Tu âs cirût la peraule
bilengâl monolengâl
Tu âs cirût la peraule
giocare
torne indaûr

bilengâl

giocare v.intr., v.tr.
  • 1

    v.tr. zuiâ Copie

    [FO] (fâ une gare sportive)
    giocare una brutta partita = zuiâ une brute partide
  • 1a

    v.intr. zuiâ, zuiatolâ Copie

    (ancje di animâi)
    il gatto gioca col gomitolo di lana = il gjat al zuie cul glimuç

    v.intr.

    (daûr lis specificazions dai zûcs)
    giocare a biglie = zuiâ di balutis
    giocare a bocce = zuiâ di balis oppure zuiâ di sbocj oppure zuiâ di burelis
    giocare a briscola = zuiâ di briscule
    giocare a bussolotti = zuiâ di bussulots
    giocare a calcio = zuiâ di balon
    giocare a capannascondere = zuiâ di cucuc
    giocare a morra = zuiâ di more oppure bati la more
    giocare a mosca cieca = zuiâ di gjate vuarbe
    giocare a nascondino = zuiâ di cucuc oppure zuiâ di platât oppure zuiâ di scuindisi oppure zuiâ di sclupidonis
    giocare a palle di neve = zuiâ di balonadis cu la nêf
    giocare a palline = zuiâ cu lis balis di tic oppure zuiâ di tic oppure zuiâ di balutis
    giocare a piastrelle = zuiâ di bati il clap oppure zuiâ di slavaris
    giocare a prendersi = zuiâ di cjapâsi oppure zuiâ di corisi daûr oppure zuiâ di puce oppure zuiâ di camparin
    giocare a rimbalzello = fâ i passarins oppure zuiâ di passarins oppure fâ razut oppure zuiâ di razut oppure fâ razute oppure zuiâ di razute
    giocare a rimpiattino = zuiâ di platâsi oppure zuiâ di cucuc oppure zuiâ di cucuche oppure zuiâ di sclupidonis oppure zuiâ di platât
    giocare a ripiglino = zuiâ di see
    giocare a scaldamani = zuiâ di manutis
    giocare a scopa = zuiâ di scove
    giocare a tocca e scappa = zuiâ di puce
    giocare a tombola = zuiâ di tombule
    giocare a tressette = zuiâ di tressiet oppure tressietâ
    giocare alla pelota friulana = zuiâ di pilote
    giocare alle bambole = zuiâ di pipinis
    giocare alle signore = zuiâ di sioris

    v.intr. zuiâ Copie

    [FO] (passâ il timp par divertîsi)
    i bambini hanno giocato tutto il giorno = i fruts a àn zuiât dut il dì
  • 1b

    v.intr. zuiâ Copie

    [FO] (fufignâ)
    giocare con la catenina d'oro = zuiâ cu la cjadenute di aur
    giocava con le chiavi = al zuiave cu lis clâfs
  • 2

    v.intr. zuiâ Copie

    [FO] (fâ un sport, di diletant o di professionist)
    giocare a pallacanestro = zuiâ di basket
    giocare a rugby = zuiâ di rugby
    giocare a tennis = zuiâ di tenis
    giocare al calcio = zuiâ di balon

    v.intr. fâ, zuiâ Copie

    (fâ une cierte funzion te scuadre)
    giocare da ala = zuiâ di ale oppure fâ di ale

    v.intr. zuiâ Copie

    (fâ une partide di un sport)
    oggi la squadra gioca in casa = vuê la scuadre e zuie in cjase
  • 2a

    v.tr. bati, zuiâ Copie

    [FO] (tai zûcs di cjartis, meti jù une cjarte)
    giocare il re = zuiâ il re oppure bati il re
  • 2b

    v.tr. zuiâ Copie

    [FO] (tai zûcs di cjartis o di taule, jessi chel che i tocje la man, fâ une mosse)
    gioco io, tocca a me = o zui jo, mi tocje a mi
  • 2c

    v.tr. zuiâ Copie

    [FO] (pontâ, scometi bêçs)
    giocare un ambo al lotto = zuiâ un ambo al lot
  • 3

    v.intr. zuiâ Copie

    [FO] (fâ zûc di azart, riscjâ bêçs in scomessis o zûcs)
    giocare a pocker = zuiâ di poker
    giocare ai cavalli = zuiâ sui cjavai

    v.intr. zuiâ Copie

    (vê il vizi dal zûc di azart)
    è uno che gioca e ha perso tutta la sua sostanza = al è un che al zuie e al à pierdude dute la sô sostance

    v.tr. zuiâ Copie

    [FO] (sfrutâ fin insom)
    giocare ogni possibilità che si presenta = zuiâ ogni pussibilitât che si presente
    ha giocato tutte le carte che aveva = al à zuiadis dutis lis cjartis che al veve
  • 4

    v.tr.

