Tu âs cirût la peraule
bilengâl monolengâl
Tu âs cirût la peraule
grave
torne indaûr

bilengâl

grave adi., s.m., av.
  • 1

    adi. pesant Copie

    [TS] fis. (di cuarp che al à pês par vie de fuarce di gravitât)
    tutti i corpi sono corpi gravi sulla Terra = ducj i cuarps a son cuarps pesants su la Tiere
  • 2

    adi. grivi, pesant Copie

    [CO] (di un cuarp che al à un grum di pês)
    un grave sacco = un sac pesant oppure grivi
  • 3

    adi. grivi, pesant, grêf Copie

    [CO] (pesant par vie de strache o di alc altri)
    sentiva le braccia gravi per la stanchezza = al sintive i braçs grêfs di tant strac che al jere
  • 4

    adi. grivi, pesant, grâf Copie

    [FO] (no facil di sopuartâ)
    cose che dici sono gravi = a son griviis lis robis che tu âs ditis
    è una grave perdita = e je une pierdite grave
    la morte è grave da affrontare = la muart e je grivie di frontâ
  • 5

    adi. grivi, pesant, penç Copie

    [FO] (alc di responsabilitât)
    è un impegno grave = al è penç l'assum
    una scelta grave = une sielte grivie
  • 6

    adi. grivi, pesant, penç, grâf Copie

    [FO] (alc di seri)
    è un fatto grave = e je une robe penze oppure pesante
    la cosa è grave = la robe e je grivie
    quanto è grave quello che è successo? = trop isal grivi ce che al è sucedût?
  • 7

    adi. seri, grâf Copie

    [FO] (che al pues vê un efiet negatîf)
    è una decisione grave = e je une decision serie
    una grave distrazione = une distrazion grave
  • 8

    adi. seri, grâf Copie

    [FO] (di malan pericolôs)
    un'infezione grave = une infezion grave

    adi. seri, grâf Copie

    (di malât, in pericul)
  • 9

    adi. grivi, sostignût, solen Copie

    [FO] (sevêr)
    parlava con tono grave = al fevelave cun ande sostignude
  • 10

    adi. lent Copie

    [FO] (jessi lunc tai moviments)
    camminava con passo grave = al cjaminave cuntun pas lent
  • 11a

    adi.

    [TS] mus. (cjale basso)
  • 11b

    av. grave Copie

    [TS] mus. (indicazion di eseguî cuntun moviment une vore lent)
  • 11c

    s.m. grave Copie

    [TS] mus. (moviment daûr di chê indicazion, dispès cu la iniz. maiusc.)
  • 12

    s.m. grâf, cuarp, cuarp grâf, cuarp pesant Copie

    [TS] fis. (cuarp che al sint la fuarce di gravitât)
    i gravi cadono sulla Terra con l'accelerazione di 9,8 m. al secondo = i grâfs oppure i cuarps grâfs oppure i cuarps pesants oppure i cuarps a colin su la Tiere cu la acelerazion di 9,8 m. par secont
  • 13

    s.m. dûr, grivi, pesant, penç, seri Copie

    [FO] (espression neutre che e pant alc di negatîf)
    il grave viene adesso = il penç al ven cumò

