Hai cercato la parola
bilingue monolingue
Hai cercato la parola
gettare
Torna indietro

bilingue

gettare
  • 1

    v.tr. butâ, trai Copia

    [FO] (butâ lontan alc cu la man)
    gettare una pietra = trai un clap
  • 2

    v.tr. butâ, butâ vie Copia

    [FO] (butâ vie alc che nol covente)
    dove getto le cartacce? = dulà butio lis cjartatis?
    non gettate le bottiglie vuote = no stait a butâ vie lis butiliis vueidis

    v.tr. dissipâ, butâ vie Copia

    (straçâ)
    gettare un patrimonio al gioco d'azzardo = butâ vie une sostance zuiant di bêçs
    non gettare la tua vita in questo modo = no stâ a dissipâ la tô vite in cheste maniere
  • 3

    v.tr. butâ, parâ jù, parâ vie, parâ fûr Copia

    [FO] (sburtâ)
    lo hanno gettato fuori dalla porta = lu àn butât fûr de puarte
    lo hanno gettato in disparte = lu àn parât in bande
  • 4a

    v.tr. butâ Copia

    [FO] (mandâ fûr)
    il tombino getta acqua per una perdita = il pocit al bute aghe par une pierdite

    v.tr. butâ Copia

    (ancje ass.)
    la fontana non getta da anni = la fontane a son agns che no bute

    v.tr. menâ, butâ Copia

    (di plantis, jessi in fase vegjetative)
    i noccioli hanno gettato moltissimo = i noglârs a àn butât une vore
    in primavera tutto getta = a Vierte dut al mene
  • 4b

    v.tr. butâ, butâ fûr, butâ sù Copia

    [FO] (spandi, di odôrs)
    lo zolfo getta un odore particolare = il solfar al bute un odôr particolâr
  • 5

    v.tr. dâ, butâ fûr, mandâ fûr Copia

    [FO] (emeti, di sunôrs)
    gettare una voce da lontano = dâ une vôs di lontan
    la caverna gettava un'eco sinistra = il landri al mandave fûr un rivoc signestri
  • 6

    v.tr. butâ Copia

    [FO] (produsi alc che no si lu spiete)
    il litigio ha gettato amarezza sulla compagnia = la barufe e à butât marum te compagnie
  • 7

    v.tr. butâ Copia

    [FO] (meti intune cierte cundizion)
    la notizia lo ha gettato nell'indecisione = la gnove lu à butât te indecision
  • 8

    v.tr. butâ, colâ Copia

    [FO] (fâ colâ intun stamp un materiâl fondût o licuit, par fâ un ogjet)
    gettare una campana in bronzo = colâ une cjampane di bronç
    gettare una soletta di cemento = butâ une plote di ciment
  • 9

    v.tr. butâ Copia

    [FO] (dâ la responsabilitât o la colpe a cdn.)
    gettano tutte le colpe sul direttore = a butin dutis lis colpis sul diretôr
  • 10

    v.tr. butâ Copia

    [TS] (rindi)
    l'imposizione fiscale ha gettato novecento miliardi = la imposizion fiscâl e à butât nûfcent miliarts

