Hai cercato la parola
bilingue monolingue
Hai cercato la parola
lancio
Torna indietro

bilingue

lancio
  • 1

    s.m. butade, tîr, lanç Copia

    [AU] (il butâ un alc o il so risultât)
    il lancio di una pietra = il tîr di oppure il butâ une piere
    quel lancio è stato pericoloso = chê butade e je stade pericolose oppure chel lanç al è stât pericolôs
  • 2

    s.m. slanç Copia

    [AU] (il dâi a di un mieç di traspuart un impuls fuart di inviament)

    s.m. lanç Copia

    (il dâi a di un mieç di traspuart spaziâl l'impuls che i covente par partî)
    il lancio di una navetta = il lanç di une navete
  • 3

    s.m. butâ, butade, lanç Copia

    [CO] (il prudelâ une idee, une propueste e v.i.)
    il lancio di une proposta innovativa = il butâ une gnove propueste

    s.m. promozion, lanç Copia

    (campagne di publicitât par un ciert prodot)
    il lancio di una linea di prodotti biologici = la promozion di une linie di prodots biologjics
  • 4

    s.m. promozion, presentazion, lanç Copia

    [CO] (iniziative fate par prudelâ la jentrade di cdn. intun ciert ambient)

    s.m. promozion, presentazion, lanç Copia

    (iniziative fate par fâ cognossi un personaç dal spetacul)
    il lancio della nuova ballerina = la presentazion de gnove balarine
  • 5

    s.m. butade, lanç Copia

    [TS] (intal balon, passaç a di un zuiadôr che al è scatât)

    s.m. butade, lanç Copia

    (intal baseball e intal cricket, il tirâ la bale cuintri il batidôr aversari)
  • 6

    s.m. butade Copia

    [TS] (trasmission di notiziis fate di une agjenzie)
  • 7

    s.m. lanç Copia

    [TS] (at di tirâ un silûr o di un missil)

locuzioni

    base di lancio
  • base di lançCopia
    [TS] (base pal lanç di vetôrs spaziâi)
    la base di lancio di Cape Canaveral = la base di lanç di Cape Canaveral
    • camera di lancio
  • cjamare di lançCopia
    [TS] (compart cu lis canis di lanç dai silûrs)
    • di lancio
  • di buride, di tire, di slançCopia
    [CO] (cuntun moviment subitani)
    è entrato di lancio = al è jentrât di slanç
  • di buride, di tire, di slançCopia
    (bot e sclop)
    di lancio ha deciso di venire con noi = di tire al à decidût di vignî cun nô
  • di promozionCopia
    [CO] (tant che promozion, che al covente par prudelâ une iniziative, spec. tal cumierç)
    prezzo di lancio = presit di promozion
    • lancio del disco
  • lanç dal discCopia
    [TS] (gare che l'atlete al à di butâ il disc plui lontan pussibil)
    • lancio del giavellotto
  • tîr dal pilotCopia
    [TS] (gare individuâl di tîr plui lontan pussibil di un pilot)
    • lancio del martello
  • slanç dal martiel, martielCopia
    [TS] (gare individuâl là che l'atlete al tire plui lontan che al pues une bale peade a une aste cuntune mantie)
    • lancio del peso
  • tîr dal pês, pêsCopia
    [TS] (gare individuâl che l'atlete al à di butâ un pês plui lontan che al pues une bale di metal fissade cuntun fîl di açâl a une mantie rigjide)
    • offerta di lancio
  • ufierte di promozion, ufierte promozionâlCopia
    [CO] (il presentâ un prodot gnûf par promovilu tal marcjât)
    • pilone di lancio
  • pilon di lançCopia
    [OB], [TS] (sorte di catapulte che si doprave tai prins timps de aviazion par dâ fuarce di partence ai velivui)
    • trampolino di lancio
  • trampulin di lançCopia
    [TS] (tes puarteavions, la ultime part dal puint di svol)
  • sburtadeCopia
    [CO] (pocade, sburt, par judâ cdn. inte sô cariere)

