Hai cercato la parola
bilingue monolingue
Hai cercato la parola
invadere
Torna indietro

bilingue

invadere
  • 1

    v.tr. jentrâ, cjapâ, invadi, vignî dentri Copia

    [FO] (jentrâ cu la fuarce intun teritori par ocupâlu, o ancje par fiscâlu e sim.)
    i barbari avevano invaso il territorio = i barbars a vevin cjapât il teritori
  • 2a

    v.tr. invadi Copia

    [FO] (jentrâ intun sît intune forme no regolâr e no abituâl)
    i dimostranti hanno invaso il palazzo della provincia = i dimostrants a àn invadût il palaç de provincie
    i tifosi hanno invaso il campo = i tifôs a àn invadût il cjamp
  • 2b

    v.tr. jemplâ, invadi Copia

    [FO] (jentrâ intun sît in tancj)
    i ragazzi hanno invaso il cortile = i fruts a àn invadût il curtîl
    i visitatori hanno invaso la mostra = i visitadôrs a àn invadude oppure jemplade la mostre

    v.tr. invadi Copia

    gli amici mi hanno invaso la casa = i amîs mi àn invadude la cjase
  • 3a

    v.tr. slargjâsi, jemplâ, invadi, spandisi, cjapâ possès Copia

    [FO] (di bestiis, plantis e sim., cjapâ pît fasint dam)
    i topi hanno invaso il solaio = lis surîs a àn jemplât il cjast oppure il cjast al è plen di surîs
    le erbacce invadono il giardino = la grame si slargje pal oppure e jemple il zardin
  • 3b

    v.tr. slargjâsi, cjapâ, invadi, spandisi Copia

    [FO] (difondisi tun sît)
    il morbo ha invaso il paese = la malatie si à spandude pal paîs

    v.tr. inagâ, inondâ, spandisi Copia

    (slargjâsi, dit de aghe)
    l'acqua ha invaso anche la strada = la aghe e à inondât ancje la strade
  • 4

    v.tr. slargjâsi, inondâ, invadi, spandisi Copia

    [FO] (di prodot mercantîl)
    i prodotti giapponesi stanno invadendo il mercato = i prodots gjaponês a son daûr a inondâ il marcjât
  • 5

    v.tr. cjapâ, travanâ Copia

    [FO] (di passion, sintiment e sim., cjapâ)
    la paura lo invade completamente = la pôre lu cjape di insom fin da pît
  • 6

    v.tr. invadi Copia

    [FO] (jentrâ in cuistions che a son di competence di altris)
    invadere il campo d'azione del collega = invadi la sfere di azion dal coleghe oppure puartâi vie la vore al coleghe