monolengâl

pesant adi.
(pe-sant)
Che al pese tant, che al fâs sintî il so pês, che al compuarte un sfuarç par jessi tirât sù o tignût sù
esemplis
"a jentrin Toni e Gjovane, puartant un baûl une vorone pesant e sigjilât"
gjavât fûr di "La foghere" di Luciano Rocco
"siore Luzie e jere curiose [...], e va a dâ une man al marît. Eco, cumò insiemi a vierzin un altri scansel pesant che al vuiche"
gjavât fûr di "Il tesaur di done Cheche" di Pieri Menis
pesant adi.
(pe-sant)
Di cuarp di persone, che al à intor plui cjar e gras di ce che si calcole normâl
sinonims
grues, gras
esemplis
"siore Filumene e jere une femine severe e sberlone: la figure pesante, la muse complene, i braçs a triangul sui flancs"
gjavât fûr di "Par stradis lungjis" di Alan Brusini
pesant adi.
(pe-sant)
Di tiessût o vistiari e sim., che al pare dal frêt
esemplis
"intor al veve un capot pesanton"
gjavât fûr di "Il dolfin" di Carlo Sgorlon
pesant adi.
(pe-sant)
Che si fâs fature a digjerî
sinonims
grivi, penç
esemplis
"«Il verduç» al diseve, «nome dôs tacis e lu ai dut ca» e si bateve il stomi. «Al è un vin pesant»"
gjavât fûr di "Par stradis lungjis" di Alan Brusini
pesant adi.
(pe-sant)
Che al à o che al da une sensazion di pês, di pression, di malstâ costant
sinonims
fis, font
esemplis
"mi sint il cjâf pesant"
gjavât fûr di "Eivissa mon amour" di Fabian Ros
pesant adi.
(pe-sant)
Che nol plâs, che al da fastidi
sinonims
grivi, puçon, trist, penç
esemplis
"un scjafoiaç pesant al cjoleve il flât"
gjavât fûr di "La bissebove" di Pieri Somede dai Marcs
pesant adi.
(pe-sant)
Cjamât di tension (fig.)
esemplis
"lis dificoltâts tai rapuarts internis a vevin creât in radio une clime pesante e la autoritât dal diretôr no jere plui ricognossude"
gjavât fûr di "Un Friûl difarent: i 90 mhz di Onde Furlane" di Max Mauro
"cuant che Jolande e finì di fevelâ, par un moment al fo un zito pesant"
gjavât fûr di "Prime di sere" di Carlo Sgorlon
pesant adi.
(pe-sant)
Di cundizion di polse, profonde, che e fâs che nol sedi facil jessi sveât
sinonims
penç
esemplis
"si jere indurmidît di un sium pesant, plen di fantasimis"
gjavât fûr di "Aiar di cjase" di Franca Mainardis
pesant adi.
(pe-sant)
Di stîl, masse cjariât (fig.)
sinonims
baroc, fuart, penç, cjamât
esemplis
"une decorazion pesante"
"une scriture pesante"
pesant adi.
(pe-sant)
Dât o fat cun fuarce (fig.)
esemplis
"jù pe strade si sintì un pas pesant che si vicinave in buride"
gjavât fûr di "Sul agâr" di Pieri Menis
pesant adi.
(pe-sant)
Che al domande fature, sei fisiche che mentâl (fig.)
sinonims
dûr, sfadiôs, strussiât
esemplis
"mestri Nart, [...] metût sot fin di frut a fâ lavôr pesant, cence vizis ni strapaçs, moderât tal mangjâ e plui tal bevi, al jere vignût sù un om grant e grues e fuart"
gjavât fûr di "Cretevierte" di Roberto Ongaro
"o sai di vê sielte une scuele superiôr tant impegnative par me. E cuntun orari tant pesant"
gjavât fûr di "Sul florî" di AAVV
pesant adi.
(pe-sant)
Dificil di sopuartâ dal pont di viste economic, fisic o psicologjic
esemplis
"la vite, par Lise, e deventà plui bessole e pesante, che al jere plui ce lavorâ che respirâ là dentri"
gjavât fûr di "Cjase di Dalban" di Maria Forte
"un malincûr pesant ur colave in ogni moviment e tes peraulis e te cjaladure"
gjavât fûr di "La aghe da pît la cleve" di Dino Virgili
"un sisteme fiscâl permanent cuntune pression simpri plui pesante"
gjavât fûr di "La invenzion dal stât" di Fabian Ros
pesant adi.
(pe-sant)
Spec. cun valôr negatîf, che al à grande impuartance, une vore grâf (fig.)
sinonims
di pês, fuart, grant, grivi, impuartant, seri
esemplis
"al è di fat impussibil tornâ a vecjis (o gnovis) monedis cence consecuencis pesantis par ducj i citadins"
gjavât fûr di "Euro o no euro: isal chest il probleme?" di Patrizia Tiberi Vipraio
pesant adi.
(pe-sant)
Ofensîf, vilipendiôs (fig.)
sinonims
grivi, ofensîf, vilipendiôs
esemplis
"[Berlusconi] ta chê ocasion al à dopradis peraulis pesantis stant che al à metût in discussion la mê dignitât"
gjavât fûr di "Interviste a Dino Zoff" di Christian Romanin
pesant adi.
(pe-sant)
Pôc rispietôs, volgâr (fig.)
sinonims
volgâr, ordenari, sbocjassât
esemplis
"di cuant che al jere li di jê chel uficiâl todesc, si jere inacuarte che nissun soldât i faseve plui compliments pesants"
gjavât fûr di "Il muc" di Roberto Ongaro
pesant adi.
(pe-sant)
[TS] (econ.) Di unitât monetarie, che e à un valôr multipli o superiôr rispiet a ce che e valeve o rispiet a altris unitâts
esemplis
"lis tassis [...] si scugnive paiâlis cun la valude pesante, cul florin di Viene"
gjavât fûr di "Il Risorziment a Martignà" di Elio Varutti
detulis
"chê che al da il Signôr si le puarte vulintîr, chê che si fâs di bessôi e je plui pesante di puartâ"
"il prin principi al è pesant"
torne sù
torne sù