Tu âs cirût la peraule
bilengâl monolengâl
Tu âs cirût la peraule
in avanti
torne indaûr

bilengâl

in avanti
  • 1

    loc.av. indevant, indenant Copie

    [CO]
    bisogna pensare in avanti = bisugne pensâ indenant

locuzions

    d'ora in avanti
  • [CO] (cjale d'ora in poi)
    • da adesso in avanti
  • [CO], [TS] (cjale d'ora in poi)
    • di qui in avanti
  • di chi indevant, di chi indenantCopie
    [CO] (in sens spaziâl)
    di qui in avanti è tutta palude = di ca indenant al è dut palût
  • di chi indevant, di chi indenantCopie
    [TS] (in sens temporâl)
    di qui in avanti tu fai quello che dico io = di ca indenant tu fasis ce che o dîs jo
    • fuga in avanti
  • scjampâ indenant, scjampâ indevantCopie
    [CO] gjorn. (spec. tal lengaç gjornalistic e politic, tatiche che e previôt di dâsi obietîfs lontans e dispès impussibii di rivâ parcè che no si è in stât di frontâ i problemis imediâts)

monolengâl

indevant av.
(in-de-vant)
De bande che si cjale o che si va, te posizion o te direzion che e je in face de persone che e fevele o de persone o robe che e costituìs il pont di riferiment
sinonims
indenant, devant, denant
esemplis
"al va ancjemò indevant fin che al rive in Carintie"
gjavât fûr di "I stupits" di Andreina Nicoloso Ciceri
"cui voi discocolâts e lis mans viertis indevant a parâsi de viste"
gjavât fûr di "La aghe da pît la cleve" di Dino Virgili
"une superficie cuasi drete e inclinade indevant"
gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador
indevant av., adi.inv.
(in-de-vant)
In posizion di vantaç o plui alte o prime intune classifiche
sinonims
indenant, adalt, devant, denant, sù
esemplis
"l'Udin al à sierât il campionât mancul indevant di ce che si sperave"
indevant adi.inv., av.
(in-de-vant)
Tal timp passât o che al ven prime di un ciert moment,
indevant adi.inv., av.
(in-de-vant)
Tal timp futûr o che al ven dopo di un ciert moment
indevant av.
(in-de-vant)
In complements di lûcs o di timp, par segnâ un tiermin di inizi
sinonims
indenant, inlà
esemplis
"il pitôr, da chel dì indevant, ve a sopuartâ il so stât cun rassegnazion, persuadintsi che la puaretât nol è po il plui grant mâl da la vita"
gjavât fûr di "Il diau sul Studeniz" di Giovanni Luigi Filli
indevant adi.inv., av.
(in-de-vant)
Che al è za tacât e in part passât
sinonims
plen, profont, tart, indenant
esemplis
"l'Autun al jere indevant, penç di fumatis, di umiditât, di zornadis curtis e di gnots cence fin"
gjavât fûr di "A ôr dal flum" di Franca Mainardis
indevant adi.inv., av.
(in-de-vant)
Dongje de conclusion, de realizazion e v.i.
sinonims
a bon pont, indenant
esemplis
"e je indevant la elaborazion dal plan pal svilup"
gjavât fûr di "Si inviin lis UTI: ancjemò dut di viodi ce che al sarà" di Antonella Lanfrit
indevant adi.inv., av.
(in-de-vant)
Che al è o che al fâs alc in anticip
sinonims
indenant, prin, prime
esemplis
"o vin lavorât ben, o sin dôs setemanis indevant rispiet al program"
indevant adi.inv., av.
(in-de-vant)
Che al è a un nivel alt tal disvilup sociâl, economic, tecnologjic e v.i.
sinonims
progredît, disvilupât, indenant, avanzât
esemplis
"cumò il popul nol è tant indaûr che si puedi fâi cambiâ strade midiant di une barbarie rivoluzionarie, ni tant indevant che si lu puedi morestâ metintlu un pôc tal fen come lis gnespulis"
gjavât fûr di "A scuele di autonomie" di Josef Marchet
"situazions une vore indevant te tutele come Catalogne e Gales"
gjavât fûr di "Il destin dal furlan al è leât a la Europe" di Walter Tomada
indevant adi.inv., av.
(in-de-vant)
Orientât aes novitâts, ae inovazion, al progrès, ae modernitât (fig.)
sinonims
gnûf, moderni, progressist, indenant, progredît, avanzât
esemplis
"un pinsîr furlanist, particolâr, sclet e la plui part des voltis une vore indevant"
gjavât fûr di ""Amôr di Patrie": lidrîs vivis" di Dree Venier
indevant adi.inv., av.
(in-de-vant)
Che al à une inteligjence svelte
sinonims
indenant, inteligjent, sveât, svelt
esemplis
"al è un frut indevant pe sô etât"
indevant s.m.
(in-de-vant)
[TS] (sport) Intal rugby, fal che al sta intal tirâ par indevant la bale cu lis mans
torne sù
torne sù