monolingue

jemplâ v.tr.
(jem-plâ)
Fâ vignî plen,
sinonimi
colmenâ, folcjâ, imbunî, implenâ, incolmâ, colmâ, infolcjâ
esempi
"mi jemple la tace cul vin blanc strucjât da un butilion"
da "I forescj" di Alan Brusini, Gian Paolo Linda
"[i soldâts di Atile] a jemplin i elms di tiere ta chel sît che cumò al sarès il Zardin Grant di Udin e a van a strucjâle sore dal piçul cuel"
da "Il cjistiel di Udin" di Josef Cjargnel
Vedi anche: empî, emplâ
jemplâ v.tr.
(jem-plâ)
Stâ just, o ancje un pôc strent, tun vistît
esempi
"e jemplave cu la sô biele aste e la sô frescje zoventût i vistîts di regadin"
da "Cjase di Dalban" di Maria Forte
jemplâ v.tr.
(jem-plâ)
Di tante int, ocupâ dut un spazi, un lûc e v.i.
sinonimi
colmenâ, folcjâ, implenâ, stropâ
esempi
"une sdrume di no crodi e jemplave place Sant Marc cui travistiments plui curiôs"
da "Ombris tal infinît" di Carlo Sgorlon
jemplâ v.tr.
(jem-plâ)
Sparniçâsi intun lûc, spandisi intal aiar
sinonimi
implenâ, invadi, stonfâ
esempi
"[par vie di un incendi] un scjafoiaç di fum al jemple il cjast"
da "No je plui vive" di Dolfo Zorzut
jemplâ v.tr.
(jem-plâ)
Spec. ass., saceâ
sinonimi
replî, saceâ, sacomâ
esempi
"buine la torte, ma penze, e jemple daurman"
jemplâ v.tr.
(jem-plâ)
Fâ mangjâ, spec. in grande cuantitât
sinonimi
ingosâ, sbultricâ, sglonfâ
esempi
"scrassons di umanitât che jê e jemplave di mignestre, polente e un tai di scjaveç. E lôr simpri contentons"
da "Cjase di Dalban" di Maria Forte
jemplâ v.tr.
(jem-plâ)
Meti intun formulari lis informazions che a coventin
sinonimi
compilâ, completâ
esempi
"se tu sês interessât [al cors], jemple il modul di preiscrizion e tu vignarâs clamât a pene che al tache"
da "Il sfuei di Tavagnà" di AAVV
jemplâ v.tr.
(jem-plâ)
Dî, fâ, dâ, mandâ tantis robis bielis, sedi materiâls che imateriâls (fig.)
sinonimi
cuvierzi, imbunî, passi
esempi
"jemplâ di bussadis"
"mi à emplât di favôrs "
da "Pronostic del 1827" di Pieri Çorut
jemplâ v.tr.
(jem-plâ)
Dâ sensazions fuartis, che a pain (fig.)
sinonimi
incolmâ
esempi
"dutis chestis cjossis che sucedevin intor di lui, lu jemplavin di ligrie"
da "La Madalene" di Zuan Lurinçon
jemplâ v.tr.
(jem-plâ)
Fâ che cdn., o un coletîf, o un marcjât o sim a sedin plens di alc di materiâl, tant che prodots, o imateriâl, tant che ideis, par vie de sô difusion (fig.)
sinonimi
ingosâ, sbultricâ, sglonfâ
esempi
"scancelâ de scuele la storie dal Friûl, jemplâ la int di iredentisim, di Sacri Confini della Patria, ancje se chei confins e jerin te tiere di altris popui"
da "Ce che si à fat tai ultins 5 agns e ce che si propon pai 5 a vignî" di Diego Navarria
jemplâ v.tr.
(jem-plâ)
Dominâ cu la proprie presince, cu la proprie personalitât (fig.)
esempi
"e someave a cjase sô, Mafalde, che e jemplave cu la sô bardele e cu la sô figure dute la cusine"
da "Trê feminis" di Gianni Gregoricchio
jemplâ v.tr.
(jem-plâ)
Meti incinte (fig.)
esempi
"le à emplade e po le à plantade"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"viodintle cu la frute, di sigûr cualchidun al varà dite, fasint ridi ducj: «Pieri a ‘nd à jemplade une altre»"
da "Delit in vie del Lavoro" di Igor Londero
proverbi
"cu lis bielis peraulis no si jemple la panze"
"cu lis cjacaris no si jemple i budiei"
"cu lis cjacaris no si jemple la panze"
"cui che al sofle te cinise si jemple i voi"
"Diu nus vuardi di un bon Zenâr par podê jemplâ il granâr"
"il biel e il bon a jemplin la bocje"
"il mês di Jugn si jemple il pugn"
"metimi râr se tu vûs che ti jempli il granâr"
"nol è mai un brâf miedi fin che nol jemple il cimitieri"
"o di paie o di fen bisugne che si jempli il magazen"
"o di stranc o di fen baste che si jempli il magazen"
"pôc e spes al jemple la borse"
"sorc râr al jemple il granâr"
"sorc râr al jemple il granâr, sorc fis al impuarìs"
"sut di Zenâr al jemple il granâr"
Torna in Cima
Torna in Cima