Hai cercato la parola
bilingue monolingue
Hai cercato la parola
lato negativo
Torna indietro

bilingue

lato negativo
  • 1

    loc.s.m. ledrôs, bande ledrose, bande negative Copia

    [CO]
    non guardo il lato negativo della cosa = no cjali la bande ledrose oppure il ledrôs des robis
    non prenderla per il lato negativo = no stâ cjapâle par ledrôs

monolingue

ledrôs adi.
(le-drôs)
Che al è de bande contrarie rispiet a chê normâl, chê juste, chê difûr, chê devant e v.i.
esempi
"daûr dal cjar il trop des mascaris. Fantats vistûts di femine cu lis cotulonis lungjis des sûrs o de mari, cu la muse platade tune velete laçade daûr de cope… e oms vêrs in vistîts a sbrendul, un cu la camisole ledrose [...]"
da "Mascaris e... maraveis" di Pieri Menis
Vedi anche: ladrôs, redrôs, radrôs
ledrôs adi.
(le-drôs)
Contrari rispiet a un tiermin di confront
esempi
"a fuarce di cirî a cjatin une radio e alore po o sintìn il discors di Badoglio, dut ledrôs di chel che nô o crodevin: «La guerra continua»"
da "La cartuline" di Alan Brusini
ledrôs adi.
(le-drôs)
Che al è negatîf, che al fâs cuintri
sinonimi
aviers, contrari, negatîf, nemì, ostîl
esempi
"e lui invezit, là dentri, ta chê preson a studiâ, spiât di dì e di gnot ancje tai pinsîrs, cence podê fidâsi di nissun, jenfri un cjap di fruts che i jerin ducj ledrôs"
da "Par stradis lungjis" di Alan Brusini
"damis che a vevin vût un destin ledrôs, e che a jerin finidis magari intune galere o su la forcje"
da "Ombris tal infinît" di Carlo Sgorlon
ledrôs adi., s.m.
(le-drôs)
Che, cui che al è dificil di tratâ, che nol è zentîl ni degnevul
sinonimi
salvadi, ruviers, cjaviestri, ruspiôs, rusgnac, impussibil, scontrôs
esempi
""Dal rest bisugne ancje compatîlu: si capìs che al ere ledrôs , parcè che i à tocjât lâ vie di Udin, e slontanâsi di jê, siore Angjeliche""
da "A ogni cost" di Vittorio Vittorello
""No volevi fâus sledrosâ, Aghite." "Ah, che al mi lassi stâ! E son ducj ledrôs ca dentri, no dome che jo!""
da "L'amôr vieri" di Ercole Carletti
ledrôs adi., s.m.
(le-drôs)
[TS] (artes.) Te gucje, pont contrari al dret
ledrôs s.m.
(le-drôs)
[TS] (sport) Tal tenis, tîr fat partint cu la rachete dongje dal flanc contrari rispiet ae man che le ten
proverbi
"al è miôr vivi tal bosc che no cu la femine ledrose"
Torna in Cima
Torna in Cima