locuzioni

    gettare a mare
  • [CO] (vedi buttare a mare)
    • gettare a terra
  • [CO] (vedi buttare a terra)
    • gettare acqua sul fuoco
  • [CO], [TS] (vedi buttare acqua sul fuoco)
    • gettare al vento
  • [CO] (vedi buttare al vento)
    • gettare all'aria
  • [CO] (vedi buttare all'aria)
    • gettare alle ortiche
  • molâ vie, butâ di bande, dismenteâCopia
    [CO] (lassâ dal dut)
    ho gettato alle ortiche il latino = o ai molât vie il latin
  • butâ vie, butâ di bandeCopia
    [CO] (straçâ)
    hanno gettato alle ortiche mesi e mesi di preparazione = a àn butât vie mês e mês di preparazion
    • gettare dalla finestra
    gettare fango
  • [CO] (vedi buttare fango)
    • gettare fuori
  • [CO] (vedi buttare fuori)
    • gettare il bambino con l'acqua sporca
    gettare il guanto
  • butâ la sfideCopia
    [CO] (disfidâ)
    • gettare il sasso e nascondere la mano
  • petâ e fâ il cuc, fâ chel che nol è stât, fâ chel che nol saCopia
    [CO] (fâ o dî alc cence cjapâsi la responsabilitât)
    è uno di quelli che gettano il sasso e nascondono la mano = al è un di chei che te petin e a fasin il cuc
    • gettare in faccia
  • [CO] (vedi buttare in faccia)
    • gettare in, per aria
  • [CO] (vedi buttare in, per aria)
    • gettare in, sul volto
  • [CO] (vedi buttare in faccia)
    • gettare l'abito alle ortiche
    gettare l'acqua sporca con il bambino dentro
    gettare l'amo
  • tirâ la filaine, trai l'am, butâ l'amCopia
    [CO] (insidiâ)
    ho gettato l'amo, vediamo se ci casca = o ai trat l'am, viodìn se i cole
  • trai l'am, butâ l'am, gjavâ i passaratsCopia
    (cirî di savê alc cence domandâlu)
    • gettare l'occhio
  • [CO] (vedi buttare l'occhio)
    • gettare là
  • [CO] (vedi buttare là)
    • gettare la croce addosso
  • dâ jù pai cuars, sberlâ la crôsCopia
    [CO] (fevelâ mâl di cdn.)
    perché gli dai la croce addosso? = parcè i sberlistu la crôs oppure i dâstu jù pai cuars?
  • da jù, sberlâ la crôsCopia
    [CO] (dâ la colpe a cdn.)
    l'amministratore getta sempre la croce addosso al padrone = l'aministradôr al sberle simpri la crôs al paron
    • gettare la maschera
  • butâ jù la mascareCopia
    [CO] (pandi a viert lis sôs intenzions)
    • gettare la spugna
  • butâ jù lis armis, dâle sù, molâ çus e vergons, molâle sù, molâCopia
    [CO] (rindisi a un aversari, ae situazion)
    finché ho potuto ho sostenuto l'idea, poi ho gettato la spugna = fin che o ai podût o ai prudelât la idee, daspò o ai butât jù lis armis ha resistito, poi ha gettato la spugna = al à resistût, po al à molât çus e vergons
    • gettare la tonaca alle ortiche
  • butâ jù il golâr, butâ jù la vieste, lassâ la tonie, lassâ la tonie par cjoli la menieCopia
    [CO] (bandonâ i vôts religjôs)
    dopo vent'anni di sacerdozio ha gettato la tonaca alle ortiche = daspò di vincj agns di predi al à butât jù la vieste
    • gettare le armi
  • butâ jù lis armisCopia
    [CO] (di soldâts, rindisi)
    il reparto isolato ha gettato le armi = il repart isolât al à butât jù lis armis
  • [CO] (vedi gettare la spugna)
    • gettare le basi
  • [CO] (vedi gettare le fondamenta)
    • gettare le braccia al collo
    gettare le fondamenta
  • fâ lis fondis, gjavâ lis fondisCopia
    [CO] (fâ la base di un edifici)
  • meti lis fondisCopia
    [CO] (meti lis premessis par fâ alc)
    gettare le fondamenta per uno sviluppo economico = meti lis fondis par un disvilup economic
    • gettare le perle ai porci
  • dâi un confet al musCopia
    [CO] (dâ une vore a cui che nol merete o nol è bon di stimâ)
    fare qualcosa per lui è come gettare le perle ai porci = fâ alc par lui al è tant che dâi un confet al mus
    • gettare luce
  • [CO] (vedi fare luce)
    • gettare olio sul fuoco
    gettare olio sulle fiamme
    gettare olio sulle onde
  • butâ aghe sul fûc, meti aghe, cirî di cuietâ il montCopia
    [CO] (cirî di bonâ une situazion critiche)
    • gettare ombra
  • fâ ombrene, ombrî, ombrenâ, ombrizâCopia
    [CO] (fâ ombrene fermant la lûs)
    la torre gettava ombra sul frutteto = la torate e ombrive il broili
  • butâ ombre, fâ ombre, butâ discreditCopia
    [CO] (comprometi, discreditâ)
    il processo ha gettato ombra sull'azienda = il procès al à butade ombre su la aziende
    • gettare polvere negli occhi
    gettare sul piatto della bilancia
  • tirâ in taule, butâ su la belance, meti su la belanceCopia
    [CO] (fâ pesâ alc, ancje in mût autoritari)
    ha gettato sul piatto della bilancia il suo peso politico = al à tirât in taule il so pês politic
    • gettare un ponte
  • butâ un puintCopia
    [CO] (fâ un puint)
    la protezione civile ha gettato un ponte di emergenza sul torrente = la protezion civîl e à butât un puint di emergjence su la flumere
  • butâ un puintCopia
    [CO] (impastanâ un rapuart)
    gettare un ponte fra due comunità = butâ un puint jenfri dôs comunitâts
    • gettare via
  • [CO] (vedi buttare via)

