carnera
"vonde, cun te o ai sierât!"
proverbi
"a chei che ur sierin la puarte, il Signôr ur spalanche il puarton"
"a un lari in cjase no si siere mai"
"ai laris di cjase no si siere mai"
"ai laris no si ur siere lis puartis"
"cjamp sierât al è mieç coltât"
"cjan e vilan no sierin mai la puarte"
"cuant che il lari al à robât,nol ocor sierâ la puarte"
"cuant che lis bolps si consein, sierait il gjalinâr"
"cui che al jentre ultin che al sieri la puarte"
"cui che al reste daûr che al sieri la puarte"
"cui che ben al siere al cjate"
"cui che ben al siere ben al vierç"
"il Signôr al siere une puarte e al vierç un barcon"
"la avemarie sunade, la fantate sierade"
"no si à di sierâ la chebe co l'uciel al è scjampât"
"no stâ spietâ di sierâ il cjôt daspò scjampade la purcite"
"nol vâl sierâ la stale co a son stâts robâts i bûs"
"se il Signôr al siere une puarte, ind vierç cent"
"se il Signôr al siere une puarte, ind vierç dôs"
"se si siere une puarte, si vierç une altre"
"spalancâ i voi parsore il ben, sierâ un voli parsore il mâl"
Torna in Cima
Torna in Cima