Hai cercato la parola
bilingue monolingue
Hai cercato la parola
lanciare
Torna indietro

bilingue

lanciare ,
  • 1

    v.tr. butâ, tirâ, trai Copia

    [FO] (butâ lontan, cun fuarce, cu lis mans o cuntun imprest)
    lanciare la palla = tirâ il balon
    lanciare un freccia = butâ oppure tirâ oppure trai une frece

    v.tr. butâ, tirâ, butâ jù Copia

    (fâ colâ dal alt)
    l'aereo ha lanciato una bomba = l'avion al à butât oppure butât jù une bombe
    Zeus lanciò un fulmine sul campo di battaglia = Zeus al traè oppure al butâ une saete sul cjamp di bataie
  • 2a

    v.tr. molâ, molâ fûr Copia

    [FO] (fâ partî une bestie a dute corse)
    ha lanciato i cani all'inseguimento = al à molât fûr i cjans a cori daûr
    ha lanciato il suo cavallo al galoppo = al à molât il so cjaval a volop
  • 2b

    v.tr. molâ, lançâ Copia

    [FO] (fâ partî une machine cuntune acelerazion iniziâl fuarte cussì che e rivi a mantignî une velocitât sostignude)
    ha lanciato l'auto a 150 km all'ora = al à molât oppure lançât la machine a 150 Km la ore
  • 3

    v.tr. petâ, molâ fûr, dâ fûr Copia

    [FO] (dâ fûr un sun in maniere fuarte o acude)
    ha lanciato un grido forte = e à petât oppure molât oppure dât fûr un berli
    ha lanciato un suono acuto = al à dât fûr une ciulade
  • 4

    v.tr. butâ, slançâ, dâ fûr Copia

    [FO] (indreçâ peraulis, discors, cjaladis)
    chi ha lanciato l'accusa? = cui aial butade la acuse?
    con un'occhiata gli ha lanciato un messaggio = cuntune voglade i à dât fûr oppure butât un messaç
    ha lanciato uno sguardo interrogativo = al à butade une cjalade di domande
  • 5a

    v.tr. butâ, butâ fûr, mandâ fûr, meti fûr Copia

    [FO] (fâ savê a altris une idee o une propueste di impuartance particolâr, intun mût che al tiri la atenzion)
    aveva lanciato lei l'idea = e veve metût fûr jê la idee
    lanciare una proposta = mandâ fûr oppure butâ une propueste

    v.tr. lançâ, mandâ fûr, butâ sul marcjât Copia

    (imponi ae atenzion dal public dai consumadôrs cuntune campagne publicitarie un prodot)
    un profumo = mandâ fûr oppure lançâ un profum
  • 5b

    v.tr. lançâ Copia

    [FO] (puartâ cdn. intun ciert ambient o ativitât cun sucès, dantji cûr e favorintlu)
    lo abbiamo lanciato nella carriera diplomatica = lu vin slançât te cariere diplomatiche

    v.tr. lançâ, burî fûr Copia

    (imponi cdn. ae atenzion dal public)
  • 5c

    v.tr. lançâ Copia

    [TS] (parâ indenant un zuiadôr e favorî la sô azion passantji la bale intun pont dal cjamp dulà che al pues rivâi sore cun facilitât)
  • 6

    v.tr. inviâ Copia

    [TS] (mandâ in esecuzion)
    ha lanciato il programma = al à inviât il program

locuzioni

    lanciare un sasso nello stagno
  • butâ un clap ta la agheCopia
    [CO] (fâ nassi di pueste polemichis e discussions)
    ha lanciato un sasso nello stagno e poi ha atteso la reazione = al à butât un clap te aghe e daspò al à spietât la reazion