monolingue

butâ v.tr.
(bu-tâ)
Fâ che alc che si tignive in man al svoli o al coli, dantji fuarce e molantlu
sinonimi
lançâ, tirâ, trai
esempi
"a vevin butât un clap tai scûrs [dal barcon]. Tal clâr debilut dal cricâ dì, o viôt une ombre jù abàs"
da "La Madone de Pâs" di Maria Forte
"cuant che la strie si inacuarç che a jerin passâts, e bute par tiere un veri di aghe e denant dai fantats al comparìs un grant lât, ce che a podevin cjalâ"
da "Blancje come la nêf" di Andreina Nicoloso Ciceri
butâ v.tr.
(bu-tâ)
Movi, meti cun slanç, ma cence fâ svolâ o colâ
sinonimi
meti, lançâ, trai
esempi
"e butave un sial su lis spalis e po dopo, in ponte di pîts, e jesseve sul puiûl"
da "Trê feminis" di Gianni Gregoricchio
butâ v.tr.
(bu-tâ)
Meti un toc di alc a brusâ, par che la flame e cjapi fuarce
sinonimi
meti sù
esempi
"butâ un len sul fogolâr"
da "Il dolfin" di Carlo Sgorlon
butâ v.tr.
(bu-tâ)
Meti alc a cuei inte aghe bulinte
sinonimi
meti
esempi
"tu puedis butâle, la paste, che o rivìn dal moment"
da "SIP" di Laurin Zuan Nardin
"polente: aghe tal cjalderuç (magari di ram), salâ cuant che a bol, si bute la farine dute intun colp; lassâ un moment cence messedâ, po si fâs la crous cul mescul"
da "Cucina della Carnia cence pretesis" di Melie Artico
butâ v.tr.
(bu-tâ)
Sburtâ cdn. cun fuarce
sinonimi
parâ
esempi
"devant che [in fantat] al rivàs adore [di brincâ Eliseo pal cuel], l'om lu veve biel butât a rodolâsi su la jerbe di un cjamp"
da "Prime di sere" di Carlo Sgorlon
butâ v.tr.
(bu-tâ)
No tignî plui, eliminâ alc che nol covente
sinonimi
butâ vie
esempi
"lis compostieris a coventaran massime par butâ ce che al vanze de verdure, des pomis e di altris scarts de mense"
da "Progjet didatic sul ricicli alì de Valussi e de D’Orlandi" di Marc Stolf
"cjartis, cjartis che a Carlin no i disevin nuie; robe di butâ tal ledan o di brusâ"
da "Chei di Muraie" di Pieri Menis
"i soldâts a jerin ducj scjampâts pai cjamps butant il fusîl tai fossâi "
da "La cartuline" di Alan Brusini
butâ v.tr.
(bu-tâ)
No tignî cont, no doprâ pal miôr, straçâ
sinonimi
butâ vie, straçâ
esempi
"butâ une biele ocasion"
"butâ i bêçs dibant"
"no ai timp di butâ"
butâ v.tr.
(bu-tâ)
Mandâ fûr un licuit o un gas
sinonimi
spissulâ, butâ fûr
esempi
" la feride [...] e continuave a butâ sanc come une fontane"
da "Ombris tal infinît" di Carlo Sgorlon
"dâ une voltade e polente che e butave sbufs di fum"
da "La tiere di Lansing" di Maria Forte
butâ v.intr.
(bu-tâ)
Di licuit o gas, vignî fûr
sinonimi
cori, dâ fûr, vignî fûr, saltâ fûr
esempi
"te ferade, là sot - gaiarin chel cjantâ - / la aghe e bute dal clap, clare come un lusôr"
da "Fontanis" di Marco Maiero
butâ v.tr., v.intr.
(bu-tâ)
Fâ colâ intun stamp un materiâl fondût o licuit, par fâ un ogjet
esempi
"tu pensis ancje a ce che al è Ground Zero e ce che culì al è sucedût. Cuant che o butavin lis fondis, dispès o cjatavin ancjemò rescj umans"
da "Interviste a Manlio Collavino" di Christian Romanin
butâ v.tr.
(bu-tâ)
Fâ movi la spuele o la navisele dal telâr
esempi
"mê agne Nene de Vedue dut l'Invier e tiesseve te stanzie frede, butant la navisele ca e là"
da "La scuele dai fornasîrs" di Pieri Menis
butâ v.tr.
(bu-tâ)
Pandi, fâ viodi, sintî une carateristiche tant che une forme, un colôr, un savôr, un odôr e v.i.
sinonimi
mandâ
esempi
"lis rosis a butin i ultins colôrs, a insiorin la cjase di bilisie"
da "I forescj" di Alan Brusini, Gian Paolo Linda
"lis cjampanis imboreçadis a butavin slacs di sun a fâ plui paîs [pe fieste di Sant Pieri]"
da "Cjase di Dalban" di Maria Forte
butâ v.tr.
(bu-tâ)
Movi cun slanç une part dal cuarp
esempi
"Toful al butà il cjâf indaûr e al scolà il crichil tun flât"
da "La aghe da pît la cleve" di Dino Virgili
butâ v.tr.
(bu-tâ)
Voltâ di une cierte bande, intune cierte direzion (fig.)
sinonimi
voltâ
esempi
"al butave une cjalade su la int ator pe glesie"
