Hai cercato la parola
Hai cercato la parola
indubitabilmente
Torna indietro
bilingue
indubitabilmente
-
1
av. clâr, ciert, in maniere palese, in mût palês, in maniere clare, in mût clâr, dal sigûr, cence altri, in maniere cierte, in mût ciert, in maniere indubitabile, in mût indubitabil, in maniere sigure, in mût sigûr, cence dubi
[CO] (cence che si puedi vê dubis)indubitabilmente è la casa più bella della via = al è fûr di dubi che e je la cjase plui biele de vie
monolingue
clâr adi.
Di timp, cîl, aiar, che al è iluminât dal soreli, o in câs ancje de lune e des stelis, par vie che no son nûi
esempi
"chel soreglut che al jeve di Cuie e po al passe adasin li parsore intun cîl net e clâr tant che un voli di uciel, par butâsi, tal ultin, daûr dal Cjaval tun sflandôr di no crodi"
da "La "Fieste dai Roncs"" di Meni Ucel
"la gnot e jere clare tant che il dì e la lune taronde e gnove e rivocave i siei rais di lûs suntun mâr ingrispât che al slusignave tant che polvar di diamant"
da "Eivissa mon amour" di Fabian Ros
"il soreli, che al jevave daûr di lôr, al faseve simpri plui clâr il dì"
da "La fuiace de Madone" di Catarine Percude
clâr adi.
Che al à, che al da une sensazion di serenitât (fig.)
esempi
"no pandeve dal sigûr i siei agns cun chê muse clare, legre cui ganassins colôr di rose"
da "Anzule" di Pieri Menis
"al à simpri tirât e tasût e cjapadis tant che un mus, fin cuant che pe sô strade al è colât, cu la anime monde e il voli clâr"
da "Il mus di Lise" di Ivano Urli
clâr adi.
Che si rive a percepî ben
sinonimi
esempi
"par ordin che si rimpinave sù pal troi, si sintive la sô vôs alte e clare"
da "La cartuline" di Alan Brusini
clâr adi.
Che ducj a capissin, che si è ducj dacuardi, che al è fûr di dubi
esempi
"e jere clare dute la colpe di Catin"
da "L'aventari pal barcon" di Maria Forte
"al è clâr che sot dal Fassisim, che al è il non plus ultra dal nazionalisim intolerant e centralizant, no pues vignî ametude nissune libertât di lenghe"
da "La libertât di lenghe tant che dirit fondamentâl. Atualitât e complessitât dai contignûts de “Cjarte di Chivasso”" di Marc Stolf
"lis Costituzions de Patrie, che a son il monument dal dirit furlan, a son i segns plui clârs de maturitât politiche e civîl de societât furlane dal timp"
da "Storie dal popul furlan" di Gian Carlo Menis
clâr adi.
Di un messaç, contignût e v.i., che al è facil di capî
esempi
"la mê idee e jere chê di fâ un libri sempliç di lei e plui clâr pussibil"
da "O ai scrit pal gno popul" di Erika Adami
"la nestre vôs si alce clare e fuarte a berlâ cuintri ogni forme di prevaricazion"
da "Cuintristorie dal Nûfcent 2000-2010" di Angelo Floramo
clâr adi.
Di cui o di ce che al mande un messaç, un contignût e v.i., che al comuniche in maniere di fâsi capî
esempi
"i spiete ae Regjon di sei clare su la forme e il detai de tutele"
da "Memoriis di politiche linguistiche" di Adrian Cescje
clâr adi.
Che al è pandût a viert, in maniere precise, sclete, cence platâsi o cence platâ nuie
esempi
"magari cussì no une part dal cuarp docent e mostre a nivel colocuiâl une clare ostilitât, une part indiference o sorevalutazion, e dome une minorance une clare adesion ai sfuarçs che o fasìn par rivalutâ la lenghe furlane"
da "Docents cuintri de lenghe" di Erika Adami
clâr adi.
Che al rive a resonâ in maniere svelte e corete
esempi
"al è masse rabiât, nol rive a vê il cjâf clâr cumò"
clâr s.m.
Colôr che si svicine plui al blanc che al neri
esempi
"si vistive simpri di clâr, dispès di blanc, cun ricams tai pols e tal cuel"
da "A scuele" di Pieri Menis
clâr s.m.
Lûs, in particolâr la lûs dal soreli, vie pal dì
esempi
"e spesseave fin che il clâr i lassave distrigâ voris"
da "La aghe dal Ariul" di Maria Forte
"la aghe e tarlupave di un clâr mulisit di lune"
da "La strade come un destin" di Dino Virgili
"il soreli al lusive sui veris dai barcons, jemplant il stanzon di clâr"
da "Marum" di Pieri Menis
clâr s.m.
Spec. tal pl., lis parts plui claris di un dissen, cuadri e v.i.
esempi
"su chê superficie, russade tra nûi di polvar, si poiaran biel planc armoniis di ponts in moviment, simpri diviers, stratificazions licuidis che si fasin lûs, clâr e scûr, che a cjalin ae nature"
da "Armoniis di ponts in moviments" di Erika Adami
clâr s.m.
Puest libar di ostacui
sinonimi
esempi
"[i uciei] a tentavin di saltâ fûr pai clârs dai çamars, come clapadis a sbighet, e a restavin imberdeâts te rêt"
da "Cjase di Dalban" di Maria Forte
clâr av.
In maniere che ducj a puedin viodi, sintî, capî e v.i.
sinonimi
a clâr, clâr e net, net e sclet, clâr e tont
esempi
"“Il partigjan nol à di spiorâsi a cirî pes cjasis ce mangjâ”, e cjante clâr la sentence"
da "Storie di Min" di Ivano Urli
clâr av.
In maniere precise, vierte, sclete, cence platâ nuie
sinonimi
a clâr, clâr e net, net e sclet, clâr e tont
esempi
"entrivie, ducj doi o sintivin a cressi chel peam, chel sintiment e, disìnlu clâr, siôr Gjino, ancje chel desideri, l'un par l' altri, che po nus strissinà te passion"
da "Cretevierte" di Roberto Ongaro
"e restà sepulide la idee di un Friûl indipendent, che nol varès displasût ai aleâts: lôr no vevin mai dit clâr dulà che al varès vût di jessi il confin da la Italie des nestris bandis"
da "Cuintristorie dal Friûl dal 1866 fint in dì di vuê" di Francesc Placerean
proverbi
"a Madone des cjandelis, se al è nûl o sin fûr, se al è clâr a mieç Invier"
"ai doi di Fevrâr tante nêf che al è clâr"
"clâr a matutin, scûr tal stali; scûr a matutin, clâr tal stali"
"cuant che e je scure la buse di Pinçan, e ven la ploie, co e je clare al ven bon timp"
"cui che si scuse cence jessi interogât al fâs clâr il so pecjât"
"montagnis claris, ploie vicine"
"ni femine ni tele al clâr di cjandele"
"scure la marine: mangje, bêf e sta in cusine; clare la montagne: bêf e va in campagne"
"se a Sant Bartolomiu al jeve il soreli clâr, o vin zulugne prin dai Sants"
Torna in Cima
Torna in Cima