SuperDizionari

monolengâl

pleâ v.tr.
(ple-â)

Fâ che alc, soredut alc che si puedi assimilâ a une linie o a une superficie, al cjapi une forme a arc o a cjanton plui o mancul sierât

esemplis

"la gjambe flapide le plearin a scuare e le learin cuntune cengle"

gjavât fûr di "I zimuluts dal Çuet" di Riedo Pup

"un riduçâ lizêr che i pleave i lavris"

gjavât fûr di "Îr e doman" di Gianni Gregoricchio

"su la diestre al jere un machinari di chei par pleâ il fier"

gjavât fûr di "Delit in vie del Lavoro" di Igor Londero

Viôt ancje: pleiâ

pleâ v.tr.
(ple-â)

Fâ che alc si sbassi o movi o meti intune posizion inclinade

sinonims

disbassâ, sgobâ, sbassâ, arcâ

esemplis

"il vieli, sbatûts i voi, al plee il cjâf di une bande e al reste sec"

gjavât fûr di "Dure leç" di Pieri Somede dai Marcs

"al cjapà la pale incolme e le pleà in svuinc, par mostrâi che la malte grasse no si distacave"

gjavât fûr di "La tiere di Lansing" di Maria Forte

pleâ v.tr.
(ple-â)

Rivâ a fâ acetâ une reson, un argoment, un rapuart di fuarcis

esemplis

"a è testarde, ma speri di pleâle"

gjavât fûr di "Vilie di Nadâl" di Pieri Somede dai Marcs

pleâ v.tr.
(ple-â)

Imponi di stâ sot di un podê, sot di un comant, sot di une autoritât (fig.)

sinonims

domeâ, folpeâ, somerzi, tibiâ, sotanâ, suditâ, meti sot

esemplis

"in chel an [I Langobarts] a jerin stanziâts in Ongjarie e te basse Austrie, indulà che a vevin vinçûts e pleâts i Gjepidis"

gjavât fûr di "Cuintristorie dal Friûl fin sot la Italie" di Josef Marchet

pleâ v.intr.
(ple-â)

Cjapâ une traietorie che e cambie di direzion

sinonims

cjapâ, zirâ, butâ, tirâ, voltâ, svoltâ, voltâsi

esemplis

"rivâts al puint di Sant Quarin, pleìn sù a tramontane"

gjavât fûr di "La regjine dal Landri" di Josef Cjargnel

"al veve un tumôr intal lobi frontâl, de bande çampe dal cerviel. Prime di lâ tal ospedâl si jere inacuart che cuant che al cjaminave o che al vuidave la machine, al pleave a diestre"

gjavât fûr di "Il cjâf dai furlans" di Franc Fari

detulis

"bisugne pleâ l'arbul co al è zovin"

"bisugne pleâ la bachete, l'arbul si romp"

"l'arbul al cole di chê bande che al plee"

"l'om si plee, il mûl al è ustinât"

torne sù