da "Zuan Jeremie" di Riedo Pup
"cun chel fâ di furbate i butave cjalons, forsit contentone di sei cjalade intun mût che al vûl dî “sta atente che ai cûr di deventâ mat”"
da "La furlane" di Dolfo Zorzut
butâ v.tr., v.intr.
(bu-tâ)
Meti fûr i butui
sinonimi
cecjâ, menâ
esempi
"i vencjârs a butavin i gjatui cui pluminuts di arint"
da "Cjase di Dalban" di Maria Forte
"il cocolâr ni che al bute ni che al mene e al è ancjemò cui ramaçs inrimpinîts"
da "La rosade di sant Zuan" di Catarine Percude
butâ v.tr., v.intr.
(bu-tâ)
Produsi pomis
sinonimi
fâ, reonâ, rindi
esempi
"ogni arbul che nol bute pomis buinis al sarà taiât e butât tal fûc"
da "Vanzeli di Luche" di
butâ v.tr., v.intr.
(bu-tâ)
Produsi, dâ un vuadagn
sinonimi
rindi, reonâ
esempi
"la zornade i veve butât ben sul marcjât di Cividât"
da "La fogolade dal bosc" di Josef Cjargnel
"al jere un bon lavoradôr ma i timps a jerin chei de semule e no de farine e la farie e butave chel pôc"
da "Aiar di cjase" di Franca Mainardis
"us ai cjatât jo un lavôr che al bute di plui e si fâs mancul fature"
da "Prime di sere" di Carlo Sgorlon
butâ v.tr.
(bu-tâ)
Assegnâ, fâ pesâ une responsabilitât
sinonimi
contizâ, dâ, imputâ, sbolognâ, sgnacâ
esempi
"i Strumîrs a provin a butâ dute la colpe intor di Antoni Savorgnan, ma la inchieste puartade indenant dal delegât di Vignesie, Andrea Loredan, no palese responsabilitâts diretis intal riviel"
da "Il Friûl de Joibe Grasse dal 1511" di Carli Pup
butâ v.tr.
(bu-tâ)
Proponi
sinonimi
meti, butâ li, butâ là
esempi
"butade la idee, al restà in spiete che si dismovès il jespâr des cuistions"
da "Il figâr dal plevan" di Pieri Menis
butâ v.tr.
(bu-tâ)
Provâ cence jessi sigûr
sinonimi
olsâ, provâ, provâsi, butâ li, butâ là
esempi
"butâ une rispueste"
butâ v.tr.
(bu-tâ)
Meti un ciert argoment, une cierte cuistion suntun ciert plan, considerâ intune cierte prospetive
sinonimi
butâle, meti, metile
esempi
"la int dal borc [...] e butave dut sul bêç"
da "La tiere di Lansing" di Maria Forte
butâ v.tr.
(bu-tâ)
Meti intun ciert stât, intune cierte cundizion o situazion (fig.)
esempi
"butâ il Friûl intun doman plen di incognitis scuris e tremendis"
da "Cjalâ plui inlà" di Josef Marchet
"se al vignìs culì a rompi la nestre pâs, a butânus di gnûf te miserie… o savarès ben jo ce che varès di fâ"
da "Resurezion a Pontinie" di Pieri Somede dai Marcs
"dut chel che mi butave intune situazion incierte mi incalmave tes venis une sbisie teribile"
da "Il dolfin" di Carlo Sgorlon
butâ v.intr.
(bu-tâ)
Vê une cierte direzion, soredut vierzisi di une cierte bande
sinonimi
dâ
esempi
"sul denant, al jere il puarton di ingrès che al butave su “via del Lavoro”, come che le vevin clamade par talian dopo vêle mudade di troi tra i cjamps di blave in stradon asfaltât"
da "Delit in vie del Lavoro" di Igor Londero
butâ v.intr.
(bu-tâ)
Pleâsi di une bande
sinonimi
butâsi, pleâsi, zirâ, voltâ
esempi
"si pues strolegâ il futûr [...] cjalant di ce bande che al bute il fum [dal pignarûl]"
da "Nadâl" di Sandri Carrozzo
butâ v.intr.
(bu-tâ)
Cjapâ une cierte ande
esempi
"la zornade no butave ni viers di un cafè, ni viers di un tai"
da "La bandiere di Bertrant" di Franco Marchetta
butâ v.intr.
(bu-tâ)
Svicinâsi a une cierte gradazion di colôr, di savôr e v.i.
sinonimi
tirâ, trai
esempi
"pêl muiart che al butave a zâl"
da "I ôcs di Miute" di Maria Forte
"i vins che a butin masse sul dolç a stufin"
butâ v.tr.
(bu-tâ)
[BF] Puartâ, traspuartâ
esempi
"rivât a Pordenon o ai cjolt un nauli e mi soi fat butâ a Davian"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"barba, vignît, vi prei, cun la uestra barcja a butâmi fin a Grau"
da "Il me paîs" di Federigo Comelli
proverbi
"il mat al bute il clap tal poç e il savi al scuen gjavâlu"
"in Avrîl si bute la cjalce pal curtîl"
"Sant Zorç si bute la cjalce fûr pe cort"
Torna in Cima
Torna in Cima