    (vê un brut compuartament viers cdn. o rompisi, di machinis)
    giocare un brutto tiro a qcn. = fâle sporcje oppure fâ un tîr a cdn.
    l'auto nuova mi ha giocato un brutto tiro = la machine gnove me à fate oppure petade brute oppure me à fate che no me spietavi

    v.tr. petâle, fâle Copie

    [FO] (ingjanâ, cjoli vie)
    mi ha giocato ancora! = me à fate une altre volte!

    v.intr. zuiâ Copie

    [FO] (improfitâ di une situazion par vê un ciert risultât)
    giocare sui sentimenti di qcn. = zuiâ sui sintiments di cdn.
    il film è tutto giocato sul dramma psicologico = il film al è dut zuiât sul drame psicologjic
  • 5

    v.intr. contâ, pesâ Copie

    [FO] (vê pês, impuartance)
    nella sua situazione giocano molto le conoscenze = te sô situazion a contin tant lis cognossincis
  • 6

    v.intr. zuiâ Copie

    (tratâ cence rispiet)
    non giocare con gli affetti = no stâ a zuiâ cui afiets

    v.intr. zuiâ Copie

    [FO] (meti in pericul)
    ha giocato con il suo futuro = al à zuiât cul so futûr
  • 7

    v.intr. zuiâ Copie

    [FO] (di element naturâl, produsi efiets particolârs)
    la luce giocava sulla superficie del cristallo cambiando colore = la lûs e zuiave su la superficie dal cristal mudant colôr
  • 8

    v.intr. zuiâ, clopâ Copie

    [CO] (di toc mecanic e sim., movisi dentri di une sede di un mecanisim plui di ce che al coventarès)
    il mozzo del carro gioca e la ruota potrebbe uscire = il cjarpint dal cjar al clope e la ruede e podarès jessi vie
    il perno gioca troppo, bisogna stringerlo = il pivot al zuie masse, si scuen strenzilu

locuzions

    giocare a carte scoperte
  • zuiâ a cjartis viertisCopie
    [CO] (declarâ lis intenzions)
    a questo punto è meglio giocare a carte scoperte = a di chest pont al è miôr zuiâ a cjartis viertis sia sincero e giochi a carte scoperte = che al sedi sincîr e che al zui a cjartis viertis
    • giocare al, sul sicuro
  • zuiâ sul sigûr, zuiâ sigûrCopie
    [CO] (zuiâ cence pericul)
    • giocare con le, sulle parole
  • fâ zûcs di peraulisCopie
    [CO] (fevelâ cun alusions e zûcs di peraulis)
    non giocare con le parole, dimmi chiaramente quello che pensi = no stâ a fâmi zûcs di peraulis, disimi a clâr ce che tu pensis
    • giocare d'astuzia
  • zuiâ di finCopie
    [CO], [TS] (compuartâsi cun abilitât)
    bisogna stare attenti e giocare d'astuzia = bisugne stâ atents e zuiâ di fin
    • giocare d'azzardo
  • zuiâ di azart, zuiâ a bêçs, zuiâCopie
    [CO] (fâ zûcs di azart)
    andare al casinò a giocare d'azzardo = lâ al casinò a zuiâ di azart
  • zuiâCopie
    [CO] (riscjâ)
    non giocare d'azzardo con la tua credibilità = no stâ a zuiâ cu la tô credibilitât
    • giocare di mano
  • savê slungjâ lis mansCopie
    [CO] (robâ cun abilitât e sveltece)
    sapeva giocare di mano che nemmeno ti accorgevi = al saveve slungjâ lis mans che nancje no tu ti visavis
  • da jù, doprâ lis mans, petâCopie
    [TS] (jessi violent)
    quel bambino gioca di mano, bisogna tenerlo a bada = chel frut al pete, bisugne tignîlu a ments
    • giocare di schiena
  • dâ di spaleCopie
    [CO], [TS] (di cjaval, dâ di spale)
    attento, quel cavallo gioca di schiena = atent, che chel cjaval al da di spale
    • giocare di sponda
  • zuiâ di spuindeCopie
    [CO] (tal biliart, fâ un tîr di sbalç su la spuinde)
  • zuiâ di sotmanCopie
    (rivâ a di un obietîf in mût indiret)
    giocando sempre di sponda se l'è cavata = zuiant simpri di sotman al è rivât a gjavâse
    • giocare in borsa
  • zuiâ in borseCopie
    [CO] (speculâ sul cuistâ e vendi titui in borse)
    guadagnare giocando in borsa = vuadagnâ zuiant in borse
    • giocare l'ultima carta
  • zuiâ la ultime cjarteCopie
    [CO] (doprâ la ultime pussibilitât)
    voglio giocare l'ultima carta, poi basta, chiudo l'affare = o ai voie di zuiâ la ultime cjarte, daspò vonde, o sieri l'afâr
    • giocare sul velluto
  • zuiâ sul vilûtCopie
    [CO], [TS] (zuiâ sul sigûr)
    • giocare tutte le proprie carte
  • zuiâlis dutis, zuiâ dutis lis cjartis che si ànCopie
    [CO] (provâ ogni pussibilitât)