monolingue

butâ v.tr.
(bu-tâ)
Fâ che alc che si tignive in man al svoli o al coli, dantji fuarce e molantlu
sinonimi
lançâ, tirâ, trai
esempi
"a vevin butât un clap tai scûrs [dal barcon]. Tal clâr debilut dal cricâ dì, o viôt une ombre jù abàs"
da "La Madone de Pâs" di Maria Forte
"cuant che la strie si inacuarç che a jerin passâts, e bute par tiere un veri di aghe e denant dai fantats al comparìs un grant lât, ce che a podevin cjalâ"
da "Blancje come la nêf" di Andreina Nicoloso Ciceri
butâ v.tr.
(bu-tâ)
Movi, meti cun slanç, ma cence fâ svolâ o colâ
sinonimi
meti, lançâ, trai
esempi
"e butave un sial su lis spalis e po dopo, in ponte di pîts, e jesseve sul puiûl"
da "Trê feminis" di Gianni Gregoricchio
butâ v.tr.
(bu-tâ)
Meti un toc di alc a brusâ, par che la flame e cjapi fuarce
sinonimi
meti sù
esempi
"butâ un len sul fogolâr"
da "Il dolfin" di Carlo Sgorlon
butâ v.tr.
(bu-tâ)
Meti alc a cuei inte aghe bulinte
sinonimi
meti
esempi
"tu puedis butâle, la paste, che o rivìn dal moment"
da "SIP" di Laurin Zuan Nardin
"polente: aghe tal cjalderuç (magari di ram), salâ cuant che a bol, si bute la farine dute intun colp; lassâ un moment cence messedâ, po si fâs la crous cul mescul"
da "Cucina della Carnia cence pretesis" di Melie Artico
butâ v.tr.
(bu-tâ)
Sburtâ cdn. cun fuarce
sinonimi
parâ
esempi
"devant che [in fantat] al rivàs adore [di brincâ Eliseo pal cuel], l'om lu veve biel butât a rodolâsi su la jerbe di un cjamp"
da "Prime di sere" di Carlo Sgorlon
butâ v.tr.
(bu-tâ)
No tignî plui, eliminâ alc che nol covente
sinonimi
butâ vie
esempi
"lis compostieris a coventaran massime par butâ ce che al vanze de verdure, des pomis e di altris scarts de mense"
da "Progjet didatic sul ricicli alì de Valussi e de D’Orlandi" di Marc Stolf
"cjartis, cjartis che a Carlin no i disevin nuie; robe di butâ tal ledan o di brusâ"
da "Chei di Muraie" di Pieri Menis
"i soldâts a jerin ducj scjampâts pai cjamps butant il fusîl tai fossâi "
da "La cartuline" di Alan Brusini
butâ v.tr.
(bu-tâ)
No tignî cont, no doprâ pal miôr, straçâ
sinonimi
butâ vie, straçâ
esempi
"butâ une biele ocasion"
"butâ i bêçs dibant"
"no ai timp di butâ"
butâ v.tr.
(bu-tâ)
Mandâ fûr un licuit o un gas
sinonimi
spissulâ, butâ fûr
esempi
" la feride [...] e continuave a butâ sanc come une fontane"
da "Ombris tal infinît" di Carlo Sgorlon
"dâ une voltade e polente che e butave sbufs di fum"
da "La tiere di Lansing" di Maria Forte
butâ v.intr.
(bu-tâ)
Di licuit o gas, vignî fûr
sinonimi
cori, dâ fûr, vignî fûr, saltâ fûr
esempi
"te ferade, là sot - gaiarin chel cjantâ - / la aghe e bute dal clap, clare come un lusôr"
da "Fontanis" di Marco Maiero
butâ v.tr., v.intr.
(bu-tâ)
Fâ colâ intun stamp un materiâl fondût o licuit, par fâ un ogjet
esempi
"tu pensis ancje a ce che al è Ground Zero e ce che culì al è sucedût. Cuant che o butavin lis fondis, dispès o cjatavin ancjemò rescj umans"
da "Interviste a Manlio Collavino" di Christian Romanin
butâ v.tr.
(bu-tâ)
Fâ movi la spuele o la navisele dal telâr
esempi
"mê agne Nene de Vedue dut l'Invier e tiesseve te stanzie frede, butant la navisele ca e là"
da "La scuele dai fornasîrs" di Pieri Menis
butâ v.tr.
(bu-tâ)
Pandi, fâ viodi, sintî une carateristiche tant che une forme, un colôr, un savôr, un odôr e v.i.
sinonimi
mandâ
esempi
"lis rosis a butin i ultins colôrs, a insiorin la cjase di bilisie"
da "I forescj" di Alan Brusini, Gian Paolo Linda
"lis cjampanis imboreçadis a butavin slacs di sun a fâ plui paîs [pe fieste di Sant Pieri]"
da "Cjase di Dalban" di Maria Forte
butâ v.tr.
(bu-tâ)
Movi cun slanç une part dal cuarp
esempi
"Toful al butà il cjâf indaûr e al scolà il crichil tun flât"
da "La aghe da pît la cleve" di Dino Virgili
butâ v.tr.
(bu-tâ)
Voltâ di une cierte bande, intune cierte direzion (fig.)
sinonimi
voltâ
esempi
"al butave une cjalade su la int ator pe glesie"
