Tu âs cirût la peraule
bilengâl monolengâl
Tu âs cirût la peraule
intensità
torne indaûr

bilengâl

intensità s.f.inv.
  • 1

    s.f.inv. intensitât Copie

    [CO] (il jessi intens)
    l'intensità del suo sguardo faceva paura = la intensitât de sô cjalade e spaurive
    l'intensità dello sforzo fisico = la intensitât dal sfuarç fisic

    s.f.inv. intensitât Copie

    (grât di fuarce, di potence che e à la manifestazion di un fenomen)
    misurare l'intensità della radiazione = misurâ la intensitât de radiazion

    s.f.inv. fuarce, intensitât Copie

    (cun riferiment a un stât di dentri, a un sintiment e sim.)
    l'intensità della sua passione è immutata = la fuarce de sô passion e je simpri compagne
  • 2

    s.f.inv. intensitât Copie

    [TS] fis. (il modul di une grandece vetoriâl cualsisei)
  • 3

    s.f.inv. intensitât Copie

    [TS] stat. (dât numeric che al da la frecuence di un fenomen)
  • 4

    s.f.inv. intensitât Copie

    [TS] econ. (cuantitât di un fatôr produtîf che al ven doprât in proporzion cun altris)
    bassa intensità di capitale = intensitât di capitâl basse
  • 5

    s.f.inv. intensitât Copie

    [TS] mus. (grât di fuarce di un sun, determinât des vibrazions e de energjie che lu produsin)

locuzions

    intensità acustica
  • [TS] fis. (cjale intensità sonora)
    • intensità articolatoria
  • intensitât articolatorieCopie
    [CO], [TS] ling. (energjie che si met te articolazion dai suns che e dipent de tension dai muscui dal aparât di fonazion e de pression dal aiar dentri di chel aparât)
    • intensità d'onda
  • intensitât de ondeCopie
    [CO], [TS] fis. (rapuart tra la energjie che te unitât di timp e travierse une element di une superficie ortogonâl a pet de direzion di propagazion de onde tal pont considerât e la aree dal element considerât)
    • intensità del campo
  • intensitât dal cjampCopie
    [TS] eletr. (intun cjamp eletric, magnetic, gravitazionâl e v.i., modul dal vetôr di cjamp)
    • intensità di corrente
  • intensitât di corintCopie
    [CO], [TS] fis. (intun condutôr, grandece che e corispuint ae cuantitât di cjarie che e travierse une sezion dal condutôr te unitât di timp)
    • intensità di illuminazione
  • [CO], [TS] fis. (cjale illuminamento)
    • intensità di magnetizzazione
  • intensitât di magnetizazionCopie
    [TS] fis. (moment magnetic de unitât di volum dal cuarp)
    • intensità luminosa
  • intensitât luminoseCopie
    [CO], [TS] fis. (flus luminôs di une font puntiforme intune cierte direzion tal angul solit unitari)
    • intensità sonora
  • intensitât sonoreCopie
    [TS] fis. (energjie di une onde sonore che e travierse un element di superficie unitari ortogonâl a pet de direzion di propagazion)