monolengâl

bati v.tr., v.intr.
(ba-ti)
Dâ jù, soredut plui voltis, su di alc
esemplis
"batint il martiel sul incuin che al sunave tant che une cjampane pal fûc"
gjavât fûr di "Come tai romançs" di Alan Brusini
"il vieli al batè l'açalin e la lescje si impià"
gjavât fûr di "La aghe da pît la cleve" di Dino Virgili
"i muredôrs a jemplarin di ciment e claps; a baterin il beton par che si infissìs"
gjavât fûr di "La aghe da pît la cleve" di Dino Virgili
bati v.tr.
(ba-ti)
Fâ che alc o une part dal cuarp e dedi un colp, ancje cence volê cuintri di alc
sinonims
petâ dentri, pocâ
esemplis
"stâ atent di no bati il cjâf"
"al veve di vê batude la muse, parcè che in bande dal cerneli al coreve un riul di sanc"
gjavât fûr di "Trê feminis" di Gianni Gregoricchio
bati v.tr.
(ba-ti)
Tocjâ, ancje cence tante fuarce
esemplis
"pre Checo i batè la man su la spadule, in confidence"
gjavât fûr di ""Nocent"" di Maria Forte
bati v.tr.
(ba-ti)
Movi svelte une part dal cuarp
sinonims
sbatacolâ, scjassâ
esemplis
"il colomp, par un moment, al restave incjantât, al bateve lis alis par tornâlis a industriâ"
gjavât fûr di "Cjase di Dalban" di Maria Forte
bati v.intr.
(ba-ti)
Vê un moviment ritmic di contrazion e distension
sinonims
palpitâ, pocâ, pulsâ, scampanotâ
esemplis
"si gjavà une manece par viodi cun doi dêts sul cuel se si sintive il cûr a bati"
gjavât fûr di "Un piçul particolâr" di Fabian Ros
bati v.tr., v.intr.
(ba-ti)
Lâ a finî su alc, soredut cun regolaritât
sinonims
dâ, petâ, colâ
esemplis
"difûr al svinte, a voltis al lampe e al tone e la ploie e bat a bugadis sui veris"
gjavât fûr di "Un pugn di moscjis" di Pieri Somede dai Marcs
bati v.tr.
(ba-ti)
Dâ jù pachis
esemplis
"une volte un stampadôr inrabiât lu veve batût e blestemant i veve dit che chel nol jere lavôr par lui"
gjavât fûr di "Sul agâr" di Pieri Menis
bati v.intr.
(ba-ti)
Jessi impegnât intun combatiment
sinonims
combati, scombati, lotâ
esemplis
"Garibaldi al rivà propit dongje di nô che o batevin, e lis balis a sivilavin e a fasevin pericul pardut"
gjavât fûr di "Cjase di Dalban" di Maria Forte
"i furlans de Julie a àn tignût dûr a sun di patî e murî: ordin di murî sul puest cence molâ e cence vê cun ce e parcè bati"
gjavât fûr di "Cuintristorie dal Friûl dal 1866 fint in dì di vuê" di Francesc Placerean
bati v.tr.
(ba-ti)
Tormentâ
sinonims
lambicâ, tormentâ, travaiâ
esemplis
"il Friûl al jere batût di une altre tremende scjassade, dal taramot dai 15 di Setembar"
gjavât fûr di "Memoriis di politiche linguistiche" di Adrian Cescje
bati v.tr.
(ba-ti)
Vinci intune competizion, intun confront, intun conflit e v.i.
sinonims
avanzâ, passâ, sbaraiâ, superâ, vinci
esemplis
"il 23 di Març [dal 1849] i piemontês a forin batûts a Novara e la vuere e finì, lassant Vignesie bessole"
gjavât fûr di "Zuan Batiste Cavedalis - Une vite esemplâr" di Giovanni Pillinini
"inte partide zuiade nossere la scuadre blancje no à fastidis a bati il Vicenza"
gjavât fûr di "Cope Italie, l’Udin al va indenant e il Pordenon si ferme" di Marc Stolf
bati v.tr.
(ba-ti)
[TS] (sport) Meti la bale in zûc o tornâ a meti la bale in zûc (ancje ass.)
sinonims
servî
esemplis