da "Zuan Jeremie" di Riedo Pup
"cun chel fâ di furbate i butave cjalons, forsit contentone di sei cjalade intun mût che al vûl dî “sta atente che ai cûr di deventâ mat”"
da "La furlane" di Dolfo Zorzut
butâ v.tr., v.intr.
(bu-tâ)
Meti fûr i butui
sinonimi
cecjâ, menâ
esempi
"i vencjârs a butavin i gjatui cui pluminuts di arint"
da "Cjase di Dalban" di Maria Forte
"il cocolâr ni che al bute ni che al mene e al è ancjemò cui ramaçs inrimpinîts"
da "La rosade di sant Zuan" di Catarine Percude
butâ v.tr., v.intr.
(bu-tâ)
Produsi pomis
sinonimi
fâ, reonâ, rindi
esempi
"ogni arbul che nol bute pomis buinis al sarà taiât e butât tal fûc"
da "Vanzeli di Luche" di
butâ v.tr., v.intr.
(bu-tâ)
Produsi, dâ un vuadagn
sinonimi
rindi, reonâ
esempi
"la zornade i veve butât ben sul marcjât di Cividât"
da "La fogolade dal bosc" di Josef Cjargnel
"al jere un bon lavoradôr ma i timps a jerin chei de semule e no de farine e la farie e butave chel pôc"
da "Aiar di cjase" di Franca Mainardis
"us ai cjatât jo un lavôr che al bute di plui e si fâs mancul fature"
da "Prime di sere" di Carlo Sgorlon
butâ v.tr.
(bu-tâ)
Assegnâ, fâ pesâ une responsabilitât
sinonimi
contizâ, dâ, imputâ, sbolognâ, sgnacâ
esempi
"i Strumîrs a provin a butâ dute la colpe intor di Antoni Savorgnan, ma la inchieste puartade indenant dal delegât di Vignesie, Andrea Loredan, no palese responsabilitâts diretis intal riviel"
da "Il Friûl de Joibe Grasse dal 1511" di Carli Pup
butâ v.tr.
(bu-tâ)
Proponi
sinonimi
meti, butâ li, butâ là
esempi
"butade la idee, al restà in spiete che si dismovès il jespâr des cuistions"
da "Il figâr dal plevan" di Pieri Menis
butâ v.tr.
(bu-tâ)
Provâ cence jessi sigûr
sinonimi
olsâ, provâ, provâsi, butâ li, butâ là
esempi
"butâ une rispueste"
butâ v.tr.
(bu-tâ)
Meti un ciert argoment, une cierte cuistion suntun ciert plan, considerâ intune cierte prospetive
sinonimi
butâle, meti, metile
esempi
"la int dal borc [...] e butave dut sul bêç"
da "La tiere di Lansing" di Maria Forte
butâ v.tr.
(bu-tâ)
Meti intun ciert stât, intune cierte cundizion o situazion (fig.)
esempi
"butâ il Friûl intun doman plen di incognitis scuris e tremendis"
da "Cjalâ plui inlà" di Josef Marchet
"se al vignìs culì a rompi la nestre pâs, a butânus di gnûf te miserie… o savarès ben jo ce che varès di fâ"
da "Resurezion a Pontinie" di Pieri Somede dai Marcs
"dut chel che mi butave intune situazion incierte mi incalmave tes venis une sbisie teribile"
da "Il dolfin" di Carlo Sgorlon
butâ v.intr.
(bu-tâ)
Vê une cierte direzion, soredut vierzisi di une cierte bande
sinonimi
dâ
esempi
"sul denant, al jere il puarton di ingrès che al butave su “via del Lavoro”, come che le vevin clamade par talian dopo vêle mudade di troi tra i cjamps di blave in stradon asfaltât"
da "Delit in vie del Lavoro" di Igor Londero
butâ v.intr.
(bu-tâ)
Pleâsi di une bande
sinonimi
butâsi, pleâsi, zirâ, voltâ
esempi
"si pues strolegâ il futûr [...] cjalant di ce bande che al bute il fum [dal pignarûl]"
da "Nadâl" di Sandri Carrozzo
butâ v.intr.
(bu-tâ)
Cjapâ une cierte ande
esempi
"la zornade no butave ni viers di un cafè, ni viers di un tai"
da "La bandiere di Bertrant" di Franco Marchetta
butâ v.intr.
(bu-tâ)
Svicinâsi a une cierte gradazion di colôr, di savôr e v.i.
sinonimi
tirâ, trai
esempi
"pêl muiart che al butave a zâl"
da "I ôcs di Miute" di Maria Forte
"i vins che a butin masse sul dolç a stufin"
butâ v.tr.
(bu-tâ)
[BF] Puartâ, traspuartâ
esempi
"rivât a Pordenon o ai cjolt un nauli e mi soi fat butâ a Davian"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"barba, vignît, vi prei, cun la uestra barcja a butâmi fin a Grau"
da "Il me paîs" di Federigo Comelli
proverbi
"il mat al bute il clap tal poç e il savi al scuen gjavâlu"
"in Avrîl si bute la cjalce pal curtîl"
"Sant Zorç si bute la cjalce fûr pe cort"
Torna in Cima
Torna in Cima