monolingue

colâ v.intr.
(co-lâ)
Vignî jù dal alt viers il bas, finî intun puest plui bas
sinonimi
cjadê, plombâ, precipitâ, scalapâ, sdramassâ, svolâ, tombolâ, vignî jù
esempi
"dut il lanternit dal toglât e dal cjôt dai purcits al è colât par tiere te arie"
da "La codebuie" di Checo Tam
"ogni volte che o vierç un scûr, a colin fruçons di stabilidure o tocuts di modon"
da "Cjase di Dalban" di Maria Forte
"lis bombis a colarin su lis fabrichis e sui operaris, sui cuartîrs là che e viveve la int normâl, su lis feroviis, su lis radios, su lis televisions e ancje su lis scuelis"
da "Cuintristorie dal Nûfcent 1990-2000" di Angelo Floramo
"jù pe muse di Tin pizighet a colavin lis lagrimis a spissul"
da "Un macet di sanmartinis" di Pieri Menis
Vedi anche: golâ
colâ v.intr.
(co-lâ)
Di fenomens atmosferics, vignî jù dal cîl
sinonimi
lâ jù, trai, vignî jù
esempi
"une gnot e je colade tante di chê nêf che, te buinore, o vin scugnût jessi di cjase pal barcon de cjamare"
da "I forescj" di Alan Brusini, Gian Paolo Linda
"intal daspò misdì, che a Min i jere parût lunc come il passio, e jere colade tante di chê ploie che Diu nus vuardi"
da "Aiar di cjase" di Franca Mainardis
colâ v.intr.
(co-lâ)
De part di un organisim, distacâsi de sô sede
sinonimi
cjadê, vignî jù
esempi
"in chei dîs un sirocâl al faseve colâ lis fueis prin da la ore"
da "Sant Simon: 28 di Otubar 1917" di Pieri Somede dai Marcs
"intant la sô salût e leve simpri piês, i jerin colâts i dincj denant, la muse e jere dute une grispe"
da "A jerin lagrimis" di Pieri Somede dai Marcs
colâ v.intr.
(co-lâ)
Di part dal cuarp, stâ intune posizion plui basse dal normâl par vie dal pês, de etât e v.i.
sinonimi
lâ jù, vignî jù
esempi
"in cualchi conte si dîs che aes aganis ur colavin lis tetis, alore lôr, par che no ur intrigassin cun ce che a vevin di fâ, lis butavin daûr schene"
"al à il barbonçâl che i cole che no si viôt nancje il cuel"
colâ v.intr.
(co-lâ)
Di costruzion o arbul o sim., no stâ plui impins
sinonimi
ruvinâ, sdrumâ jù, vignî jù, cjadê
esempi
"o ai inmò tai voi i peçs alts trente metris, cui braçs tirâts tal colâ par tiere e il bot che a fasevin e lis lidrîs inmò umidis e vivis inceadis e tal doman scridelidis tal soreli"
da "Il zardin" di Alan Brusini
"Cul taramot dal 1511 al è colât il cjistiel vieri di Udin e po tal so puest a àn fat chel palaç che si viôt cumò "
colâ v.intr.
(co-lâ)
Di guvier, regjim o dinastie, pierdi il podê dal improvîs (fig.)
sinonimi
cjadê, finî, sdrumâ jù
esempi
"o vin sperimentât che, cuant che al cole il guvier - in medie ogni vot mês - la int nancje no si çugne"
da "A restin nome carabinîrs e predis" di Riedo Pup
colâ v.intr.
(co-lâ)
No rivâ a passâ ben une prove (fig.)
sinonimi
pierdisi, falâ, falî, sbaliâ
esempi