"intal principi dal secont timp la Juve Stabia e je pericolose cuntune combinazion che e tache dal corner batût di Ricci"
gjavât fûr di "Pordenone – Juve Stabia 2-1" di Marc Stolf
bati v.tr.
(ba-ti)
Intai zûcs di cjartis, butâ jù une cjarte
sinonims
butâ, meti jù
esemplis
"al tornave a cjase cjoc, al pestave Catine, la sô femine, dopo jessi stât dut il dopomisdì a bati lis cjartis ta la ostarie"
gjavât fûr di "La spiarie" di Pieri Somede dai Marcs
bati v.tr.
(ba-ti)
Segnâ un ritmi cun colps
esemplis
"bati il pît sunant la ghitare"
bati v.tr., v.intr.
(ba-ti)
Des cjampanis o di altris struments, sunâ pes oris o par cualchi altre reson
sinonims
sunâ, tocjâ
esemplis
"nol veve ancjemò batût misdì, che e fo une altre volte a Rivis Darcjan"
gjavât fûr di "Trê feminis" di Gianni Gregoricchio
"l'orloi sul mûr al batè lis nûf e mieze"
gjavât fûr di "Prime di sere" di Carlo Sgorlon
bati v.intr.
(ba-ti)
Di sfranzel, mierli e di altris uciei., fâ une sivilade curte, lizere e ripetude
bati v.tr., v.intr.
(ba-ti)
Riferîsi a alc cun insistence (fig.)
sinonims
puartâ, riferîsi, smirâ, tornâ
esemplis
"a son almancul sîs mês che nô e altris o batìn chest cantin"
gjavât fûr di "Cuarde e savon" di Josef Marchet
"onorâ nol vûl dî, come che si à simpri batût e insegnât, ubidî, ma alc di plui"
gjavât fûr di "La eterne lote dai furlans" di Antoni Beline
"i miei gjenitôrs a batin une vore sul pont "colaborâ" e massime sul ordin"
gjavât fûr di "Sul florî" di AAVV
bati v.tr., v.intr.
(ba-ti)
Dâ piçui colps tant che segnâl par che cualchidun al vegni a vierzi o a fevelâ
sinonims
pocâ, tucâ
esemplis
"al rivà su la puarte e al batè, malsigûr"
gjavât fûr di "Rosaris" di Meni Ucel
"che al bati sul banc, che al bati fuart, al viodarà che si svein"
gjavât fûr di "I forescj" di Alan Brusini, Gian Paolo Linda
bati v.tr.
(ba-ti)
Frecuentâ dispès
sinonims
bacigâ, frecuentâ, praticâ, triscâ, ve a ce fâ, vê a man
esemplis
"fra Anselm al jere cognossût in dut il borc par vie che a jerin un grum di agns che al bateve chê strade"
gjavât fûr di "Chei di Muraie" di Pieri Menis
"Vigji cun tancj agns che al bateve la taviele e i paîs dal Comun, fasint ancje il cursôr, al cognosseve i nons di ducj"
gjavât fûr di "Vigji il vuardian" di Lucio Perès
bati v.intr.
(ba-ti)
Prostituîsi su la strade
esemplis
"o podevin cussì creâ jo e barbe Oglala la nestre pornostar personâl, invezit di lâ a cirî chês femenutis che a batevin a Passarian"
gjavât fûr di "Sense" di Checo Tam
bati v.tr., v.intr.
(ba-ti)
Passâ par un puest, soredut par cirî alc
sinonims
cjoli, compassâ, perlustrâ, stazâ, talpinâ, zirâ
esemplis
"sì lafè… jo a bati tal desert e a scombati cul ghibli, cu la sêt, cui pedoi"
gjavât fûr di "Tripoli bel sol d'amore" di Pieri Somede dai Marcs
"ducj i fossâi ju bateve ad a ments, e lis incrosaduris des aghis sfiliadis di bladaçs dai palûts"
gjavât fûr di "Il vivi al è chel rangjâsi" di Maria Forte
bati v.tr., v.intr.
(ba-ti)
[CO] (milit.) Colpî un obietîf cun tancj tîrs di artiliarie
esemplis
"prime dal assalt dai fants, i canons a usavin a bati lis trinceis dai nemiis"
bati v.tr.
(ba-ti)
