Hai cercato la parola
Hai cercato la parola
gita
Torna indietro
bilingue
gita
-
1
s.f. zîr, spassizade, escursion, gjite
[AU] (zîr a pît, in machine e v.i., fat par ricreâsi o par fâ un esercizi fisic o par visitâ puescj)fare una gita in montagna = fâ une escursion in mont
una gita di piacere = un zîr par straviâsi
monolingue
zîr s.m.
Moviment circolâr o plui o mancul circolâr
sinonimi
zirade, volt
esempi
"la Roie e sclocjave difûr, tun discori cence padin di aghe sbaciade tai ingredeis des ruedis e tal zîr dai mulignei"
da "Cjase di Dalban" di Maria Forte
"mi domandà il canocjâl par lâ daûr il svol di doi falcuçs, a gjavâmi fûr di chel fantasticâ. Al ste minûts intîrs a cjalâ i lôr zîrs a larc"
da "Il dolfin" di Carlo Sgorlon
"e de lis stelis osservant il zîr, / un Pronostic o scrîf in poesie"
da "Pronostic del 1821" di Pieri Çorut
zîr s.m.
Circonference di une part dal cuarp o di un vistît o sim.
esempi
"il parturî e i agns i àn slargjâts i flancs e il zîr de vite"
da "Trê feminis" di Gianni Gregoricchio
zîr s.m.
Visite o ispezion a plui elements, robis, personis, lûcs e v.i.
esempi
"a faserin il zîr des tassis [di modons] ancjemò cjaldis di for, e, a voli, a prossumarin di rivâ al numar"
da "La tiere di Lansing" di Maria Forte
"Nearêt al jere fûr dal zîr dai gjendarmis austriacs e al lave ben par incuintris segrets"
da "Il Risorziment a Martignà" di Elio Varutti
"il plevan [...] al scomençâ a fâ il zîr par benedî lis cjasis"
da "Par une lengate" di Pieri Somede dai Marcs
zîr s.m.
Cjaminade o jessude, plui o mancul lungje, ancje in biciclete, in machine e v.i., spec. par straviâsi
esempi
"intant che lu spietìn o lin a fâ un zîr par Padue"
da "Jo e Graziella" di Mario Beltramini
"a fasevin zîrs [in biciclete] ator di Vendâs, Tuçan, Taraban fin al Incassar; po dilunc il bosc dal Tamarêt"
da "Par stradis lungjis" di Alan Brusini
zîr s.m.
Gare a tapis
esempi
"viodi la tape dal zîr di Italie"
da "Il scandul dal Corpus Domini" di Riedo Pup
zîr s.m.
Dade di timp che si pues stâ intun puest daûr di un turni, daûr dal paiament di un biliet e sim.
esempi
"[te gjostre] si pensave dome a trai e a zirâ plui svelts che si podeve par restâ sù plui di ducj e vinci un altri zîr"
da "Faliscjis" di Cristina Noacco
"al jere alì dongje un grop di frutats che, cence bêçs, a spietavin di fâ a mache cualchi zîr montant di sbrisson cuant che il paron no ju viodeve"
da "La cavalarice" di Pieri Somede dai Marcs
zîr s.m.
Moment li che al tocje alc, al sucêt alc o che si à une pussibilitât o ocasion
esempi
"sta fer un zîr [tal zûc da la ocje]"
da "Il zûc de ocje in lenghe" di Erika Adami
"il probleme de normalizazion dal corpus de lenghe nol pues sei ancjemò frontât sul plan politic. Par chest zîr o vin di contentâsi"
da "Memoriis di politiche linguistiche" di Adrian Cescje
zîr s.m.
Sucession dal timp, cun dadis che a tornin in maniere cicliche o cuntune parabule jenfri doi tiermins
esempi
"Viertis e Sieradis cence storie, dentri dal zîr piçul dal timp, cun chê vite incidine che e gote jù in zornadis compagnis une da la altre"
da "La aghe da pît la cleve" di Dino Virgili
zîr s.m.
Secuence di azions cuntun fin o cuntune relazion une cun chê altre
esempi
"Konko al à scugnût scjampâ parcè che prin o dopo lu varessin cadumât… sâstu, tal zîr di svindics che ti disevi lui al jere deventât masse periculôs"
da "Donald dal Tiliment" di Stiefin Morat
"viodistu, al è dut un zîr: cuant che mi pain me, jo ti pai te"
da "Prime di sere" di Carlo Sgorlon
zîr s.m.
Tai zûcs di cjartis, un ciert numar di mans di zuiâ
esempi
"o soi daûr a vinci money a camionadis, fradi! Tu ten dûr ancjemò une miezore che o finìs il zîr [a poker] e dopo o lin vie"
da "Donald dal Tiliment" di Stiefin Morat
zîr s.m.
Robe di bevi, o ancje di mangjâ o altri, servide intune volte a un grup di personis
esempi
"[al diseve] che lui al veve seit e che i vevi di lâ a ordenâ un altri zîr"
da "Kebar krossè" di Stiefin Morat
zîr s.m.
Grup di personis che a àn in comun etât, interès, ativitâts e v.i.
esempi
"la Miute e la Rosine a fasevin simpri la miôr figure, ancje tal zîr des fantatis di Udin"
da "Cjase di Dalban" di Maria Forte
"puartâ lis tematichis dal autonomisim fûr dal zîr dai autonomiscj e di fâ cressi dut il moviment"
da "Un Friûl difarent: i 90 mhz di Onde Furlane" di Max Mauro
zîr s.m.
Cuantitât di afârs economics, valôr in monede di dutis lis robis che si vendin
esempi
"si calcole che lis scuelis estivis a movin un zîr economic di 50 milions di euros ad an"
da "Irlande: la sierade des scuelis estivis e menace il Gaeltacht" di Carli Pup
"chê strade e je chê che e tire di plui! Li a son i locâi che a van di plui, li al è plui zîr, plui marcjât, plui bêçs"
da "Donald dal Tiliment" di Stiefin Morat
zîr s.m.
[TS] (artes.) Tal lavôr di gucje, il completament di une rie
sinonimi
esempi
"epûr mi pâr di no vê sbaliât, no volarès che mi tocjàs disfâ dut un zîr di fiers"
da "Il prossim" di Pieri Somede dai Marcs
zîr s.m.
[TS] (anat.) Plee de superficie di un orghin o di une struture anatomiche
esempi
"lis areis ativadis pe prime lenghe a jerin lis areis perisilvianis, cjapant dentri il zîr angolâr (Ba 39), i zîrs temporâi superiôr e median (Ba 21 e 22), il zîr frontâl inferiôr (Ba 45) e il pôl temporâl (Ba 38)"
da "Neuroimagjins funzionâls e cerviel bilengâl" di Daniela Perani
zîr s.m.
Articolazion
esempi
"[lu torturavin] cul molâi l'eletric tai zîrs dai braçs e des gjambis"
da "Storie di Min" di Ivano Urli
proverbi
"cu la pazience il pedoli al à fat il zîr dal mont"
Torna in Cima
Torna in Cima