"colâ inte domande plui facile"
colâ v.intr.
(co-lâ)
Ancje cu la particule "i", finî imbroiât o intun pont de discussion dulà che si scuen dâ reson a chel altri
esempi
"se al viodeve, metìn, vignî fûr un di une bande là che a no jerin i siei cjamps, lu frontave cun tante polegane che lu faseve colâ"
da "Vigji il vuardian" di Lucio Perès
"lu faseve spietâ intal puest precîs che jê e veve stabilît e dopo, magari, nancje no si presentave. De bande sô Nedo si imprometeve di no colâi plui"
da "Trê feminis" di Gianni Gregoricchio
colâ v.intr.
(co-lâ)
No vê plui valôr, efiet e v.i. (fig.)
sinonimi
distudâsi, finî, smamîsi, smavîsi, sparî, sfantâsi, lâ al mancul
esempi
"la vecje toponomastiche leade al mont agricul no ven plui doprade ancje parcè che al cole il leam tra il doprâ i lûcs e il non"
da "Studi da la evoluzion dal paisaç mediant i toponims" di Rino Gubiani
"lassâ colâ une domande cence rispuindi"
colâ v.intr.
(co-lâ)
Di comunicazion telefoniche, radiofoniche o televisive, interompisi dal improvîs
sinonimi
pierdisi
esempi
"la radio no si sintive. Il segnâl al jere colât"
da "Un Friûl difarent: i 90 mhz di Onde Furlane" di Max Mauro
"o ai la batarie che e je scuasi finide, se e cole la linie, tu sâs che al è par chel"
colâ v.intr.
(co-lâ)
Passâ di une situazion a une altre che pal solit e je piês, cjatâsi intune situazion negative (fig.)
sinonimi
cjatâsi, finî, lâ a finîle, lâ
esempi
"la Furlanie e colave sot di un paron dûr, risolût a no molâle ni par pôc ni par trop"
da "Cuintristorie dal Friûl fin sot la Italie" di Josef Marchet
"cuant che un al strace e nol sa doprâ ben la bondance, nol fâs nancje dûl cuant che al cole te miserie"
da "Pre Pitin" di Antoni Beline
colâ v.intr.
(co-lâ)
Finî par pierdi di cualitât, finî intune cundizion o forme che no si pues calcolâ positive (fig.)
sinonimi
scjadi, sbrissâ, lâ jù
esempi
"nus sburtin a dismenteâ inte ilusion che il consum di prodots nus rindi libars e imortâi, intune semplificazion de realtât che e fâs colâ il pinsîr inte banalitât plui totâl"
da "Interviste a Pierluigi Cappello" di Walter Tomada
"il bal al cole tal satanic. Il cjalt al scjafoie, il sudôr al scomence a puçâ"
da "Viaç a Vignesie" di Arturo Feruglio
colâ v.intr.
(co-lâ)
Di alc di negatîf , capitâ (fig.)
sinonimi
capitâ, finî, lâ, plombâ, sucedi, rivâ, vignî
esempi
"lis vueris che a son coladis, une daûr di chê altre, sul cjâf de nestre int, no àn sparagnade nissune famee"
da "Trê feminis" di Gianni Gregoricchio
"i vignivin tal cjâf lis vecjis storiis, sintudis di frut, che a contavin de vôs dal sanc, des maledizions che a colavin su chei che a alçavin la man cuintri i lôr viei"
da "Il muc" di Roberto Ongaro
"al fo propit in chel Jugn morentât, che un gnûf dolôr al colà su chê cjase che e scomençave a insestâsi e comedâsi tes robis"
