Tu âs cirût la peraule
bilengâl monolengâl
Tu âs cirût la peraule
lamia
torne indaûr

bilengâl

lamia s.f.
  • 1

    s.f. lamia Copie

    [RE] (tes costruzions rustichis de Pulie e in altris regjons di Italie meridionâl, cuviert a volte sbassât une vore, dulà che ven lassade scuvierte grande part de forme struturâl)

    s.f. volt Copie

    (volte di une grote naturâl)

monolengâl

volt s.m.
[FO] (arch.) Struture architetoniche che e à forme di segment pleât parsore di un spazi vueit, che si poie su doi ponts, scjariant su chescj il so pês e il pês de costruzion parsore
sinonims
volte, arc
esemplis
"sul volt de puarte difûr al è un non a mieç, sgriât tal tof"
gjavât fûr di "La Gnot dai Sants" di Dino Virgili
"sui volts dai portons i fruts a picjin ghirlandis e festons di rosis a macetuts"
gjavât fûr di "Corpus Domini" di Pieri Somede dai Marcs
volt s.m.
Trat di strade, troi, ferade e v.i. che al zire
sinonims
svolt, voltade, volte
esemplis
"tun volt a comedon tra Rivis e Riçûl, a vevin capotât"
gjavât fûr di "Par stradis lungjis" di Alan Brusini
"il cjaval al cjapave just il volt de strade sot il cuel dal Fum, al saveve aromai dutis lis stretis dai borcs"
gjavât fûr di "Cjase di Dalban" di Maria Forte
"no je beorcje, volt o crosere che no vedi impirade ben in viste une biele tabele cu la ponte voltade a tramontan e cu la scrite «Austria»"
gjavât fûr di "No impaçâsi" di Riedo Pup
volt s.m.
Cualsisei trat che al zire di un cualchi element lunc
sinonims
svolt, voltade, zîr, volte
esemplis
"une aghe frescje che e sgliciave vie jenfri i agaçs e lis cisis di olnârs, fasint mil volts e sgoifs tal so scjavaçâ la campagne"
gjavât fûr di "Il muc" di Roberto Ongaro
"un sivîl lontan di un tren tal bosc, dulà che la valute de Innerste e faseve un volt"
gjavât fûr di "Un cidinôr todesc" di Agnul di Spere
volt s.m.
Moviment che al va daûr di une linie curve o caraterizât di une rotazion
sinonims
voltade, zîr
esemplis
"e cjapà jê in man la mace de polente par dâi la ultime pocade e butâle jù, che la madone no veve plui la fuarce dì fâ il volt che al coventave"
gjavât fûr di "La tiere di Lansing" di Maria Forte
"al era come na roda, cuant che a da i ultins volts"
gjavât fûr di "Il stagnin" di Novella Cantarutti
"e cor a dâ un volt a la clâf de puarte"
gjavât fûr di "Lassait che mi sbrochi!" di Pieri Somede dai Marcs
"la procession e faseve il volt dal paîs"
gjavât fûr di "Chei di Muraie" di Pieri Menis
volt s.m.
Il cambiâ, il mudâ, soredut di plante fûr, cuntune evoluzion che e puarte a une situazion une vore diferente o contrarie (fig.)
sinonims
voltade, zîr
esemplis
"la sô voie di fâ dâ un volt ae vite che fin in chê dì i veve dât nome marum"
gjavât fûr di "Cretevierte" di Roberto Ongaro
detulis
"passât il volt di Clement, nissun no ti à iniment"
torne sù
torne sù