[TS] (topogr.) Rilevâ la posizion planimetriche e altimetriche cul partî dal pont di stazion
esemplis
"bati lis cuotis"
bati v.tr.
(ba-ti)
Dâ colps par dividi grans, semencis o liùms di parts vegjetâls che si scartin
sinonims
machinâ
esemplis
"si veve di bati il forment, in chei agns il forment si lu puartave cjase, a turni la trebie e leve di une cjase a chê altre"
gjavât fûr di "Jo e Graziella" di Mario Beltramini
"la int intai curtîi e finive in chê volte di bati, e ancjemò pal aiar e svolave la bule"
gjavât fûr di "Il prin sarasin" di Catarine Percude
bati v.tr.
(ba-ti)
Movi fuart un o plui ingredients cul batiûfs o cun cualchi altri imprest par messedâ e formâ sbrume
sinonims
sbati
esemplis
"bati i ûfs cul zucar, fin che no vegnin sbrumôs e blancs"
gjavât fûr di "Tarta de Santiago - Torte di Sant Jacum di Galizie" di Sandri Carrozzo
bati v.tr.
(ba-ti)
Scrivi cuntun imprest a tastiere o a botons
sinonims
scrivi
esemplis
"cuant che al veve batût a machine chescj sfueis pre Antoni al veve a pene 33 agns"
gjavât fûr di "La fabriche dai libris... Riflessions di un predi cjargnel" di Roman Michelot
"sô sûr i veve fat bati un telegram, «ven subit, to pari al stâ tant mâl»"
gjavât fûr di "La cjarande" di Pieri Somede dai Marcs
bati v.tr.
(ba-ti)
Stampâ
esemplis
"un libri di storie dal Friûl, prontât dal diretôr dal sfuei Friuli d'Oggi, Zuan Franc Elar, al jere za stât scrit e batût in tipografie"
gjavât fûr di "Memoriis di politiche linguistiche" di Adrian Cescje
bati v.tr.
(ba-ti)
Lavorâ un metal dant colps
esemplis
"si sente da pît il bearç, daprûf des batadoriis e li al tache a bati falcets"
gjavât fûr di "Lis predicjis dal muini" di Josef Marchet
"un omenut dut neri pal fum al bateve sul incuin un fier di cjaval dut sbolçât"
gjavât fûr di "Grivôr" di Franca Mainardis
bati v.tr.
(ba-ti)
Produsi monede di metal o di cjarte
esemplis
"il stes Conrât al dave a Popon il dirit di bati monede, che al vignive a significâ une vere sovranitât"
gjavât fûr di "Cuintristorie dal Friûl fin sot la Italie" di Josef Marchet
bati v.tr.
(ba-ti)
Bolâ, o par estension ancje dome dâ fûr un document cun valôr uficiâl
esemplis
"no son obleadis a bati la ricevude fiscâl"
gjavât fûr di "Nonos e nonis a nauli" di Riedo Pup
bati v.intr.
(ba-ti)
Vê une corispondence, un risultât just
sinonims
tornâ, corispuindi
esemplis
"tra ce che o vin vendût e i bêçs che a son in casse i numars no batin"
detulis
"a bati e a tornâ a bati, si vierç la puarte"
"a palâ nêf e a spacâ coculis, dut lavôr dibant"
"bisugne bati il fier cuant che al è cjalt"
"bisugne bati par che a vierzin"
"cualchi len al nas par indorâ, cualchidun par bati il mus e cualchidun par fâ coronis"
"cui che nol po bati il mus al bat la siele"
"cul bati il martiel si cjate la magagne"
"i gjats no muerin se no batin il nâs"
"il soreli al bat tal pantan ma no si sporcje"
"la lenghe a bat dulà che il dint al dûl"
"no si po fâ di Crist e bati batecui"
"prin di dî une peraule, bisugne bati la ale tant che il gjal"
"se la invidie e fos la fiere, trops di lôr le batarès"
"se no si po bati il cjaval, si bat la siele"
"trê voris a son dibant: palâ nêf, bati coculis e copâ oms"
torne sù
torne sù