da "Cjase di Dalban" di Maria Forte
colâ v.intr.
(co-lâ)
Finî, in gjenerâl par câs o par resons che no si puedin controlâ, intune cierte posizion, compagnie e v.i.
sinonimi
jessi, finî, cjatâsi, intivâsi, lâ a finî, lâ a finîle, tocjâ
esempi
"cheste volte tal eterni zûc de vite e veve saltât un grum di caselis e e jere colade in chê plui fortunade di dutis"
da "Ombris tal infinît" di Carlo Sgorlon
"cuant che o soi lât a scuele o soi colât cu la stesse mestre che al veve vût gno fradi"
colâ v.intr.
(co-lâ)
Dai voi, de cjalade e v.i., indreçâsi par câs su alc o cdn.
sinonimi
finî, lâ
esempi
"cuant che o jeri daûr a tornâ sù, il voli mi colà tun cjanton, juste chel là che parsore al jere postât Alberti"
da "Il solt di Arlunc" di Gianluca Franco
colâ v.intr.
(co-lâ)
Lâ a tocjâ un ciert argoment
sinonimi
lâ, tocjâ, finî, rivuardâ, bati
esempi
"il discors al colà sui Batistons, sul matrimoni di Guri e Nita"
da "La aghe da pît la cleve" di Dino Virgili
colâ v.intr.
(co-lâ)
Ricori intun timp determinât di setemane o di lunari o cuntune cierte periodicitât
sinonimi
jessi, tornâ, vignî
esempi
"il scûr al jere penç, che al colave il gnûf di lune"
da "Trê feminis" di Gianni Gregoricchio
"in chel an Pasche e colave adore: i mandolârs e i ciespârs a jerin ducj in flôr e lis âfs a businavin tra i ramaçs"
da "Par une lengate" di Pieri Somede dai Marcs
colâ v.intr.
(co-lâ)
Di cdn. o dal so vivôr, cedi par vie di un sfuarç masse grant, no resisti plui (fig.)
sinonimi
pierdisi, slacâ, socombi, sparî, sfantâsi, lâ in nuie, lâ al mancul
esempi
"o sint che mi molin i zenoi e colâ lis fuarcis"
da "Storie di Min" di Ivano Urli
colâ v.intr.
(co-lâ)
Di presits, cuotazions e sim., vê un ribàs une vore fuart
sinonimi
colassâ, lâ jù, ribassâsi, calâ, sbassâsi
esempi
"lis istessis nâfs a vapôr che a puartavin i emigrants intes Americhis a tornavin a Gjenue e intai puarts europeans plenis di gran coltivât dai americans, cussì che al colave il presit dal prodot european"
da "Il Risorziment a Martignà" di Elio Varutti
colâ v.intr.
(co-lâ)
In loc.pragm., par domandâ ce che al sucêt
sinonimi
nassi, jessi, sucedi
esempi
"alore, ce colial cumò, che no le finîs plui di clamâmi?"
colâ v.intr.
(co-lâ)
Fâ une pression suntun pont, su alc o su cdn.
sinonimi
pesâ, tocjâ
esempi
"il pês dal arc al cole te stesse misure su lis dôs colonis"
colâ v.intr.
(co-lâ)
Di un vistît, di une tende, di cjavei e v.i., lâ jù intune cierte posizion o intun mût particolâr
sinonimi
stâ, vignî jù, lâ jù
esempi
"ogni tant Rosute si fermave a tirâsi sù cu la conole un riçot restîf che i colave jù pe muse"
da "La aghe da pît la cleve" di Dino Virgili
"al jere un om grant e sec, cui cjavei grîs che i colavin sul cerneli e lis orelis"
da "Prime di sere" di Carlo Sgorlon