monolengâl

fuarce s.f.
(fuar-ce)
Energjie fisiche, robustece, vivôr dal cuarp
sinonims
energjie, gaiardece, gnerf, potence, robustece, virtût, vite, vivôr, snait, empit
esemplis
"[Nardon] al pareve un zigant, al veve une fuarçate che di bessôl al cjapave sù un cuintâl di forment, sal butave su lis spalis e lu puartave sul solâr cence scomponisi"
gjavât fûr di "Nardon e Vigjute di Nani" di Pieri Somede dai Marcs
"denant dal spolert in bore, une viele grasse cui braçs taronts e messedave cun fuarce une biele polente zale"
gjavât fûr di "Grivôr" di Franca Mainardis
fuarce s.f.
(fuar-ce)
Capacitât di resistence morâl, energjie spirituâl, spirt
sinonims
decision, determinazion, gnerf, indurance, robustece, saldece, sgrimie, snait, spirt, tignince, ustinazion
esemplis
"un colp di fede al è come une scoreade che e fâs tornâ a movi fuarcis incjantonadis ta la anime e il mâl al à cûr di sfantâsi"
gjavât fûr di "Il Bide di Miot" di Maria Forte
"la sô peraule e rivave simpri a tornâ spirt e fuarce a ducj, ancje tal piês cruziâsi"
gjavât fûr di "Cjase di Dalban" di Maria Forte
"bisugne vê la fuarce di cjalâ dut cence parevoi e di pesâ dut cence baronade"
gjavât fûr di "Lis predicjis dal muini" di Josef Marchet
fuarce s.f.
(fuar-ce)
Convinzion, decision
sinonims
snait, empit, viamence
esemplis
"- Jo no soi in dovê di nuie! - al disè cun fuarce. - E mancul che mancul viers di te!"
gjavât fûr di "Trê feminis" di Gianni Gregoricchio
fuarce s.f.
(fuar-ce)
Ben, cualitât, disposizion e v.i. che e permet di fâ alc, di rivâ a un risultât e v.i.
esemplis
"il lavôr è la nestre fuarce, l'ordin è la nestre grandece"
gjavât fûr di "Resurezion a Pontinie" di Pieri Somede dai Marcs
"massime i doi Torians, Raimont e Paian, a doprarin lis fuarcis e lis risorsis dal Friûl par judâ i interès de lôr famee in Lombardie, tes sôs vueris cuintri i Visconts"
gjavât fûr di "Cuintristorie dal Friûl fin sot la Italie" di Josef Marchet
fuarce s.f.
(fuar-ce)
Energjie des facoltâts inteletivis o emotivis
esemplis
"«Chest ca» al diseve il cont alçant la tace, «al da fuarce al inzen e alis ae fantasie»"
gjavât fûr di "Par stradis lungjis" di Alan Brusini
"la chelare cui voi plens di turchin e la sede bionde de piel e sgurletave dibant intor di lui. Che al jere di vê judizi e fuarce di amôr lontan"
gjavât fûr di "Varc di confin" di Maria Forte
fuarce s.f.
(fuar-ce)
Potence, intensitât di un element naturâl o di un fenomen fisic e sim.
sinonims
empit, energjie, gaiardece, gnerf, potence, sburt, viamence, violence, vivôr
esemplis
"tal indoman il cîl al jere net come un veri, e la aghe tes stradis e veve scomençât daurman a calâ di nivel e plui di dut no veve aromai la fuarce e la velocitât di prin"
gjavât fûr di "Ombris tal infinît" di Carlo Sgorlon
"e scomence a gotâ la ploie. O alci il cjâf, par misurâ la fuarce dal timp"
gjavât fûr di "Viaç a Vignesie" di Arturo Feruglio
fuarce s.f.
(fuar-ce)
Element che al pues puartâ un risultât su personis, robis, sul ambient e v.i.
esemplis
"in nissun sît come culì la autoritât centrâl e somee une fuarce contrarie ae libertât, une ofese cuintri la logjiche, une assurditât creade par dispiet o par tristerie"
gjavât fûr di "La man e la arme" di Josef Marchet
"la citât ti somee imbombide di straniis presincis. Come se i oms a sedin menaçâts di fuarcis che no si cognossin"
gjavât fûr di "Leviathano!" di Checo Tam
"l'om, cul progrès sientific, cul domini des fuarcis de nature che al va cjapant simpri plui, i somee che aromai preâ nol zovi plui"
gjavât fûr di "Il popul furlan al à ancjemò nostalgjie des robis bielis e santis" di Francesc Placerean
fuarce s.f.
(fuar-ce)
Energjie fisiche, at o ategjament violent cuintri di cdn. o di alc
sinonims
prepotence, violence
esemplis
"siore Anute, zigant come une gjaie, e veve cjapât la fie par un braç e le veve sdrangolade cun fuarce par obleâle a gjavâ l'anelut"
gjavât fûr di "Cjase di Dalban" di Maria Forte
fuarce s.f.
(fuar-ce)
Tal pl., grup di oms armâts
esemplis
"o sin a Leipzig, dulà che lis fuarcis de Coalizion a àn drazât l'esercit di Napoleon"
gjavât fûr di "La maree nere" di Checo Tam
"cuatri bataions di fantarie formâts, in part, di Furlans, di Lombarts e di Venits e une sezion di artiliarie cun sîs canons: chestis fuarcis a jerin dividudis tra Udin, Osôf e Palme"
gjavât fûr di "Cuintristorie dal Friûl fin sot la Italie" di Josef Marchet
fuarce s.f.
(fuar-ce)
Spec. tal pl., grup di personis che a àn in comun ativitâts, programs politics, rivendicazions, obietîfs di domine e sim.
esemplis
"il sindic al met in vore proceduris idoniis di consultazion cu lis fuarcis economichis e sociâls interessadis"
gjavât fûr di "Statût dal Comun di Udin" di Aministrazion Publiche
fuarce s.f.
(fuar-ce)
[TS] (fis.) Grandece vetoriâl, definide dal secont principi de dinamiche di Newton
esemplis
"la curvadure dal spazitimp e à di corispuindi a lis fuarcis gravitazionâls (di maree) che o cognossin, che a son gjeneradis de presince di masse (viôt la leç di Newton)"
gjavât fûr di "Teologjie algjebriche" di Sergio Cecotti
fuarce s.f.
(fuar-ce)
[TS] (chim.) Capacitât di reagjî di acits e di basis, determinade dal lôr grât di dissociazion in soluzion
fuarce s.f.
(fuar-ce)
[TS] (marcj.) Facoltât de farine di tignî plui o mancul aghe inte panificazion
detulis
"a jessi sincîrs, si à fuarce"
"bisugne spindi seont lis fuarcis"
"cuant che a fevele la fuarce, a tâs la reson"
"cuant che e rive la fuarce, la justizie si slontane"
"cui che al à plui fuarce al à plui reson"
"cuintri la fuarce no vâl reson"
"il vin i da fuarce a la lenghe e ur e cjol a lis gjambis"
"la suste simpri tirade e piert la fuarce"
"la union e fâs la fuarce"
"par grande che e sedi la çocje a fuarce di fâ setiç si consume"
torne sù
torne sù