"cjadenis di aur che a lavin in zîr dal cuel dôs voltis prime di colâ jù fin ae cinturele"
da "Chei di Muraie" di Pieri Menis
"si tire jù la barete che i colave fin sul nâs"
da "Un macet di sanmartinis" di Pieri Menis
colâ v.intr.
(co-lâ)
Finî intune cundizion negative pal umôr, pe morâl, pe legalitât e v.i.
sinonimi
finî, lâ, sbrissâ, subissâsi, lâ a finîle
esempi
"si jere come inflossît, e al colà dentri i pinsîrs plui neris"
da "Mabile la Lunghine" di Maria Forte
"a fuarce di volê lâ cuintri il conformisim uficiâl, a colin intun conformisim contrari"
da "Cuintristorie dal Friûl fin sot la Italie" di Josef Marchet
colâ v.intr.
(co-lâ)
[CO] (ling.) Di acent, jessi suntune cierte vocâl o silabe
sinonimi
finî, jessi, lâ
esempi
"se l'acent tonic al cole su la ultime vocâl scuvierte des peraulis polisilabis, si scrîf l'acent grafic"
colâ v.intr.
(co-lâ)
[CO] (ling.) Di sun o foneme o secuence di suns o fonemis, pierdisi, no jessi plui pronunziât
esempi
"cundut che daûr di ciertis osservazions gjenerâls la lenizion par furlan no rive a fâ colâ lis dentâls intervocalichis (simpri Benincà, 1989), si cjate che in cualchi câs [d] intervocalic posttonic al cole"
da "Di VĬDĔO a viôt e di CRĒDO a crôt. Une ipotesi di derivazion" di Sandri Carrozzo
proverbi
"al è passât il timp che a colave la mane"
"al prin colp nol cole l'arbul"
"che al coli il mont, baste che nol coli par me"
"cuant che il piruç al è madûr, al cole"
"cuant che la piruce e je madure, e cole"
"cui che al à la cjamese scuintiade che al stedi atent che no i colin i bregons"
"cui che al è plui in alt nol pense che al po colà"
"cui che al nas disfortunât ancje se al cole par daûr si romp il nâs"
"cui che si sente sun dôs cjadreis dispès al cole par tiere"
"cul lâ ator di gnot si cole tal poç"
"cuntun colp nol cole l'arbul"
"e clope ancje la code dal mus, ma no cole"
"e treme la code dal mus, ma no cole mai"
"il fûs cuant che al cole al zure il vêr"
"il miôr piruç i cole in bocje al purcit"
"il mus che al è colât une volte nol cole plui"
"il piruç co al è fat al cole"
"il piruç nol cole mai lontan dal piruçâr"
"insom de scjale si cole"
"l'arbul al cole di chê bande che al pent"
"l'arbul al cole di chê bande che al plee"
"la blesteme a va ator siet agns e po e torne a colâ su par cui che le da"
"la tampieste e cole simpri sui cjans magris"
"la trope prudence e cole in imprudence"
"lis botis no colin mai dutis intune volte"
"lis maledizions a van trê dîs par lûc, po a colin là che e je la colpe"
"nissun mestri nol è colât dal cîl"
"no cole une fuee cence il permès di Diu"
"par un colp nol cole il len"
"se al plûf il dì di Sant Barnabè, e cole la ue fin che a' nd è"
"un vuarp che al mene un altri vuarp a colin ducj i doi te buse"
Torna in Cima
Torna in Cima